醉桃園

营业中

休息中

預訂包廂環境優雅中式傳統餐廳設計就算全場坐滿多人自成一角方便傾偈醬料多款任君選擇醉桃園養生滋補鍋雞件夠多花膠大件湯底十足火喉好飲食物新鮮豐富量足牛類選擇夠晒多款服務態度夠晒殷勤服務員不定期換碟招呼十足對客有善酒水種類選擇充足又可以加錢轉任飲除咗啤酒汽水之外仲有自家梳打清酒甜品仲有驚喜特色食滿二千仲送紅酒今晚五個人打邊爐每人均消費四百幾最後大堂設有裝飾可以俾我哋打埋卡影返一張靚大合照雖然第一次嚟幫襯整體令我賓至如歸下次可以再嚟一試

十分滿意的父親節晚飯👨🏻🫶🏻首先，店鋪環境十分舒適，亦設有多個私人空間。由於我哋第一次嚟，店員在點餐時好細心為我哋介紹💕食物方面，湯底、火鍋配料和刺身都很有質素。湯底選擇有很多，我哋今次試左杏汁白肺和醉雞鍋。象拔蚌跟池魚特惠刺身拼盤物有所值。值得一提，店舖還很有誠意提供了父親節主題的氣球為我哋拍攝寶麗來📷✨絕對會再來！

今次去呢間餐廳打邊爐慶祝父親節，嗌咗沙嗲湯同椰子雞湯底，椰子雞好清甜，加上用豬骨熬湯，所以好好飲，沙嗲湯底好惹味，海鮮新鮮好味，最意外驚喜係墨魚丸，彈牙足料嘅墨魚丸，推介而且員工服務一流，好耐無喺香港有咁嘅體驗。最重要係呢間餐廳唔限時，可以慢慢享受😋呢間餐廳除咗邊爐，仲有圍菜同私房菜，下次再試下

🐮牛肉新鮮切，牛味濃郁。藥膳湯底配花雕醉雞一流！可以先飲湯，再食雞，之後繼續打邊爐。正呀！😋😋 環境都坐得好舒服又有房，可以邊睇電視邊食適合一家大細！另外職員服務好好，會主動幫忙烹調。

星期六朋友聚會，諗左好多間餐廳，有諗過放題／西餐／海鮮，最終選擇公司附近的醉桃園，初次來到，眼前一亮，裝修非常特別，好似拍劇場景咁，勁多打卡位，坐低後靚靚職員介紹湯底，問我地有甚麼口味要求，又建議煮法，還幫我們計時，令到啲雞唔會煮得老，椰子湯超甜，其他食品都非常新鮮，特別係牛肉同珊瑚蚌，但網上落單就反應比較慢，臨走仲有甜品送，炸湯丸口感特別，全程開心，職員服務非常好，忍唔住要寫番個好評，絕對值得再去！

今晚同班姊妹黎食晚市邊爐慶祝生日，Book咗間房大吃大喝，非常盡興！餐廳嘅設計好有中式古典特色，設計到好似置身於高級客棧咁，好別出心裁，好多打卡位！.湯底揀咗醉雞鍋同芫茜皮蛋，醉雞鍋可以揀半隻或者成隻雞都得，啲雞即使係雞胸位置都好有咬口，芫茜湯好足料又好清香。牛嘅部位選擇都好多，尤其牛頸脊同埋牛小排，油脂分布勻循，淥十秒就食得。.海鮮試咗蠔、貴妃蚌同埋龍躉片，生蠔大大隻好Juicy好新鮮，貴妃蚌好爽口彈牙，龍躉片都切到好薄一滾就熟，又係超爽口！其他配料方面，皇帝蟹柳同埋墨魚滑蝦丸，仲有手工餃例如韭菜餃都係皮薄餡靚。其他前菜方面，推介黃金炸魚皮同埋萵筍絲同埋鳳爪，係等齊人之前，或者火鍋未滾之前過下口癮幾唔錯。.另外嘢飲方面都好多選擇亦好有特色，一定要試荔枝Whisky梳打，一飲上癮🥺 而服務態度方面啲侍應都好好客，又主動幫你打卡，總之整體體驗係大滿足，如果鍾意坐得耐同傾偈，呢度比觀塘其他限時放題鬆動好多，又啱一大班人嚟暢飲暢食，係公司聚餐、慶祝活動或者宴客嘅好選擇👍🏻

