越蘆越南牛肉粉

营业中

休息中

每逢午餐時間已過、而晚餐又預咗要早食嘅話，都傾向嚟個輕食下午茶頂肚。輕食嚟講，呢間越蘆就係其中一個選擇，佢嘅湯河對我嚟講可以話係啱啱好頂肚又唔會太飽。今次食嘅係順化香茅豬扒湯粉配鮮雞湯，豬扒同湯粉係分開上，唔會令到豬扒俾湯浸淋曬，keep到豬扒嘅熱度同香脆口感。豬扒口感非常好，外脆肉嫩，唔鞋唔韌，入口易咬味道好。佢嘅湯粉除左粉外，仲有芽菜、蔥絲、乾蔥同九層塔。精萃係佢嘅湯底，平時我食麵多數唔飲湯，但佢嘅湯係其中一間我會一啖麵一啖湯咁食，而且飲完唔口渴。另外，佢仲有一碟仔嘅辣椒同1/4個青檸跟上，等你可以根據自己喜好調味。飲品方面都算多選擇，今次飲左熱話梅咸桔水，底係柑桔蜜，再加左一個青檸同一粒話梅，酸酸甜甜好醒胃，記得要攪匀先飲。餐廳多卡座位，坐得都算舒適。有一排嘅燈係用越南斗笠做裝飾，但得一排咁多，唔爹唔吊咁。

外賣有分湯，貼心拎到返公司食都好好味05係三拼，牛丸彈牙，牛肉有牛肉味，以前的牛腩就轉左牛展，都好食！午餐時間餐廳好繁忙，到咗先嗌就要等10分鐘左右，最好提前打電話落去嗌定，到左有得攞

食物質素味道不錯，但全店職員服務態度奇差，特別係落單嘅帶眼鏡男侍應及收銀男士！家中長輩只不過問句「唔該請問春卷撈檬有冇得轉湯檬？」「有冇凍奶茶？」帶眼鏡男侍應即答「你睇個menu有冇？有就有，冇就冇！」唔係要求態度要有幾好，但起碼可以有禮貌咁答句「冇」即可，唔使好似鬧翻客人轉頭咁嘅，唔講以為得罪咗佢，收銀男士更連多謝都無句！食物幾好都無用，員工態度如此趕客，永遠不會再幫襯，簡直是比錢買氣受！極度失望，明明早幾年食印象幾好⋯

頭先我在上環越蘆Pho Nhat食午飯，搭枱，對面兩個互相識嘅女仔食飯，其中一個女仔食左2/3碗河粉，仲有1/3，稍停左手，同朋友傾計，點知職員已經埋黎問食完未可否收碗碟。頭先我入座13:11，完全唔洗取票等枱。我唔明啲職員趕乜。剛剛我飲杯野淨返一半又俾人催走，要我搬位！13:36趕我走！出面等枱嘅客少過店內嘅座位！香港人唔幫襯香港食店真係唔係冇原因！我食大快活大家樂都唔會咁俾人趕法！食飯食到一肚氣！貼錢買難受！食大快活大家樂都好過幫襯佢！食唔夠半個鐘已經俾人催趕！13:11入座，13:13落單，13:46埋單。仲有，今日啲飯好削！#係咪吹凍咀嚼吞嚥嘅時間都唔俾？Phở nhất 越蘆

I went there at 545pm and ordered the take away. I ordered from the manager n sit next to the manager counter with my receipt with order number on the table and waited. it was not particularly busy tonight and I wait to 620pm and still no one calling my receipt. So I have to go to the manager n asked about my order, then he brought out my order and said that he didn't noticed me I was there. I have seen that order has been laid there for over 15 mins. I sit next to the manager counter n left my

我應該係第一次食到咁好味嘅泰式牛肉河粉😍食材好新鮮，牛肉係新鮮切割，牛丸亦都係手做，咬落去好Juicy， 牛肉片切得都好大份，牛腩略為有少少靭，整體牛肉都有鮮甜嘅味道。雖然牛肉片切得好大片，但每種牛部位嘅食材只有一片，而我覺得牛丸係最突出❤️午市套餐會包飲品，凍飲同價，都係越南特色飲品，推介香茅鮮橙茶，橙味都比較出，但香茅唔算好濃。最後，埋單要額外加收10%服務費。環境都闊落坐得好舒適，而且唔算有好多人排隊，中午食飯好快就有位。

上環區同朋友做完嘢午飯時間搵嘢食，難度超高，完全要靠朋友帶路去睇吓邊度有機會可以唔使等太耐位就已經好滿足，結果佢帶咗我去食越南嘢，可能時間比較好，所以都唔使等好耐就有位坐，地方同環境都唔錯，附近行過嘅人亦都唔多，當然位置會離開地鐵站稍為遠咗少少，但係仲可以接受嘅。叫咗個餐首先杯話梅鹹桔水份量同味道都唔錯，好醒神。至於主角生牛肉湯粉各方面都幾好，第一樣係好難得啲牛肉都真係半生熟狀態，因為有啲會整到熟晒，有香葉有洋蔥，湯嘅味道亦都幾好，不過個人口味問題，自己都係會加魚露落去啲湯度令到個湯在鮮味啲。

