越風味地道越南料理

营业中

休息中

旺角有唔同餐廳唔同菜式可以選擇，我地亂打亂撞咁幾過呢間越式餐廳。見到老其咁熱情，又見好咁多野食選擇，所以決定入去食醫下肚。 我地叫左珍寶火車頭湯檬(2位用)，黎到好大碰，而且睇落去又幾足料。入面有生牛肉，牛丸，牛展，扎肉，牛腩，白蘿蔔，越南香葉。牛丸夠晒彈牙爽口，檬粉份量好多夠滑身，吸收晒湯汁精華。 牛油果軟殼蟹米紙卷，入面有生菜，米粉做配答，包得好扎實，外層夠糯有咬口，軟殼蟹夠晒香脆脆卜卜好口。米紙夠晒好新鮮 越風味小食拼盤，春卷，蒸粉包，蝦餅，墨魚餅，扎肉。特別係春卷夠出色，外層夠晒脆薄一咬就散開，係即叫即炸。內層足料紅蘿蔔絲同木耳絲，中和味道，唔會食完有油膩感。 凍越式咖啡，夠凍咖啡味濃唔會太甜比較健康。熱柚子蜜，唔會太甜剛剛好。凍凍地有杯野暖下個胃。

個晚7點就要去油麻地上堂，太早食唔得d主食，朋友又有d虛寒，唔食得生冷野又唔想太熱氣… 結果揀左呢間😆😆越風味串燒拼盤（牛肉🐂、豬肉🐖、雞肉🐓各2串）$118：呢個串燒拼盤正！雞肉、豬肉同牛肉各兩串，平均一串$20都唔洗，滿足到我對肉嘅渴望。串燒特別個豬肉內裡好嫩。其他肉都唔柴，佢係配沙嗲醬的，風味一流😍蒜蓉牛油軟殼蟹（2隻）$78：係我最鍾意的軟殼蟹😍，仲要係煎到金黃酥脆嘅蒜蓉牛油heavy系列軟殼蟹🦀軟殼蟹有膏，外脆內軟，蟹肉都都香。加埋香氣四溢嘅蒜蓉牛油醬，真係一絕！兩隻🦀🦀一齊上，2個人食份量都好足夠，好滿足我呢個蟹迷嘅胃口👍🏻馬拉盞炒通菜 $68🥬：馬拉盞炒通菜係我食越式菜中嘅最愛！呢度嘅馬拉盞炒通菜真係做得一流，通菜炒得剛剛好，保持咗佢嘅鮮綠色同脆勁，油香油香的，又夠多蒜🤤🤤 佢加埋馬拉盞仲可以唔辣，啖落又夠開胃自家煲香茅薑茶 $16：呢度嘅自家煲香茅薑茶真係好好！佢用咗新鮮嘅香茅同薑熬煮而成，味道濃郁香濃。甜度較高，令佢唔會入口太辣，好暖身。無論係飯前飲一杯消消食都好啱有個正點係，店員好好客，點野食佢仲會關心我地d野食好唔好食，仲話佢地最好食係d面同豬頸肉😂🤭 下次有機會

都有一段時間冇食過越南嘢，喺附近所以入嚟試下手打墨魚餅撈檬 ($68) - 墨魚餅墨魚份量好足，口感好好，檬粉好開胃，配菜又夠芒果軟殼蟹米紙卷($68) - 包得好實淨，口感豐富，又香又爽脆，感覺好清新慢火煮牛腩法包($62) - 蒜蓉包好香好脆，牛腩有咬口，肉一絲絲，咖哩汁香濃越式蒜蓉包($32) - 咖哩好食到想叫多份蒜蒜包馬拉炒通菜($68) - 炒得啱啱好，上碟好翠綠，味道又香又惹味鮮榨芒果沙冰($38) - 芒果份量十足，味道濃郁，口感綿密椰汁芒果西米露($28) - 椰汁味好香，西米粒粒分明，好似食緊甜品咁餐廳提供嘅選擇好多，味道非常唔錯，份量又足，好抵食餐廳店面同環境都好乾淨，座位闊落，服務都好殷勤，有機會一定會再嚟食

