過橋麵檔

营业中

休息中

做完一日嘢又攰又餓，放工後都就係要搵食，人在元朗就去過橋麵檔食個飯，叫咗一個霸王雞菜飯同埋咖哩牛腩菜飯，霸王雞好食就好多人知因為有好多蔥花同薑係大人致愛，我就叫個咖哩牛腩，因為個咖哩味夠香濃，仲有個椰醬係分開放，仲有D青瓜又爽又甜最緊要係個牛腩夠淋仲有牛根係裏面撈埋個菜飯簡直係絕配，再叫埋杯凍檸茶成個人都充滿電… 其實二個人放工後一齊食個簡單好味飯就已經好滿足。

今次又嚟過橋麵檔食飯，雖然佢叫“麵檔”，不過我未試過有一次喺呢度食麵。呢度嘅霸王雞就一定要食，次次都會嗌，係我嚟呢度食飯嘅例牌。霸王雞配菜飯，感覺都幾健康。食左幾次每一次都keep到個水準，隻雞有少少辣都幾惹味，而我最鍾意就係多蔥，岩晒我呢d蔥怪。另外今次就再嚟個新嘗試，唔叫雞叫左個小菜。叫左蝦仁炒蛋嚟試下，小菜都係配菜飯。之前幾次食飯都見過好多枱有叫小菜，心諗應該都唔會差。蝦仁炒蛋上枱賣相都唔錯，都幾大碟，而且佢嘅蛋都炒得幾滑，蝦都算係爽口。不過依家無左任飲飲品，要加錢先有，感覺就無以前無咁抵。小菜試左一味都叫做唔錯，下次要再試下其他小菜先得。

又一個不想煮飯的晚上，又係過橋麵檔今次食呢個辣霸王雞雞本身份量十足。而且肉質鮮滑。面頭加上勁多蒜蓉辣椒，仲有唔少辣油，食落去，唔係麻辣，係一種搶口既辣好過引果種，攪到越食越快。個菜飯都很不錯，唔會太濕。不過有一樣可惜，係無左加錢任飲。個水吧位而家有人企係度整野飲。可能個個加左錢都飲十幾杯掛XDD用雞做主食既話，呢間水準依舊唔會令人失望

最近聽朋友講，去得元朗都要試下呢間，甘我黎得到元朗就梗係要試下啦，食飯時間都要等位嫁，但係就好會等好耐，10-15分鐘度啦。鹹雞菜飯話說係新鮮雞做的， 好有鮮雞味，仲好嫩滑，原來食雞真的可以有雞味，而且份量好大，細食啲都真係食吾曬。霸王雞菜飯價錢平啲，但係份量一樣係甘大，呢個冰雞，就無雞味啦，但係佢個霸王汁，就好嘢味，至於佢個菜飯，菜同飯嘅比例好適中，唔會覺得好留。而且呢個價錢食甘大份雞，真係好低食。

見到過橋係臭坑渠開左新分店，又唔洗排隊等位，即刻9衝入去試下新店有冇失準先-雞🐥既份量一d都唔少，雞身嫩滑，完全唔鞋口。雞皮爽口，唔係淋patpat。用左牙菜舖底，有助吸走過多既油，減少油膩感。再配埋蔥油，蒜同辣椒真係可以撈幾碗飯食🍚好味指數: 9/10-鐘意食辣既朋友可以揀依款，淋上秘製辣醬，多左份辛辣既口感。辣係慢慢慘出黎，又係另一番滋味🌶好味指數: 8/10-併盤係可以自由配搭揀餸，不過我比較貪心樣樣都想食，就揀左個雜錦，有齊哂8款 。併盤用左椰菜舖底，鹵味鹵得入味，又唔會過份鹹，而且鹵得冧身，豬耳雞腎又夠爽口。至於我最愛就係鹹豬手，完全係秒速ko好味指數: 8.5/10

又到左同妹妹食好西既得閒星期日，今次去左比較近屋企既過橋麵檔新分店，可能因為依邊唔係搵食熱點，所以分店明顯少人好多，幾闊落好坐，但唔知點解有啲位滴水 😅😅😅😅雖然叫過橋麵檔，但主打係雞，今日我地叫左一個霸王雞下莊菜飯，同巴辣雞下莊菜飯，同埋一個小食炸雲吞。跟埋雞飯有得用佢地個暢飲吧的。霸王雞上面舖滿蔥同炸蒜，賣相吸引。雞都係夠熟得黎岩岩好滑嘟嘟的。份量好大，除左成隻脾之後仲有少少其他部位，食到最後我同妹妹都你推我讓 😂😂😂😂 但我地估霸王雞個做法係似蒸魚甘上枱前淋熟油...所以我真係食到陣油味...扣左少少分。另一碟巴辣雞香到不得了，不過係三隻辣椒既 😂😂 食得辣先好叫，下面一大片辣油雖然望落好油，但食落啲麻同辣又減少左個油膩感，連平時我唔食雞皮都連皮食左一舊 🙈🙈🙈好香雞味呀~~!個辣料仲可以撈飯添!講開飯，跟餐既菜飯好淡味既，可能我習慣左食雞係食薑容飯。😂😂😂 我寧願食白飯。炸雲吞睇得出即炸，熱辣辣上枱。外皮係廣東個啲雲吞皮，平時都會買下煎讓三寶既雲吞皮，所以都幾中意依種。不過入邊只係肉，味道普通，亦唔係多汁。比較失色。另外，兩份雞下面都有大量芽菜吸啲汁既，可惜由於都係比較油，食落

