輕鬆一下 (已結業)

今天的午餐忽然心血來潮想吃一碟腸粉，於是來到了葵涌廣場的「輕鬆一下」以滿足五臟廟的慾望。腸粉份量分別有3條、4條和6條可選，圖中筆者所選的是3條份量。腸粉質感非常滑溜。白雪雪的腸粉配上各式醬料後，頓變味美。另外也點了一客燒賣，但價格有點貴，5粒的份量索價11元，同場小食店定價不過是6-7元而已。燒賣味道一般，入口不感彈牙，魚肉香亦欠缺。碗仔翅定價和份量則相對合理。碗仔翅料也蠻多，每一羹都有冬菇絲、粉絲和肉絲等。味道正常，不過不失。也許是維持經營成本吧，「輕鬆一下」小食的定價都略貴。所以筆者在想，偶爾像今日般突然好想食某一種食品，才來光顧算了。

輕鬆一下的炸雞肶，可算是全港我最喜愛之一，它賣的雞肶大隻、多肉，用高油溫將雞皮炸至金黃色，再在上面潑上淮鹽，外皮香脆之如，味道亦有咸香味。今次吃了兩款炸雞肶的套餐，一是炸雞肶菜飯，另一個是炸雞肶麻辣肉醬米線。愛健康的人士，可以點炸雞肶菜飯，起碼菜的份量多，可以吸收多一點纖維，能減輕炸雞肶的邪惡感。追求味濃的朋友，可以選擇炸雞肶麻辣肉醬米線，炸雞肶本身已經好味到一個點，再加上令人口腔麻痺的四川肉醬，味道的層次很多樣。

小秘書今日中午約咗整指甲，諗住早少少出去食個早餐先出發💨💨 點知遲咗45分鐘先起身 唯有快快趣趣換入洗手間梳洗、換衫... 以九秒九速度搭車去到葵芳✌🏻 剛好係中午時份，個肚餓到打鼓，想整完指甲先去食嘢都頂唔住😥 剛好喺商場地面果層見到「輕鬆一下」買串燒賣加粉果正係我嘅心頭好😉 我總覺得加埋佢嘅特製豉油會令到啲燒賣、粉果特別好食，而且粉果嘅餡料又香口😉 我今日嘅早午餐就用咗十分鐘搞拈👍🏻👍🏻

喺葵涌廣場行街，買完衫褲攰攰地，去買啲小食醫下肚先，是但行到哩間就入去食，叫左碗仔翅，可能我太餓關係，覺得好好味，仲有加勁多醋，不過我覺得比外間賣既碗仔翅偏貴。

晚上下班後，突然想到很久沒有去葵芳葵涌廣場行，經過一間小店。以前經常在這店吃小吃，今晚叫了一碗生菜魚肉翅，還有腸粉和燒賣。這碗魚肉翅，好水兼有燶味，不好吃！至於，腸粉燒賣就ok.

次次都好多人，自己醒目啲搵個位坐低。一坐底立即有招呼落單叫嘢食，姨姨記性好講嘢快，熟練的用手帳落單，食物很快上枱。行街心思思要食碗三溝先滿足，一定要配辣菜脯，魚肉彈、生菜爽、菜脯脆，加埋肉絲冬菇杰撻撻嘅"翅" 複雜極佳配搭的口感。六條腸粉最抵食，腸粉夠滑多豉油多醬汁能成為美味食物。 花生醬夠滑好可惜唔夠香唔夠食叫多碗韭菜豬紅，廿幾蚊一細碗，味道唔係嗰回事，下次不用點。豬紅夾幾下就食完， 韭菜大啖大啖食極都仲有。 韭菜填飽肚子都食唔曬🤣

食個魚肉丁早餐37元 ，都唔緊要，但啲魚肉越來越難食。奶茶咖啡仍然難飲，完全沒有進步，重點是老闆娘的態度極差，大大聲批評客人，好似欠佢咁。這是最後一次幫襯，以後都免提。

今日係星期六，同朋友去新都會行街，諗住喺嗰邊食午餐，點知全部食肆都最少等一個鐘以上，周圍都係人😢唯有用天橋行過對面睇吓有乜嘢食，落到最底層見到好多小食店，最大的一間就是輕鬆一下！由職員帶我們行前幾間舖，原來輕鬆一下有幾間分店食物種類有很多，車仔麵，蒸飯，酸辣米線，還有很多不同的小食供給客人選擇👍🏻我們需要用的醬料都非常齊備，全部已放在枱面了😄本身是想叫蒸滑雞飯，但是已經沽清了，職員推介鳳爪排骨蒸飯😝鼓油是自己加的😎雖然排骨上面有一片大辣椒，但是完全沒有辣的感覺😄鳳爪皮爽口，排骨味道不夠鹹，所以我加了很多豉油😛本身我是叫不顧蒸雞飯的，因為他沽清，所以我轉了另一款飯，但是收據上沒有更改，兩個飯也是同價錢$42，加了$4有一杯凍豆漿清湯米線再加左三樣餸， 有肥牛，肉醬，豬膶, 肉醬有一點辣，幾好味，可能本身是清湯底，所以加咗一點肉醬味道更加香濃😄豬膶都非常新鮮，但肥牛的脂肪比牛肉更多😢價錢合理☺️