星期五放工可以同朋友食下飯唔使趕，揀個越南菜慢慢食😆叫左幾款小食😁椰青新鮮，果汁鮮甜而且好多水越南酸辣鳯爪配以辣椒、醋和其他調味料烹製而成。它有酸辣的口感，作為開胃菜一流蒜蓉牛油雞翼表面塗抹上蒜蓉牛油醬汁，然後烤至金黃酥脆。蒜香四溢咖喱軟殼蟹煲 軟殼蟹經過炸製，另外咖喱醬汁燉煮在煲中，這道菜結合了蟹肉的鮮美和咖喱的濃郁，味道唔錯。越式牛肉法包 是一種特色越式三明治，以法國麵包，內餡包括薄切牛肉、蔬菜、香草、酸辣醬等。這道菜結合了法國和越南的烹飪風格，口感豐富，香氣四溢。

喺人潮冇咁多嘅旺角砵蘭街有間越南地道料理，價錢平平哋，又唔需要加一，質素都有返咁上下。⭐️鮮茄蟹肉扎肉湯檬$78湯底底底好好飲，飲得出經過不少時間熬製，甚至有龍蝦湯嘅味道！而且材料豐富，有蝦、豆卜、紫菜卷、扎肉同軟殼蟹！⭐️手打蝦餅$68⭐️香茅豬頸肉$68豬頸肉煎得啱啱好，外脆內軟，表層好香!⭐️芒果軟殼蟹米紙卷$68⭐️越式豬扒法包 $56法包唔會太硬，裏面有豐富材料，清新口感⭐️牛油果沙冰$38非常突顯到牛油果的味道, 推介!

去開油麻地，見到越風味地道越南料理呢間餐廳都幾多客，應該好嘢嚟💪🏼聽到店員向街上嘅人介紹佢哋有超過100樣嘢食都覺得好正 😆一於試吓先!香茅豬頸肉沙律真係好新鮮同香口，仲有一啲微辣嘅味道豬肉好嫩滑，同埋搭配埋新鮮嘅蔬菜夠味又開胃🌿❤️蒜蓉牛油軟殼蟹蟹肉鮮甜，加上蒜蓉同牛油嘅獨特組合，味道好香濃蟹殼炸到好脆，每一口都好滋味🦀💥牛肉米紙卷米紙包住嫩滑嘅牛肉同埋脆口嘅蔬菜，再配上一啲醬汁，好清新同埋健康佢哋嘅米紙好薄身，食落唔會覺得好滯🥰馬拉炒通菜菜葉炒得恰到好處，仲保留住蔬菜嘅嫩脆口感❤️❤️咖喱軟殼蟹飯咖喱嘅辣味同蟹肉嘅鮮甜食啲咁重味嘅嘢，真係超正😚好滿足🍛可以成為日常食堂嘅一間餐廳❤️

由中學時代到而家，喺旺角都食過唔少美食，而家諗返起，好似從來都冇喺旺角食過越南嘢🤔，今日行街見到鄰近村爺爺有間《越風味地道越南料理》，仲要全日免加一，就同男朋友一齊幫襯啦🤭店內裝潢以綠色為主，再配襯啲越南風格，6點去到仍然keep住有客幫襯😃，老闆亦好熱心推介餐廳美食，其中更大推牛油果沙冰！小妹同男朋友分別嗌咗兩份主菜、兩份小食及兩杯飲品，嚟越南餐廳當然唔少得要嗌Phở啦🤭小妹見餐牌有好多Phở選擇，經過肉眼掃描後，決定了《特級手切鮮生牛肉湯河》。▪️ 特級手切鮮生牛肉湯河湯頭甜、河粉軟、手切牛肉嫩滑，食極都仲有牛肉👏🏻👏🏻👏🏻▪️ 咖喱軟殼蟹飯原隻軟殼蟹細細地、炸得好香，咖喱又香又濃，無撈晒啲咖喱醬，留番啲沾法包用😍😍▪️ 經典越式法包（扎肉為主）法包香脆，餡料有芫茜、青瓜、扎肉、醃蘿蔔絲，即使隔咗陣先食都依然咁脆！大推！沾啲咖喱醬一齊食更加好食😝▪️ 越風味小食拼盤小食拼盤兩款扎肉都好食😋、墨魚餅有粒粒墨魚㗎、春卷及蒸粉包都多料、相對蝦餅比較普通，不過小食整體都非常好食🤤▪️ 自家煲椰汁珍多冰椰子汁不太甜，珍多冰滑溜溜，平時啲凍餐飲小妹飲唔晒架，呢杯反而啜得晒💕▪️ 鮮榨青檸梳打青檸梳打有青檸

