遇見花蓮

营业中

休息中

$39起嘅一份下午茶餐真係絕對超級抵食!  仲要係味道、食物質素都唔差... 如果行開呢頭真係要嚟試下!✨遇見花蓮✨北角電氣道183號友邦廣場地下14-15號舖🌶️麻辣鴨血臭豆腐拌麵 配 紫菜貢丸湯及地瓜酥鍾意食鴨血、臭豆腐... 又鍾意食辣嘅我... 見到呢個茶餐真係流曬口水! 我鍾意佢嘅麻辣程度恰到好處... 唔會一路食一路滴汗😂  正宗台式嘅鴨血同臭豆腐非常惹味... 拌麵夠彈牙有嚼勁... 紫菜貢丸湯清清地... 地瓜酥外脆內煙韌、帶有點甜味... 食落口感唔錯!🍚鹽酥雞滷肉飯 配 紫菜貢丸湯及台式香腸鹽酥雞塊份量都算多... 香脆惹味! 台式香腸越食越滋味!🌸花蓮小食拼盤必點嘅拼盤小食... 勁吸睛😍... 用咗九格嘅木盤裝住唔同嘅小食... 有牛肚、豬大腸、鹽酥雞、雞卷、滷蛋、香腸、地瓜酥、脆魚塊、麻辣鴨血... 樣樣都咁吸引... 叫一份拼盤就啱曬喇!🤭🐔士林鹽酥雞呢個小食真係冇得輸... 夠咸香... 夠香脆... 肉質多汁嫩滑!

花蓮一品臭臭鍋(128hkd)叫左少辣都幾辣，好惹味，都幾多料，有鵪鶉蛋、丸類、豬血糕、鴨血、冬菇、蜂巢豆腐、粉絲⋯幾豐富，完全係台灣小火鍋嘅標配，一上枱已經有臭臭鍋陣味，好耐無去台灣嘅我超級掛住😭台式香濃沙茶鍋(118hkd)沙茶鍋唔算太濃或太咸，到後尾煮到愈來愈稠就剛剛好，材料都差唔多，一個女仔食絕對夠飽，平時鍾意沙嗲實愛呢個🤩～台南滷肉飯(+10hkd)滷肉係肥瘦都有，瘦嘅部分會多dd，幾濃味，如果多少少汁會更好鳳梨🍍水果茶(+12hkd)嘢飲叫咗少甜少冰，有種獨特嘅茶香，鍾意嘅人會好鍾意芋泥鮮奶加芋圓(+16hkd)芋圓煮得幾軟淋，我個人幾鍾意，飲到芋頭嘅顆粒感#foodiblum台式

上回到了對面的兩店，途經花蓮，發現環境，食物價錢都宜人，所以烙印在心上，必要前來一試。晚上7:30到，入座時見到每台都有一份吸晴的九宮格，－看餐牌就知原來係拼盤。由於月尾大放縱，就來一份，另外叫了麻辣半筋半腩拌麵，排骨湯麵。麻辣味夠，筋腩夠稔夠入味，麵底煙靭，有咬口。排骨大件，食入口有甜味，之後又有咸香，肉質鬆化。台式湯底清甜。至於九宮格拼盤，炸物是即炸的，有誠意，特別喜歡其炸雞及雞蛋，蛋黃層次一流。絕對性價比高之選。

