金子半之助 (新都會廣場) (已結業)

去到葵芳站一出，唔知有無同感點解會飄來一陣陣麻油香呢?原來係金子半之助の天丼傳出黎～今次終於坐入黎試下！店家提供嘅係黑豆茶～佢地嘅天婦羅日本小麥粉、鮮雞蛋，令炸衣即使凍左依然非常香脆好味，配合日本高級古麻油，其香氣真係香到成條街，唔講得笑！期間限定 軟殼蟹車海老天丼 確實好吸引，不過第一次就先試試主餐牌 江戶前天丼 $138（穴子、海老、小柱魷魚天婦羅餅、溫泉蛋、海苔餅、碗豆）上天丼 $118 （白身魚、海老、小柱魷魚天婦羅餅、溫泉蛋、海苔餅、碗豆）小貝柱魷魚內層Q彈紫菜天婦羅脆卜卜不油膩揀呢兩款就可以試晒穴子同白身魚喇～～升級車海老 $38 特意只升級一個比較下，車海老肉質更紮實，大大隻，口感極佳！追加 溫泉蛋$12半煎炸外皮油香，蛋漿濃郁拌飯一流。

最鍾意食炸物，但要炸得乾身、食材熟度啱啱好，係一件唔易嘅事！葵芳金子半之助日式餐廳令我大開眼界，雖然等上餐時間唔快，但覺得好值得等，因為實在太好味！今次揀咗上天丼和車海老軟殼蟹天丼，見到炸物又高又多，遮哂所有飯，真係忍唔住打卡。餐廳空間頗大，配合開放式廚房，可以睇大廚點處理炸物！而且座位之間都夠闊落，出入無咩問題，加上每枱都有膠板隔住，私隱度夠高。套餐仲有漬物(醃蘿蔔及薑片)，超開胃；另外仲有味噌湯，唔咸又夠熱；店員仲遞上黑豆麥茶，茶葉濃又唔苦，口感厚醇。上天丼 HKD 118食材包括車海老、白新魚、小柱魷魚天婦羅餅、海苔、莢豌豆同溫泉蛋！白新魚魚味幾足，肉質好滑又夠厚肉，外脆內滑，好特別！整體炸物都係炸得乾身、無「油益味」；而且炸物好薄身，好足料！車海老軟殼蟹天丼 HKD 168材料好豐富，覺得呢個價錢真心抵食！食材包括車海老、軟殼蟹、小柱魷魚餅、莢豌豆、海苔，仲有隻溫泉蛋。篤穿溫泉蛋再撈埋飯食，識食一定咁食。先食車海老，蝦勁長又厚肉，肉質緊緻又彈牙，炸蝦無咩可以挑剔；軟殼蟹好厚肉又有蟹膏，食落外脆內軟滑，鮮味、蟹味濃郁；最覺得特別係小柱魷魚餅，估唔到咁厚肉嘅魷魚，肉質咁滑又彈牙，熟

日本過江龍餐廳，在日本已經出晒名，連續七屆獲得全國天丼大賞，通唔到關唔緊要係香港都可以一嘗。餐廳地方座位寬敞，一入門口職員已經親切帶入座。餐牌上款式選擇唔多只有數款，而每款旁邊都有介紹非常細心！車海老軟殼蟹天丼，包括車海老、軟殼蟹、小柱魷魚天婦羅餅、莢豌豆、海苔、溫泉蛋，材料豐富！炸物炸得乾身唔油膩，醬汁帶有鰹魚味，可提鮮！個人喜歡軟殼蟹和車海老！江戶前天丼，和前者材料幾乎一樣不同的是由軟殼蟹轉穴子，即是星鰻！與鰻魚比較，脂肪較少口感較緊實，吃起上來較沒有負擔！枱上有小教學教我地食法，食到一半時可把溫泉蛋弄破再和飯混合，令白飯沾滿蛋汁！

因為係附近返工，經常都黎金子半之助食天，天婦羅每次都食得出啲材料好新鮮，亦唔會有好膩好多油的感覺，或者呢啲就係師傅的功架。另外食炸嘢最驚就係食到萬年油味，都係係返天婦羅專門店食會放心好多💕夏天配凍烏冬真係好正，冬天就會揀返熱烏冬，個人覺得天婦羅配烏冬先係最夾，店員亦會係落單後拎一大盒烏冬配料比你自由落，雖然呢度主力唔係烏冬，但個烏冬都好出色，軟滑帶麵粉香(凍食更明顯～）另外都呢度一坐低就有嘅黑豆茶都好特別，出面好少有~ 應該比較養生?

