輝香園

营业中

休息中

遇有光臨，貪佢大眾化價錢，食物質素可以。今日來食中午飯，看著餐牌，突然想食梅菜肉餅。每個人仲有一兩樣食物會令你想起從前在家吃飯的日子。我的，便是梅菜肉餅。梅菜肉餅讓我追憶返兒時母親煮飯既味道，記得很愛那種梅菜甜味，總是拿它伴飯，可以吃一大碗。呢度既梅菜肉餅，肉蒸得唔錯，又滑又有肉香，時間控制得很好。可惜，梅菜沒有甜味，吃到的只有豉油既咸味。唔知邊到可以揾到靚梅菜呢？$42一個中午客飯，有湯有飲品。還可以讓我尋找到家既味道謝謝。

現實係想有時食個平快飯係唔容易，依家餐廳起碼都要7，80元走到。終於搵到間平啲嘅飯，46元一個晚飯，有飯有湯，真係好難得(_ _).｡o○環境都ok，卡位逼左小小，坐出面散位會好啲，尚算乾淨。間鋪細細，又估唔到幾多嘢揀。呢個係合掌瓜紅蘿蔔豬骨湯，幾好飲，料唔算多，感覺有小小味精，不過可以接受。天氣凍，有啖暖湯落肚係ok。是咁的，家人想食粟米斑塊，味道ok，斑塊嘅皮略厚，不過有小小脆口，汁都ok，而且汁都唔少。

很少post難食照，等了10幾20分鐘才來的牛腩河，難食到哭，31元比10元牛河更難入口，硬到... 河粉變糊狀也是第一次見... 一夾起是一團河粉就已感到出事，聽到他們好像跟廚房說用了炒河的河粉，你沒河粉就早跟我說吧！強行吃了3口... 之後真心吃不下......

一早去買外賣，個企枱阿嬸同人類有仇咁，落order好似想同人嗌交，比錢佢賺好似要受佢氣咁，大大聲鬧自己伙記白痴，成個餐廳氣氛死氣沈沈。 D野又鹹，真係以后唔會再去

上早班有時真麻煩，午餐未到11點已經食完，如果距離晚餐有一段時間，往往只好來個下午茶。原先想去生記食粥，但經過輝香園時，卻又心血來潮，反正從未光顧過，一試又何妨 ?雲吞米可能是下午茶關係，一碗只得四粒雲吞，而且包得馬馬虎虎，始終覺得不是粉麵專門店，當然不會是金魚尾雲吞，湯底師傅太重，呷一口已知出事，扒了兩口，吃光雲吞便放棄。凍檸檬茶反而凍檸檬茶有點茶香，不過還是老問題，少冰少甜下，還是覺得糖水落得太重手。

輝香園係我一星期都嚟食一兩次嘅舖頭，因為佢經濟又好食，其中我最鐘意叫佢嗰個"鮮茄甘荀牛腩湯米缐餐"$36 ,佢依個餐鮮茄甘荀牛腩個湯非常濃郁，裡面嘅甘荀都好淋同甜仲有洋蔥添，牛腩好淋同入味，再配米缐非常配，除此之外個餐仲有個咖央多士，個多士不算太厚，咖央醬亦非常討好！$36有齊咁多嘢又好食，唔怪之得係皇牌套餐！

一早流流去左廣華檢查，食左個超級唔掂早餐，$26一個餐，杯熱檸茶一來到凍的，我應為一早杯茶最緊要，超不爽，其他都無咩特別不太好食不太難食囉，都係腸蛋加個餐飽咁呵

Tried a set meal tonight and was very satisfied. Braised curry beef was fresh, fragrant, not too spicy, steaming hot and came with decent amount of tender beef, tendons, veggies and sauce. The set meal came with a large steaming bowl of rice and two drinks. The bowl of Chinese soup was steaming hot and it was so good that I had another one, and paid only an extra 5 dollars for a large bowl. Friendly service too.

是日上課前又在附近吃茶記，我們同樣去了上次的輝香園，夠方便。雖然門面新淨，但裡面應該還未裝修過吧？內裡裝潢跟舊式茶記無異，又一街坊茶記呢～是日晚餐餐牌，相信１號的沙薑雞是固定班底。我們點了兩個套餐，奉送中式例湯。其一是晚市套餐的四季豆炒豬頸肉（＄４３）。份量足且炒得夠鑊氣，豬頸肉軟滑，但從賣相也可知道此道菜相當油膩，四季豆表面有閃亮的油光。其二是咕嚕斑球（＄５０）。咕嚕表面色澤金黃，帶微酸甜，熱辣的斑球肉質軟腍，不過略嫌咕嚕脆皮不夠香脆。晚市套餐奉送飲品，點了凍好立克（加＄２）。很久沒有喝過好立克了，雖然是凍飲，但好立克的味道沒有被冰沖淡，香濃。整體而言正常茶記水準，價錢較快餐店和新式茶記便宜，看座上客應該都是以附近街坊居多呢！

