金坊泰國美食

营业中

休息中

今晚食的是位於荃灣的泰國菜金坊泰國美食。原來裏面都很寬敞，很多座位。菜式非常多，近乎有點花多眼亂，最後要了3個菜式，酸辣明爐烏頭、青木瓜絲沙律及蒜蓉炒通菜。青木瓜絲沙律很快就上枱，木瓜切得細長細長一條條，裡面還有車喱茄，可以用生菜包著木瓜沙律一齊食，食落清新爽口，酸酸甜甜非常惹味！酸辣明爐烏頭喜愛食泰菜就是喜愛泰菜的酸酸甜甜的味道，所以要了這個酸辣明爐烏頭，一邊滾一邊食，熱辣辣的食得特別美味，味道酸酸甜甜帶少少辣，經炸過的烏頭魚很香很惹味！蒜蓉炒通菜簡單一個蒜蓉炒通菜，廚師炒得也頗入味，有很多的蒜蓉粒。食完後也有意外驚喜，餐廳送上一個紀子桂花糕甜品，而且份量都頗多，甜品帶桂花香軟軟滑滑的，做為飯後甜品非常滿足！

今日黎到荃灣搵食見到好大招牌既呢間泰菜就俾佢吸引左，決定入去試下餐牌應有盡有，所有你諗到既泰菜都搵到有小食，乾/濕炒河，海鮮，串燒，湯等等炸蝦餅有成8舊之多，好有誠意爽口彈牙，係用新鮮蝦手打而成再點上甜酸醬好開胃海南雞飯海南雞皮脆肉滑就算雞胸都好嫩滑，一d都唔鞋令我一舊接住一舊咁食油飯都好高質同雞肉配搭起黎食好夾豬手飯豬手炆到非常軟淋豬皮入口即融，係我最愛既口感豬肉味濃，送飯食一流椰青魚翅雞煲好濃郁既椰青味好青甜同雞油香結合左之後香味升左幾個層次推薦！

金坊泰國美食 ( 荃灣）今日去咗荃灣食嘢，女朋友話想食泰國嘢，行開附近見到依間餐廳都幾多人應該有信心嘅保證所以就專登走咗入去食呀，原來都幾多人食串燒拼盤叫咗個串燒拼盤有牛雞豬，而且串燒嘅份量都幾多每一串都係大大粒海南雞飯另外叫咗個海南雞飯做正餐，佢哋嘅海南雞非常之幼滑，而且油飯都十分香酸辣明爐烏頭明爐烏頭魚配酸辣湯就非常之入味，烏頭魚都幾大條又多魚肉配上酸辣嘅湯汁，開胃又好味原來荃灣都有唔錯嘅泰國菜。餐廳菜色選擇多，價錢親民。正阿

荃灣荃興徑這一路段都很多美食，今日來到這裏就揀了一間泰式餐廳食晚飯。餐廳的menu都是傳統的泰式特色菜，圖文並茂的。海南雞飯$68 海南雞飯是一個套餐，跟配有例湯，很清甜。海南雞飯是泰式菜的特色菜之一，金金黃黃的雞皮特別的吸引，雞肉腍滑肉質不會鞋，點上秘製的酸甜醬汁， 令軟滑的雞肉，味道帶少少酸甜，頗為美味。濕炒牛河$88 濕炒牛河份量都頗多，河粉較大片，濕炒河裏面有很多配料，牛肉也是切得頗大件，配料有芥蘭、芫茜、蔥、紅蘿蔔、椰菜及秀珍菇……等， 食泰菜我很喜愛食濕炒河粉，因為濕炒河粉有很多適量的美味湯汁，濃濃的湯汁，沾著軟滑香口、美味的河粉，及有很多配菜一齊食，真的很可口！椰青花膠雞煲$98 椰青花膠雞煲配著爐上，裏面有很多嫩嫩的椰子肉、雞及香茅……等等，湯底飲到椰子及雞的香甜，湯底濃郁，花膠的份量也不少，帶點爽口，這個湯真材實料，夠曬滋補又抵飲！食完飯後，餐廳還送上一個大菜糕甜品，大菜糕甜品有點爽口，不會很甜，很特別很清爽。

豬肉生菜包豬肉碎份量都好多，雖然係肉碎，但係仍然食到豬肉係好新鮮嘅而且多汁，仲帶d酸酸辣辣嘅味道好開胃😋生菜亦都好爽口👍🏻串燒豬肉牛肉雞肉各兩串✌🏻好鍾意個沙嗲醬，濃味得嚟仲帶粒粒口感😊完全做到錦上添花嘅效果😋馬拉盞通菜配豬頸肉好惹味而且仲好有鑊氣👍🏻豬頸肉夠爽口，送飯一流👍🏻芒果糯米飯基本上每次去泰國餐廳食嘢都一定會叫個芒果糯米飯😁糯米飯入口煙煙韌韌，椰汁香味好濃，芒果當造又甜又多汁😋無得輸呀👍🏻

