農舍 (已結業)

今日天氣超好🌞大大太陽但又有微風， 十分適合離島遊。今日黎到已經4點， 仲未食野十分肚餓，在大街揀了呢間農舍食個brunch 叫左個蘑菇漢堡同西西利蕃茄意粉 （*大約既菜名😂，本人冇咩記性） 個人覺得幾好食，清新輕盈，好健康！

今晚是星期六去了南丫島hea下，今晚南丫島出奇地少人，少人到今晚我在這包了埸，不過我喜歡這種寧靜，和朋友談談天，說說地。今晚在農舍都頗滿意，我叫了菠菜芝士千層麵，磨菇紅菜頭意大利粉，跟餐有紅菜頭沙律，南瓜湯，飲品永遠保持青春美麗。菠菜芝士千層麵 :非常香濃芝士香味，配搭埋菠菜非常夾。9分磨菇紅菜頭意大利粉:店員介紹紅菜頭意大利粉係自己手做，而且我是超級鐘意食紅菜頭，所以要一試。非常新穎好q彈，而且有少許辣辣的。9分南瓜湯好香濃，好creamy，好好味9分紅菜頭沙律這是配黑醋汁的，頗清新，不過紅菜頭可以多番少少。7分永遠保持青春美麗有士多啤梨，藍莓，黑莓，車厘子，豆漿唔酸，但又飲到好香豆味同生果味道，又幾夾wor，估佢唔到最後要讚一讚今晚既男店員，非常細心，服務態勢非常好，我們既需要，佢都非常清楚。

星期一難得放假到南丫島一遊，陽光普照，選了户外的座位，小店的裝修簡單，予人舒適的感覺。點了一杯cappuccino 和藜麥沙津。平日下午，店裏人不多，食物不到10分鐘已送上。沙冿份量很大，藜麥配上多種有不同口感的蔬菜，青瓜、黑橄欖、栗米粒、鷹嘴豆、沙津菜、櫻桃番茄、牛油果等，材料簡單，但味道清淡開胃， 不錯！只可惜牛油果質素麻麻，扣了一點分數。$110的午餐雖然不算便宜，但亦算是誠意之作，加上是離島小店，應該支持。店內還有其他素食選擇，喜歡素食的朋友可以一試。

南丫好風光～一班朋友趁住大家放假入lamma island過了一個周末，離開時一齊食返個最後的brunch。沿途食肆中見倒哩間主打田園風嘅餐廳就一群人入去鳥。餐廳播住輕鬆音樂，每個員工都好似好chill好開心咁，令通頂一晚嘅我哋都輕鬆起嚟。All day breakfast絕對係通頂後嘅最佳選擇，快速補充能量呀～值得一提嘅係盤中嘅菇係經過油炸，特別香口，而多士上的牛油撒上磨碎的香草更係令全個配搭加上一絲清新滋味。哩款French scone喺我order嘅時候以為佢會好似english scone，但嚟到後原來係類似厚pancake有小小小小失望。除咗厚pancake次外，仲有去皮嘅橙同香蕉，淋上少許蜜糖。整體味道ok，但厚pancake比較乾，有小小kick全喉嚨嘅感覺。最後哩個菠菜卷做得幾有特色，新鮮菠菜已經帶住個卷跑蠃咗成條街，而卷皮亦烤得好脆。另外另外另外就係！個烤薯係真係足料原隻！我哋總共叫咗兩份，一份係薯仔，另一份就係番薯，唔錯唔錯。總結嚟講，食物質素唔錯，員工服務態度一流，餐廳雖然有小小逼但格調唔錯。下次嚟會試下佢唔同類型嘅鮮榨果汁。

今日賴生同屈小姐冒住大太陽入左去南丫島玩呀! 係未去之前，屈小姐已經mark左呢間農舍嫁啦!因為係素食，健康野，岩晒屈小姐口味! (連賴生既口味都變得健康左啦一係榕樹灣落船就好肚餓啦! 一支箭就入左:! 一入去，感覺幾好呀…裝修用木色既色調，加上果段時間冇乜人，為間餐廳增添左悠閒既世外桃源既味道，即刻帶我地離開左城市既繁囂，工作既煩惱! 提提大家呢間餐廳有室外位嫁，不過天氣太熱…我地都係坐左入面 (有一pair客人頂唔住都番左入黎坐)等左10分鐘度，d野食就上黎啦! 全部都新鮮整嫁! 好好味! 特別要推介個Egg benedict! 因為屈小姐對Egg benedict既要求好高嫁! 連佢食完都讚! 一定要試:完美既水波蛋，彈彈下嫁，一切落去d蛋黃流晒出黎，睇見都流口水:配合埋佢個Hollandaise sauce, perfect! 佢個sauce唔會搶晒味，同d蛋黃勁夾呀!! 加埋塊熱辣辣，脆卜卜既麵包! 10分入面有9.9分呀! 如果加埋炒蘑菇做配料，我地會比埋果0.1分佢!

