道頓堀御好燒專門店 (荃灣廣場) (已結業)

平日好少放下午，咁難得就約咗好朋友食個飯，平時行過呢間舖都已經好想去試下，有機會梗去試試。午巿唔多人，我哋一入就有位，我哋嗌咗三個午巿套餐，啲嘢食好快就黎齊，效率好快。我哋撈勻啲粉漿就落鑊煎，煎嘅過程好玩，雖然味道就唔係好分得出分別，但同朋友一齊玩下煮下炒下，都係唔錯嘅選擇。午巿套餐應該係抵食嘅，每個套餐只係$100左右，我哋叫三個都係$3xx，可以接受。我哋加咗$20食班㦸放題，煎得好開心，啲班㦸粉都開得唔錯。

與這間店子結緣，已經要數到多年前一家三口（嚴格來說是一家四口，那時未知性別的妹妹已經在肚子內）的大阪遊。當年香港很少地方可以吃到 Okonomiyaki（什錦燒／雜錦燒），到關西旅行時，道頓堀御好燒專門店是必到的一站，當年我們也排了兩次隊才吃到。去到現在不但香港有分店，還越開越多，根據開飯網已經有九間分店之多！一個與朋友茶聚的下午，想搞搞新意思就去了重溫風味。其他分店不敢說，但荃灣店由於自然光＋中央冷氣＋燒爐長期開著幾大因素結合，店內溫度是較高的。怕熱的朋友不要選日間到訪，又或者可以學我點杯冷飲降降溫。已忘了自己點了甚麼燒酌飲料，但酒味不明顯的，甜味及果味也很輕柔的，質素中挺，但定價只是$30多，不能要求更多了。大家都不算餓，只點了兩款 Okonomiyaki 分享；首先是海鮮御好燒，所有食物及粉漿已經準備好，只要以木匙拌均並平均攤在鐵板上，夠鐘就返轉，重複2次就可以食用。忘了時間及步驟怎麼辦？不用怕，店方有提供計時器，也有 step by step 的製作指引，新手也不用怕。另一款是加了芝士海鮮雜錦燒，其實內容（多了雞肉及香菇）及步驟也是差不多，都是拌均就置放鐵板，而且不用蓋上鐵蓋去

這間日本燒烤店，我也是第一次食，自己燒幾好玩呀！套餐選擇也不少道頓堀特選御好燒，一碗麵粉糊，一碗麵，兩隻蛋！道頓堀雜錦，一碗麵粉糊+雜錦+雞蛋！有計時器計時的，每一邊煎5分鐘就可以另外是厚切牛肋肉套餐，兩塊牛肋肉，好多椰菜絲，青椒，甘笋，醬汁，白飯。女豐富呀！全部放晒落去計時，麵的兩隻雞蛋放在旁邊。牛肋肉好厚好香，煎到金黃色好吸引呀！！一層燒醬汁，一層沙律醬，十分吸引！！味道亦好好好好玩，好好味，時間剛剛好

今日公司休息， 所以有時間接女放學， 接完放學個女話有啲肚餓， 咁就行咗去荃灣廣場周圍行下啦， 行行下行到一半見到一間好得意嘅鐵板燒， 就行埋去睇下， 一個套餐都係八十零蚊左右， 見到價錢唔貴， 咁我哋 一家三口加埋我阿媽， 四個人 就行咗入去呢一間 舖頭嗰度食嘢， 啲食物因為係自己整嘅關係， 所以教識囡囡珍惜食物唔好浪費咗啲嘢食， 以食物方便 我哋四個人嗌咗三個set， 分量非常足夠， 味道 佢會有份menu教你點樣整， 所以食物質素唔差， 食完正餐之後每人加多十蚊就有一個 pancake 放題， 我個女見到非常開心， 因為我個女見到有朱古力醬畀佢加落啲pancake到， 總結 呢間 食店值得一試。最尾埋單350蚊左右

大阪燒係我嘅至愛 喺日本都有嘗試過自己燒 但係日本人見到你搞唔掂佢都會過嚟幫手 但係香港呢間就可以自己整跟住佢嘅步驟 有晒教學 學新野又有得玩整俾女朋友食氹得佢幾咁開心🥳 文字燒大阪燒廣島燒御好燒 分量預好點樣撈埋一齊都係好好味 因為佢啲配料攪好晒 醬汁又好味 似係日本食一樣既味道 又唔限時可以慢慢坐飲下啤酒🍻 好好既享受 足夠嘅私人空間