今次嚟到葵芳，食咗呢一間金子半之自助，排咗大半個鐘先食到，睇嚟呢間都好受市民歡迎今次食咗一個上天丼（$118） 內有白新魚，海老，小處魷魚天婦羅餅，海苔，豌豆天婦羅同埋溫泉蛋！仲會包埋漬物同埋味噌湯添真心好好食，佢嘅天婦羅冇油益味，仲有佢嘅特製醬汁淋上天婦羅 真係好食到停唔到口每個飯都會有一個溫泉蛋，呢個溫泉蛋唔係普通溫泉蛋佢又經過煎嘅過程，師傅真係要好溫柔先真係做到啊！仲食咗一個迷你天丼配稻庭烏冬（冷）迷你天丼有菇菌，南瓜，海苔，豌豆，海老同埋溫泉蛋嘅天婦羅再配埋個凍嘅烏冬，夏天食真係好開胃大家可以加多啲Wasabi咁就會更加好食啦！地址：新都會廣場107至108號舖

媽媽最愛吃軟殼蟹，知道金子半之助新出限定軟殼蟹天婦羅，一於帶媽媽食好西。車海老軟殼蟹天丼 $168賣相非常豐盛，有車海老、軟殼蟹、小柱魷魚天婦羅餅、莢碗豆、海苔及温泉蛋。大大條車海老肉質緊緻，軟殼蟹咬落酥脆可口，温泉蛋汁伴飯更美味，媽媽大讚食材新鮮。隨餐附上醃蘿蔔及薑片可解油膩感。迷你天丼&稻庭烏冬（温） $118小朋友先要選擇，丼飯同烏冬我全都要，呢個套餐岩晒我，迷你天丼有菇菌、南瓜、海老、海苔、莢碗豆及温泉蛋。點温的稻庭烏冬，店員會送上木盒，內有蔥花、海藻、鰹魚花及天婦羅碎，拌上温泉蛋汁一併食，層次更豐富很滿足。Suntory Beer $28夏日炎炎，確實要喝一口冰涼啤酒降降温，店員連同罐裝啤酒送上經雪凍的啤酒杯，可保持啤酒冰涼感。

2022-07-26獨自去偷食😝去咗葵芳行街，因為太早葵廣小食店未開😔行去新都會，見到有間叫金子半之助🥸日本天婦專門店，食天丼，仲有「日本世一天丼」嘅朵，個朵咁猛料，決定一戰🐅我點了，車海老軟殼蟹天丼，168蚊碗，材料好豐富，有二隻車海老，軟殼蟹，小柱魷魚餅，莢豌豆，海苔，以及一隻溫泉蛋🤓二隻蝦非常粗大，肉質厚實緊緻，鮮爽甘甜，超重蝦味，炸得好香脆🍤軟殼蟹蟹身厚肉，鮮味十足，完全無腥味同油膩味，超好食🦀小柱魷魚餅，魷魚肉非常彈牙🦑溫泉蛋，蛋汁配上飯粒粒軟彈分明，十分滋味🥚海苔同莢豌豆，非常之美味，可以再多一塊就好🫘仲有生姜小食同香濃味噌湯，配搭豐盛，成個餐好完美☺️整體服務不錯，店員說明櫈底有欖，可以放袋😉環境座位空間比較狹窄💺食物味道高質，價錢偏貴，不過對得住個價錢😋#金子半之助#車海老軟殼蟹天丼#日本金國天丼

同朋友係葵芳行街，成日係葵廣掃街食到悶，今次黎試吓天婦羅丼飯，呢間都幾多分店，位置葵芳新都會，餐廳都算大，座位寬闊，我哋安排咗坐bar枱，可以望住開放式廚房，天婦羅全部都即叫即炸👍🏼我地叫咗車海老軟殼蟹天丼同迷你天丼&稻庭烏冬丼飯非常之大份，軟殼蟹都有大舊，仲有車海老同小柱魷魚天婦羅餅，先食幾舊天婦羅，之後吉穿流心蛋撈飯，飯撈均蛋汁同天婦羅汁好好食😋全部天婦羅既炸粉都唔厚，仍然可以食到材料既鮮味，唔會得油膩感👍店員都有解說，店內既天婦羅係用日本特製高級胡麻油嚟炸成，所以聞落好香但唔油膩，而且色澤相對會深啲。同埋值得一提係個碗，個碗睇落好大，但原來𥚃面係空心既，係為左保持食物嘅溫度，相當細心！而且丼碗係參照江戶時代嘅陶瓷工藝，雖然相對上會重啲，但更加有日本既感覺🤣而迷你天丼&稻庭烏冬份量好足，又有烏冬又有飯，超滿足！烏冬好彈牙，而咁多天婦羅當中，我最欣賞係菇菌，因為本身驚會咁幼身會好乾，但炸完重好juicy，相當有水準👍

