進材食品

营业中

休息中

上樓買靚肉@賣肉求榮-進材急凍食品地址: 觀塘興業街23號寶業大廈3樓C1室絕對是一位食肉獸，對肉品質有要求，但超市mark up 定價太高，聰明架我會去樓上食材供應商，直接大量購買。我會一次過大量購買，因工作忙，平日三餐外出食，到假日有空煮，會好重視質素的買了黑毛豬鞍豬pork chop，黑毛豬扒帶骨位置，平時出街食一塊要$200元起跳，呢度大大包兩塊都係二百多,我同時買了$55 himalaysia pink salt ,醃肉再煎好勁香，juicy 肉汁加天然鹽甘兩塊豬扒價優$28 太抵啦，家中手常煮整下洋蔥豬扒牛筋骨大大包可以煮燉肉$58only 三文魚扒都有，富油脂,簡單煎香再配上白汁，伴薯菜有肉、海鮮外，仲有紅酒添 買走有冰袋，拎到屋企都唔怕溶雪變壞。

觀塘工廈有一大片，除左食肆，竟然有進口凍肉食材小店。店子雖小，五臟俱全。除咗乾淨衛生之外，一入去我就見到我好喜歡嘅彩色喜馬拉雅山岩鹽。 仲要比市面平起碼兩成，我毫不猶豫就攞咗兩盒。 仲有炸魚皮，大大包，好抵食，當零食又得，喺屋企打邊爐食又得，口感鬆脆一啲都唔油膩。仲買咗西班牙黑毛豬，平時係街市買嘅豬扒攞返屋企做洋蔥豬扒唔知點解煎極都有啲硬，但呢一種西班牙黑毛豬，以我手殘嘅廚藝竟然都可以煎到軟軟林林，兩個小朋友都食得好開心。 仲有要推介個別包裝嘅冰鮮三文魚，價錢真係好平。 平時晚餐經常都會煎三文魚，買定多幾包返屋企放喺雪櫃隨時都可以食啦。

觀塘工廈嘅鋪頭越來越多款式，除咗有好多人細食屎之外，最近仲比我發現咗有呢一間專賣各國各式食材嘅店舖。店子少少但係非常光潔亮麗，最緊要係老闆娘仲非常靚女呢。真係唔買野都要黎搵老闆娘影張相打個卡。 呢度的凍肉比起大型超級市場買嘅最少便宜兩成以上。而且質素都非常之高，日本的、韓國的、巴西的、美國的、澳洲的，林林總總的都有，大型高擋超級市場先至買得到嘅粉紅色喜馬拉雅山鹽呢度都有供應。 因為價錢實在太貴，一直都好想買，但係唔捨得買，呢度比超級市場便宜三成以上所以今次就買咗啦。 今晚返屋企就要大展廚藝，幾番餐靚靚牛扒餐啦。

話說 媽媽一直都鐘意買扒類 自行醃製同烹調比我地一家人享用😘 今次呢間凍肉店.. 如果唔係朋友黎過介紹我地 應該好難會識得上黎😂 因為佢呢埋左係觀塘既寶業大廈入面呢 ~ 一出lift就會見到呢個門面~ 就係 進材急凍食品 喇 ! 原來店面都唔算大呢, 但令我驚訝既係竟然都有唔少人係度揀緊貨 店內所有產品都無標價.. 要逐樣問店家先知幾錢.. 呢樣野如果可以改善下就好, 一黎店家都好忙招呼唔同客人, 未必即刻應到你😟 二黎自己睇價錢會預算得好D ~~ : ) 店鋪雖小, 但都有幾多唔同種類既凍肉/海鮮揀~~ 和牛(M5,M9), 肉眼, 西冷, 牛肋條, 牛柳肉, 一口牛, 肩頂, 雞肉串, 龍蝦尾, 黑毛豬, 豬鞍, 甲羅燒, 鰻魚等等 然後 亦都有一D調味料 好似岩鹽, 松露醬等等~ 想要係屋企下廚煮餐好既 呢度都真係可以買齊到野既 我地三心兩意揀左好耐, 最後因為成家都係食肉獸, 揀左☺:: 澳洲M9肉眼扒(~300g) $298 美國Prime肉眼扒(2件裝)(~600g) $228 為左可以即時試到2款牛扒既分別, 我地特登同一餐煮晒佢地😝 首先試既