太耐無得去泰國旅行，今日想同男朋友去食泰國嘢，之後去咗荃灣呢間泰國嘢到試吓，一入到去，地方光鮮，而且座位亦坐得唔係好迫，之後睇吓餐牌，有好多唔同款嘅泰國嘢食，之後我同男朋友叫咗三個餸，分別有咖喱炒軟殼蟹、香葉肉碎炒飯、再加多個泰式炒通菜，首先講吓個咖喱軟殼蟹，咖喱味濃郁，而且唔太辣，用嚟撈飯一流，而軟殼蟹方面，炸得啱啱好，可以成隻蟹擺落口食，非常爽脆，而香葉肉碎炒飯，少少辣味，又有泰式嘅風味，我男朋友食咗半碟，話炒得非常好食，最後泰式炒通菜，辣得非常過癮，佢個汁簡直就一流，非常開胃， 總括而言，如果你想用一個正常價格，去食一餐比較上好嘅泰式野，呢間絕對係你嘅選擇，佢仲有其他唔同嘅泰式餸菜同嘢飲，選擇繁多，總有一種啱你口味。

今日叫咗個泰式椰菜苗，都幾大碟又幾好味，另外叫左個碎肉生菜包，要左雞肉，食起上嚟好似豬肉咁，對我來講辣咗少少，但食得辣嘅人就應該OK，另外嗌咗個流心芝士蝦餅，第一次食有芝士嘅蝦餅，好大粒，好好味，好特別，最後再食咗個芒果糯米飯，要鴛鴦飯，一半係黑糯米，一半應該係斑斕嘅白糯米，芒果味就唔係濃，不過都可以，兩個人食咗大約$360

今日喺間泰國餐廳食野喎.... 地方黎都比較清潔嘅咁我地四個人食喇咁同埋呢度野食黎宜家都有個好處加可以食到12點...第四個就嗌左1碟蒜蓉包啦一條魚一碟蠔啦.. 仲有半打串燒..仲叫左個椰清雞湯飲..都幾好食

餐廳雖然沒有豪華的裝修， 環境簡潔明亮， 座位舒適， 價錢十分親民抵食， 所以屹立在 路德圍10年以上， 擁有不少粉絲支持。香濃芝心蝦丸四粒$98叫即製的龍蝦丸， 十分巨型 吸引， 外皮炸到金黃色， 香噴噴，令人垂涎，肉質飽爽彈而鮮味， 用刀輕輕切開 ， 流心芝士洶湧而出， 十分邪惡、 美味， 沾上泰式酸辣醬， 別有一番風味。鐵板蠔仔煎蛋$98熱燙燙的鐵板蠔餅， 份量相當大，上枱時， 蠔餅香氣十足， 表面煎至金黃香脆， 口感外脆內軟 ， 啖啖充滿誘人蛋香及蠔仔的鮮香， 再沾上泰式甜酸汁， 令蠔肉鮮味加倍提升， 墊底的牙菜 ， 肥美爽脆， 滋味令人停不下來。海南雞飯$68油光亮麗的去骨海南雞 ， 啖啖肉， 我最喜歡， 黃油雞皮彈牙緊緻 ， 皮下的雞肉好滑溜， 配黃油雞飯一流 ，不消一會， 所有的黃油雞飯 ，給我通通吃光了。珍多冰$33冰爽蜜甜的椰汁冰， 每口散發著誘人的椰香， 配上七彩的啫喱粉條點綴， 賣相精緻， 粉條煙煙靭靭， 炎炎夏日， 必選的飲品。飯後甜品， 奶茶大菜糕， 口感滑捋捋，帶淡淡的奶茶香氣， 甜度適中， 充滿泰式風味。

今日掛左成日風球，決定外出晚餐，食完回家休息。夏天無咩胃口，加上疫情無旅遊，太掛住泰國美食，所以決定食呢間泰國餐廳，主要想食蝦餅，但估唔到呢間咁特別有芝士蝦丸。香濃芝士蝦丸 $98好邪惡好難抗拒，超爆多芝士，非常香濃芝士味。爽口彈牙帶濃郁蝦味的大大粒蝦丸，外層炸至香脆，內裡係爆餡的芝士軟心，入口咸香濃郁，彈牙口感豐富，沾甜酸醬更加滋味，份量剛剛好，食完唔膩。芒果沙冰 $36好重芒果味，鮮甜帶果香，味道濃郁唔會太甜，沙冰打得細滑，好好飲。海南雞飯 $68賣相吸引又份量足，海南雞有齊雞翼、雞脾、雞胸部位，平均又可食到唔同部位，仲配有事日例湯，好豐富。雞肉超嫩滑，雞脾彈滑嫩腍，雞翼唔會好細隻，雞胸都嫩而不乾，雞味重又唔肥膩，雞皮也爽滑。沾酸辣汁，味道更香。油飯做得好，乾爽有飯香，雞油都食得出，帶點黃薑味。配埋雞腳例湯，雞腳有咬口，腳筋有膠質，冬瓜清甜，個湯唔油仲好溫順。