南Y島 係一個好地方是日行完山好肚餓 行話見到呢間店舖決定入去食佢呢個all day breadfast 好好食個菇炒得勁香 應該係用牛油炒 有口感炒蛋好滑多士係麥包好健康`~叫埋杯士多啤梨奶昔 唔會太甜 好健康行完山食非常滿足

5月3日，為慶祝B豬11個月大, 同埋上年差唔多呢個時間腹大便便嘅呀菲仲走咗入南丫島行山食海鮮~ 今日我地再次重遊故地! 難得B豬玩完一日攰到著覺, 我地亦乘機嘆個晚餐!::: 紅菜頭田園沙律 + 意大利青瓜雜菜千層麵 + 凍朱古力 :::前菜選了好健康的紅菜頭田園沙律, 就係簡簡單單的幾條紅菜頭同沙律菜, 配上酸甜開胃的油醋汁, 新鮮健康!意大利青瓜雜菜千層麵賣相十分吸引! 唔講真係唔知佢係素菜! 面層d芝士焗得焦香惹味, 切開千層麵仲會拉出一條條芝士絲~ 裡面軟淋淋嘅餡料原來係紅蘿蔔, 青瓜, 茄子同雜菌, 充滿蔬菜香甜味! 雖然望落佢個份量唔算太大, 但原來亦相當飽肚~ 大食如呀菲都覺得好滿足~凍朱古力唔算好濃, 但味道唔錯, 天氣熱飲夠冰涼~::: 蘑菇湯 + 農舍芝士蕃茄香草素漢堡伴香焗薯條 + 熱奶茶 :::磨菇湯面頭放上幾粒魚仔餅代替平時d麵包粒, 好得意~ 湯底超濃郁, 飲得出係真材實料, 啖啖菇菌茸! 不錯~農舍芝士蕃茄香草素漢堡麵包烘香脆, 塊素漢堡好厚, 夠晒「啖啖肉」, 夾上厚切番茄同芝士輕輕烤過, 同平時d啖啖肉漢堡包比一d都唔遜色! 香焗薯條亦都夠晒天然,

9月3日到南丫島遊玩。由中環乘坐渡輪到榕樹灣，半小時便到了。我選擇榕樹灣是因為這邊有素食餐廳。也是我這次到南丫島的主要目的。上岸後，第一時間要吃個豐富的素食早午餐！在這裡 — 農舍Green Cottage。餐廳門口採開放式設計。當時冷氣開放中，因此加上透明塑膠簾子將冷氣困在店內。門外仍屬於店範圍的地方，地上舖了木條地台。設有兩張木製圓桌子。有兩位客人使用中。塑膠簾子的另一邊，即餐廳的內部，冷凍食物櫃前也有兩張木製圓桌子。像是由樹木直接切出來使用的樣子，還有木紋和裂紋。椅子也是木製的。有靠背，粗壯厚重的那一種。再進入餐廳內部。有少量的裝飾品和佈置。地上是平滑的石地板。桌椅都是木製的。不過，這裡的桌子是方型。桌子表面平滑。還有靠牆壁的石長椅。像舊式公園內淡灰色、平滑的那一些。桌子上有站立的小罩燈。白色、縷空圖案的燈罩，有歐洲風味。牆壁是凹凸不平的石牆。表面塗上白色油漆。餐單上有不少選擇，令我難以取捨。最後我選了比較少吃到的。芝士焗雙層蘑菇醬脆全麥多士伴沙拉（Cheese and Mushroom Pate on Toasts with Salad）。單點是$68，配餐飲是$75。先介紹飲

簡約裝潢的農舍，真的有點外國農莊 feel。在一個遊人不多的平日早上，坐在有木頭圓枱的店外，享受著暖暖的陽光，看著島上居民遊走，等待著order的breakfast B8: 炒蛋芝士墨西哥卷配薯角－相信是即叫即製，餡料似是菠菜炒蛋加芝士，然後卷好烤焗而成，很juicy很香而不溜。熱辣辣的薯角都似是烤焗的，並不油膩，I like it！看似份量不多的素早餐，食完卻很滿足 B14: 炒蛋配Bagel－第一次食到Bagel是那麼好吃的  焗熱後搽上牛油，滲著牛油香，外脆內軟，非常香口。炒蛋都算上佳製作！