今日去葵芳廣場行街街，行到攰攰地，又唔係好肚餓，所以我地就決定黎食哩間餐廳坐下休息下搵D小食來食下啦！哩間舖位都幾大噶，好多張檯，一來到就有位啦。我地嗌左煎釀三寶，HKD14蚊三件，比起其他街邊小食好似貴幾蚊，個辣椒辣到飛起呀，入邊D核完全無整走，太辣啦腸粉好滑溜，加埋D混醬好好味。仲有炸雲吞同埋微辣魚蛋，炸雲吞沾下檯上的辣椒醬，都幾好味既，個魚蛋我地點微辣，但就完全都無辣咯碗仔翅熱辣辣，都OK既，偏鹹少少咯。

今朝要做早job,所以要去葵芳轉地鐵，順便食個早餐，其實呢間輕鬆一下我幫襯咗佢20年，想我當年係喺3号4号碼頭返工已經開始幫襯佢，所以而家一場嚟到就順理成章都一定幫襯佢食早餐，點知一坐底見到個餐牌，一個麵35蚊仲要咁少配料，餐包都無一個！本來我想叫雪菜肉絲蛋麵，佢話蛋要加6蚊，所以我唯有叫餐蛋麵凍奶茶，即35+2蚊！我心諗乜而家物價真係貴咗咁多咩？我喺荃灣同荔枝角食早餐都唔係咁喎！我放低影相架餐行過兩步去草根食堂睇，見到佢地早餐雪菜肉絲雞扒公仔都係31蚊😱我再行返過去坐返低等我個餐蛋麵，見老闆拎凍奶茶比我，我就同佢講我所見所聞，佢竟然咁答我：佢地買咗舖，唔駛交租，所以佢賣20蚊都有會賺，我地要交租80萬，又要出糧比伙記，成本好高！我心諗:你交80萬租關我乜事？如果你賺80萬會回饋比我咩？你開得舖做得生意賺得錢就要自己計住啦！我只知道，我行多兩步就可以食到31蚊雪菜肉絲雞扒公仔麵咋！我只係一個食客，食完就走，唔會諗你咁多！我當然無同佢講咁多，講嚟都嘥氣，因為我真係食完就走！結果個麵到咗，得一塊餐肉一隻蛋，餐肉仲要凍冰冰硬屈屈，肯定煎咗好耐🤮，毫無誠意😡我食完心諗，以後再見多謝大家睇晒🙇‍

諗住想食少少野頂吓肚，所以叫咗燒賣魚蛋少辣同豆漿，點知佢竟然幫我落腸粉魚蛋少辣同豆漿⋯⋯唉！算啦⋯⋯唔怪得愈黎愈少人黎食啦⋯⋯又貴又唔好食仲要落錯單！我諗都係搵定第二度食野算啦

係葵涌廣場行街行攰左，想揾個地方坐底休息下，食少少野，依間輕鬆一下絕對係一個好選擇，而且亦都好岩一個人去食。🤔🥢🥄去到見到多數人面前都有一份煎釀三寶同埋一碗碗仔翅/生菜魚肉。所以我都嗌左份煎釀三寶同碗仔翅試下。🐟1️⃣煎釀三寶我就嗌左紅腸、魚蛋同豆腐。三寶上既時候係熱辣辣既。一開始我想叫蕃薯，店員就同我講蕃薯依家炸緊，要等耐啲先有，所以我就叫左其他。魚蛋同豆腐係必食，熱辣辣，而且豆腐大大舊，中間又軟又滑，好抵食。🤤(我去食既時間係夜晚9點幾，可見輕鬆一下並唔會因爲係夜晚就直接話賣晒，而係會繼續整啲新鮮既比人食👍👍)2️⃣碗仔翅完全係我依排食過既碗仔翅入面最足料既(沒有之一)。每一啖都充滿左冬菇、粉絲、雞絲/豬肉絲，超級真材實料，而且只需22蚊。

去開葵廣行街，見有d肚餓，但又就黎dinner time. 就搵d小食食下啦！🤔去咗葵廣地下呢間餐廳，舖位好大，有好多張枱，仲有好多服務員添！💁‍♀️叫咗煎釀三寶，$14 三件 其實街邊小食黎講真係算幾貴下🤔🤔不過佢個魚肉幾好食嘅。生菜魚肉😛😛都係d魚肉幾出色 好有咬口！🤩🤩仲叫咗兩隻雞中翼。普普通通啦！價錢都係比較貴。$13兩隻。 食呢d小食都有其他更好嘅選擇。可以唔洗特登幫襯呢間😂😂😂

價錢不但只貴 食物質素極差 員工態度極差朋友叫左個車仔麵 湯唔係好夠味 所以向員工索取腩汁 但係職員竟話要收錢 極為冇理由 又唔係冇比錢 更係因為佢湯唔夠味 只係小小既腩汁都唔比 完全唔知係點做生意

收工後經過葵涌廣場，覺得好肚餓所以隨便搵間小食店想食下魚蛋燒賣。眼見舖頭前面有熟食車，未見當眼位置有小食價錢，不過諗住同一商場應該都唔會爭太遠，所以照orderOrder咗一個魚蛋一個燒賣，收銀員收我20蚊，再行去拎小食俾我。一放低喺我前面我呆咗，成兜加埋得十粒，心諗: 可能好好食呢。食第一粒燒賣，心情跌咗落谷底，除咗麵粉同豉油，我乜都食唔到。再食魚蛋，今日食唔辣嘅，有層唔知咩醬喺個面度，白白哋色，一食入口，有陣怪味，好似叔叔哋咁嘅味。以後唔敢再幫襯。