同家人慶祝想煮餐飯仔，經同事介紹下，俾我知道左呢間係觀塘工厦入面既凍肉店😄👍朋友話買過佢啲野話唔錯，幾抵。上到去就會見到呢間店。個名都幾特別😆進材·賣肉求榮。雖然係一間凍肉舖，但看得出佢地有俾心機去佈置，擺放既產品都好清晰整齊。入到去店員仲好細心為我地一一介紹每樣凍肉，同教我地點煮。😁經過佢既介紹後，我最後買左幾樣野。M5牛扒🥩:揀左塊好靚好大既牛扒，色澤好靚，油脂分佈得好好😄M5牛扒比一般既牛扒味道更出更有牛味。煎一煎，落啲鹽就得。夠哂容易。食落好重牛味，好juicy 👍百幾蚊就食得，價錢好抵。龍蝦🦞有兩個size，我就揀左個細size,都好有肉。我就用黎整焗芝士蒜落龍蝦🦞☺️☺️夠哂靚！又簡單！龍蝦啲肉好彈牙爽口，肉質好好。又夠平。都係$58隻！鰻魚🐟大大條。好厚肉店員話呢個夠啲方便，只需要放係微波爐叮兩三分鐘就食得！叮完拎出黎呃得下人😆😆👍夠哂厚，食落好有口感。幾好味！日本鹹牛肉 🐂用左黎整鹹牛肉芝士炒蛋呢款鹹牛肉比平時食開個隻無咁鹹，幾好。用黎炒蛋食，好香好夾😁👍

平時到好鐘意食牛扒，但好多時係餐廳食到既質素未必係同個價錢相符，所以今日就試下去凍肉鋪買反去自己煮澳洲M9和牛肉眼扒牛肉油脂分佈得好平圴， 而且表面唔會好暗啞仲keep到鮮肉既顏色，簡單的煎烤之後，大理石油脂開始融化，和牛口感嫩滑，無乜筋膜，入口即融化落入口中。澳洲和牛有豐富的肉汁，所以咬下去，就會在嘴裏溢出香濃的肉汁澳洲M6和牛肉眼扒M6既油脂雖然會比M9既少，但就可以食到更加多牛肉既味道，係煎之前用少許的鹽便能夠引出澳洲和牛的香濃肉味特大刺身帆立貝柱帆立貝好大件同厚肉, 肉質夠實淨同有彈性外表色澤透白又甜，囉黎做刺身就岩岩好

閑來無事都會同媽咪一齊煮飯，今日經過觀塘，就想買啲食材返屋企。位置官塘於工廠區，離地鐵站約十分鐘路程，尚算方便。雪魚$78雪魚解凍後用抹手紙印水份，燒熱鑊下油煎香二面，魚身外皮脆脆，魚身肉香滑軟綿綿，魚身啖啖肉，有鮮味，只得幾條大魚骨，容易取出，另配咗介末蜜蜂醬，幾滋味。呢款雪魚最啱新手煮婦，下廚無難度。去餐廳食牛扒就好貴，喺屋企食就抵好多靚嘅牛扒只係需要解凍，用小小嘅鹽調味，兩邊稍為煎一下，就已經食得。係屋企都可以食到高級嘅食材，實在太抵啦。。黑毛豬豬扒，曾經買過黑毛豬咸豬手， 覺得肉質特別有嚼口。今次豬扒用一般調味料醃隔夜，將兩邊中慢火煎熟，再用洋蔥燒汁做一個好簡茨汁，肉身非常之淋有肉汁，簡單做法已經有個美味洋蔥豬扒，味道容易掌握。

最近幫襯觀塘呢間凍肉店，味道同質素都幾好，上到去店員會逐樣介紹凍肉同款式。分別有M5,M6肉眼及西冷抗扒、和牛漢堡扒丶日本帆立貝柱丶鰻魚丶雞肉丶黑毛豬扒等等。連高貴的魚子醬都有賣。我同男朋友揀左澳洲m9和m6的牛扒，想試下肉質有咩吾同。反到屋企即刻打開黎解凍，牛扒的脂肪油花紋好漂亮，我簡單加左鹽調味，用明火將牛扒每邊煎至7成熟。M9牛扒油香最豐富M6牛扒肉味就較濃兩款牛扒食落口都夠柔軟和順滑，好好食！另外我仲買左和牛漢堡扒。$68蚊一塊和牛漢堡扒非常之厚及厚份量！煎香漢堡扒後再加上生菜丶蕃茄製成漢堡包，非常juicy及美味!