位於北角"遇見花蓮"主打台灣菜，座位舒服闊落，有捲餅，吐司，小食，手工拌麵及小鍋等等..種類繁多花蓮小食拼盤小食拼盤以九宮格木盤上枱，九款小食包括有鹽酥雞、牛肚、豬大腸、雞卷、滷蛋、香腸、地瓜酥、脆魚塊及麻辣鴨血，每款有2件，份味道夠地道，特別蒜片加香腸及脆魚塊，外皮炸得鬆脆，魚肉嫩滑，夠哂惹味。可以一次過品嚐咁多款式外，而且打卡一流起司肉鬆捲餅捲餅外皮軟熟煙韌，餡料超豐富，肉鬆份量超足配埋芝士，鹹鹹香香味道好特出花蓮一品臭臭鍋(大/中/小/特辣)臭臭鍋揀了小辣湯底，材料非常豐富，有娃娃菜，白豚肉，臭豆腐，新竹貢丸，米血糕，大腸，鴨血，沙白，鵪鶉蛋，蕃茄，炸菜絲，韭菜，金菇，鳴門卷和炸枝竹，每款配料都有2至3件，每個小鍋都可以揀一款主食，我地揀了粉絲，粉絲吸哂湯汁嘅精華，食落爽口，雖然小辣但我們都覺得辣，吃得辣可能會更加享受吧

餐廳：遇見花蓮地點：北角炮台山電氣道菜式：台灣野餐牌：花蓮小鍋，花蓮地道小食，花蓮手工麵，麻辣手工拌麵，古早味薑蔥，家傳滷肉飯，花蓮捲餅，花蓮吐司，甜點，飲品。無加一。私房麻辣牛三寶 $68私房麻辣牛三寶好大份，有牛腱心兩大件，食落非常淋，又帶筋，好正。牛肚三件，口感都唔錯。牛筋三件，好有彈性！麻辣味其實唔算太辣，絕對可以接受。仲有糖心蛋一開二同鹹菜，面頭撒上葱花。紅燒牛三寶手工麵 $84紅燒牛三寶手工麵好大碗，有牛三寶各兩件，質素同私房麻辣牛三寶一樣好！麵條係煙韌有咬口既白色麵，粗幼度適中。個湯唔油，味道唔錯。配兩條小棠菜，鹹菜同蔥花。慢煮豬軟骨滷肉飯 $68慢煮豬軟骨滷肉飯有兩大件慢煮豬軟骨，整得好淋，而味道甜甜地，好開胃。滷肉份量唔少，味道都係甜甜地，撈飯一流。配有糖心蛋半隻，兩條小棠菜，鹹菜同蔥花。跟有一碗紫菜肉丸蔥花湯，味道唔錯，好健康。慢烤雞腿起司蛋吐司 $56慢烤雞腿起司蛋吐司一客兩份，用紙包好，烘底吐司包住爆餡雞腿肉，蛋同黃色熱熔芝士，好邪惡。隨吐司附上濕紙巾同膠手套，好貼心。冰糖紅棗燉雪耳 加$12冰糖紅棗燉雪耳用玻璃杯上枱。雪耳好大件，可以用飲管吸到，好滑溜。味道甜

花蓮一品臭臭鍋（單點$118），小辣，好足料；臭豆腐好吸湯，食落帶有臭味；白豚肉肉質嫩滑，肉味濃香；沙白味道鮮甜；大腸、鴨血食落好新鮮；配料包括有凍豆腐、新竹貢丸、香菇、米血糕、炸枝竹、番茄、娃娃菜、韭菜、椰菜、榨菜絲、粉絲；寬條薯粉，口感爽滑。薑蔥鹽酥雞飯（單點$60），鹽酥雞份量多，好大件，食落啖啖肉，味道鹹香；溏心蛋流心效果突出；略嫌薑蔥食落唔夠香口。古早烤台灣香腸（單點$38），外層食落脆皮，帶有少許脂肪，味道甜鹹，配以生蒜食用，味道更佳。紫菜貢丸湯（跟餐$0），內有紫菜、貢丸、香蔥。古早芋泥三色芋圓（單點$45），芋泥口感粗糙，食落比較有顆粒感，仙草口感滑溜，三色芋圓包括有地瓜圓、芋圓、山藥圓，內有餡，口感外煙韌內軟糯。酸菜（跟餐$0），可以無限添加，口感爽脆，味道酸甜。自家芋泥鮮奶（跟餐$12），芋泥口感幼滑，味道清甜，鮮奶奶味醇厚。黑糖珍珠奶茶（跟餐$12），黑糖珍珠口感彈牙，甜度適中，奶茶茶味濃厚。