霸皇雞配菜飯，太多肉！經過見到有幾枱客，有一半係食覇皇雞配菜飯。其實我之前响舊店食過幾次，次次都係食咖哩。今次試霸皇雞，加多碟炸雲吞！炸雲吞鮮炸的，又香又脆，有10粒咁多，衹係$28飲品係自助嘅，不過用膠杯，感覺怪怪的！

塔塔子耐不耐都會去元朗覓食，皆因有個元朗仔男友！今日愛人帶我黎呢間佢話區內幾出名既小店，主打食雞！呢間分店係新開張，檯唔多，但有個自助水吧～塔塔子喜愛食辣，就叫左巴辣雞配菜飯：賣相非常吸引！麻辣又夠香，雞肉夠入味！送飯一流～愛人的霸王雞：非常嫰滑，香蔥乾蒜加鼓油都非常香口，但我個人覺得食到尾有少少咸叫以上雞飯仲有野飲，就係自助水吧！雖然都係一般大路野既飲品，但係食完辣野又有野飲都幾滿足！店員服務都夠親切～下次會再黎

今日晨早去左元朗，睇醫生後找野食，重要買比太太，唔知食咩好，又熱又迫之時，無啦啦醒起過橋面檔，但又記得見過新分店，即時網上open rice 搵到就去買！！雖然我當天無堂食，但老闆好nice 介紹，話想試新模式，即唔似茶記咁食完比錢，先買飛後坐低。味道外賣都very nice 呀！最緊要唔洗行到去又新街個邊迫！重點好似野似飲品$8任飲（coke and coffee )。 留意會早巴價錢不一樣，當然晚上貴dd la !

夜晚九點零去到, 得幾個客人, 店面亦唔大, 大約就20個座位左右.我唔知規矩, 見到大把位就入去坐, 原先要先係外面點餐的, 不過都俾我係收銀隔離點了.有貼紙寫住要係枱面再嘟紙的, 但無人提點, 自己睇唔到結果坐了近10分鐘先有人提醒.可能趕收工的關係, 滷水拚盤的食物只係微微暖, 飲品係自助任飲, 但部咖啡機流到爆, 好難飲的 (咖啡比罐裝雀雀咖啡差好多), 飲了幾啖放棄了.招呼 : 無, 九點半開始抹野準備收工, 食品 : 一般般, 舊舖比較好.環境 : 細, 如果人多肯定要等好耐 結論 : 我都係去番舊舖好了.

過橋麵檔嘅另一間鋪我食過一次，的確係幾好食，但係好多人嘅！依家終於等到佢開分店，可以分散d人流。新店係喺出面買好左野食先，之後佢會俾埋張收據你，坐低之後將收據上面嘅Bar code對準佢set好左嘅機，嘟一下就得，都算幾特別，之後坐喺度等食就得喇，無諗過小店都會攪呢d野bor！今次叫左霸王雞菜飯同埋豉油雞菜飯，佢本身已經包左任飲，自己行去任飲吧度斟就得喇！豉油雞食落無咩特別，隻雞係幾滑又唔會太鹹，不過就肥左少少，未食目測已經見到。至於霸王雞配有大量嘅蔥、炸蒜、薑同埋辣椒，雞加埋d配料一齊食好香好惹味，而且霸王雞無豉油雞咁油，雞一樣都係好滑唔會覺得嚡口。

這店的主鋪已有很多好食評而分店剛這個月開因為地方就係大馬路近水渠果邊地點方便就去一試因為我同太太都第一次食就梗係試這個霸王雞這雞肉味濃，豉油汁不咸，配上乾蒜/䓤絲/辣椒一起吃實是妙配，雞的份量不少，有脾有翼應該差不多有半隻沒有搵笨雖然價亦不算平，但現在想想買隻好味的走地雞回家整都要上百元，現在舒服地嘆也是樂事比起來豉油雞的確失色了雞的份量不及霸王雞，味道偏淡肉嫩是一讚，但味道不及霸王雞，下次來要試其他菜了這裡是自助飲品，可無限添飲，對我這種水怪實是美事

其實係新店，不過唔記得地址。所以寫落舊店呢度。新店玩先點餐，然後才揀位。另外是飲品任飲。相信是由於未有人知，所以客人不多。咖啡牛腩飯看滑但唔夠辣。至於炸魷魚，有點失準了。