金子半之助 (東薈城名店倉)

营业中

休息中

平日下午嚟食Lunch，第一次嚟食，叫咗我最鍾意食嘅蕎麥麵+天婦羅丼，蕎麥麵好大碟，同埋原來天婦羅下面仲有飯，超豐富～天婦羅炸得夠脆，蕎麥麵略嫌唔夠俾得多Wasabi。天婦羅味道同天丼比，個人鍾意天丼多啲，而呢間成個set就豐富啲。朋友配左烏冬，可以任加配料，都幾吸引。Lunch set係幾抵食，又有面又有飯，下次會再嚟試第二個餐

店員惡到不行，自己漏單，害客人等了45分鐘，叫佢幫我check 下張單，淨係叫我地等，做錯野，還不承認錯誤，食物方面一般，最重要是樓面員工實左太差，太冇禮貌，建議樓面員工必須進行一系列培訓，方可接待客人，已去信日本總公司投訴。

擁有數間分店的金子半之助，之前已經很想試，但每次都見到長長的人龍，放棄了排隊....今天是平日的中午，終於去吃了江戶前天丼滿滿的一碗! 包括了穴子、海老、魷魚、蛋及少許蔬菜，招牌穴子天婦羅長達30cm，超厚肉身，肥美軟滑海老也是很大隻，肉質鮮甜爽脆，相反魷魚是軟糯口感，整體層次感很豐富。傳統做法的天丼會把新鮮炸起的食材放上飯面，然後再均勻淋上天丼醬汁，目的是要每件天婦羅都能沾上醬汁。所以天丼的天婦羅並不像一般天婦羅脆口，而追求的是每件天婦羅都能適量沾有醬汁。而金子半之助使用古早秘傳醬汁，更能重現江戶時代風味。加上流心蛋，送飯一流，果然是白飯小偷迷你丼(魷魚+海老天丼)&稻庭烏冬我一度懷疑自己看錯了餐牌，一個價錢有一個迷你丼再加稻庭烏冬😮烏冬的份量很多，醬汁調較得剛好，不會過鹹; 加上wasabi 後醬汁更昇華。迷你丼的主角是魷魚及海老，海老不像江戶前天丼般原隻上，但也是非常新鮮彈牙;而且配角還有菇菌、海苔等等，全部也是以天婦羅的做法上炸漿再炸，能保持菇菌的甜味及水份。

📍金子半之助 📍東涌達東路20號東薈城名店倉1樓101A號舖 🍤 迷你天丼＋冷稻庭烏冬 $118這次點了迷你天丼搭配冷稻庭烏冬，份量剛剛好，適合想試多款口味又不想太飽的人。 迷你天丼的天婦羅種類豐富，包括本菇、枝豆、溫泉蛋、南瓜和蝦，每件都裹上薄薄的炸漿，酥脆不油膩。醬汁滲透米飯，味道濃郁，溫泉蛋拌飯更添滑順口感。加了$30 換咗做車海路，好值得！超抵條炸蝦，食得好滿足！冷稻庭烏冬的麵條爽口彈牙，搭配清爽的鰹魚湯底，特別適合炎熱天氣。如果喜歡清爽又有嚼勁的烏冬，冷食版本是個不錯的選擇！🍣 辣味鮭魚他他拌蛋黃 $48鮭魚他他帶點微辣，味道濃郁，配上蛋黃更添滑順口感。還附上四片炸海苔，可以用來包著鮭魚他他一起吃，增添香脆口感。 辣味的部分恰到好處，但生洋蔥的辛辣感比較強烈，吃到後面有點刺激味蕾。最後我乾脆把它拌進白飯裡，意外變成一碗超豐富的鮭魚他他蓋飯～

中伏，5點幾6點入座落單，但半個鐘都上唔到菜，仲要有其他人遲尼先上岸（相近菜式）。催單時個店員敷衍應對，仲話佢“比人（我）鬧爆”。毫無服務可言仲要收加一。啲軟殼蟹收咁貴但係腥，其他炸物亦唔脆，但不算難食。唔知其他分店點樣，但呢間千其唔好去，浪費時間金錢，一天心情都被毀了。特登開個open rice ac尼評價呢間野。男友以前食過認為可推介才帶我去，但結果變成咁。見到本月亦有類似comment，即不是個別事件，希望各位避雷！！

行完山順便去醫肚 點知半個鐘先送餐 都算 啲天婦羅又凍又淋 勁難食 漢堡扒不過不失 不過都係凍 純粹因為肉味都有 所以凍左都未到話難食 天婦羅凍左 勁大陣油膱味 總結 千祈唔好試 一定伏 過隔離食麥當勞比較好

欺騙客戶！！！外賣是店員說好天婦羅是拼盤（盛盒），有蔬菜有蝦，還把圖片給我看，我也再次確認是有蔬菜有蝦，他說是。拿回家後一看什麼蔬菜都沒有，簡直是欺騙客人。 打電話去詢問，只說店員說錯了，就是這樣。客戶不是缺這個錢，只是被人欺騙的感覺很不好。就算是店員人為錯誤，店方也知道是店員弄錯了，就應該提供一個合理的解決方法⋯⋯什麼不做，這個無視客戶的態度真的很糟糕！現在經濟不好，大家生意都不好做，現在還有這樣的服務態度，真是害了香港的飲食業。