之前想book位，但一直都book唔到。。！今日機緣巧合之下終於食到啦，果然一試難忘令我流連忘返！啲食物勁新鮮，而且服務態度又好好，要點名表揚Dee哥哥✨野生竹笙好大條好爽脆✨安格斯牛牛味重✨椰子雞鍋一上鍋，我哋就忍唔住飲咗幾碗，爭啲飲晒添重點！所有嘢食都係超新鮮，雖然價錢係觀塘對比其他火鍋店可能高小小，但絕對物有所值！！！下次要同d frd再過黎食！呢原來夜晚仲有私房菜價錢都唔貴四百幾蚊有一個人絕對係觀塘第一嘅中菜！

朋友介紹嚟咗醉桃園晚飯，一入門口見到古代亭園佈置出色，不停卡打，一行五人安排坐個卡位，位置寛落坐得舒適，抵讚！我地選擇咗打邊爐，先點了個清香椰子雞窩，滾起就試下啖湯先，勁好味，香香椰子味雞肉又滑又嫩，滿意，再上埋個醬料盤，又係打卡時間，再點了手打蝦丸，墨魚丸等等整體食物新鮮，最後仲有甜品，食物不錯又不限時，啱晒同朋友嚟吹吹水，好地方！

相隔好耐冇寫食評，冇諗過喺觀塘一個咁偏僻嘅位置都可以搵到一間好用心服務嘅火鍋食物水準係有嘅，味道都唔錯，最開心係$68任飲酒水食物好固然知係重要，但個人認為最重要嘅係用心嘅服務。知道人手唔足夠，但見到佢哋好盡力咁服務每一枱客。今日特登為朋友慶祝生日，佢哋除咗幫我哋準備切餅之外，好細心咁準備埋一籠壽包（我哋從來冇要求過嘅），唔係價錢嘅問題，係有心，先至係最緊要。一定會再介紹其他朋友過嚟，希望好嘅餐廳，香港唔會買少見少。

之前兩次都係夜晚打邊爐，服務同食物都無失望今次team lunch近公司帶同事嚟食，一樣全正面評價！牛肉普遍咩位都覺得唔差，又鮮，必點！我都幾鍾意佢哋黑松露餃，蝦好彈牙，黑松露香得嚟唔太搶味！湯底今次係花膠雞，都唔錯，不過最鍾意都係杏汁豬肺，大力推

今日特登返嚟約個舊同事食lunch~ 唔好以為lunch打邊爐好誇，原來火鍋店都有點心同小菜食! 我哋叫咗個二人午市套餐($298 for 2PAX)，超高性價比!! 👍🏻👍🏻凍凍哋叫多咗個養生海鮮豆漿鍋!咁凍飲碗熱湯胃吓暖真係正!!!! 湯底係用魚湯加豆漿熬成，好足料，超鮮甜! 飲完成個人暖晒，仲補充咗骨膠原✨~ 私心推介必點 - 家鄉炒米粉!!!! 😋😋😋撈咗粉絲加米粉一齊炒，係我鍾意嗰隻爽口質感! 配埋欖菜好香! 工業區其實都好多好嘢食!

觀塘醉桃園主打火鍋，推薦嘅湯底有藥膳花雕醉雞鍋。上星期同朋友食飯，佢哋一定要我試下，話絕對唔會後悔👍🏼👍🏼。佢哋嘅藥膳花雕醉雞有啲藥膳嘅味道，啖啖都係滲入醉雞裏面，啖完之後喉頭會有種暖暖嘅感覺，真係幫身體驅寒。有專人幫我地煮雞，落雞後水滾熄火再焗六分鐘，熟度剛剛好。除咗醉雞，仲有好多唔同款嘅料可以揀，例如美國黑豚肉、手打牛肉丸 同埋手打墨魚丸，都係推介。個個料都新鮮，丸好彈牙。最驚喜嘅係佢哋嘅竹笙雲吞，啲雲吞皮好薄好滑，餡料滿滿，令人意猶未盡。而脆鯇魚片同蘿蔔片都係一流，特別係脆鯇魚片，好新鮮，配埋啲醬汁，一個字正，食完仲有流心丸子做甜品，第一次食炸湯丸，好有驚喜，食完完全沒有油膩感，👍🏼👍🏼

