辣蟹舫 (已結業)

全家人都好鐘意食海鮮, 所以之前母親節, 就同屋企人BOOK左呢間店食蟹, 都有上來爬文見咁多好評覺得應該都會OK. 點知都幾失望...一行4大2小, 上到去見到個場唔算大, 放左好多張大枱, 相當狹窄. 我地嗰日都算早, 而且一早訂左位, 但係即使仲有吉枱都好, 侍應都係安排左我地坐某一枱, 而嗰圍枱嘅櫈係無椅背, 成年人無乜所謂, 但一想到老人家同小朋友要咁樣坐成晚...就覺得唔係咁好. 再三追問下, 侍應都換左兩張櫈畀我地, 但係就係唔明, 隔離枱明明就未有人, 佢又唔換, 要老遠搵櫈, 後來開始多人先知原來係留左枱畀熟客....雖然理解. 但當自己都係客嘅時候... 就覺得呢種親疏有別嘅做法, 其實令客人觀感較差. 不過至少媽媽坐得舒服就算吧.叫左招牌避風塘炒蟹. 上枱嘅時候真係好期待, 因為賣相真係好好. 不過食落就唔係好明點解咁多好評...可能係我地要就小朋友叫左微辣, 但係都不應該至於無味掛...唔辣就唔做任何調味? 而且為了原隻上, 鋪得靚靚, 蟹鉗完全無整碎過, 我地難開之餘, 仲唔係好入味. 雖然多肉, 但係有啲乾, 基本上無乜肉汁... 覺得咁大隻蟹, 有啲浪費呢

保持水準~今次無叫套餐~網上訂購優惠價食避風塘炒蟹! 侍應推介話雞煲魚翅足二兩魚翅~更用上四隻雞成淆製濃湯~ 想唔食都唔得~ 最有鑊氣馬拉盞芥蘭煲~ 金沙蠔兩隻起點每人一隻~ 又真係幾好食又大隻

朋友生日，又係用open rice大神搵食既時間！今次呢間，完全無伏，好有驚喜！嗜辣人仕必去之選！不過地點就唔太方便，地鐵站落車，行十分鐘左右，冬天還可以，夏天就一定香汗淋漓！所以我第一時間，就緊係啤啤去啦！餐廳設有套餐，但質量完全唔媽夫！辣蟹是新鮮的肉蟹，好蟹甜泡辣凰瓜，堅有辣味！ 唔似其他餐廳咁，白雲凰瓜扮泡椒凰瓜！冰鎮鮑魚，夠鮮甜！炒麵， 麵質超彈牙避風塘炒蜆，好味！不過略嫌欠缺特色！涼拌木耳，爽口價錢合理！3個人食咁多野，$1000有找！

家庭聚餐，因為之後要出 trip，順手預祝埋母親節。唔想過海食辣蟹，見到有優惠，過來試吓。地點都唔易搵，的士司機都有啲疑惑。好不容易找到了，店在1樓，要行一條好斜好窄嘅樓梯⋯⋯ 後來發現其實係可以搭停車場𨋢嘅。地區小店格局，勝在擺位唔會太逼又多大檯 —— 呢個咁卑微嘅要求喺香港變得越來越奢侈。點左好多餸，冇續一影相。重點係個避風塘炒蟹+龍蝦（正價$988）。唔知點解個蟹同龍蝦都唔係好入味，啲炸蒜係好辣嘅，啲肉就唔係好夠味。5個大人最後都食唔晒呢碟嘢。其他菜色有桌頭，但係效果一般。- 脫衣瀨尿蝦（將瀨尿蝦起肉，舊肉加粉炸左佢，類似天婦羅），結果肉乾而無味。- 黃金流沙蝦球（厚厚的鹹蛋黃加麵包糠包住舊蝦球炸左佢），又係有啲皮還皮，肉還肉咁。有啲嘢真係唔懶得，黃金蝦都係連殼好啲。- 椒鹽鮮魷，又係無乜味，可能跟碟椒鹽、喼汁會好啲。- 豉汁炒蜆，都係唔入味，另外一上碟就有幾隻凍嘅，唔明。- 個湯就唔錯（花膠雞湯）。好濃，好足料。湯渣都一大碟。最正，係個炒麵！呢個真係要讚！！炒麵係用銀絲麵（angel hair 咁上下幼），口感較細膩。炒出來夠鑊氣，用蟹油（即是炒過蟹的油）炒特別香，跟一碟辣醬非

