金寶泰國菜館

营业中

休息中

活蝦刺身 $95生蝦新鮮🦐肉質爽彈軟糯配搭生蒜同酸辣汁🍋🌶️好味😋酸辣脫骨鳳爪 $72鳳爪唔入味🦴唔夠凍失望😔泰式生菜包 $73揀左豬肉🐷肥瘦比例係四六order左小辣🌶️無咩辣味豬肉用香料、金不換炒香保留到肉汁用生菜包住食🥬清爽唔heavy🤓鹽燒鰂魚 $190即叫即燒♨️鰂魚頗大條🐠魚肉肉質鮮嫩沾上秘製酸辣蒜汁一齊食🧄味道更正🤤泰式炒金邊粉 $75金邊粉唔會太淋🍜保留到煙韌口感味道酸酸甜甜🍋🍯好開胃配料有兩隻肉質爽彈既大蝦、豆乾、雞蛋等每次食泰菜必嗌✅香芒椰汁黑白糯米飯 $75芒果香甜多汁🥭黑糯米較白糯米有咬口🍙淋上鹹鹹甜甜既椰汁🥥口感、味道層次鮮明又係必食item🤩整體而言，金寶食左好多次了🤣食物質素當然有返咁上下👍🏻無加一服務費性價比高💰想到九龍城食泰國菜唔知食邊間不妨一試🤟🏻

1月尾，同家人去番呢一間食泰國菜，阿媽要咗個扎肉蒸粉包，有4塊粉包同理4塊蝦片，扎肉鹹香，蒸粉包內有菜，幾好味又飽肚。咖喱雞比較港式，雞肉都係平時食嗰啲淨雞腿雞胸肉。泰式金邊粉，酸酸甜甜嘅味道，開胃，份量都好夠。仲叫咗兩個菜，食得健康，每次食泰國菜必叫椰菜苗，呢間餐廳用的椰菜苗比較大隻，煮得比較硬口。餐廳用QR code 落單。都算方便，冇咗落錯單同埋等待應落單嘢情況

在九龍城吃泰國菜，過往與朋友聚會，一般都是光顧「隆姐」。而這次家庭聚會，則選擇了「金寶」。預訂前看了一些食評，好壞參半，但想了想這是30年老店，能立足至今，該有它的原因。故仍決定預訂一試。一行五人，點了「醬爆蝦球」、「柚子蝦沙律」、「香葉炒蜆」、「炸蝦餅」、「馬拉盞通菜」、「蔗蝦」、「冬蔭公湯」、「青咖喱雞」、「沙嗲串燒」、「薑蔥牛肉」、「芒果黑白糯米飯」、白飯一碗、椰青兩個、泰啤一枝。值得一讚的有，蝦球、蔗蝦、蝦餅等炸物，全部新鮮炸起，香脆可口；青咖喱的回甘帶有椰奶香味。沙嗲醬則很合我口味。椰青份量十足，物有所值。有待改善的是青咖喱裡的雞肉，肉質不夠嫩滑；冬蔭公湯味道不平均，一開始辣味重而香味少，但喝到底的部分則較好，香味突出。其餘菜式正常發揮。老闆年紀不小仍在場親力親為，令人敬佩。侍應則皮笑肉不笑，但仍算有禮。是晚白飯漏單，經提醒後很快便上枱。由於沒有加一服務費，我倒是能夠接受這服務態度。埋單一共約$1100，人均消費約$220。總括而言，「實而不華」是我對金寶的評價。後記：結賬時看到鄰枱的咖喱蟹色香俱備，有機會再試試味道如何。

臨近假期嘅最後一日，梗係要食餐豐盛嘅先至對得起自己😎唔知點解天氣一熱就好想食泰國菜，酸酸辣辣超級開胃，由於九龍城實在太多選擇，所以就揀咗間歷史比較悠久嘅餐廳金寶泰國菜館。一入門口，就見到蔡瀾先生嘅提字同書法，就知道我今晚揀得冇錯。泰國嘢我自己嚟講就一定要食生蝦，佢嘅生蝦同出邊有啲唔同，已經直接淋上酸蒜同辣椒，所以根本唔使糾結要點幾多辣汁😂生蝦質地爽口，份量正常，價錢就少少偏貴。酸辣大蜆粉絲煲，我以為係好多辣椒粉，好似冬陰功嗰種，點知上到嚟個湯頭比我想像中清新，但又好清爽嘅酸同新鮮嘅香料味，粉絲浸得耐都冇話特別淋，仲係好爽口。飲完呢個湯真係超級開胃，可以準備食好多好多嘢😂😂😂辣椒膏炒青口同串燒發揮正常，但係配上蒜蓉包，味道層次即刻幾何級上升，幾時都話泰國嘢一定要配蒜蓉包或者薄餅😂😂最後不得不提嘅就係芒果糯米飯，明明都食到幾飽，但一定要食個芒果油糯米飯先可以叫畫上一個完美嘅句號，芒果質地偏爽但味道鮮甜，配上順滑香濃嘅椰汁，同埋煙靭嘅糯米飯，果然印證左女仔係有第二個胃嚟食甜品哩句話。

