醉翁亭火鍋館 (已結業)

顧名思義，半放題的意思就是有一半的食物是任叫，而有一半的就只提供一次。先講講只提供一次的。魚生拼盤的賣相不錯，不過質素就一般。除了三文魚外，其他的都有一點硬，像是未溶雪似的，也吃不出鮮味。之後是海鮮拼盤，質素算是好些，蝦及扇貝都不錯。不過青口及鱔就不太新鮮似的，而鱔的碎骨也較多，不容易吃。另一款限定食物是鮑魚冬菇，這算是最好的，鮑汁的味道甜甜的不錯，冬菇也滿了這鮑汁味，口感也可以。最後的一款是肥牛，算是中規中矩。那麼放題的食物又怎樣呢？正正常常的火鍋食品，有丸、粟米、菜及駝鳥肉，質素算是一般吧。

平日晚上 六點半到 不算多人 兩人有梳化座 好舒服，湯底不算多 食物ok,牛肩背肉好正，入座按人數有刺身，花膠，粟米超甜，但肉類較少，可以打足三個鐘！服務人手充足 ，經常換碟

秋風起，又係打邊邊既時候啦搵左間近近地既餐廳同爸爸撐下枱腳，試下好唔好食先～門口擺左好多海鮮去到都未夠7點，但都已經滿左8成，好彩有訂位咋！餐廳係做緊無限時任飲任食大部份都係任食，下面有少少係收費既 點好野食就可以混醬，雖然配料唔多，但基本既蒜蓉、辣椒、蔥都有，所以都OK 除左火鍋，餐廳仲有D熱盤同小食，有D要收費既，所以睇唔到免費既有泰式雞腳、青瓜、雲耳、花生雞腳、蔬菜，不過要留番個肚打邊邊，所以無試啦～汽水都係任飲既，款式都幾多有兩個雪櫃放免費飲品，放既野係唔同架酒類飲品就要收費喇 除左火鍋配料，餐廳會特別送幾款食品俾客人，包括有刺身啦～有四款，每款有兩片，都幾新鮮，仲係厚切添 有個海鮮盤啦～都有6款架，有D仲唔止2隻～正呀打邊邊最鐘意食海鮮～～ 有2隻水餃王，真係好大隻，入面好似有三隻蝦，仲有木耳絲，好爽口 仲有個蠔皇扣鮑魚，呢個每星期都會轉，可以係鮑魚、花膠、海蔘、燕窩，總之款款都好正啦～～ 呢碟極級牛頸脊都係送架！可惜Si係唔食牛既，唯有爸爸自己一個食啦～爸爸話牛肥瘦適中，而且肉質都唔錯～ 另外仲點左駝鳥肉、小燕餃、脆鯇片、竹笙、鮮蝦滑同墨魚滑，份量控制得好，全部細細份，反而

今次兩個人食7:30，首先近mtr同apm ，環境大$298任食，正坐低先選羊肉煲，暖立笠次盤海鮮拼盤，好鮮味呢碟牛脊，真係值回票價，林到爆個set仲包埋刺身任食丸任食菜仲有花膠菇必叫生竹呢個元貝定扇貝好鮮味仲有不可不提，小弟唔好餃，但一食呢個至尊餃，真係正，有好多蝦係入面。最後值得一提，份量適中，唔會太多太少員工服務換殜算快同有笑容，如果食鸛塘3樓，下次book卡位sofa，見到好舒服。會再去

$298 任食火煱，有海鮮(大大隻貴妃蚌，海蝦)，招牌牛頸脊，魚生拼盤，每人一隻至尊水餃皇(超多蝦好爽)... 仲有每位—件厚花膠...湯底仲可以揀時令羊腩煲(平時大排檔都要二佰蚊),同埋麻辣雞煲(我揀咗)食完加湯打邊爐好惹味,啲雞好入味唔鞋。仲可以加蔬菜菇呀，好多選擇同任飲，真係幾抵！坐得舒服！食呢幾樣已經飽咗7-80%,另外再order埋肥鵝腸(推介好脆好食),竹笙，墨魚滑(推介真係有一粒粒墨魚同芹菜架)食到捧住個肚走.