今日去個friend東涌新屋House Warming，完咗之後就順便喺東涌啲商場食埋先走。呢邊嘅商場選擇都幾多，但竟然見到呢間天婦羅過江龍，記得喺日本食過都好食，就決定試吓睇係咪同日本一樣質素。-叫咗個江戶前天丼，有鰻魚、海老、魷魚天婦羅餅同溫泉蛋。上枱嘅時候賣相就麻麻地，覺得炸到有啲過火，顏色太深色。不過食落又OK，熟度啱啱好，唔會煮到硬晒。前菜配嘅牛蒡都好爽口。-整體嚟講都唔錯，如果炸皮顏色金黃啲就完美啦

難得東涌有一間主打天婦羅嘅日式餐廳，啱晒住喺山旮旯嘅我🤣🤣同朋友叫咗1️⃣ 海老天丼：大蝦天婦羅炸到金黃香脆🍤2️⃣ 軟殼蟹天丼：軟殼蟹酥脆，入口好香，但係蟹既份量唔多🦀3️⃣ 迷你天丼配稻庭烏冬：天丼同烏冬一次過食晒，岩晒澱粉愛好者。烏冬彈牙，天婦羅都幾脆🍜🍤

去開東涌就去食呢間，前幾年都有食過，今次再食，質素都仲keep到，叫咗汁另上，咁就唔洗浸淋啲天婦羅，天婦羅都炸得好味，唔會太油，都夠脆，但等咗半個鐘先有得食🥲

到夜晚諗住搵餐廳食飯，咁啱見到呢間又有人排隊就決定試吓新嘢，點知就中伏。🙂‍↔️🙂‍↔️🙂‍↔️入到餐廳要用手機落單📱，隔離同一時間入座嘅人叫完嘢食極速就上菜，但係我哋等咗半個鐘都好似未上，然後要去到催店員先至會理你。等到隔離同時入座果枱已經食完埋單走人，遲過你入座都上左菜，但你仲坐左喺度等緊你個飯。😵‍💫😵‍💫⌛️⌛️最尾食完嘅時候都成九點啲舖頭都閂哂門，冇野可以行😅😅啲價錢又唔係平，催單個店員轉個頭就走左去幫人收銀同上菜，啲師傅聽到催單都眼望望咁，你唔遲上咪唔會比人催囉。全晚體驗極差，飯都冇心情食。除非你勁得閒，勁多時間等，而且唔介意人地走左你仲等緊，否則唔建議黎。

今日中午响東涌行左一輪街，就去搵嘢食。因為鍾意食日本嘢，見到金子半之助就入左叫嘢食。食物好味，冇問題。問題就出在服務員身上。入座前已於門外見到佢地張貼左告示，係接受商場積分扣減的（CG Dollars）。咁埋單比錢時，我就出示我的CG Dollars 要求佢地扣左先啦。點知佢地話唔接受喎，我問點解🤔，佢話好少客人要求用，所以佢地唔識用喎😱😱。吓，咁洗唔洗我學完教佢呢！！！！！！我唯有唔扣積分，比晒全費囉。個服務員完全沒有歉意，態度超差，收完錢就行開左☹️而家咁嘅工作態度，想留住客人都難啦，執笠就易喇😤😤😤😤

中午。東涌搵啲未食過嘅先「金子半之助」兩個人，今日叫咗鮭魚子玉子燒×1迷你天丼&稻庭烏冬/蕎麥麵+雞肉丸稻庭烏冬（溫）+迷你天井（海老）+G.鮮果飲品放題×1車海老帆立貝天丼+不分汁+G.鮮果飲品放題X1兩個餐都加左飲品放題，當然飲住等嘢食啦。（有三款自助飲品，菠蘿，芒果，提子汁，不過如果人客多，條路都幾唔方便）坐咗10分鐘左右，先上鮭魚子玉子燒味道正常，不過不失作再過多十分鐘左右，接住上嘅係迷你天丼&稻庭烏冬/蕎麥麵+雞肉丸稻庭烏冬（溫）+迷你天井（海老）味道可以，係炸得有啲過乾再上嘅係車海老帆立貝天丼味道唔錯，都係炸物太乾（似係炸得D過咗時間or太熱）建議汁要分開，等炸物冇咁易淋！地方環境唔大，比較迫，店舖入面比較熱！（我太怕熱，等嘢食2-30分鐘，食就10分鐘，食完馬上埋單！）舖頭位置比較偏僻！PS ：可能今日父親節，比較多人叫外賣，所以等餐時間相對比較耐！呢度係scan QR code 落單，要收加一

天丼（$98）有兩隻炸蝦，兩件炸本菇，一塊小柱魷魚天婦羅餅，一片炸海苔，一片炸莢碗豆，一隻半熟蛋。味道比預期好，炸粉不是鬆鬆脆脆的那類，係脆得嚟又偏軟身的那款。幾款天婦羅最好食竟然係本菇，好厚身而且好juicy。醬汁亦不錯，夠撈哂碗飯。另附上麵豉湯及兩款前菜。PS：自己 scan QR code 落單。另收加一服務費。

喺香港都食過好多次天婦羅，但係每一次都食唔到喺日本嘅感覺今次終於係例外啦 我哋叫咗一個特上天丼除咗有最基本嘅炸蝦 菇 茄子之外仲有一條超長嘅穴子再加埋天婦羅咗嘅流心蛋撈埋啲飯真係送飯一流至於迷你天丼配上稻庭烏冬滿足咗想食炸天婦羅同埋湯麵嘅心今次仲另外嗌咗一個兒童餐俾個女食估唔到兒童餐都份量唔少有烏冬有天婦羅仲有甜品同埋蘋果汁仲有個扭蛋俾小朋友玩兒童餐仲好貼心咁樣可以俾你揀汁另上咁就唔怕小朋友食得太鹹啦值得一讚嘅喺呢度仲會提供黑豆茶可以一解油膩