🏠：金宝泰国菜馆📍：九龍城衙前塱道25號💰：人均HK$150，不加收10%的服务费 宋皇台B口出来也有很多东南亚菜，这家金宝较湾仔大热的samsen而言性价比更高一些（价便，有空调，不用排队，就餐空间大）。烧猪颈肉稍微有一点点干，不够弹牙多汁；泰式金边粉花生粉比较少，相对没那么甜腻。其实还想食埋烤鲈鱼和海南鸡饭，奈何一个人实在是吃不下了。但这次没看到有甜品。看服务员貌似都是泰国人，不是很确定。

金寶泰國菜館，我細細個既時候已經見佢開業。細個住向九龍城時都食過幾次，印象中係中規中矩既泰國菜館。今日路經門口，諗起好耐冇食就入左去食左個豐富既下午茶。與其話係下午茶，其實都係午餐，因為佢個午餐係11：30-17：00😅今次點左我至愛既生牛肉金邊粉。絕對值得一讚，佢個湯底比某d越南菜館做得還好，湯底好濃好夠味。平時如果湯底唔夠味，我習慣會落d魚露落去食，但今次完全冇呢個需要。牛肉亦夠冧，夠新鮮👍🏻所以好有驚喜！至於飲品就點左青檸梳打，正常冇特別，但跟餐都仲要加18蚊就厭有少少貴。

來到九龍城諗住搵間泰菜食，金寶算係有歷史嘅泰菜餐廳。見到有位唔使等就入去試一下。坐低用手機點餐，點了牛肉撈麵泰式炒金邊粉，加錢叫左菠蘿梳打同滴滴咖啡。泰式炒金邊粉雞蛋豬肉芽菜香蔥，仲有一隻蝦，用料一般，味道中規中矩，不過不失。牛肉撈麵份量好少，牛肉微溫，有少少過熟。作為正餐應該會唔夠飽。菠蘿梳打同咖啡係正常，冇乜突出之處。總括而言，價錢中等，味道一般，份量較細。見網上好多留言話服務一般，不過今次係手機落單，無太多交流。

是日午餐计划好在九龙城食泰国嘢，行下行下就入咗呢间餐厅（原本唔系想搵呢间嘅）。二个姐姐几好态度，手机点餐後，少按一次确认键，佢哋都发现到，跟得好贴，赞！今次最开心试咗个菠萝焗饭，真系好香好好味，食材新鲜，饭粒弹牙爽口；泰式炸春卷，热辣辣上枱，点汁即食，好爽！虾肉新鲜！点咗个细冬阴功汤，味道几好，就系比入边嘅1.5只虾拉低好感！点虾肉全部都系梅嘅，同菠萝饭、春卷入边嘅虾无法比！睇到之前都有食客提过，难道冬阴功入边嘅虾肉系专登整梅嘅 ？是日午餐總體ok！

某日的平日下午, 剛巧有點事要到宋皇臺處理, 見有時間才到下一個行程, 所以就在附近搵食。我不是太熟九龍城的路, 隨意行了幾個街口, 心中想來到九龍城當然食泰國餐。看見有位價錢中等, 又肚餓, 就不用多行了, 就入去了。坐下用手機點餐, 點了牛肉撈蒙及加錢滴滴咖啡。▶️牛肉撈蒙份量不算多, 牛肉是熱呼呼的, 而且好嫩滑, 易入口, 有牛肉香味。蒙粉正常發揮, 爽口不會太過淋。汁醬比較少, 它是另上的有一碟仔, 我本人就不用太多汁醬, 所以可接受。▶️滴滴泰式咖啡上層有個不鋼滴壺慢慢滴咖啡到下層的小杯中, 杯中本身已有練奶的, 即是已有甜味。咖啡跟主食一同上, 當食完主食後, 咖啡正好滴完, 時間剛剛好。起初, 不知杯中已有練奶, 沒有用匙更搞伴, 感覺有少少甜味, 咖啡味不是太苦, 是東南亞咖啡的味道, 之後就搞伴了練奶, 但實在太甜。整體來說, 食物, 服務質素都OK, 不過是試過就可以的程度。