觀塘工業區的美食珍寶—— #醉桃園 🍽️ 前幾天Lunch在觀塘工業區尋找餐廳，第一次吃醉桃園，無論出品環境服務都非常高質🌟 當日我們3個人Lunch，座位寬敞，而且餐廳提供多間包廂，私隱度高，部分房間可以唱K🎤🎵，尤其特別適合多人飯局聚會。他們午餐選擇豐富！😋$298的二人套餐包括前菜，主菜，主食，甜品，而且份量十足，看食評好多人都說性價比高！我們都十分同意！聽餐廳職員介紹，他們夜晚提供高質特色#火鍋 🍲，還有#圍菜 ，主打鮑魚的Menu以供不同食客選擇！當日我們點了：$298 二人套餐，包羅萬有 ！😋瑤柱粟米羹：瑤柱的鮮甜與玉米的味道香濃，每一口都散發著自然的甘甜。🌽😋桃園酸菜魚：🐟 魚片彈牙，酸菜的微酸恰到好處，令人食指大動。湯底清爽，帶有淡淡的辣味，讓整道菜更加開胃。🌶️😋京都骨：肉質鮮嫩，酸甜的醬汁令人食欲大開。😋乾煸四季豆：經過乾煸處理的四季豆外脆內嫩，香氣四溢，搭配獨特調味，讓人忍不住一口接一口。🥢😋濃湯浸時蔬：新鮮的時令蔬菜在濃湯中浸泡，保持了鮮嫩的口感，每一口都充滿健康的美味。🥬😋滷肉飯：米飯吸收了醇厚的滷汁，五花腩肉質細膩，入口即化，令人回味無窮。🍚😋甜品炸湯圓：外酥

專登試咗三次先至上嚟寫食評，目的係想睇吓依間火鍋嘅高品質輸出係唔係一路都咁穩定！結果答案係：食物高質！ CP值高！服務好（呢個真心絕對好Appreciate）我最鍾意依度嘅芫荽皮蛋鍋底，因為佢嘅芫荽唔係求其擺幾條喺個鍋度，而係將啲芫荽Blend到好濃嘅汁加入豬骨牛仔嘅湯底（店員後認真介紹）。口感好濃厚，唔會好似有啲地方嘅芫荽皮蛋湯底，咁好似滾水一樣🤣我哋叫咗幾款前菜都好surprise荔枝蝦棗好好味炸得唔油膩，但係好鬆化，入邊嘅蝦滑非常實在，乳鴿味道夠濃又新鮮，讚👍🏻呢度嘅牛肉切得好厚，而且肉味好新鮮，仲有我覺得最正係手打墨魚滑同埋野生竹笙，非常厚身！呢幾款食材都係同我平時喺其他地方打邊爐食過有明顯分別嘅！佢哋嘅服務好好，店員都好熱情，而且加湯非常及時，就算當日我哋食飯嘅時候個場已經好爆，但我哋食完都唔會好似想我地快啲買單走人咁！而且我哋當日坐嘅地方屬於大廳，但係座位都好寬敞唔會好逼夾，我鍾意呢啲用餐環境！

朋友今日帶我嚟觀塘嘅醉桃園，聽聞他們的藥膳花雕醉雞鍋好食，所以我們決定一試究竟。藥膳花雕醉雞鍋（全隻），$298香氣四溢，令人迫不及待！有服務員幫我哋煮雞，確保熟度剛剛好唔嚡口，雞肉夾著藥材香，藥材的香氣與花雕酒完美融合，好滋補。肉質滑嫩，湯底濃郁，簡直是冬天的最佳伴侶。脆鯇魚片，$88好新鮮，魚肉爽脆，打邊爐必點！美國黑豚肉，$88肉質鮮美，油脂分佈得剛剛好，咬下去肉汁流出，搭配鍋底的湯，口感真係升華，幸福感爆棚。手打牛肉丸 $44 手打墨魚丸$88兩種丸子都好彈牙。牛肉丸肉汁滿滿，牛香十足，墨魚丸係新鮮手打，口感好彈牙，正！竹笙雲吞，$78皮好薄，餡料豐富脹卜卜，鮮蝦好爽口 竹笙的香氣更添層次。蘿蔔片，$30淥耐啲淋啲，索左個湯，好食飯後仲有甜品送，係流心脆丸子，簡直係驚喜！湯丸放入鍋中去炸，流心丸子外脆內軟，咬下去的瞬間，流心的芝麻同花生醬料瞬間充滿口腔，真係好滿足