天婦羅係日本江戶時代三大名物之一，唔講唔知，原來係由葡萄牙於15世紀傳入日本的。而出名的天婦羅店一係無位，二黎價錢都唔平，於是天丼就滿足到我的願望啦!天丼主要分為三種食品，由先主角當然係天婦羅，天丼最正的地方係有好多款天婦羅，包括炸蝦、穴子、野菜、蕈菇等等。而我鐘意食金子半之助的原因係俾佢長達30cm的穴子吸引左，每次食都覺得好滿足。另外就係米飯，用日本米就夠晒黏口。而最後天丼的靈魂就係醬汁，而金子半之助就係用到「115年祖傳秘方醬汁」，味道偏甜比較特別，另外仲有隻流心蛋，撈飯一流! 價錢方面，大約都係百幾蚊，以呢個價錢同質素比較，我覺得都比較抵食，值得推介!各種天婦羅短評:穴子: 長達30cm已經夠驚喜，味道唔腥有魚味，魚肉都算嫩滑炸蝦: 由於炸蝦比較普偏，相對上覺得比較普通，同埋蝦肉唔夠彈牙野菜: 分別係碗豆同海苔，海苔比較特別，食落有魚味，好似食緊魚皮咁蕈菇: 一直覺得菇用天婦羅的做法係絕配，夠晒香脆魷魚餅: 魷魚味道比較淡，同時包唔到脆漿，所以要靠醬汁黎調味，相對其他天婦羅無咁吸引

葵芳新都會廣場近年引入不同餐廳，美食匯聚下，要試齊所有餐廳都需要唔少時間，呢日見到地下既 金子半之助唔駛排隊，即刻食返碗天丼先！餐廳採用開放式廚房，天婦羅即叫即炸，今次坐在廚房外的吧枱位，一坐低，店員隨即送來熱騰騰嘅黑豆茶，服務唔錯～餐牌介紹，天婦羅使用日本高級麻油炸成，令人食得更放心！🌺車海老軟殼蟹天丼 $168上枱真係好香麻油味，一次食齊軟殼蟹，虎蝦，魷魚餅，豌豆，海苔，溫泉蛋，趁熱食，天婦羅入口酥脆，主角軟殼蟹外脆內多汁，蟹腳炸得尤其香口，虎蝦爽口彈牙，食至一半，再食混入特製醬油+半熟溫泉蛋既白飯，超好味！跟餐送埋漬物，麵豉湯，再加罐冰涼可樂，食完滿滿的幸福感！🌺上天丼 $118先生點的上天丼有白身魚，海蝦，魷魚餅，溫泉蛋，海苔，豌豆，上枱同樣放滿不同天婦羅，白身魚無骨，入口鮮甜啖啖肉；魷魚餅內有好多魷魚粒，香脆又彈牙，套餐一樣送漬物，麵豉湯，男仕食都夠飽！除左天婦羅外，小妹特別喜歡呢度既醬油，味道香濃中帶微甜，用來拌飯食，特別好味！睇真d ～店家竟然仲沿用緊江戶時代既醬油配方，不得不佩服日本人對傳統既尊重同堅持！🌸金子半之助🌸葵芳興芳路223號新都會廣場1樓107-108號舖🌙

性格比高的天婦羅丼飯，價錢合理味道好而且吃得飽飽的，好豐富滿足我吃的這個江戶前天丼，是其中一個主打熱門必吃的，有一條巨形鰻魚有2隻大蝦厚肉彈身的好味，有一隻炸溫泉蛋，店員特別介紹先吃一半鰻魚再吃一隻大蝦，然後篤穿溫泉蛋撈飯吃，溫泉蛋加少許醬汁撈埋一齊真的好美味，沒有飯氣的我也將整碗飯吃掉（我會叫醬汁分開上方便我容易按自己喜歡的程度調味）食到一半已開始飽了，朋友叫了一個有熱湯烏冬的丼，是迷你丼有飯也有烏冬雙重享受

