鄰居

营业中

休息中

禮拜日小朋友想食burger做晚餐，今日又落雨，所以唯有盡快揸車出去買。外賣burger通常都出事，一係太油個底包淋晒，或者pack得唔好之後d番茄呀，汁醬之類就走晒位，食到成手係。今晚我買咗4個burger set，從鋪頭車到返屋企十零分鐘，拆出來底同頂個包都仲係好狀態，挺身無淋。細心位係額外跟咗d臘紙套比我地拿起個包食，唔洗用返本身包住個包既紙。當堂企理好多。食物上都大致ok，個patty無油淋淋，唔騷，有肉味，包入面番茄洋蔥都新鮮，醬汁味道就正常；蕃薯條都幾好，當然帶到返去無咁脆口但接受到。食物質素整體幾好。心機野，值得支持

大烤菇牛肉漢堡（$64）轉餐（+$18）同上次食一樣咁好味道，keep到水準。大啡菇都係好香好juicy，牛肉漢堡繼續有肉汁有牛味。特大香草雞扒菠蘿漢堡（$64）轉餐（+$18）今次試新嘢，香草雞扒超大塊，煎得恰到好處，外面微微焦香，裡面仍然有肉汁，雞扒嫩滑，配合香草味，加埋稍稍煎過嘅菠蘿，成件事好夾。鄰居併盤（$68）兩個餐都冇要雙色薯條要咗沙律菜，因為叫咗呢個炸嘢併盤。魚手指、洋蔥圈、雙色薯條、芝士條，全部即炸熱辣辣。PS：下午茶時段 like 社交平台page 有一杯即磨咖啡送。

之前經過一直都好想食 今日終於有機會同朋友過嚟試下啦 果然冇令我失望呀😋佢標榜自己係即叫即煮 而佢個廚房係開放式嘅 所以真係可以見到自己個包即叫即煮🤩大烤菇牛肉漢堡 ($64)由個包開始講起啦 個包好軟熟 佢有輕輕咁烤過 但係又唔會好硬 啱啱好👍🏻而塊牛肉扒都好厚 好juicy 個菇就不過不失 冇乜太大嘅驚喜🙈 不過整體嚟講都算唔錯😋鄰居漢堡($64)哩個burger就有塊菠蘿 成個感覺即刻fresh左 而所以食材都唔會overcook左 變得太硬 成個包嘅感覺都唔會太溜 如果兩個揀一個 我會選擇哩個😋+20蚊就有套餐一個套餐就多左罐汽水同一份雙色薯條/沙律 我哋都揀左個雙色薯條 入面就有薯條同埋番薯條 番薯條唔係好多地方有 佢呢度就有齊晒薯條同番薯條 一次過食到兩種口味🤩薯條就比較脆身 而番薯條就比較淋 不過佢又有番薯嘅甜味 唔會剩係得薯條咁單調🤪最後想讚一讚佢哋 佢哋另外會比張牛油紙食客包住個burger食 費事你食burger食到成手都係哩一點果然細心👍🏻人均消費都係84蚊炸 認真抵食🤩

做完facial是但揾間食lunch,一早知千色匯開左手造漢堡店由長沙灣嚟左荃灣，咪試下佢叫左個美式手造漢堡包$50加$20有隻色薯條同可樂，如飲啤酒再加$16，不過我無飲幾多肉汁但包如加牛油再烤下仲好味😂下次試下第二隻味

首先是雙重芝士牛肉漢堡，這個漢堡非常豐富，有兩片肉餅、兩層芝士和各種配料，讓人感到非常滿足。肉質鮮嫩，口感豐富，加上芝士的香味和濃郁的醬汁，非常美味。接下來是鄰居雙色薯條，這個側盤非常特別，有兩種顏色的薯條，一種是普通的薯條，另一種是用番薯製成的番薯色薯條。薯條非常酥脆，口感豐富，吃起來非常美味。最後是水牛城雞翼，這個菜品非常受歡迎。雞翼肉質鮮嫩，醬汁香辣可口，非常開胃。總體來說，我非常喜歡鄰居Neighbor的雙重芝士牛肉漢堡、鄰居雙色薯條和水牛城雞翼，他們的食材非常新鮮，味道也非常美味。如果您喜歡漢堡、薯條和雞翼，我強烈推薦您到鄰居Neighbor品嚐一下他們的美食，相信您一定會愛上這裡的菜色。