今日同屋企人去左荃灣行街，晚飯當然係附近解決啦😆但食黎食去都係咁上下，都唔知食咩好...男友提意不如食鐵板燒🤗我見有人提議，唔想用腦嘅我當然係🙋🏻‍♀️讚成佢帶我地黎呢間餐廳有一隻大貍貓係門口！原來貍貓係餐廳icon😂原來呢度除左除係鐵板燒外，仲係自己燒嫁🙈芝士味噌飯團 $48本身我就好鐘意食燒飯團😆今次煎香左嘅飯團除左有一般嘅飯焦香味同脆口外，味噌嘅咸味為白飯調好味，芝心士則引出香味同拉絲嘅感覺😍又邪惡又好味🤪真係不得了😋😋蒸餃子 $35餃子皮薄、肉餡juice👍🏻蒸餃雖好味😊但我覺得將蒸好嘅餃子再煎香更好味，可能我比較鐘意香口嘅食物😆😆廣島燒 $98好飽肚嘅廣島燒，一定要人多先食得晒。如果唔係，食完就食唔到其他野😜牛舌 $65牛舌份量都可以，但我覺得唔夠味，無咸味嘅😑😑😑自家製牛筋御好燒 $85諗住又可以食到骨膠原所以叫牛筋❤️點知黎到只係得5粒😨好彩都算大粒😅而且仲有一大碗芝士補返數😊而且整體味道都唔錯喎👍🏻元氣！健康野菜御好燒 $75鐵板燒好多時都係食肉為主，梗係要叫返啲蔬菜balance下😉呢款就啱晒，佢話有200g野菜咁多🤭咁咪可以補充返晒囉🤗🤗

上次去大阪無食到大阪燒返黎香港食～雖然都食過好幾次～但大阪燒自己整都好玩～牛舌煎一煎兩面就可以食～煎得剛剛好～又多肉汁～口感仲有啲爽口～芝士薯仔年糕好先煎牛油個邊～之後兩邊都煎大約4分鐘～但我覺得都煎到金黃色最好～入口就會有外脆內軟～芝士味噌飯糰店員叫我地飯糰加埋啲芝士焗～口感好奇怪～飯好林～只有芝士味～事後諗應該煎左飯糰金黃色先再加芝士～但都係唔加芝士好食啲～芝士四重奏御好燒太愛芝士🧀好香～又加了啲蕃茄粒～唔會有好膩感覺～黑椒牛肉御好燒黑椒比較少～牛肉有啲韌～

一埸黎到 就緊係玩手藝大比拼啦其實我係星期六去嘅超級多人 要等得有啲耐但都決定照等，因為係一心一意黎食呢間嘅！好似印象中由6半等到7點令 終於有位啦！！然後叫左pancake同大板燒 會有牌教你點整啲野食為左唧靚啲個大板燒 我真係諗盡晒辦法 仲係隔離係到試點唧出黎會係幼條Omg 成果都算係咁啦講返啲野食 um就真係咁 無乜特別味道上普普通通 畢竟炒得香唔香都要睇你對手 啲料就係大家睇到咁樣一碗野真係只係為左黎享受下DIY嘅樂趣嘅話問心 再叫我排 我真係未必想lol

老友生日選擇左去荃灣道頓堀，鐘意有得食有得玩，4位大約每人$180元差不多，1.5小時用餐，朋友小聚，時間是不夠的，但和小朋友來，必很有趣👍👍👍道頓堀特色是自己炒菜，自己放愛吃的調味，並且有說明書上可以掃QR code 或文字，教你什樣炒菜落調味品🥰🥰🥰最後4個人不停炒、不停食，都無時間傾計，但煮的過程氣氛好好及好攪笑，又唔知食物道熟定唔熟，炒菜程序有點手忙腳亂，另外如來吃道頓堀要預了一身油煙味道😣