來到呢間店嘅感覺就係正宗越式風味呼之欲出！首先，傳統越南法包真係一啖一個滿足，餡料由肝醬到扎肉，味道層次豐富，嗰陣，胡椒豬肉同配料嘅配合，好似一場味覺嘅交響樂咁，簡直一流！河內烤豬肉伴檬粉清新爽口，酸酸辣辣一啖係一個開胃嘅好選擇。接住嚟講，越南蟹肉春卷真係摑到我心窩裏面去喇，外層炸得酥脆至極，咬落去又响又香，蟹肉與蔬菜嘅混合，令到口感層層遞增。再者，清沅粉包同會安烤豬頸肉食落即刻覺得飽滿得嚟又唔費事。最後，咖喱牛腩煲配法包簡直係招牌，牛腩嘅腍滑贏晒啲平時啲硬梆梆嘅牛肉，個汁香得嚟辣勁夠，好惹味！啱哋啱哋嘅酸甜味青檸紅茶，完美地中和晒個口腔裡面嘅油膩感🍋！嗰下子，食得我心花怒放，食飽飲足！總之，跟朋友哋一齊享受這頓越式午后时光，真係無得輸！🍽👯‍♀️🎉

今天到中上環辦事，午餐於一所越南餐廳午膳，食味和賣相也不錯呀！～越南蛋餅香茅豬扒配米飯越南蛋餅質感錦密，味道討人。已切的香茅豬扒煎炸得恰到好處，金黃外皮內的豬扒肉一點也不會韌。蛋餅豬扒配白飯吃絕對飽肚。不可不提的是附上的酸甜紅、白蘿蔔絲，醒胃解肉膩，是理想伴物。～生牛肉牛腩片牛肉丸湯粉湯河粉滑溜，湯底味道適中。生牛肉仍是嫰紅的，浸入湯內一會兒吃更理想。牛腩不會韌，牛肉丸已切開，可惜份量太少了。～河內傳統蝦卷配加的蝦卷僅一人份量，作為餐前小食算不錯呀！清新爽口，沾上汁醬來吃更味美。～話梅咸桔🍊水咸咸甜甜的味道非常討人，醒胃消滯。～越南老薑🫚蜜老薑味濃，喝起來有點辣。

一心諗著 試下個下午茶 餐廳一共有三個待應 （一個皮膚白 一個廋啲頭髮好短 一個白髮）網上查咗 openrice係到1755 但我1745 到 個廋啲嗰個待應就話冇得叫 跟著都冇咩人又話唔俾我坐卡位 ，哎…..我話我好快走先冇再留難我。頭髮白啲嗰個就俾我落單 話做俾我。我叫咗湯粉 唔小心食咗辣椒 跟住又叫瘦啲個侍應俾杯冰我因為食咗辣椒 跟住佢勁白癡話係咪俾杯辣椒我。之後我問皮膚白啲嗰個 拎杯水俾我 佢俾咗半杯 咁都算啦。不過總括來說 我都不想再去食 主要係啲待應麻麻地 其實啲食物還可以

1️⃣ Nice beef broth for the beef & beef balls pho $762️⃣ Coconut milk with Cendol (+$8)3️⃣ Plum, salted orange water. Lunch set comes with a drink. 4️⃣ Crab spring roll (+$28 from the lunch set). Can tell whether the chef has done a good job when trying out the spring rolls in a Vietnamese restaurant. Obviously the chef did well in here.5️⃣ Vietnamese grilled pork neck fillet (+$38 from the lunch set) was excellent 6️⃣ Pork chop with lemongrass vermicelli $72 was nicely done. The fish sauce 魚露in this restau

入面一個阿叔服務態度超級差，話隨便坐，我跟佢行佢行左去一張4人枱但又冇叫我坐，我得一個人所以選擇左好細既卡位。佢埋黎話我坐果度要搭枱 因為之後會好多人（當時間店只坐滿1/4人）。我禮貌回應ok同埋我好快食完，佢串串貢咁話返我⋯⋯⋯至於食物方面。我叫左個生牛肉牛腩牛丸河粉。碗生牛肉河粉送到黎，牛肉片已經完全熟透，肉身好鞋唔好食，牛腩亦都好薄似牛展多啲，已經分唔到邊塊係「生牛肉」邊塊係「薄切牛腩片」。而牛丸只有一粒切開變2粒而且好細粒。超失望。完全唔值。

整體嚟講，嘢食係正常嘅。上菜速度都算快，我哋叫咗3樣嘢食，10分鐘內都上齊。但服務方面，呢間嘢真係唔掂，樓面嗰幾個侍應都算啦，企喺收銀嗰位男經理嘅服務真係世界級，我知佢忙緊入單，所以我都耐心等佢入完，換嚟嘅係佢啪一聲將啲錢疊落去嗰黑色盤仔，連一聲多謝哂都冇。真心想同呢位經理講，如果你連最基本嘅禮貌都唔識，就唔好做飲食業啦。

講左先，嘢食ok 既！係嗰幾條waiter 同條收銀態度差到爆！核爆！12:10坐底左，一坐底就問我幾點齊人(我兩個朋友黎緊)，我話12:15-12:20啦！我都望一望，啲卡位未爆，普通枱都大把12:15，另一條仔又行黎問，你啲朋友幾點到？12:20，我就幫左個朋友落單先，我落左啦，第一條仔又問返，你啲朋友幾耐到，嗰刻勁燥底，我咪嗌左啦，頂，你想點呀！食完，想坐都唔想，比錢收銀條佬，入緊單，我咪等下囉，佢收左我張單，大力拍一拍塊板永久black list 🤬🤬🤬🤬

今次出咗上環食越南菜，點咗一個生牛肉湯粉，一個香茅豬排撈檬，另外加咗2個小菜，一個越南蟹肉春卷同一個會安烤豬頸肉。生牛肉湯粉 $68生牛肉份量ok，但牛肉有d榎。香茅豬排撈檬 $72豬排都幾大塊，味道唔錯。越南蟹肉春卷 $28春卷有d乾，味道還可以。會安烤豬頸肉 $38豬頸肉好食，配埋醬汁仲惹味。