有日見到同事拎住個冰袋 袋面寫住賣肉求榮 我問佢搞咩要賣肉咁慘佢就話最近幫襯間肉類專門店 品質幾好 然後放工就跟左佢去賣肉上到去店員都好有耐心介紹唔同種類既急凍牛,豬,海鮮等等 當中最吸引我既係日本超巨型帶子 可以就咁融雪之後當刺身享用 最後埋單我買左甲羅燒 西班牙黑毛豬同帶子。 帶子我參考返店員既推介 解完凍點wasabi咁食 入口好鮮甜 真係不得了 食完一粒想再食 不過我知一個道理 就係好野要食小小先滋味 甲羅燒用焗爐焗完之後加左一匙清酒 雞蛋葱花 雖然腥腥地 不過個味道同口感係幾特別。黑毛豬就用洋蔥煎香佢配甜豉油汁 肉質好軟冧 唔洗用刀背揼都好鬆化 好食到我食左兩碗飯。 同事果然冇介紹錯 以後我買肉又多左個地點 買得多仲送埋貨 方便到不得了

因為復活節就快到， 我都要買番啲優質凍肉歎番下， 因為凍肉可以儲存，對我來講非常方便，隨時有得食， 又唔使大時大節周街同人迫， 經朋友介紹得知觀塘開了一間凍肉專門店，名叫「賣肉求榮-進材急凍食品」。老闆非常有禮， 好有心機介紹各種食物，仲介紹不同產地嘅牛扒， 包括美國、澳洲、日本等等。 我對一塊2 寸嘅牛扒特別有興趣， 但又怕唔識整， 老闆仲好好人咁分享佢嘅做法添！原來做法十分簡單， 大家唔怕買啦！ 做法： 將牛扒解凍， 加少許鹽同黑椒調味，用大火煎香四邊， 封住肉汁， 再焗大約10 分鐘， 食得！ 店內有齊各色各様嘅食材，包括有牛扒、黑毛豬、 北海道帶子、羊架同急凍龍蝦等等。仲有紅酒同魚子醬等等。 今日買咗唔少野， 仲有一個保溫袋送， 可以入住啲優質食物， 非常貼心。 今日我煮咗M5和牛和一塊魚扒， 材料十分優質， 下廚無難度啦！ M5 和牛， 牛肉味濃， 有油香， 肉質軟腍鬆化， 好食！銀雪魚， 口感十足， 厚切， 肉質鮮嫩， 魚香濃郁， 又香又滑！我覺得食物品質好好， 價錢亦大眾化， 下次我可以直接whatapps 下單， 買滿$600，仲可以有免費送貨服務， 正！

最近同事之間掀起慢煮熱潮，除左廚藝同器材之外，用料亦係成功既一大要素。　傾開邊度買料靚，大家竟然都不約而同提到幾間觀塘工廈既凍肉鋪，鑽研緊烹飪既我就黎左其中一間朝聖。印象中凍肉鋪既經營路線好兩極，一係就up up dup dup雪左十世睇見都唔開胃，一係就高級奢華靚料到買唔落手。　一入門口見到光猛企理、井然有序都以為係後者，望真d原來定價都好貼地，budget唔多既情況下都揀到幾款。單單係牛扒已經有成十款，花多眼亂呆企左一陣之後，店員好好人主動黎介紹點揀好。　由於屋企冇焗爐整唔到太厚既扒，店員話日本和牛或者澳洲牛薄身d比較岩我，和牛油份重、肉味冇咁濃，取中庸之道我最後揀左甘香同肉味並重既澳洲扒M5牛扒。澳洲M5和牛肉眼 ($178)簡簡單單煎兩面再點鹽就好好味。 脂肪分佈好平均，係我巧手之下大約七成熟岩岩好，軟腍香口，同出面餐廳食既有得揮。急凍龍蝦尾(6oz/200g) ($88)大大件d肉厚到呼之欲出就不在話下，解凍之後斬開，媽媽已經大讚仲有血水好新鮮，清楚見到龍蝦肉既紋理，未煮已經感覺到好正。先用牛油同蒜蓉煎熟龍蝦，再用清雞湯同芝士燴成芝士龍蝦伊麵，三大舊龍蝦尾已經夠一家人分。　作

今晚係觀塘食飯，聽朋友介紹有間凍肉鋪唔錯，就一齊上去行下。巴西牛肋 (腩) 條 ($58)咁大包又重秤既牛肋條，其實由拎上手去到拆包裝既一刻我都以為係韓式連骨個種，點知原來成包無花無假都係肉，性價比高到極點。　平時少煮西式紅酒炆牛肋條之類既菜式，幻想中係比較鞋要火候先炆返腍既瘦肉，點知好快就炆煮得好腍滑入味。　最驚喜既係味道同新鮮牛腩冇分別，要知道而家牛肉貴到煮一家人份量既牛腩都要幾百蚊，買過雪藏牛腩又入唔到口，點都估唔到一包$60有找既牛腩可以咁高質又夠份量，食左第一啖已經決定要瘋狂返去入貨做儲備。澳洲M5和牛肉眼 ($178)幾有牛味，望落脂肪唔多但都幾香，呢個價位出面肯定食唔到。