相信台灣菜係好多香港人都經常食到嘅餐廳最出名嘅，例如台式滷蛋滷肉飯，蚵仔煎，鹽酥炸雞等等今日一行 無意間見到原本位於炮台山油站對面嘅越南餐廳已經倒閉 換來嘅係一間叫遇見花蓮嘅台式特色餐廳從環境出發，座位舒適，亦有卡位 好友想當年仙跡岩嘅感覺作為午市嘅上班族，當然唔會放過附近嘅餐廳好在同同事揀咗唔同嘅食物 方便品嚐一下呢間新餐廳嘅質素我哋分別揀咗半筋半肉嘅滷肉飯，鹽酥炸雞滷肉飯，其餘嘅就揀咗面先討論一下佢嘅滷肉飯，講真比出邊比較清淡，肉質較肥，脂肪比重甚高，建議有三高人士不宜進食，滷肉飯味道一般般，就勝在有好多鹹菜可以免費添加鹽酥炸雞-中規中矩 冇咩特別至於揀咗食台式麵嘅友人 就覺得面質爽口 湯底有台式風味價錢方面，貼近街坊價錢冇加一收費大家如果間唔中過吓台式菜口癮亦無妨總括而言：6/10

遇見花蓮除左傳統台式料理外 仲有1人前臭臭鍋 同各種台式小食 當中吐司賣相真系超吸睛👀🍞慢烤雞腿起司蛋吐司 $56隻蛋煎完個黃仲系流心 堅系不得鳥😚配埋芝士醬 色彩鮮豔 又好味雞腿肉好嫩滑 咬落去肉汁流曬出黎吐司用牛油烘過 好香又夠脆 色香味俱全✌🏼🧀起司肉鬆蛋餅 $42蛋餅外層落左啲黑糖漿 甜甜地幾特別入面包滿左芝士肉鬆 幾足料🔥台式香濃沙茶鍋配薯粉 $118湯底惹味 味道濃郁有肥牛 貢丸 墨丸 鳴門卷 粉絲等等 幾多料 好飽肚牛肉都算滑 粉絲同薯粉索曬啲湯汁 正正子🤪🐽慢煮豬軟骨滷肉飯 $68豬軟骨肥瘦均勻 撈埋滷肉汁食 好送飯飯餐仲有紫菜湯送🥤古旱冬瓜茶 +$8🧋台灣奶茶 +$8💭餐廳食物種類多 口味地道 價錢合理 仲會播著啲經典國語歌 好有feel丫☺️

喺炮台山附近，肚餓要搵嘢食，朋友👧🏻帶路，行咗兩三分鐘，朋友👧🏻見到呢間，話不如試吓，我見係台灣菜，啱食，贊成🤣$42「古早花雕雞卷」：雞肉卷成圓柱體形狀然後厚切一片片，有淡淡花雕香味，而雞肉肉質軟熟，啖啖肉，食得方便暢快😋$28「滷肉A菜」：要咗2份，1人1份，食多啲菜健康啲🤩；A菜新鮮爽脆😋，而且加有滷肉喺菜面，滷肉半肥瘦夠晒甘香，好美味🤩$58「麻辣鬼椒起司雞腿蛋吐司🍞」：有雞髀肉🍗、有煎雞蛋、有熱溶咗嘅芝士🧀️，有都幾辣嘅辣椒醬，有脆脆哋嘅多士🥪夾住呢啲材料，真係幾惹味🤩$72「古法慢煮焢肉麻辣拌麵🍜」：焢肉半肥瘦，喺油脂極充足嘅情況底下當然係超級甘香啦🤩；麻辣拌麵少少辣，麵條彈牙，亦都加咗啲滷肉，非常惹味好食😋$26「淡水滷肉刈包」：「刈包」亦都叫做「割包」，為臺灣出名小吃，常見係將發酵咗嘅麵餅蒸熟後，中間夾入炕肉、酸菜同埋其他餡料造成🤩；呢度就加咗滷肉同埋酸菜做餡料，包皮煙靭，整體開胃好食😋跟餐加 $12「仙草珍珠奶茶」：叫咗少甜少冰，真係唔係好甜，奶茶夠滑，仙草都滑，珍珠就煙煙韌韌🤩