必點羊腩煲@醉翁亭火鍋館 自從觀塘開了醉翁亭之後，這裡就成為我們家的飯堂，媽咪喜歡下午過來飲茶，經濟又坐得舒服， 而晚上的無限時火鍋也做得非常之好， 食物新鮮款式又多，價錢也非常合理 和很多親戚朋友來食過，人人都滿意，今晚媽媽不想煮飯，我們就過來打邊爐啦，客人雖然多但空間感高，加上位和位之間很有空間，所以也坐得很舒適 平日$298一位,假日就$328一位, 一個價錢，多款食物任點任食，其中有些精品食物是限定的，光是食限定的食物就已經很夠了 調味架 接著就可以點湯底,也可以點雞煲或者羊腩鍋，侍應哥哥告訴我，羊腩鍋是最新推出的~自問「羊癡」的我們當然要點上啦 賣相精美，羊腩味道偏甜，難得是羊肉燜得入味，雪味不明顯，皮彈牙有咬口，味道不錯。醬汁濃香甜滑、不稠不稀，隨煲附上腐乳，點來食更具風味，當然如果你是不食羊的，那你就體會不到那種美味啦。 羊腩煲現在在酒家食是不便宜的一味，這個質量和份量分分鐘要上300元 湯底我們點了鴛鴦湯底，沙嗲和冬瓜湯底。冬瓜湯底，是我的最愛，夠清甜，入面有一絲絲的瑤柱，涮食物時可保持的原味，至於沙嗲就很惹味，用來涮肉會比較合適 前菜是自助的，款式很

話說約左幾個朋友食飯，天氣又轉涼，見到醉翁亭提供無限時任食邊爐，大家決定去試。因為我地試先預約，不用等就有位，店內環境清潔。因為6個人關係，可以叫2個唔同既鍋，最後我地揀左羊腩鍋同鴛鴦湯底。我特別鍾意羊腩鍋，羊腩份量夠，而且肉質腍得黎又冇so味，仲可以refill ，正！鮑魚夠腍，有咬口，冬菇味濃刺身新鮮，最鍾意三文魚，夠晒肥美！講下火鍋配料，會送每人份量既海鮮，有蝦，蟶子，青口，魷魚，脆鯇片，非常豐富，而且新鮮，我最鍾意係蟶子，肉質彈牙，又冇沙！火鍋當然唔可以缺少肥牛，醉翁亭選用牛脊肉，牛味濃，有咬口，好味。這裹既鮮蝦雲吞都係送，鮮蝦新鮮又多，饀料包得實，唔會因落湯而鬆散。其他火鍋配料都係高質素，新鮮，連基本既蔬菜都係靚料，入口爽甜最後埋單328 連加一，絕對唔貴，因為我地坐到12點先走，傾左大約4個鐘，又冇職員趕又可以食好野，係一個聚舊既好地方！

打機朋友話約出黎gathering..又要有得食，又要坐得耐，諗爆頭都唔知去邊好。上網睇下原來醉翁亭可以無限時任坐，岩哂我地。一坐低就睇下有咩鍋底揀，原來仲有羊腩煲，即刻唔使諗就佢啦，估唔到羊腩可以咁林，仲冇蘇味，好有驚喜。重點提提個水餃王，勁足料，好味到震，重點係唔使加錢送既。仲有其他唔使錢，一坐低就有既係，海鮮拼盆，手切牛，鮑魚大冬菇。剩係食呢d已經夠哂飽，值回票價！絕對岩岩同朋友gathering 既地方！又好食又抵食，服務仲好好，亞姐好有笑容！

早前去過銅鑼灣店覺得岩家人食，今次就帶埋黎試下觀塘店同銅鑼灣唔同，觀塘係落單而銅鑼灣有部分係自助，個人比較鍾意半自助。但同家人食走黎走去唔好，所以觀塘幾岩同家人食。一如銅鑼灣店，有豐富頭盤送，今次竟然見到三文魚腩刺身，一人一件真心唔夠喉，即想食多件，鮑魚東當然唔少的。今次叫左雞煲，但家人頂唔順果種麻辣，員工好好人畀我拎起晒d 雞慢慢食，再幫我賣換過第二個湯底。服務好好，經常幫我地換碟。觀塘店同樣有d 前菜係可以自助，雞腳，豬肚湯真心正，送既肥牛又大大碟好多雪花紋。最緊要無限時畀屋企人慢慢食慢慢坐，家人話下次再要黎食過。