朋友介紹話好食，所以就試下啦無殻瀨尿蝦 - 無殻咁食瀨尿蝦真係好爽yy... d粉好好食，連阿媽成日怕熱氣都食左兩舊 唔記得叫咩蝦球，有咸蛋 記得連埋沙律食藥膳蒸雞 - 一上菜好大陣藥味，不過食落d雞未係好入味，但都唔差飛天炒生菜 - 好有火喉欖菜肉鬆豆腐 - 唔會太咸，送飯一流總括1） 食物味道2）環境：個日係平日唔係太多人，所以坐得好鬆動。3）服務：有禮貌，但食物等候時間較耐。切餅同開酒都未另外收費，讚下次會再來試試招牌蟹

第ㄧ次到訪，店舖特色懷舊佈置，彷彿時光倒流很有童年回憶！今次品嚐菜式 值得一讚: 原隻乳鴿 外脆內嫩 色香味全！酥炸廣島蠔 酥脆可口，肥而不膩！配上一逅涼拌雲耳 醋香爽口，帶出清新口感，開冑醒神！值得推介及再次光顧！

今日係辣蟹舫上面食佐避風塘炒蟹😋依架做緊特價 $288（1隻）超級抵食又好味道👍食完令我非常難忘、加上又可以自定辣度 鐘意食辣既朋友可以選擇中辣🦀 除佐蟹之外我仲食佐一份雞煲翅超正丫 店入面個靚女介紹架 🤩入面真系足六兩魚翅同半只雞 依個份量夠四至五人用 😋我忍吾住食佐二碗🤫

今晚同家人晚飯～一行四人去試下呢間辣蟹舫！叫左個商務套餐($780) 再加多個黃金豆腐 ($58)先黎個黃金豆腐：皮脆內軟 再黎商務套餐，套餐包左以下咁多樣野食：- 豉汁炒蜆：冇沙，好夠火喉 - 避風塘炒蟹：叫左微辣，有兩隻大蟹鉗，5-6舊蟹身，一個蟹蓋。套裝黎講，份量算多，蟹蓋有膏，可惜既係蟹肉唔夠實，少少水。對於一間以食避風塘炒蟹出名既餐廳黎講，係令人失望既- 子薑欖角蒸骨腩：子薑好出色- 藥膳蒸鮮雞：真係唔係冰鮮雞！有陣好香既藥材味 - 飛天芥蘭煲：好香咸魚味！肉碎就咁食有啲咸！如果加埋配白飯就一流- 蟹油銀芽炒麵：唔係好食到蟹油味！不過炒麵非常乾身，唔會食到一口油！加埋店內自家制辣油

蟹～可以講得上是食材之中最難整嘅一樣，皆因各式各樣的烹調方式都可以帶出不一樣的味道以及感覺，首先我個人認為蟹最重要當然是新鮮，食材新鮮是令到食品美味的先決條件，有見及此今日去品嘗一間以食蟹聞名的一間餐廳，這間餐廳其實都跟地鐵站有段距離，所以一定要找好地址才出發，一去到餐廳樓下已經見到老闆娘跟明星的合照，證明有一定人氣單是Menu上的第一幅圖片，足以看得出他的霸氣，剛好我們這次點了個二人套餐先來第一個頭盤，泡辣鳳爪，味道不過不失黃金豆腐，記得要趁熱食豉味炒蜆，食落有少少辣令到味道更加吸引終於來到了期待已久的主菜，避風塘炒蟹，味道雖然唔算非常入味但這樣卻意外可以帶出蟹的鮮味，而且這樣的價錢能享受整隻蟹，真令人意外最後怕食客不夠飽肚，以一個蟹油銀芽炒麵作結尾，再加配餐廳研發的辣椒漿，正不可以說他的蟹非常好味，但值得一試，而且服務員也非常了解食客的需要，而且服務態度不錯👍再且這麼便宜的價錢可以享受一隻蟹，值得一試再試

多年於附近返工, 一直沒有留意到有此間餐廳.朋友生日想食炒蟹, 看完評語馬上就BOOK 了.門口不好找, 最後經過停車場入口, 找到電梯上去, 不用走樓梯樓面阿姐服務幾好, 好好傾, 亦有推薦食物叫了一枱都是食物. 大部份小菜都好好食, 有鑊氣! 不過在此只想評論一下這裡招牌的避風塘炒蟹~!因為這個才是重點~!因為這裡的炒蟹是一份份叫的, 不是計重量, 只好叫阿姐給隻大一點的我們. 畢竟我們4個人, 一份怕太少, 兩份又太多。一上到黎, 賣相不錯, 這樣的價錢, 十分抵食!!食落就一般。蟹OVERCOOKED, 炸過火, 肉偏乾, 無乜味不過"避風塘" 就好香口, 送幾碗飯都可以!!因為同期剛好有外國朋友來港玩, 陪了他們食有名的橋底辣蟹. 雖然價位完全不一樣, 不過真的好食好多, 炒蟹又香又JUICY! 所以有直接比較, 這間就比下去了! 實在有點不乎其他好評的形容...不過, 所謂一分錢一分貨, 這裡都尚算不錯!! 有時唔想太貴食下炒蟹及小菜, 都不失為一個選擇~

book 左食6點半， 去到唔算多人，但7點度已經滿坐。環境尚可，只是有點嘈吵。點完餐唔使5分鐘，已經有野食啦。食物份量一d都唔少，食物味道、賣相都唔錯，可以話，你俾幾錢，真係俾返幾多野你，真係算抵食。openrice仲有得每枱減200蚊添，5個人食， 一千蚊都唔使，認真抵食。