好耐無去葵芳行街購物啦🛒買完戰利品就去新都會廣場的【金子半之助 】食埋晚餐先🍜 呢道主打天婦羅丼。見到有張期間限定餐牌，車海老軟殼蟹天丼就試試先！而朋友細食啲就叫咗迷你天丼&稻庭烏冬👍🏻即叫即製所以要等待少少時間。✪ 車海老軟殼蟹天丼 ⌫ 💲168天丼超豐盛，有車海老、軟殼蟹、小柱魷魚天婦羅餅、莢豌豆、海苔、溫泉蛋，多到蓋滿整個丼飯。天婦羅炸衣個味道同坊間食到嘅有所不同。店員介紹返呢道嘅天婦羅採用日本特製胡麻油製成，天婦羅色澤會較深，味道亦香好多。所以我食落去食有陣特別香味！而且上枱前料理師已經係天丼上均勻淋上古早秘傳醬汁。原本以為個丼飯咁大會食唔曬，原來碗底係空心設計。丼碗是運用了源自江戶時代的陶瓷工藝，佐賀有田燒來製作，碗底部份特意做成空心設計，仲可以保持碗中食物的溫度！✪ 迷你天丼 & 稻庭烏冬(溫) ⌫ 💲118迷你天丼都好豐富。有菇菌、海老、南瓜、海苔、莢豌豆、溫泉蛋。稻庭烏冬較幼身，質感細滑。溫烏冬可以自由搭配五種配料，蔥花、海藻、鰹魚花、天婦羅碎、溫泉蛋。配料用一個木箱擺放，可以自己隨心加配。加上溫泉蛋嘅烏冬更添蛋香！

I ordered a edamae premium tempura rice bowl and wait for around 10 minutes. The fried flour was not thick and crispy. Its quite yummy but I will say more restaurants are better than them.

好耐無去過葵廣去完行街順便去隔離搵食男朋友話想食天婦羅哩間好似都幾吸引就過左去試下——————————————-車海老軟殼蟹天丼（$168）定食配有漬物 酸酸甜甜有助開胃 丼飯既材料都幾豐富除左海老同軟殼蟹 仲有小柱魷魚天婦羅餅最鐘意係溫泉蛋天婦羅 好特別 撈埋珍珠米 送飯一流天婦羅款款都大大件 外表既脆漿金黃鬆脆 而且食落唔會太過油膩迷你天丼配稻庭烏冬（溫）（$118）烏冬幼身滑溜 上菜既時會比埋個配料盒你入面有葱花 鰹魚花 天婦羅碎 海苔可以自由選擇 加埋入烏冬到仲有隻溫泉蛋 撈埋一齊個烏冬香得黎 口感更加豐富迷你天丼雖然寫係迷你 但份量絕不欺場有菇菌 海老 南瓜 海苔 豌豆同溫泉蛋兩個人嗌兩個定食share岩岩可以試下唔同款式既天婦羅白身魚（$28）未食過所以試下 本身哩類魚係油脂少啲不過食落肉質都幾嫩滑——————————————————份量大 價錢合理烏冬連迷你丼個set真係食到好飽服務態度好好 好親切雖然係連鎖餐廳但味道比預期有驚喜 值得一試

今晚好友帶我食好西😍😍每次經過都超多人排隊。我哋今日6半去時間剛剛好，店員先比杯黑豆茶，黑豆有去油膩，有心思點了江戶前天丼，超長穴子天婦羅為主菜，仲有海老朋友加多38蚊加大，超美味，炸粉不太厚，即叫即炸，入口酥香脆一啖一啖唔停口。再有溫泉蛋配珍珠米飯，果然不錯，天婦羅醬汁甜甜濃郁，成配飯好快就吃清😍😍😍😍見底部印有餐廳名幾有心思😂😂稻庭烏冬，彈牙爽滑😍😍🥰🥰正，店員拎上配菜盒。有蔥花，海帶及天婦羅醉，每樣加多少都自己決定。不錯朋友點了江戶前天丼，長長鰻魚，咬口超正。不厚，鮮甜，炸蛋都係成碗飯靈魂，炸蛋香口，脆身，南瓜甜，海苔更香脆。最後配上黑豆茶。超正配搭👍🏻👍🏻