大部份人希望於近市區，找一個悠閒地方，相信南丫島會是不少香港人的心水雖然香港食店近來愈開愈多，集團式食店更多，但要尋找真正有FEEL的小店好不容易南丫島幸好還未被‘同化’這次和2位姊妹相約一起到南丫島偷閒當然要選一家小店來試試大家的主題也是偷閒，一看店名就知道是我們要找的南丫文化先見到門口放了一少疊書，很明顯是給旅人來殺時間加上小店是以近年十分流行的素食為主，應吸引不少文青聚腳由於MENU 選擇不多（大約5款）我們一行3人已可以試了她3分2的款式了第一款是餐湯沒錯！大家看到的是魚仔餅的魚仔，魚仔放在雜菌湯上，有點像不願吃飯的小朋友把零食和飯混在一起吃當然魚仔餅不會把湯的味道昇華，但湯的味道不過不失主食1素菜炒三色螺絲粉充滿橄欖油的香味，螺絲粉熟度剛好，配合多款蔬菜，口感豐富，讚主食2素食千層闊條麵芝士味濃也溶得剛剛好，味道完全不似素食，有層次主食3泥麥沙律聽說泥麥是女士近年的減肥良物，因飽肚，低脂和容易配搭這個沙律也很飽肚，味道也豐富，不錯最後店內裝潢簡潔，但店內空間略細

兩口子去南丫島環島遊，經過呢間裝潢很有外國feel嘅餐廳，忍唔住就入左去芝士磨菇醬全麥多士配磨菇呢間餐廳做嘅主要係外國人生意，食物都以西餐為主，有好幾款輕食、All day breakfast，外表都好吸引！呢個全麥多士烤得非常鬆脆，一層多士，一層蘑菇，一層芝士，再一層多士，係真正嘅“層次”！而且份量好大，加多杯鮮果沙冰，帶本書去，嘆完個早餐睇下書抖番個令兩個鐘先去行山，正！

I went on a one day excursion to Lamma Island last week, and instead of choosing one of the ubiquitous seafood restaurants dotted across the island for lunch, decided to go green instead.The restaurant itself was quite dimly lit and had air conditioning- which I appreciated on the very hot and sunny day that I was there. I was seated towards the back of the restaurant which had a seating area made entirely out of stone- I felt like I was sitting in a cave! In fact, the entire restaurant has a ve

剛過去的星期四，和男朋友去了南丫島，吃了大半天~^^~ 其中一間曾光顧的cafe就是"農舍"，其實，都已經不是第一次到這店子了，之前也去過，今次好像是第四次去吧?! 喜歡到這裏是因為感覺悠閒，而且老闆nice，感覺好像一個"慈父"，而且，這裏的咖啡也可以~今次，點了homemade blueberry cheesecake, egg benedict 和 black coffee:blueberry cheesecake比想像中軟，我想是凍餅，不是要焗的那種cheesecake，雖然個人較喜歡要焗的那種cheesecake，但這個也可以，只是味道較清淡。吃cheesecake又怎能沒有咖啡~~喝着咖啡，egg benedict送上來了~!! 向來都很喜歡吃egg benedict，因個人很喜歡吃蛋汁，不過，這裏的醬汁很重芥末味，個人不太喜歡 (因我是不吃芥末的)，但也可接受，因醬汁內應該還有其他配料，能中和芥末味。另外，這次略嫌雞蛋有點過熟，以致蛋漿少了，不過，縱然食物質素中規中矩，我還是喜歡這裏，因喜歡小店的裝修，感覺悠閒，尤其坐在門口位置，雖然是熱一點，但看着街景，感覺不錯呢~!我

一場來到南丫島當然想試下一點在平時市區少數能吃到的！！在不斷尋找網上評論，發現了這店，但當晚上想進去時，已見沒有人用餐，也許這裡的9點已是很夜吧！！所以也不敢進去了！！於是早餐時間，其實也已經11點有多，但這裡還有早餐呢！！我點了個墨西哥卷配薯角$65，這個賣相看上去不是很豐富，但其實個薯角是用原隻薯仔整成的，而且是很粗，很大條，很新鮮！！墨西哥卷內全是蔬菜，雖然我是一名食肉獸，仲一點也不覺得清淡，反而得清新，而且表面用上了芝士包着，很配合。點了個奄列給仔仔吃，其實都怕佢食唔晒，因為佢胃口比較小，所以選了2個材料，芝士磨菇奄列$60！！阿仔食得好滋味，沒有停手，竟然把一整個吃完，講真個奄列都幾大份！所以看來他很喜歡吃！！當然還有個多士，他是沒有吃到的！！而老公卻叫了個早晨全餐$65，看來也很大份！！不過我就覺得沒有什麼特別，只是分量大感覺上很興奮！！還有那個磨菇比較香！！總括來說，食物質素唔錯，但價錢是偏貴的，不過久不久吃一次半次也不是問題，而且都幾大份，出來玩是這樣的！！環境舒服,好有異國風情feel！！服務方面真的要讚，留意有小朋友，特別拿上膠刀膠叉，細心！！

We came here for a coffee to go and got a fairly decent, but unremarkable latte.  It is cheap and better than coffee from a convenience store.   The coffee was basically passable and well priced.