8個人點了個6-8人套餐, 再用openrice coupon加多份特價的蟹醬木盆蒜香糯米蒸蟹. 食物碟頭夠, 份量十足, 食到好飽.避風塘龍游蟹 - 避風塘炒辣蟹+波士頓龍蝦, 蝦蟹兩味, 不同口感. D炸蒜超香, 好惹味. 蟹都幾大隻, 龍蝦就細DD, 但都好食.脫衣瀨尿蝦 - 細隻的瀨尿蝦拆肉再炸, 並以避風塘整法炒香上碟. 無殼啖啖肉有好有唔好, 好嘅係方便食唔整污漕手, 但就冇左吮殼嘅滋味. 反正食得炒蟹都預左落手食.酸菜煮龍躉球 - 酸菜魚就食得多, 但就第一次食用龍躉球整嘅酸菜魚. 魚肉無骨啖啖肉, 肉質保持嫩滑. 酸菜湯底幾好飲, 微酸偏辣, 啱我口味.藥膳蒸鮮雞 - 雞蒸得剛好, 肉質嫩滑, 有雞味, 不錯.日本金瓜配野菌 - 原隻南瓜蒸熟, 並載住D炒什菌, 並有番茄和菜遠伴碟. 賣相特別, 味道清淡. 可惜呢款南瓜完全冇南瓜味, 唔好食.辣酒煮海螺 - 辣汁夠辣, 海螺新鮮, 份量亦算多.黃金豆腐  - 炸粉好薄, 外脆內嫩, 熱辣辣送酒食一流.蟹油銀芽炒麵 - 炒得乾身, 落左好多芽菜和洋蔥, 口感不錯. 可能其他食物較濃味, 相對之下所以覺得淡左少少, 亦食唔

中秋節飯局，一般來說都是中式酒樓，今次選擇了海鮮。坐下來望望餐牌，琳琅滿目很多吸引的相片，價格適中。本來叫了6隻賴尿蝦$98一隻，之後老闆推介避風塘炒蟹拼波士頓龍蝦，都只不過$498，原價$988，見到每枱都食，就試試，果然新鮮香脆，而且很大隻再叫了黃金豆腐、蒜蓉椒鹽九肚魚、蟹有銀牙炒面、 潮式酸菜魚、話梅冰鎮涼瓜、冰梅脆皮骨、菜......每樣都好有水準，令人垂涎三尺可惜沒有甜品供應，如果加上這個就完美了

本人好喜歡食蟹, 搜尋之下, 搵到專門店即去試, 滿心歡喜上樓去, 怎不知上到樓梯中段時,有幾級樓梯是放不到一個鞋位的, 如果是老人家就要特別小心。我一家三口, 叫左一隻少辣招牌蟹 , 不咸不辣,好失望。 再點左例牌拆肉瀨尿蝦, 太多漿包住D肉仔, 3隻黃金蝦, 賣相唔錯,但略淡左些, 蠔仔泡飯算是OK。

今日女友想食蟹，所以去了我家附近的辣蟹舫試試！上到去都覺得有啲大陸feel，跟住坐低就叫了個避風塘炒蟹，食落都OK服務員態度也可以！食完蟹之後就再叫了一個燒汁牛仔骨和西蘭花鮮魷，食飽後就叫了一個著便服似係主管級的男人幫我埋單！當我check單的時候發現西蘭花鮮魷的價錢138元比我看到餐牌時候88元貴了50元! 咁我就問嗰位似係主管級的男人我的餐牌西蘭花鮮魷不是88元嗎？因為我的餐牌真的寫着88元，他就跟我說可能被客人弄丟了新貼上去的價錢！又跟我說怎可能是88元，又說88元香港那裏都不能吃到！一句對不起或不好意思都沒有說過，我即刻就火起馬上跟他說88元大把地方都吃到要不要我帶你去！他就跟我說咁你想點呀，大佬！依家唔係我錯啊，你個餐牌真係寫住88元！你仲講到好似我唔啱咁，你點做主管啊！一啲待客之道都唔識，唔係多50元我比唔起，係你嘅態度問題！呢間野一定唔會再幫襯！