成日話去旺角食嘢嚟嚟去去都係啲大商場或者西洋菜街嗰邊，其實行去油麻地方向，砵蘭街嗰邊中間都有好多選擇。其中呢一間就係食越南嘢，門面仲要寫住唔收加一（雖然個價錢都包埋），可見價錢方面係佢嘅優點。食物方便推介豬頸肉因為夠晒大塊同埋肥瘦均勻，酸辣醬汁更加唔使講，係靈魂！咖喱牛腩份量都好多，但如果俾我揀我會問吓老闆可唔可以轉牛筋？因為牛腩有啲硬，但咖喱汁非常香濃好好味。菜就一般般啦，我想叫菜苗但係冇晒，被迫其他菜。佢最特別係啲飲品凍檸茶凍檸水就算單點都係$9，唔會好似而家舖頭寫到廿零三十蚊，飲兩三杯都冇問題，非常之抵。

之前食過連鎖越南餐廳 一個撈檬加埋一已經過百蚊 呢間唔駛加一 仲要外賣自取8折 6點幾已8成坐滿 一定要試下😍菜式種類繁多 上菜速度好快！湯河撈檬飯類都有好多選擇生熟牛河湯檬 牛肉熟度岩岩好 好多塊嫩滑牛肉同牛腩 軟殼蟹撈檬份量多到女仔食唔灑！大蝦米紙卷d蝦好大隻足料！叫左個素春卷小食 原來會送生菜 包住熱辣辣既春卷好好食！推薦！馬拉炒通菜調味岩岩好 唔會死鹹配埋清甜椰青 成餐飯好滿足😌三百幾蚊兩個人可以喺旺角食到咁抵食既晚餐 真係好滿意 會再encore!

捐窿捐罅搵到間好有heart嘅貼地罕見全日免加一外賣仲有八折嘅正宗越南高質素餐廳😳 🍅 鮮茄蟹肉bank da粉 82大推! 好足好足好足料 蕃茄湯好濃蕃茄湯好濃蕃茄湯好濃！除咗真係有四分一件蟹之外 仲有我至愛嘅蟹膏 其他小見配料有豬肉卷同蝦丸 好堅抽👊 🍛 咖哩豬扒飯 轉蒜蓉包 62+18咖哩好食 唔太辣椰香重。豬扒唔係乾爭爭 瘦掹掹。肉質彈牙爽口 半肥瘦 仲有濃濃香茅味 非常有誠意👍 蒜蓉包一口咬落唔會硬繃繃 牙肉都刮損嗰隻 外脆內軟 恰到好處🤌 蒜蓉牛油雞翼合格。 值得一提自家煲香茅薑茶 足足四片薑 入口微辛 但相當暖胃 啱曬養生人士如我🥰🥰 📍越風味地道越南料理旺角砵蘭街108號地舖

很久沒吃越南菜，這次到旺角逛街試了這家店，款式選擇多，價錢大眾化👍🏻.✨香茅豬扒湯河豬扒肉質軟稔入味，香茅味道很濃郁，湯底比較清淡，鍾意濃湯的話可以加入魚露令味道更鮮甜❤️❤️❤️✨豬頸肉湯檬✨蒜蓉牛油雞翼牛油和蒜蓉味道非常香濃，外皮炸得很香脆✨雞肉串燒✨手打蝦餅蝦餅肉質彈牙有口感，沾上醬汁更好吃.✨自家製椰汁紅豆冰✨牛油果沙冰質感很滑很Creamy，不會太甜，牛油果味道濃郁.📍越風味地道越南料理

星期五梗係嚟旺角搵食, 經過見到呢間越南餐廳聽到店員在門口介紹就不妨試一試。係油麻地站A1出口行幾分鐘就到, 讚! 內部唔算十分大, 不過入去店員安排左比較寬敞既位置👍加分位餐牌寫住全日免加一, 而且驟眼看內容價錢都幾親民, 分別叫咗幾樣小食, 2碗湯粉同飲品我就叫咗碗鮮茄蟹肉湯"Banh Da"粉, 純粹覺得個名幾特別，而且我個人都好鍾意食越式蕃茄蟹肉湯粉, 呢一款係我第一次食, 有好多唔同的配料, 非常足料! 好多都係我第一次見, 好特別, 而且都幾好味, 湯頭亦都唔會過鹹這款麵條店員說是越南特色的麵條要盡快食，否則太耐會好淋, 味道我自己覺得好似河粉的煙韌版老公就叫生牛&熟牛湯河, 一擺低碗湯河就聞到好香嘅牛骨湯味, 份量好多, 以$62 既價錢就食到十分超值!! 而小食分別叫咗蒜蓉牛油雞翼，芒果軟殼蟹米紙卷及香茅豬頸肉👍👍整體性價比好高, 上菜速度又夠快，而且店員服務又好! 下次再嚟旺角唔一定要去大街大巷搵嘢食, 呢間都係一個唔錯嘅選擇

