輕鬆一下 (已結業)

如果大家逛葵芳廣場，相信都會邊買邊食，今日推介的食肆是輕鬆一下。這間食肆在葵芳廣場已屹立多年，食物種類多樣化，有飯、麵、腸粉、三寶等。。。。。當中必食的有麻辣肉碎麵系列和炸雞肶－麻辣肉碎麵既辣且麻，令人越吃越冒汗；炸雞肶則皮香肉脆，表面灑上少少淮鹽，令其味道層次提升。

葵芳最出名係葵涌廣場最近打造成購物 小食為主既商場商場雖然舊 但人流十分之多 特別係後生仔特別鍾意葵涌廣場 主打平嘅嘢咁即係最適合年輕人嘅消費模式😘其中地下有一間小食店十分之出名佢係幾個大型嘅舖位連埋一齊主打街頭小食 有飯 有車仔麵有 三文治價錢好平民化 嘢食亦都好貼地👍🏻碗仔翅加魚肉係好經典嘅街頭小食我真係畀晒like佢👍🏻👍🏻腸粉就比較失色啦腸粉蒸到好老 皮好鞋唯獨係醬料我可以自己調配同職員講返職員會好留心落返單咁同你落唔同醬料

趕時間睇戲，肚子不算好餓但點都要食啲野…呢度就係好選擇。人來人往，坐低抖一下、輕鬆一下。街頭小食腸粉魚蛋碗仔趐，真係唔係度度有，就算有都唔一定好食。呢度腸粉不錯，可以因應自己肚餓程度而叫幾多條，我地今次叫左四條，唔太餓就啱啱好。兩溝今次有啲咸，魚肉好食。炸物好食，煎釀三寶…$13蚊有3舊，好彩上到碟，舊舊都多魚肉抖，唔算細舊，而我覺得豆腐最好食；炸雲吞皮脆可口，內有魚肉料，不錯。食飽飲杯豆漿就最夾啦~

整體感覺到份量比之前食既少d 落醬多過落料 做咩搞到食醬咁😂魚蛋燒賣都可以保持水準 👍不錯不錯腸粉 粉皮癡着紙多 可能粉漿太多 唔多滑 蘿蔔 咖哩辣味好夠 不過味淡唔多入味 而且份量小唔抵食🤥

輕鬆一下呢間餐廳係葵涌廣場其實已經有好多年歷史，我諗成日行葵涌廣場嘅人都一定知道呢間餐廳喺邊，行街行到攰，想搵張凳坐低，不妨考慮嚟呢度，幫襯廿幾蚊小食，「輕鬆一下」。餐廳佔地嘅面積唔細，主力都係賣地道小食為主，客人來得快走得快，基本上都唔使點等位就有得入座叫嘢食。我今日係為咗Hea時間，所以嚟咗呢度食嘢。由於要Hea嘅時間都頗長，有個幾鐘，所以我就叫左碗米線順便醫下肚。叫咗一碗車仔麵---枝竹冬菇米線+腩汁＄34枝竹份量偏少，有d失望冬菇應該無點調味過，食嘅就係冬菇本身嘅菇味，而冬菇嘅size比想像中大，厚度十足，幾好。米線嘅質地，味道亦都比想像中嘅好，我覺得甚至乎係好過譚仔。佢唔係特別滑，但係真係食到有啲米嘅味道，感覺比較天然; 有d可惜嘅係湯底腩汁味道並唔突出。服務方面，本身唔會期望太高。但係希望姐姐收碗嘅時候都會問一聲我哋食完未，或者個碗仲要唔要架？問都唔問就收走咗個碗，我會覺得唔係咁好至於價錢方面，呢一碗兩餸車仔麵要＄34，我覺得就有d貴，＄30以下會比較合理。

又貴（咁既食物，吾值咁既價錢），又污糟，又冇禮貌！收銀台的女人，不停鬧客，吾明點解重咁多人幫襯，對面的孖X,賣同煩食物，人地勁有禮貌，又乾淨，又平些，以後會轉去幫襯孖X,起碼吾洗受氣!!!