為左慶祝今日考到車牌, 帶我家姐黎豪食火鍋 (因為地點好方便)重點係呢度冇限時任食, 最唔鍾意食野趕頭趕命趕交枱 LOL入到去就見到熟食區, 選擇唔算多, 但個泰式鳳爪幾好食, 食完又想再去攞! 任飲無酒精飲品都幾多選擇, 不過如果有汽水會仲開心入座後發現張台同座椅好夠闊, 唔洗就住叫野食, 實夠位擺! 先揀左個鴛鴦湯底, 好快就黎到呢一面既餐單全部都係入座就會送既, 每位一份後面個頁既食物大部份係免費任點既, 下面有少量收費食物入座後送既有刺身併盤, 刺身不過不失, 每位一隻鮑魚 (每個星期都會轉一次), 2 人有一份細既牛頸脊每位1隻水餃皇 (我食個粒有成4粒蝦仁) 好味! 仲有海鮮併盤, 可惜貝類海鮮略嫌多沙總括黎講呢個價錢都幾公道又送海鮮又送刺身, 最緊要坐得舒服, 服務唔錯 如果啤酒都任飲就屈機啦~~ 哈

同朋友兩個人慶祝，諗住比多少少錢可以食到啲高級邊爐($328加一，埋單每人$361)。點知真係極度失望。個放題餐包左幾樣看似高級嘅“前菜”，包括冬菇鮑魚（每人一粒，淡味好韌），魚生拼盤（五件每人一塊，但完全無味），仲有幾款可以出去夾嘅前菜，雞腳/青瓜/豬肚等等，但無一樣嘢值得食，豬肚臭嘅，青瓜又係無味。另外仲有一碟牛肩肉（味ok）同一盤海鮮（除蝦以外，其他無味）係用黎烚嘅。有六款湯底揀，我扡揀左重慶雞煲底。好喇，到上雞煲喇，又係係味道極淡，仲要無啦啦喺我地仲食緊雞嘅時候幫我地加水，無錯，係水，沖淡晒啲味。之後佢地不斷“主動地”幫我地加水，形成所謂嘅湯底就打邊爐喇。喂，我去連鎖快餐店打邊爐都有“真湯底”refill 丫，你收我三百幾蚊倒啲清過蒸餾水嘅“湯”比我會否太過份？啲配料本身已無味完全唔新鮮，你加埋水落個煲到更加無味，全程食物啲味就係黎自豉油。唯一配得上呢個價錢嘅配料只有牛肩肉同海鮮拼盤入面嘅四隻蝦，其實唔係特別好味，只係對比起其他配料，呢兩樣嘢係“有味”。總括黎講，三百幾蚊食啲咁嘅嘢係完全不能接受。

又係睇食評中伏😑又話6小時任食😑點知訂枱時話咩因十一特別日子好多人訂咗枱😑所以得2個半鐘😣諗住都試下喇😔雞煲都OK😑海鮮拼盤，魚生，水餃，牛肉，係包一次嘅😑但追加要畀錢😑之後轉冬瓜湯底後😢點知啲冬瓜爛嘅🤤第一輪柯打好多都無嚟😠第二次柯打只追加菜咋😡追咗幾次😡到我地走都無來過呀😡追咗幾次 😡等咗九個字一樣都冇嚟過😠又中伏🤤無下次😡