好可惜長沙灣分店執咗，耐唔耐又會好掛住鄰居嘅漢堡，專程搭車都要出嚟食好鍾意食有菠蘿嘅漢堡，最愛鄰居漢堡，大大塊菠蘿係入面，酸甜味同漢堡非常之夾，鄰居係我頭3位食漢堡之選

質素真係唔錯，同長沙灣總店味道差唔多，座位比較普通，唔會坐得太舒服。有一樣嘢好重要，除咗味道之外當然係份量，我一個男人食唔飽，但我老婆咁細食都覺得食唔飽，話曬七八十蚊一個餐，希望不要金拱門化只要漢堡包分量增加，味道保持，會再幫襯。

鄰居Neighbor💛雙蘑菇黑松露醬芝士漢堡 $58特大香草雞扒菠蘿漢堡 $64鄰居雙色薯條 $28人均消費: $75 (2人)-雙蘑菇黑松露醬芝士漢堡🍄🌱佢係素漢堡🌱🫶🏽配料包括白蘑菇 意大利黑松露醬 蕃茄仲有紅洋蔥 羅馬生菜 同自家醬汁個麵包可以做到少少外脆內軟嘅感覺🍞同埋夠晒鬆軟 脹卜卜嘅感覺而且個包帶有少少甜味 有啲似甜餐包😚配料都夠晒豐富👻個黑松露醬一嚟到 就已經聞到好濃不過食起嚟 又唔會話太過over😝洋蔥 蕃茄同生菜就可以解到佢嗰種油膩感而蘑菇夠晒多汁 好好味🍄同埋佢嘅芝士好特別🧀係可以拉絲到好長同埋佢唔係一片片嘅芝士感覺上 佢係好軟綿綿 可以拉到勁長絲😍整體 個burger雖然有少少油不過真係勁多汁 唔會話食到好dry🤤·特大香草雞扒菠蘿漢堡🐔配料包括特大香草雞扒 煎菠蘿🍍仲有蕃茄 紅洋蔥 羅馬生菜 同自家他他醬個burger熱辣辣 好多汁雞幾好食 同juicy🤤但有啲啲柴🥺個菠蘿大大嚿 偏甜 好多汁😋仲要食落去係冇渣同埋 可以解到成個包同雞扒嘅油膩感😝除咗可以用手拎住個burger食🙌🏽仲可以用刀叉都得🍴·鄰居雙色薯條🍟雙色薯條係指用薯仔同番薯整嘅薯條🥔🍠即叫即整 熱

由長沙灣已經開始幫襯，搬左店之後，已經好難搵到好食又價錢合理既漢堡店。今次特登出荃灣Neighbor，果然無令我和友人失望，漢堡麵包香口、肉汁夠、醬汁開胃，薯條夠脆唔油膩，沙律配醋非常清新。鋪面比舊店寬敞一點，整體感覺cozy，適合情侶/2-4人友人相聚。食完漢堡，仲可以在附近商場行下街，消下滯。今次沒有試我們另一至愛，他們的牛扒，下次必定要來試一試。本人好少寫食評，但今次真係忍唔住要寫下，支持一翻！

路過小店， 見價錢幾抵，諗住試下佢嘅漢堡睇下得唔得。叫左個雙色芝士漢堡，加錢要左個果汁特飲同雙色薯條。個包幾好食，牛肉唔咸，肉味唔錯；薯條厚切好食；誠意之作。以後唔駛去路德圍嗰邊食喇😙

🥢雙重芝士牛肉漢堡配雙色薯條🍞漢堡包味道偏甜軟熟🥩牛肉漢堡肉味突出唔油膩🧀芝士夠拉絲好鬼正，芝士控一定鍾意🍠坊間少有既番薯條，仲要係混合，一次滿足兩個願望,炸得好鬆脆，薯條好綿❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ ❁ 👭🏻推薦指數:⭐️⭐️⭐️⭐️

