車仔麵綱記 (已結業)

超抵價車仔麵邊度食到 ??前排喺高山劇場練歌之後 ,都已經成九點幾,超肚餓,咁近近地就係對面一間細細間嘅車仔麵檔食咗晚餐 !發現呢間車仔麵係好多街坊喺度食 ! 睇咗個餐牌真係咩都有㗎 ,而且價錢超平 !豆卜($5)•麻辣鴨腎($8) •蘿蔔($5)米線 ($10)評分:3.8/5其實呢個價錢絕對係超抵食,性價比高 。雖然麻辣鴨腎真係麻麻地,湯底正正常常啦 ,牛腩汁都唔係話特別重 。 不過其他配料都唔錯,唔係五星級嘅車仔麵 ,但呢個價錢食到咁嘅味道 ,唔錯啦 !😋

又係放工趕頭趕命嘅生活，接咗老婆放工，之後又要去接女，中間有啲時間醫吓肚，又要快食又要有水準，第一時間諗起綱記車仔麵，泊好車入到去二話不說就圈圈圈落單，今次叫咗幼麵底，餸就叫咗豬潤、蘿蔔、豬腸、貢丸、雞翼尖五餸，加辣汁、蔥、蒜。豬潤厚薄適中，食落唔會過咗火位，蘿蔔食落唔會有渣，好入味，豬腸乾淨有咬口，貢丸唔會太硬，至於雞翼尖真係好好味，我最鍾意就係個湯底，好味得嚟又感覺冇咩味精，加埋一罐冰凍嘅罐裝汽水，大滿足。因為店鋪比較細，坐嘅位置未必係好舒適，但未至於迫，店內裝修簡單，因為主要都係食食物嘅質素。服務亦相當唔錯。揸車一族可以泊對面錶位，相當方便。店內環境好好味嘅車仔麵鍾意食咩就圈咩

每次收夜放工必食外賣宵夜，因為佢地收零晨二時方便我地夜收工既人，每次黎到一定會點佢地雞翼尖，牛腩同埋魷魚，浸得好入味，好好食，再落埋秘制菜脯簡直絕配，店員服務又有禮貌，外賣亦吾會等好耐

這天來到『車仔麵 綱記』吃午餐，其實之前已吃過數次，本來覺得車仔麵好像太平凡，沒打算寫食評，但因為這間實在很抵吃又有質素，所以還是想跟大家分享一下～『車仔麵 綱記』位於何文田／紅磡舊區，不熟悉這一帶的話可能要花點時間才找到，它的門面平平無奇，就像平時常見的街坊麵舖，而它的確也主要做街坊熟客生意。一來到坐下第一時間當然是寫紙落單，點了直接交給店員，吃完才付款。麻辣牛肚和墨丸是我最愛點的配料，牛肚爽口，香辣又惹味；墨丸既彈牙也很有墨魚香。喜歡吃辣一點的話記住在落單紙上圈辣汁和牛腩汁，會令湯底更香濃呢。另外一碗是友人點的全牛河粉，加了牛腩汁，根據友人評價，牛筋丸彈口；牛肉片肉質滑嫩；牛肚則跟我點的一樣好味～此外，我們還加了一碟芥蘭（非常翠綠新鮮）、一杯豆漿和一罐可樂，賣單都只要$83，實在是平靚正！有機會經過附近的話可以去試試看啊。------------------------------By alvahana

和朋友在高山劇場看完表演後，便在附近的綱記車仔麵吃晚飯。一看餐牌就覺得好便宜，難怪剛才有很多老婆婆在這裡用餐。香港已經很少有這種小店，一碗車仔麵竟然以$9起跳看來這間店做街坊生意。這回還是第一次聽甜酸齋這道菜，好奇心驅使下立即下單！原來甜酸齋的原材料是炸麵根，拌著甜酸醬，很適合與車仔麵一起吃。我點了生菜、豆卜、蘿蔔和油麵，湯底加牛腩汁。因為加了牛腩汁的關係，油底看上去有一層油，但吃的時候也不覺得很油，味道偏淡。生菜很新鮮，咬下去很爽脆。而豆卜和蘿蔔味道也較淡，蘿蔔煮得夠冧，微甜。整體而言，$32能吃到4個餸的車仔麵，很便宜呢！