🧑🏻‍🍳 呢間位於宋王臺站附近嘅一間泰國餐廳，除咗泰國菜，亦有越南菜，佢總共有三個鋪位，座位都幾多，大多數都唔使點等位，已經食過幾次，係一間唔錯嘅餐廳🇹🇭—————————————————————🍴 活蝦刺身 ($95) 「後勁好強嘅活蝦刺身🌶️，口感麻麻😢🦐」一直好想試泰式嘅活蝦刺身，所以今次就試咗，不過有啲失望🥲。首先調味係唔錯嘅，有生蒜同埋辣椒，仲有其他泰式醬汁，食完嘅後勁好強，會越食越辣，唔太食得辣嘅要留意。而蝦嘅質地麻麻哋，溫度係常溫，冇刺身嘅感覺🥹😋 美味指數: 5/10—————————————————————🍴 冬陰功湯 - 細 ($78) 「酸辣同椰香嘅比例啱啱好🥘」酸辣同椰香嘅比例啱啱好，唔會太酸，亦都唔會太辣，椰香味唔會蓋住冬陰功湯嘅味道，唔食得辣都可以試下，叫咗細份，都飲到3-4碗，適合2-3人份量，入邊有好多料，除咗香料，仲有海鮮同菇類等等。😋 美味指數: 7/10—————————————————————🍴 醬爆蝦球 ($98) 「即炸嘅蝦球，配爆醬嘅蝦膏餡料🍤」蝦丸好彈牙，外皮好脆，係新鮮炸出嚟嘅，一咬開蝦丸，入面嘅大頭蝦膏流曬出嚟，好香濃好好味，勁推介😍😋

1 1月中嘅星期日，再次嚟金寶食泰國泰，常常幫襯，主因係佢較易搵位，又比較平，食物質素就一般般啦，不過不失，對得住價錢。用QR code 落單，叫咗泰式拼盤，蒜蓉椰菜苗，炒雜菜，半隻泰式燒雞，大蝦柚子沙律。拼盤嘅蝦餅，彈牙有蝦味。魚餅比較辣。串燒雞都可以，唔算太乾。燒雞當然係雪藏雞，不過雞嘅肉質唔太老，合理貿素。有二個菜

係門口講話2人，叫極個職員又唔理，隔左一陣佢出番黎又話要排隊，又唔記得邊個黎先，跟住個個都話自己黎先，安排極差。不推介黎食，唔會再黎幫襯，black list 佢地！

第一次來宋皇臺食泰國菜，本身想選第二間！但覺得好似呢間平民啲所以入來！好啦，食個lunch個飯一半凍一半熱！跟住個拋打鹹到我以為自己食緊榨菜！豬頸肉炒飯係番茄醬炒飯，仲要個醬我同個姐姐講可唔可以俾個辣啲嘅醬我！佢話你無買其他嘢食我地唔會比㗎喎……有另外一個姐姐聽到話俾佢地啦！呢個醬先係靈魂，如果唔係呢個醬我谷餐飯真係食唔到落去！食完嘢，我媽媽仲差小小奶茶未飲完～又係嗰位收銀婆婆過來執台，唔知係咪覺得我地食得耐，半個鐘都未到～其實仲有好多位！咁嘅質素，咁嘅服務態度！真係俾錢我都唔會再食😮‍💨

今次去左食九龍城泰國嘢飯堂。 冬陰功夠酸辣夠平均，唔食得辣嘅都可以試下，嗌份細嘅都有3 4碗，最岩2-3人食。不過個湯好快凍，一上枱就要盡快飲。豬牛雞串燒好香，個汁係靈魂，要配住食，上枱果陣都係暖嘅，如果係熱嘅就更加好。今次都有試埋個泰式生蝦，都見到好多枱都有嗌嚟食。上到枱，個汁都幾辣下，少少似酸辣鳳爪果隻味，個感覺都幾新鮮，如果唔食得辣嘅可能要整走啲辣椒先食。同埋都有飲埋椰青，$40/1 價錢來說是偏貴，但係個椰青都俾想像中大同滿，入面嘅果肉都可以食，都唔少，可以2個人叫一個來試試。

其實我地一行五人嗌左好又多野食😂不過好多都唔記得影相，一上枱就掛住食，得條魚有留倩影咋條烏頭魚好有肉（烹調需時大約45min），魚肉其實冇咩咸味，主要係靠個酸辣汁吊味隻汁同泰式生蝦係一樣嘅，好開胃泰式生蝦（前後叫左兩碟）蝦肉好彈牙同爽口，一碟有7隻，伴以蒜頭酸辣汁，食到個人好醒神泰式柚子鮮蝦沙律鮮甜多汁嘅柚子加上香脆腰果，口感清爽。馬拉盞通菜濃味野，正正常常。咖哩蟹（加蒜蓉法包）一隻蟹嘅份量（多肉），咖哩重椰香味，加上大量洋蔥同香菜炒埋，個汁撈飯食包一流 燒雞（細份）雖然只係半隻，但都好大份仲要啖啖肉，勁juicy 隻雞係最後先上，但都俾我地掃晒 泰式炒金邊粉呢個都好味微甜。飲品嗌左泰式熱奶茶同龍眼冰，都好正甜品拼盤芒果糯米飯最好食 其次個香葉粟米芋頭糕都好正