今曰約左朋友在葵涌廣場行街，大家想買些秋季衫褲，大家血併完畢，便去每次去葵涌廣場必到的地方-輕鬆一下，我每次都會吃香港地道的辣魚蛋，魚蛋入味夠辣，魚蛋新鮮及很爽，值得推介。跟着，我們叫左柱侯牛腩菜飯，牛腩菜飯佷多菜，牛腩味道適中 。豬軟骨菜飯都好好味，豬軟骨好淋，D汁好入味。至於環境一般，周圍很嘈，想傾計不是太理想。枱與枱之間的空間很窄，感到壓迫感。至於一囗不流利廣東話的服務員，態度遜息了一點，希望下次會有改善。好味的辣魚蛋豬軟骨菜飯柱侯牛腩菜飯

葵涌廣場地下的輕鬆一下一向都係我去葵涌的必到地方，只因佢的魚肉碗仔翅真係令我回味回味再回味！輕鬆一下其實仲有好多種類的飯面選擇，但我每次黎都係食佢的小食。必點的魚肉碗仔翅，成碗都係料，味道亦恰到好處，我最鍾意係可以自己任落辣菜甫，大大碗，食完無限滿足除左碗仔翅仲叫左腸粉、魚旦、燒賣等，但我略嫌三款食物放埋一齊味道唔夾，下次叫應該將佢地分開

今日表哥來左香港玩，行左一日尖沙咀，天氣熱到傻，夜晚就是但去食碗麵，表哥話，來到香港緊係要食返碗車仔麵啦葵廣地下餐廳林立，全是小店，表哥就係鐘意佢夠香港風味！本身想叫豬紅，點知叫錯左豬皮，不過來到食落都可以，唔會話太過油，雞翼只有兩隻，但麻麻地，肉質太過軟，沒有咬口，點左自家製汁，撈埋都不錯。阿哥叫左牛腩好軟身，牛丸都係兩粒，少，而且唔好食，唔推薦最鐘意呢間餐廳有辣，有唔辣既菜輔食，特別辣果啲落落碗麵度，特別好食！每碗車仔面三送都會包一杯飲品，可選豆漿，夾埋都係$40左右。

車仔麵 $38@2餸「由」魚、貢丸米線送豆漿。「由」魚就唔會太硬，幾易食下，但係有淡味，好彩佢有啲咖哩吊下味。貢丸入面有其他菜，有陣怪味咁。。佢啲配菜好多，但我全陪都唔食既haha。但佢都算十分足料，加個豆漿飽哂！

輕鬆一下腸粉 $10@3佢會撈埋醬比你，本身冇啲灰,佢好似落幾少咁，但食落又唔錯喎！如果辣咪再出啲會好啲😂 佢既腸粉都幾滑，咬落喎會話丸粉，皮算薄。佢冇最低消費，我因為太餓之後又食飯先黎食下腸粉，佢哋啲態度好喎錯，要寫個好評讚下佢！

曾於葵芳流連的居民一定聽過輕鬆一下的店名，因為它已經開業多年。而由於位置鄰近旁邊商場門外的小晚站，故且人流絡繹不絕，常常有很多人買小食。是次光顧嚐了幾樣招牌小食：碗仔翅：冬菇和肉絲的份量很多！雖然$22有點貴，但材料份量十分足夠！另外亦可選擇「魚肉翅」「菜翅」。重點是臺上旁邊的辣菜甫，好味好香好辣！😁腸粉：醬料味道不俗，而且腸粉亦蒸煮得很透徹。$10/3條有點不夠😜炸雲吞：魚肉雲吞，整件炸得香脆可口，好味道（不過好熱氣）😂煎釀三寶：可以選擇茄子、豆腐、尖椒、魚蛋、紅腸，$13/3件有點貴，不過說真的，現在少了很多街邊賣煎釀三寶的小食店了，物以罕為貴⋯⋯

越嚟超差所為三宝要13蚊得三件，但又凍喎，腸粉又係分價錢得幾條，雞翼又细隻，魚肉翅D質素完全吾得，菜飯吾夠熱，只得車仔麵同滷水雞脾尚可以。。一句講晒吾低食。。。

餐旦麵，只有一隻旦，半塊午餐肉。早餐跟一杯熱飲，$33 哩個價錢喺哩個環境地點嚟講，並唔抵食。食物方面午餐肉質素有點差，唯一個麵用係用出前一丁. 第一次幫襯，亦只有一次夠了。

My boyfriend wanna eat some noodles before sleep. So we came here for late dinner. I ordered a chicken leg. I wanna ordered deep fired chicken leg, but my boyfriend stop me and said I was fat enough for a deep fired chicken leg. So I ordered soy sauces chicken leg. The taste of it was not too salty, the meat was soft.