呢間burger店面積唔大，淨得幾張枱，所以之前每次行過都見到排隊排到門口出面😅睇到網上嘅評語大多都唔錯，所以有次特登早d去試吓😆🍔鄰居漢堡 $62塊包有微微烘過，質感夠晒軟熟，而最特別嘅係麪包味道甜甜哋咁，好好食呀😋佢嘅特製醬汁帶點微酸，勁開胃～仲要d汁多到流晒出嚟，真係食到好呢hea😅漢堡扒雖然唔係非常厚，但肉汁豐富，而且牛味香濃，加上入面仲落咗d洋蔥碎，香味十足💗配料方面超級豐富，有菠蘿、蘑菇、煙肉等，令成個包食落冇咁單調，而且有埋清甜多汁嘅菠蘿，感覺非常清新🥰🧀雙重芝士牛肉漢堡 $52呢個就有兩種唔同嘅芝士，芝士味超級濃郁，鹹香味十足😚而且佢仲有輕微燒過，令香味更突出，望落去好似熔熔哋咁😍但嗰兩塊芝士真係好厚，之後會覺得有d膩😣同埋d芝士一凍咗就變硬，所以要快d食呀～呢個食落比較乾，味道亦較為單調，個人比較鍾意上面嗰款多d😝🥔🍠雙色薯條(跟餐+$18）呢個超有驚喜🤩又黃又橙好靚呀～分別係普通薯條同蕃薯條，全部都係厚切㗎，炸得非常香脆又唔會好油👍🏻尤其係蕃薯條，甜甜哋咁，好味到完全停唔到口，真係必食呀💕🧅洋蔥圈 $26洋蔥圈外層炸得金黃香脆，入面嘅洋蔥亦都好厚身，而炸粉唔會太厚✨

呢間漢堡專門店主打手工牛肉漢堡，可以配唔同嘅芝士、蘑菇或者黑松露醬，我叫咗最簡單嘅美式牛肉漢堡($48)，朋友鍾意食菠蘿所以叫咗鄰居漢堡($64)，入面仲有煙肉同炒蘑菇絲，另外再share個洋蔥圈😋賣相唔錯，唔係好華麗但吸引到食客，麵包甜甜地、好似餐包，芝士未去到拉絲，不過焗熔咗所以更融入到漢堡，漢堡扒表面有煎到微濃，一路食都會滴肉汁出嚟，但未去爆汁嗰種🙈初頭以為冇醬汁，原來喺曬同一邊🤣係有啲芥末味嘅千島醬咁，如果比多啲就會更好😉鄰居漢堡相對上比較juicy、冇咁乾身，可能因為菠蘿汁同煙肉嘅油份，煙肉有濃邊又唔會煎到硬曬，菠蘿表面都有微微焦濃，整體嚟講口感幾豐富，係預期中嘅味道😆洋蔥圈即叫即炸，嚟到嘅時候一大浸熱氣湧上嚟，咬落去脆卜卜，粉漿厚薄啱啱好、鬆鬆地唔會太實👍🏻

之前經過已經想試下佢 平時見排晒隊 同埋坐位唔多 大約十幾個座位 今日要早食野之後上堂 6點鐘唔使排 💃💃叫左美式牛肉漢堡 $48+$8煙肉+$18套餐(可樂 雙色薯條）開放式廚房 點完餐見全部即整 麵包鬆軟 面層脆脆地 漢堡好多肉汁 加埋煙肉一齊食 正 👍 塊蕃茄都好新鮮 雙色薯條係番薯&薯條 薯條ok 番薯條我好鍾意 甜甜的 外脆內軟 感覺冇咁熱氣(自我感覺良好🤣）

之前成日經過長沙灣店都冇幫襯（而且已經結業了），今日經過荃灣店，一於入去試試。大烤菇牛肉漢堡（$62）轉餐（+$18）大啡菇好香又juicy，牛肉漢堡有牛味有肉汁，最估唔到菇配埋牛好夾，好味道。鄰居漢堡（$62）轉餐（+$18）菠蘿甜，搶咗好多味，煙肉夠脆唔乾，整體味道不錯。鄰居併盤（$68）除咗跟餐嘅雙色薯條，仲想食其他小食，嗌併盤乜都有就最啱。雙色薯條夠脆口，薯仔內粉、蕃薯夠甜；洋蔥圈夠大件，同樣脆卜卜；魚手指點他他醬最夾；芝士條相對失色少少，中間芝士唔夠拉絲。