餐廳幾靚，平日中午唔算多人，冷氣都唔夠。叫左個御好燒$98、牛肋骨$88、漢堡扒$65。整體係好食既，色香味俱全架，好食過日本頹個D，又無日本受歡迎個D咁好食，至在有得玩。可惜飯好生，估唔到飯都可以伏。不過作為日本餐廳，就有點失望，服務需要加強改善下。其實可以細心D，打個招呼，問一下個客人之前有無黎過食過，無就要主動介紹同講解番會好好多，食完又問下覺得點呀之類。野食黎到剩係擺低，完全唔留意個客的反應，要客人主動搵員工遂樣問，先逐樣答。不過態度仍可接受，唔串，否則唔理客=趕客了。

今晚同屋企人試一次呢間開左一段時間但第一次試既食店呢度得意𣇈係可以自己動手做鐵板燒師博當然做鐵板師博都要學下野先好在佢餐牌上有教學仲有QR Code可以上youtube睇示範今晚晚餐兩個人食左都唔少野廣島大阪燒、海老牛油帶子特上牛肩肉、和牛牛肩肉、泡菜炒魷魚由於食物材料新鮮 所以我呢啲新手都可以整得好好食泡菜炒魷魚好食 好香 魷魚好林好好食而重點同製作過程複雜既廣島大阪燒睇寶影片後 唔太難上手覺得好好食 仲可以DIY自己想要既形狀兩人共食左六百幾蚊

第一次光臨道頓崛御好燒 選擇了不用糾結的兩人餐 有沙律 廣島燒 御好燒 帶子 牛肉 以及甜品 培根沙律的培根都是自己煎的練下手先廣島燒就是麵粉鋪底加椰菜加五花肉加炒麵再蓋上煎蛋 最後澆上燒汁 淋上沙律醬 灑上海苔粉和木魚須粉 滿足自己做料理的願望又不用洗碗 🤣 自己整既點都好味la加10蚊有芭菲 但味道就麻麻總體來講就是好玩又抵食 下次會再來

次次見到呢間野門口都排長龍，今日平日八點幾竟然冇人排，即刻衝左入去試。兩個人食叫咗一個海鮮大阪燒、雞肉、牛肉、豬肉、芝士薯仔年糕、2杯飲品，都已經好夠飽。煎大阪燒、文字燒等等都會有教學，清楚講晒俾你聽每個步驟，不過原來對我哋啲手殘嘅都係好有困難，同埋每一個步驟都係好趕好急..搞到好混亂...但係味道都唔錯嘅個完成品搞成咁樣...😅玩就幾好玩嘅..不過之夜嗰時油煙真係好犀利，感覺自己好臭年糕好食！係真正外脆內軟，又唔會痴牙

今次去呢間連鎖既餐廳，係自己落手落腳整比自己食。有frd之前提議想食大阪燒，就介紹呢間比我地。每個卡位都有一塊鐵板係前面。我地order左一個文字燒同大阪燒。唔需要擔心會唔識整，有menu係教你step by step咁一步步點做，雖然開頭有d困難，特別係要張成塊餅反轉個陣，不過最後都似模似樣，雖然邊邊位有散散地，但算都成功既。如果整到攰攰地或者唔識點做，都可以叫店員幫手燒，佢地態度好好。至於味道，其實都好食既，不過主要係燒餅醬汁同紫菜碎，所以都唔會差得去邊，想有得玩有得食既朋友都可以去試下呢間。

以前喺日本旅行嘅時候都會特登去食大阪燒放題，個時第一次親手自己整餅已經覺得好吸引好好玩，今次知道呢間餐廳係香港開左分店就好想試，但係因為夾唔到時間嘅關係，要宜家先試到。佢呢度嘅燒餅係一個餐一個餐咁分嘅。包括有我哋最常食開嘅大阪燒，仲有廣島燒，文字燒同燒肉。我哋今次揀咗富士山嘅大阪燒同有烏冬嘅廣島燒。服務員嘅態度都十分之好，我嘅手機冇電想叉電但係又冇差電線嘅時候，佢哋都好慷慨咁借左差電線比我叉電。好感動🥺佢哋亦都係上咗菜之後，見到我哋手足無措唔識燒嘅時候，都有上前協助我哋，幫我地整返一個靚靚嘅大阪燒。燒餅嘅味道十分之好，雖然我哋自己有啲整燶咗，但係有個佢燒汁同埋沙律醬的扶持，都令呢個燒餅變得十分之好味。如果都想體驗燒餅嘅樂趣，我都好推介呢間餐廳試吓。