今日遲咗收工趕唔切去街市買餸，又唔想去一田同人迫凍肉櫃同排隊俾錢，所以就上咗公司附近嘅呢一間樓上舖試吓，進材食品，賣肉求榮，有趣有趣。上到去靚靚老闆娘好熱情咁招呼我，同我介紹有咩新貨返咗，又同我硏究各種牛扒嘅烹調技巧，相當親切，好快我就掃咗一大堆戰利品，相信今晚都食唔哂，仲可以食多兩日，滿足。今晚就食住以下幾樣先…甲羅燒，咁啱雪櫃仲有幾條蟹棒，就攞埋佢同甲羅燒一齊去焗爐度焗，甲羅燒濃郁嘅蟹膏味道，同清甜嘅蟹棒相輔相成。蒲燒鰻魚(歐洲魚苗)，唔知道係咪因為用上咗歐洲魚苗嘅關係，呢個鰻魚同平時喺日本餐廳食開嗰啲鰻魚個口感好唔同，平時日本餐廳嗰啲鰻魚口感通常都腍pat pat，呢度嘅鰻魚口感爽脆，有少少鮮鰻魚嘅感覺，真係令人十分驚喜；鰻魚通常都係配飯，不過今晚我懶煮飯，攞嚟襯烏冬估唔到個效果又唔錯喎，個烏冬我用咗新買嘅柚子醋加埋鰹魚汁嚟調味，同鰻魚汁個味道又係出奇咁夾。Precious USA PRIME 肉眼，美國農業部會根據牛肉的成熟度同大理石紋脂肪含量嚟將牛肉評為8個等級：Prime、Choice、Select、Standard、Commercial、Utiltiy、Cutter同Ca

之前喺facebook見到呢間叫做「賣肉求榮- 進材急凍食品」嘅樓上舖見到好多急凍食材都好正喺觀塘做嘢嘅朋友都話曾經買過佢哋嘅牛扒讚價錢抵之餘 品質仲好好剛剛嘅週末就去咗個friend屋企玩於是就上咗去買咗幾塊牛扒 龍蝦尾 同甲羅燒等等嘅食材一齊玩下煮飯仔呢一間「賣肉求榮」位於觀塘工廈 寶業大廈3/F一出𨋢就可以望到舖頭呢間急凍食材店舖 提供嘅食材種類都算多有安格斯牛扒 和牛 急凍帶子刺身黑毛豬扒 甲羅燒 鰻魚 等等罐頭類仲有魚子醬 同埋日本嘅鹹牛肉我就買咗一罐日本咸牛肉做早餐呢個咸牛肉雖然價錢比較貴 $38但其實絕對對得住呢個價錢可參考咗X嫂冰室嘅做法整咗咸牛肉煎蛋菠蘿包煎嘅時候已經覺得有分別咸牛肉推開係一絲絲嘅肉清晰見到肉嘅質感咸牛肉唔會好鹹 仲可以食到牛肉味添配合埋我焗到熱辣辣脆卜卜嘅菠蘿包同埋流心嘅煎蛋質素真係拍得住原創架而去朋友屋企玩嗰日就煎咗塊 澳洲A9和牛肉眼扒呢塊肉眼扒價錢相當超值$298 就有差唔多一寸厚嘅肉眼扒而且雪花分佈平均 肥瘦適中肉質呈現鮮紅色我哋用咗最簡單嘅煮法 就係用牛油同thyme去煎然後再焗牛扒煎得恰到好處咬一口牛香爆出嚟澳洲和牛 最高等級係M12 呢

網上見到觀塘嘅賣肉求榮·進材食品售賣嘅急凍鮮肉價格好優惠，於是放左工過黎入貨。店舖位於工業大廈入面，人流較小。入到黎老闆就會好詳細講解下食品款式、點煮會比較好等等今次過黎主要入手和牛類，同埋我最愛嘅甲羅燒。呢塊勁有份量嘅M5澳洲和牛只售$178咋～重達2kg 嘅巴西牛肋條只售$5x-$6x 咋～比平時大一倍size嘅炸魚皮$15～掃左包番去打邊爐食。食落脆口唔會好粉。熊本一口和牛 $68 甲羅燒 $88和牛漢堡 $58 老闆話呢款和牛漢堡扒牛味非常濃郁，可以解凍後1分為2，、，變成兩塊食。之後就選多左條鰻魚$78！ 買左甘多急凍食材，老闆話會送埋個保溫袋入住，確保品質。一口和牛漢堡分開左兩件煎都唔算會好散，牛味依然香濃，落丁點油去慢火煎就ok!熊本一口和牛 $68唔落任何調味，沾上岩鹽或椒鹽已經好好味。肉質好稔、牛味都幾濃。甲羅燒 用平底鑊熱左5分鐘左右，息火加上清酒就可以上碟喇蟹膏味比平時出面食到嘅再香濃d, 配白飯好滋味。鰻魚只要用熱水浸住5-6分鐘，拆袋就食得，口感彈牙配熱辣辣嘅飯真係好正！