今晚同家人來食晚飯，好耐無食泰國菜，所以揀左早前好人氣的餐廳，閒日唔算多人，所以不用等位，直接入座。餐廳佈置都有泰國風格，有泰王相，亦有佛像裝飾。不過最吸引都係食物及價錢，性價比高。串燒（豬、牛、雞）半打 $983款肉各兩串，燒得香口帶燒烤香，配埋花生味濃郁的沙嗲醬，好濃香惹味。豬肉扎實有咬口，用較腍的部位，無肥肉位，邊位燒至香脆，味道好有泰式風味。雞肉有彈性，肉嫩多汁，有陣陣烤雞香。牛肉較硬身，整串拎來食，別有風味。牛肉亦很夾沙嗲醬的微甜帶咸，更顯牛肉味。咖哩炒軟殼蟹 $168份量足夠，4人分享剛好，軟殼蟹都好大隻，炸至金黃色，香脆惹味，蟹肉飽滿鮮甜，真材實料啖啖肉，配咖哩味道更豐富。咖哩好香唔會好辣，配料豐富，有青紅椒、洋蔥……增加爽脆咬口，咖哩也很夾飯或蒜蓉包/法包。蒜蓉包條 $50特別為咖哩點左蒜蓉包，好香牛油同蒜味，外脆內鬆軟，沾到好多咖哩汁，咸度剛好。味道濃郁惹味，咖哩好香且唔辣，非常美味易入口。藍妹（大）$19星期一至四有半價，都幾抵，夠凍夠清爽。食串燒同咖哩必飲啤酒。最後餐廳送泰式奶茶糕，每人兩件，奶茶味突出，香濃甜美好滑彈，食完唔膩，呢個味道幾創新。

可能生酮放監嘅關係有人約我食飯即刻仆到咁去保險朋友仔話有間泰國野幾好食一路食一路傾保險😂我又試吓係咪真係咁好食先果然冇介紹錯首先佢嘅公車林巴即係生蝦好新鮮，啲蝦係好爽吖配埋蒜頭同埋嗰個醬汁仲要有我最鍾意食嘅芫荽真係不得了跟住隻雞都唔錯嘅雞肉都好嫩👍🏻個馬介休炒通菜都炒得非常有火候唔老，好滋味係個豬手飯略嫌啲豬手肥咗少少啫如果係生酮嘅話我就一定會覺得佢好正😂可惜唔係生酮嘅時候我就要咬走佢👋🏻👋🏻

荃灣這間街坊泰菜 位置喺三蚊豆腐花對面茶餐廳格局 坐位闊落👌菜單款式多 價錢合理 又夠曬大碟頭😚今晚👭 又食大咗🤪#冬陰功海鮮湯湯底酸辣夠勁 滿滿海鮮有蝦 魚 魷魚 青口……😋#泰式青咖哩牛肉椰香味甜中帶辣 牛肉份量唔少👍叫埋個鬆脆香口#蒜蓉包條 沾汁食😋#馬拉盞炒通菜夠鑊氣 又大碟 好惹味😚#燒蟶子皇新鮮+鮮甜👍#班蘭椰汁沙冰只飲到濃濃椰香味😆係好飲既😋#椰皇沙冰清甜椰香+ 粒粒椰肉~正仲打卡免費食埋泰式奶茶糕🤭

當我同男朋友經過荃灣好想食真正地道泰國美食。這間餐廳真的鄰近荃灣地鐵站走過來不到十分鐘。首先睇到款menu,因為自己真係返到去芭堤雅旅遊。可謂琳琅滿目應有盡有。當然有他們主打的燒馬友,或者燒烏頭，配有冬陰功作配料真係唔錯。冬陰功裏邊有濃烈車矛味道及泰國薑 真係零舍精神。我自己女仔好鍾意食佢哋嘅椰汁糕同埋其他嘅甜品 椰汁冰或泰國炒飯。菠蘿炒飯佢哋零舍唔同特別。除咗有豐富菠蘿味之外淡淡菠蘿肉，配上菠蘿返應有的特製醃料例如臘腸肉，真係令人垂涎三尺。😘

同屋企人食飯 book咗19:30七個 去到話人哋未走要等一下 結果等左一個鐘頭都未有位「已經20:30」 一直話等 最後忍唔住話不如你問人哋可唔可以讓一讓出來 佢哋先去問 完全冇諗住解決 態度完全唔得 book位等於冇book到