位於炮台山嘅遇見花蓮 裝修舒服有特色 格局寬敞又光猛 好鐘意呢度嘅花花壁畫牆身🌷好靚 食物選擇都好多 價錢亦相宜👍🏻性價比高ꕥ 台式香濃沙茶鍋沙茶湯底幾夠香濃 不過唔會有膩嘅感覺🥘牛肉份量都幾多 質感幾嫩滑🐂最特別係有富有台灣特色嘅米血糕 食落好香 糯米煙煙韌韌咁 丸類就有牛丸/鳴門卷/花枝丸🍥另外仲有索湯嘅炸枝竹/娃娃菜等等 每個鍋都可以自選一款粉麵 我哋揀咗即食麵🍜另外仲有薯粉/粉絲或者飯可以選擇ꕥ 鹽酥雞滷肉飯雞件好多又大件 脆得嚟入面夠肉汁🐔滷肉肥瘦均勻 醎甜剛好 下面仲有啲台灣香菜喺度 味道更加正宗ꕥ 古早烤台灣香腸雖然未至於烤到脆皮 不過都係好惹味🤤識食一定係夾埋蒜片一齊食 特別香飲品選擇都幾多 當然都係台式為主🧋珍珠奶茶同芋香珍珠奶茶 珍珠煙韌 整體唔會太甜 唔錯

🌟古早起司芋泥肉鬆蛋餅🌟第一次試，喊喊地嘅鬆脆肉鬆加埋芋泥，面層加咗少少酸酸哋嘅醬汁，感覺又幾match 🫶🌟台式香濃沙茶鍋鍋寬條薯粉🌟一上枱已經聞到好香嘅沙茶湯底味道，食落味道夠濃厚，配料都算多而入味，特別個主打牛肉片夠嫩滑，配上麵條抵食😋🌟鹽酥雞滷肉飯🌟鹽酥雞有五件，大大件炸得香脆可口，滷肉夠入味配埋珍珠米飯，大人細路嘅最愛，又好味又飽肚😎🌟鮮奶芋泥手工芋圓 & 台南鳳梨烏龍茶🌟鮮奶味夠哂香滑，加上芋泥蓉真係冇得彈，鳳梨烏龍茶夠清香👍🌟紅豆仙草三色芋圓🌟最後當然是返個台式嘅甜品，甜度適中，紅豆恰到好處，三色仙草又夠滑夠凍，正😋

係電氣道搵到間台式餐廳，有台式的飯麵、小食同飲品，價錢親民而且唔使加一。入到去係晚市7點，餐廳已9成滿座，但全程職員服務態度都好好。 先叫左小食，再試埋個飯同面線。 花蓮地瓜酥 $32外皮脆脆的，內裡係我鍾意果隻煙煙韌韌的口感，食到微甜的地瓜味。 麻辣鴨血 $28：鴨血好嫩滑，麻辣唔夠台灣食的咁辣，應該係迎合返香港口味。 大腸面線 $32 滑潤的麵線，配上又香又QQ的大腸同筍絲，我覺得做到有8成似台灣的阿宗麵線。 麻辣臭豆腐 $28臭豆腐好吸香辣湯汁，食完香辣得黎有少少回甘。真係唔似台灣食到果隻臭，所以對我黎講係易入口好多。但對於十分鍾情於超級臭朋朋友可以就未必夠臭 XD 慢烤雞腿蛋吐司$48因為家姐唔食芝士，我就揀左個冇芝士味的吐司，烤雞腿蛋都正常發揮。 薑蔥肉滷飯 $59用醬油黑糖滷制的QQ的滷肉 ,肥肉同皮都滷到晶瑩剔透，食落好下飯而且一點都唔肥膩, 仲有大量的薑蔥配上,更添香口感。仲有半個有淡淡酒香流心蛋,如果滷汁可以再多點就perfect。 慢煮豬軟骨滷肉飯 $68 + 8古早冬瓜茶（凍）豬軟骨肥瘦相間，咬下去腍身得黎又唔鞋肉滷得好入味仲有淡淡酒香，味道甘醇濃厚，配飯真的係