不想吃快餐店，又趕時間的話，茶記是不錯的選擇～是晚上課前偶然走進這間輝香園茶餐廳用膳。我們坐在一個較角落的位置，雖然要「面徒三壁」，但至少不用跟別人搭枱，私隱度較高。各點了一個小菜套餐連飯，送蓮藕中湯。baka拍板點的沙薑雞（＄４３），是當天的例牌晚市套餐之一，落單後不久便送上。沙薑雞的沙薑味不夠突出，不過份量適中，雞肉質地未算嫩滑但可以接受。而我則提議西蘭花炒雜燴（＄４８），意外地炒得不錯，送上來時仍見冒煙，新鮮熱辣。雜燴的配料多，加上西蘭花的深綠色突出，整體賣相可以。味道方面則普通、家常便飯的感覺！飲品方面，沙薑雞套餐跟一杯飲品，點了凍奶茶，夠冰凍但稍欠茶味。雖然餐廳環境衛生一般，但可以接受，而且選擇款式較快餐店多，價錢又接近，作為匆忙的一餐也不錯呢！

是日人在油麻地區, 正在頭痛到那處醫肚之時, 無意中發現窩打老道十字路口這間輝香園，門外的餐牌顯示有午飯套餐, 有飯例湯連飲品，都是三十多個大洋，今時今日來講算是經濟，於是二話不說, 即刻入內試試。入內是一副茶餐廳街坊生意格局，大電視則懸掛在頭上, 去得茶餐廳都唔會要求有高尚的裝潢, 只是企企理理, 食完就走人, 店子一般不大，卡位有四至五張，另外有四至六人枱, 此時店內客人不多，大部份都是工友和大叔。看了一眼午餐餐牌, 沒有太多選擇，便求其選了一個沙薑雞飯午餐。基本上每次去呢類茶記食飯，都習慣上要飲例湯，今次飯跟的例湯，是非常的普通，味道唔太濃, 又唔係太大碗, 味道不過不失。沙薑雞飯賣相普通，幾舊雞肉整齊排列係一邊，另一邊是一埋白飯, 雞肉烹得老咗小小，所以雞肉唔夠嫩滑，沙薑雞份量較少, 而且多骨, 雞肉所餘無幾, 但雞不入味, 沙薑味仍然較淡。在此等街坊格局茶餐廳, 個人而言是比較喜歡凍奶茶，但是水準真的大致上差不多, 但今次奶茶水準相對地差, 奶茶不夠茶味, 而且不夠滑身, 香濃也欠奉。整體來說, 作為填飽肚子的功能, 這間輝香園是做到了, 可惜在其他方面的表現真的有點失望,

今天在彌敦道購物完畢，已經五時正，在窩打老道十字路口欲找食店開餐，這間輝香園近在咫尺，門外的餐牌顯示有下午茶飯餐，有飯有飲品，三十多元有找，甚是經濟，於是入內一試。此店一副街坊生意格局，與一般茶餐廳無異，並沒有高尚的裝潢。店子不大，卡位共四至五張，其他屬四至六人枱較多。此時段店內客人稀少，剛有卡位客人結帳離開，於是第一時間佔了卡位。此時枱面尚未清理，不知怎的枱面異常凌亂，好像曾打翻了茶，連卡坐也濕了，店員告訴我會跟著來抹。【通俗語開始】點知櫈都未坐暖，已有一位阿叔一個箭步「得埋嚟」，與我打對檯，正坐在那排濕水卡坐上，並說了一聲「濕嘅」。我心想我又唔係噤「男神」，又有噤多位，為甚麼對此卡位情有獨鍾呢！於是我將卡位讓給了阿叔，自己選了另一張四人非卡位坐下，這亦無甚麼問題。【通俗語完結】坐下想問為甚麼這店的地板會這麼髒？這亦不要緊，看食物便好了。下午茶飯餐可選咖喱牛腩飯、楊州炒飯、西炒飯，付多四元可選豬扒、雞扒、石斑、肉醬焗飯，這又幾吸引。今天不欲吃咖喱及焗飯，於是選了楊州炒飯配熱檸水。熱檸水先來，又給這店嚇了一跳，為甚麼那碟會這麼爛？很久沒有見過了！這亦無所謂，那杯熱檸水是OK的。楊州炒飯

見咁多劣評有些奇怪, 其實不差, 四十蚊有找的一個lunch有呢個水準OK, 包湯同野飲tim午餐我點了沙薑雞,不過不失友人點了煎蛋牛肉飯, 肉醬很多全蓋了飯, 加上流心煎蛋和番茄醬汁, 味道不錯見有很多人點了番茄甘旬牛腩米線餐連迦央多飲品只是$36, 迦央多賣相好金黃下次會試唯一要留意是奶茶coffee甜之餘超多奶, 我杯coffee好似甜奶咁....

「輝香園」的名字很熟悉, 在土瓜灣有幾間分店, 相信是福建人開的餐廳。中午經過油麻地, 決定一試他的白切雞。是次點了$33餐, 要了菜便沒有飲品, 對我來說菜比飲品好。芥蘭--很爽脆, 不錯不錯!白切雞墨丸米--口感一般, 雞肉算滑,墨丸不過不失。不過,旺角有好多好選擇, 只此一次便足夠了。

工作關係等到3時多先可以食午餐,大多數都已經係下午茶時段, 但見到此店竟然有焗豬扒飯真係忍不住要入來試下.焗豬扒飯配紅豆冰, 明知爆標下午茶但搵食搵食, 搵得來就係為左食.此店既焗豬扒飯份量都算多, 而且焗得表面金黃帶點芝士香味而且飯底加上雞蛋炒過乾身唔油一流, 豬扒肉質鬆化唔鞋口又醃得入味.至於紅豆冰都係奶多紅豆算味道只屬一般.