哩間野真係超超超好味! 我經過o個頭都一定忍唔住入去食! 就算唔叫麵食都可以淨食餸!第一次去既時候其實只係去飲杯凍檸茶, 只不過$10, 真係好抵. o個日唔肚餓, 但聞到隔離d 麵味就覺得好香, 決心要黎食一次我半個月入面已經黎左3-4次, 次次都叫蘿蔔同響羚估唔到響羚配車仔麵可以咁正! 而且只係$6 就有3條咁多, 真係抵過打邊爐!蘿蔔夠入味兼冇渣, 鮮甜! 真係好好好好味!仲有佢個河粉都好好味! 又滑又唔會一夾就散!比較唔抵食既係鹵水豬腩肉, $7 得兩細舊, 而且冇想像中咁好味

這個對於大多數非香港人而言是一種能夠代表老香港味道的一種食物。從字面上解，即使用推車等簡易車輛工具一路行一路叫賣的麵食，流動性大，服務街坊出門行幾步路就應該搵得到的大眾美食；如今，“車仔”麵早已從香港繁華的街頭消失本人偏好寬寬扁扁的粗麵以及各類丸子，芝士腸店家有推薦所以也來了些，加上點新鮮生菜和蘿蔔，湯底則是微辣的，結帳時也要近40蚊，想想雖然價錢也算正常但區還是有些驚訝；友人則更勝，因為點的都是些豬紅，牛肚，大腸之類，價錢固然就一下子飆升到近50蚊！不禁感歎一句：車仔麵已不再是街邊的價錢了！店家推薦的芝士腸果然好食，芝士腸飽滿到爆，咬下時有種波波脆的感覺，好似裹著的肉腸因為瞬間的解放要一下子衝出來；外層的腸衣薄脆，嚼起來勁爽有力；腸味清香混著湯汁帶有些鮮甜，肉質也緊實。魚蛋有些失敗，色面上有些煮過爛的感覺軟軟，顏色暗暗，彈性有卻不夠程度，麵粉的比例應該是遠遠大過魚肉了，魚肉的鮮甜只能嘗到一點而已。總體來說，這碗車仔麵合了我的要求，雖然粗麵有些次，但個人就是偏好這樣略顯干身的口感，魚蛋完全不過關，但其他方面都做得好過“街邊檔”的程度，只可惜！這個價錢，不知是我還未能好好體會物價上漲的大

放假同爸爸去左食車仔麵,聽佢講以前佢好鍾意食,不過依家好去LU,因為好似唔係咁健康都係既,食得多依D野好似多油,多肉唔夠菜,但偶然食一次又唔錯叫左個油麵,再加埋豬腩,魚蛋腸仔,一個女仔岩岩好麵底唔太林,幾好咬口,而且唔索汁,所以食落真係好好咬豬腩肉雖然肥左D,不過車仔麵預左嫁啦魚蛋好彈牙,幾好食腸仔太濃,唔太建議食不過整體質素唔錯

第一次和朋友來這家食，整條街這間門面看起來最吸引，而且喜歡食車仔麵，就入來食了。配搭可根據點菜紙自由選擇。我選的是牛腩豬皮雞翼油麵，加起來也只是$26元份量充足夠食，圖中見到有其他配菜是因和朋友的車仔麵share的。油麵粗幼軟硬都適中，夠爽滑。　豬皮夠彈牙，牛腩都好鬆軟又有口感。仲有蘿蔔好甜，一流。雞翼就一般，不過不失。性價比實在好高，窮人恩物!