🥘🥘🥘朋友介紹依間餐廳，買過甜品覺得都唔錯，平日行過見到都有好多人食，望下menue 有好多台式夜市小食，仲有唔同既鍋，就決定一次過試哂幾樣野啦台式香濃沙茶鍋($118)好少見台式料理有一人鍋，主食牛肉都有好幾片，除左牛之外，仲有蜆、平日少見既米血糕、幾款丸類，相當豐富，個鍋本身可以配寬粉，但原來入面仲有粉絲，一個人真係食唔哂👍🏻👍🏻👍🏻味道方面唔覺好濃沙茶醬味，無過份調味已好夠味，食完唔頸渴👍🏻👍🏻👍🏻士林夜市蟹蓋($42)將餡料釀入蟹蓋再攞去炸，餡料夾雜蘿蔔、紅蘿蔔、粟米等，製作功夫多，雖然係脆炸，但唔覺油膩👍🏻👍🏻👍🏻係香港少食到夜市小食肉鬆榨菜捲餅($42)份量好足但唔覺膩，係外面加左醬好能夠提昇味道，細心地切開捲餅，方便進食，而且包得好好，咬開都唔會散哂，確保每啖都好多肉鬆同榨菜👍🏻👍🏻紅豆仙草三色芋圓($42)依個甜品好岩胃口，因為唔會太甜👍🏻👍🏻👍🏻佢用花奶做底，紅豆蓉有已經幫到手帶出甜味，唔洗刻意加糖漿，食到甜品之餘都唔會加重負擔👍🏻👍🏻仲有仙草同芋圓依個無敵組合👍🏻👍🏻跟餐order左兩杯飲品，屏東荔枝烏龍茶、自家薏米水，要讚一讚兩杯同樣都係少甜既飲品，完全唔係刻意加

Covid之後都仲未有時間去台灣玩，有d掛住佢既美食，今晚約埋同樣鍾意台灣美食的舊同事食飯。呢度嘅嘢食都幾多款式，而且價錢好親民。蜜汁滷排骨配手工麵$68D 滷排骨件頭都幾大件，酥炸得香脆，表面淋上蜜汁滷水，食落甜咸適中，好特別，性價比高，手工麵口感煙韌。士林鹽酥雞$38其中一樣去台灣必食小食，金黃色旣外皮令我唾涎欲滴，入口香脆，熱氣都唔理得咁多，好抵食，7、8件。薑蔥滷肉飯$59滷肉煮得夠腍又夠入味，加上外皮有油炸過，外脆內軟，配上薑蔥，味道咸香，好味。花蓮一品臭臭鍋（小辣） $118鍋入面有好多料，豬大腸、蜆、豬肉、鴨血、旺菜等等，個臭豆腐個臭香最吸引，d料喺熱湯中煮到入哂味。起晒所有雖然我哋點嘅係小辣，但個湯底都幾辣。色香味加上大大鍋，仲有寬粉吸湯底，無得頂。個麵同個飯我哋加配了飲品，台灣奶茶$同古早冬瓜茶$8。可以點少甜少冰，好貼心，台灣奶茶味道唔錯，茶味有股茉莉花清香。冬瓜茶則帶點黑糖味，清甜。

Came here for afternoon tea so it wasn’t super crowded. Great value for money, food tastes alright (can’t really complain, plenty of pork and rice which is yummm). Location of restaurant is pretty close to the MTR station too so that’s a plus. Overall these are one of the ideal places to go to for a quick, easy and filling meal that’s not way too overpriced. Will come again and would love to try the plates that are made up of tiny little plates of different things next time, looks delicious.