今日黎到旺角試下食越南嘢😋下午黎到都接近滿座都幾多人食而且全日免加一添😮下午茶的話四十幾蚊仲要包埋嘢飲好抵😍越南河粉必試！！！好好味，湯底唔油膩味道又恰到好處香茅豬扒超好食又淋而且剪開埋唔洗成塊咬食都唔會咁狼狽🫣小食拼盤都有5款小食😍蝦餅墨魚餅原來全部都係手工製唔會太鹹又食到鮮味好彈牙！另外嘅炸春捲同包住嘅蒸粉包餡料差唔多但蒸粉包上面有埋豉油同蔥一齊食好好味😋鍾意嘅點埋兩款醬汁更好👍🏻👍🏻青木瓜沙律超大份🫣好爽口，切得又夠幼，而且有少少辣完全可以接受！真係好清爽嘢飲珍多冰濃濃椰汁味，龍眼紅棗杞子茶都好好飲👍🏻十分推薦大家想食越南嘢的話可以黎呢到食！😚環境設計簡單又溫馨

最近喺旺角試咗間叫越風味嘅地道越南料理，食咗好幾樣菜式，感覺真係唔錯。首先，試咗佢哋嘅香茅豬扒牛骨湯檬。豬扒烤得頗脆，香茅嘅味道夠突出，檬粉夠多，食極都有。再講講佢哋嘅雙色扎肉撈檬，扎肉質地扎實，有白色原味同黑少少多黑椒味，味道好夠，搭配酸酸甜甜嘅檬粉，食落去好開胃。佢哋嘅咖喱雞扒飯都唔錯，咖喱味夠濃郁但又唔會過於辣，雞扒煮得偏濃味，同咖哩好夾。而且配搭嘅白飯吸收咗咖喱汁，食落幾好。芒果軟殼蟹米紙卷係另一個亮點，軟殼蟹同芒果結合，一邊鮮甜一邊微咸，令整個口味層次多變。多菜，都係健康嘅選擇。唔少得提嘅係香茅雞翼，外皮微焦香脆，雞肉夠味，同香茅嘅味道好夾。我哋仲試咗佢哋嘅手打蝦餅，外脆內軟，蝦味十足，彈性足料，每一啖都好過癮。最後有椰青做收尾，清新又解渴，夠凍又唔會超凍，飲落好舒服，好甜，推介！

同朋友係旺角行完街，就打算是但去搵啲野食，見到呢間越南餐廳，店員係門口熱情招呼，可能因為價錢好親民餐廳到夜晚9點都仲有多食客。因為我哋好口渴，入到去未點嘢食，先叫咗個椰青。佢椰青大大個好鮮甜，超多汁第一次見椰青啲汁係咁滿。下龍灣墨魚餅，點嘅時候職員話墨魚餅係越南直送，所以份量唔會好多，但我覺得兩個人食剛剛好，而且墨魚超彈牙又好重墨魚香味，好值得試一試。越式生菜包，份量好大份。因為我哋食得辣，所以點左辣，味道唔會好辣但就有種胡椒嘅香味，再加埋洋蔥，食落味道好好。如果唔食得辣，可以點走辣。牛油果軟殼蟹米紙卷，我覺得去食越南菜，米紙卷喺必點。因為同我哋平時食嘅廣東炸春卷真係好唔同。軟殼蟹炸得好脆口。主菜，我地點左生熟牛肉湯河。正宗嘅越南河粉真係掛湯。每一啖都有牛肉湯嘅味道。好入味。熟牛肉就比較重牛肉味，但口感會比生牛肉硬少少。個人就比較推介生牛肉，因為入口有種軟綿綿既口感，但又不失牛肉味。朋友去過越南，都話比得上當地食過嘅生牛肉河粉。點解咁多野食，最後兩個人都只係$300左右，絕對係大件夾抵食。下次一定會再黎食！