這晚因為比較早吃晚飯，結果到了十一點又是吃宵夜的時間，今次不吃小炒，一來怕太飽，二來吃小炒太heavy了，恐怕這樣吃下去做甚麼運動也只是白做吧，所以來了這裡吃車仔麵。綱記不在大街上，但也不難找，見到高山劇場的話便差不多了，而且小店燈火通明，在高山道上很顯眼。今晚叫了米線加四餸，分別是午餐肉脆肉瓜魚皮餃和冬菇等。這裡的午餐肉有煎香過，入口不太油，脆肉瓜爽口無渣，有時覺得吃它比吃菜更好，魚皮餃有點咬口而豬肉味還可以，冬菇炆得夠淋，米粉不是一夾即散，吃著口感也可以。這裡的魚皮餃辣菜脯夠辣夠惹味，加點入湯中也可帶起一點香味，如果不想吃太多肉，多吃一點辣菜脯也不錯的。小店位置雖離大街不遠，但不是有心去的話，也不容易看見，這裡似乎主力做街坊生意，出品水準穩定的話應該可以站穩陴腳。

一直都有在這家吃，一個人的時候就直接在店裡吃，還可以看看電視。偶爾晚餐，或者宵夜也會跑去買了外帶。每次吃都必點蘿蔔，哈哈～總覺得不點蘿蔔就不完整一樣～大腸一定要是重口味的適合～豬潤有時候嫩嫩的～有時候會有點過火，不是很穩定～推薦碎牛肉，是我老公每次吃必點之物。個人比較喜歡吃的時候加一點脆脆的鹹菜丁，然後加點醋，覺得真的很贊也～個人喜歡喲

一直以為鋼記無openrice page, 今日無意中search下又原來有喎!就係位於屋企樓下隔一條街既車仔麵, 叫做係睇住佢開, 睇住佢越做越好, 越做越旺!!以前黎過就一直都覺得麻麻地好食, 後來裝修左之後唔知點解都好食左咁哈~講返野食, 每次黎親都會叫麻辣牛肚, 蘿蔔, 麻辣鵝腎米線--牛肚同鵝腎雖然碎濕濕但份量都好多下--蘿蔔係我同男朋友既至愛, 好入味好甜雖然媽媽話係佢本身揀D蘿蔔靚先甜但無論如何都係食過翻尋味!!其他例如豬紅呀碎牛腩之類就普通啦,雞翼好好味不過$4得一隻太少牛丸墨丸之類因為得兩粒太少就唔會叫至於腩汁底, 蒜, 蔥, 辣都係免費可以加既湯底又好入味, 唔知有無加味精但至少我食完飲晒D湯都無試過覺得口乾!!要三個餸連米線食到飽都係$18, 而家香港好少有地方做得到啦已經~~雖然有陣時老闆娘串D不過都會繼續幫親架!!!

上次吃過卓記後，就想來這裏試試，因見到裏面有不少街坊光顧，今晚就來試試。但見不是全滿，但比較擠逼，這也不能怪的，小本經營，不能太苛求了。我們二人坐下後，看著點餸紙，不算貴，最便宜的是魚蛋（三元），最貴的大部分是六元。太太選了麻辣鵝腎、魚蛋、麻辣牛肚和米線，不算太辣，鵝腎和魚蛋都爽口，合格。我選了碎牛腩、豬腸、芝士腸和油麵，牛腩真的太碎，吃不到甚麼，豬腸腍，芝士腸仍有彈性，也算合格。總括而言，有下次再吃的可能。

由於每天放工都會經過這間小店，下午放假便選了在這裡吃午餐。枱上就像一般的車仔麵店放了筆桶放著點菜的紙。店的兩旁都是大玻璃，你可慢慢在陽光下享受~ 還可撈電視汁~我的心水選擇 : 冬菇、蘿蔔、菜、油麵~ 我最鍾意是"點菜的紙"上菜一欄可選擇"菜"或翠肉瓜!! 這裡的車仔麵也不錯！值得推薦各位~

連續兩日去卓記食粥摸門釘,連續兩日去了同一條街的車仔麵綱記.門面光鮮,裝修有點點高級味.材料沒有什麼新花臣,反而有一味白灼豬潤,外間少見.此店的湯底比較清,幾清甜.豬潤片成薄片,很爽口,蘿蔔帶苦兼有渣,不行.其他材料,只是一般貨色.日前再到,見到卓記終於開舖,頓時放下心頭大石.十多廿年老字號,沒有理由無聲息的離開吧?!