係觀塘返工嘅我，睇到有間新開嘅任食火鍋！見佢廣告影出嚟嘅食材都唔錯！訂左六點半，但五點半已收工，嘗試上去睇吓俾唔俾入座，居然可以呀⋯⋯超開心！因為條街太熱喇！酒樓冷氣非常充足！環境唔錯，座位舒服！最重要係冇時間限制嘅火鍋特別食得開心！因為同朋友傾下⋯⋯又烚下⋯⋯又傾下，唔洗驚比人趕走😅以上呢五款唔係任食的！照人頭份量供給！冬菇鮑魚一般，水餃用料足，非常大隻！刺身拼盤都尚算新鮮，環球海鮮拼盤就普普通通喇！牛頸脊都夠林！其餘任食嘅材料都係大路嘢，飲品任飲，除酒外，但最麻麻嘅係韭菜餃！唔好食！好厚面皮🤣🤣魚皮同響鈴都夠脆，貢丸唔係普通嗰D！係台灣貢丸，我鍾意食，所以叫左兩轉，因為出面買都貴架！鱔又係叫左幾轉，新鮮嘛⋯⋯坐左四個半鐘，每人$268+1！佢哋嘅服務態度都OK架！下次會再嚟幫襯的

早前好友表示入秋後，想一大班朋友約出來吃火鍋，其實，要約齊各路人馬出動，談何容易，幾經辛苦，終於定了日子來醉翁亭試試。這裏的火鍋是無限時任飲任食的，周一至周四，成人HK$268，周五至周日，價錢則為HK$298。而且每枱每人按人頭更可獲贈極級牛頸脊、刺身拼盤至專水餃王及蠔皇扣鮑魚等美食。 另外，店的一旁則設有自助吧，熱食的食物選擇較少，不過是免費的，那就沒有關係了。 火鍋湯底共有5款選擇，當中重慶雞鍋較特別，不過由於怕雞煲太燥火的關係，沙嗲皮蛋清湯鴛鴦鍋就好了。蠔皇扣鮑魚 - 鮑魚雖然SIZE不算很大，但就是煮得非常入味，口感煙煙韌韌，挺有咬口，加上厚身的冬菇及爽脆的西蘭花，讚。至專水餃王 - 水餃每一隻都是漲卜卜的，非常飽滿，而且內裏放了大量的小蝦仁及荀絲，入口既爽脆又彈牙。 刺身拼盤 - 刺身的種類蠻多，包括有三文魚、北寄貝、銀針魚及吞拿魚等，不過，由於刺身雪得太凍了，所以入口時已經沒有味道，而且魚肉硬硬的，口感一般。 環球海鮮盤 - 海鮮盤非常豐富，內裏包括有海蝦、蟶子、龍躉片、鱔片、大青口、魷魚及脆鯇片。說實，鮮鮮的新鮮程度足夠拿滿分，個人最愛就是海蝦，口感爽彈，鮮味十足，

邊爐引又起🥘，求其搵左呢一間試吓，食物同飲品款式夠多，還有幾款小食可自取，一個價錢包括幾款例必提供的食物如，魚生刺身🍣及海鮮火鍋料，其他畫紙仔📝自己✔️。對小食沒有特別期望，每款只攞了兩舊。當然，質素平平，亦不需要再去多取，當餐前小吃無妨。牛肉🐗也是只提供一次，若份量不夠便要自己額外俾錢💸再叫了。牛🐗～是有牛味的，不過不失。海鮮盤🐟🦐🦑～各食物質素尚可，亦都新鮮，蚌很大隻💪🏽，但其中一隻是臭的。因為已很飽所以沒有要求退換。大雲☁️吞～的確真材實料，咬落去好多蝦，都好味，大大隻好有質感。寫紙仔叫的食物難得有竹笙，當然要叫啦。喜歡這裏每次出的份量不多，二人食不會浪費。平日甚少食豬膶，這裏有，叫了當湯底也好吧。食物質素不多說了，任叫任點，也是這樣上下吧！沒有特別突出的，亦沒有特別難吃。這裏的環境不錯，二至四人可以有舒適寬闊的卡位，一大夥人，相信也容易搵位，有很多八人以上大枱。說實在，這裏位位$300尾，並不算平，可以說是貴在坐得舒適、招呼周到吧💁🏿！的確欣賞這裏的招待，每位同事都寬容有禮，適時收取桌上的空碟。同行的去完廁所🚽後便說地下很濕、很可怕😱，說以後不會再來😅。