金枕頭泰國餐廳

营业中

休息中

中學個陣就開始食呢間金枕頭由細幫襯到大😂🌹環境同一般茶記差唔多，因為限制令關係，可以坐得舒服左🤭🌹食物唔知係未換左個廚，d野食好食左，本身都唔貴，食宵夜抵食最❤️❤️❤️：芒果沙冰，蠔仔肉碎粥，蜜糖雞翼，炸蝦餅，串燒，咖喱蟹，菠蘿炒飯🌹服務同平時茶記既服務差唔多，中規中矩🌹回購率講明由細食到大，住粉嶺區既朋友，應該都會食過❤️❤️❤️如果未食過，又想平住食，可以試下佢個宵夜，又平又好食，但要等限聚放寬先可以🤧

之前食過幾次，都覺得食過返尋味，今日特登揸車入去食晚餐。呢度啲叫豬頸肉同埋串燒，非常入味，仲再額外問店員攞醬汁。冇影到椰青，其實比較貴。飯都非常之好味，送免費甜品，最後叫咗豬頸肉同芒果鴛鴦糯米飯嘅外賣。

粉嶺南呢邊一向都算係美食沙漠好出名好食嘅餐廳唔算太多除咗呢間金枕頭泰國餐廳每逢星期六日夜晚一定會排晒長龍難得呢邊會有好食嘅泰國菜所以好受區內人歡迎-食物質素方面都係非常令人滿意首先就嗌咗每次必食嘅泰式生蝦刺身做前菜啲蝦好新鮮 入口非常鮮甜 啖啖肉再配埋辣椒 蒜片 苦瓜 同埋泰式酸汁口感好豐富 辣辣地咁非常推介呢個泰式生蝦！其他小食都係好高水準我哋仲叫咗蝦餅同蝦春卷兩樣都做得好好 全部都係新鮮炸起 熱辣辣仲有每次都會嗌嘅咖喱蟹同蒜蓉包但今次好似份量比以前少咗以泰國菜嚟講 呢間價錢都好合理又有質素值得推介～-整體評分：4.5/5

今日帶住兩名孩子到店食午餐，入座前看一看門口餐牌是否有午餐供應，推門看到收銀處有餐牌放著便多看兩眼，職員說要叫兩個餐才有學生優惠，我便回答［當然是叫兩個餐啦！］職員便不停說廢事結賬時有誤會。之後我便找位置坐下。當我叫職員下餐時，職員要求我要叫三個餐才可以（職員說一人一餐），同行只是一個大人一個小學生加一個不足兩歲小孩，怎樣可以吃到三個午餐呢，那麼我便帶著孩子起身離開。但剛剛幫我下單那位職員去了另一張枱下單時，那張枱只是一名男士一名長者加一名小孩（那位小孩有可能還俾我小孩大一點），但他們也只是叫了兩個餐（那位職員也沒要求他們一人一餐），事實證明餐廳擇客（龍門兩邊擺）總結：餐廳生意好唔休做也不應該有這樣待客之度

在北區想找間好Ｄ既泰國菜館，真是唔易，當中最受歡迎既，應該係牽晴間既金枕頭，呢排雖然疫情，但仍然要等位，可想而知都幾多人捧場！介紹一下野食，呢個炸蝦餅真係熱辣辣，彈牙有嚼口。不過一碟只得兩件，如果有多兩件就更正！海南雞飯都唔錯，雞飯油份唔多，雞皮金黃，雞肉鮮嫩，味道一流！泰式炒金邊粉幾好鑊氣，不過份量少左Ｄ。泰式菠蘿炒飯：失色左Ｄ，味道太淡，炒得太乾身。蝦春卷：香脆、口感爽口，再配泰國甜辣醬，醒胃又香口，正！！泰式濕炒，呢個正！甜甜地幾惹味！仲有呢個串燒豬頸肉，肉邊有Ｄ炭燒味，好好食！

依間位於牽情間既街坊泰國菜已經好多年了食物質素係依幾年進步左好多，令我近年都多左幫襯屋企人又特別鐘意食泰國菜，當晚叫左幾樣野食 都係平時叫開既款式菠蘿炒飯真係好出色，真係值得一讚大大個菠蘿入面裝住滿滿嘅炒飯 又香又多料另外生菜包都係一個must-order item 串燒就正常啦不過不失

呢間泰國菜真係好正，特別係佢個無骨鳳爪同黃咖哩真係好好食又夠足料。先講講前菜泰式式無骨鳳爪個醬係酸酸甜甜帶少少辣嘅，同鳳爪真係絕配。無骨鳳爪爽得黎有唔會太難咬，好味好味！到黃咖哩牛腩，不得不提係一定要配蒜蓉包，你唔配會後悔架，真係好夾！黃咖哩甜甜地，又有椰香味，而且牛腩真係好入味，而家睇返都仲想食。仲有就係佢嘅菠蘿炒飯絕對值得食，佢將臘腸呀，菠蘿等等嘅配料，香口得黎又炒得粒粒分明，值得試呀！我地仲叫左個椰皇，好清甜，新鮮，真係唔錯。

前日行過見到佢地出「防疫外賣」，於是我今日打電話叫。點知去到佢竟然收我正價，我本來只帶左$50去買飯，咁就去提款啦，但一路行一路覺得唔對路，點解仲貴過堂食。結果我返去畀錢同佢講：「你地寫左外賣係呢個價，唔應該收我咁貴」佢竟然話：「你都無講明係叫呢個」我心諗：我叫個餐係外賣同堂食既餐牌名係一樣，只係外賣同堂食之分別，我話外賣咁自然就係外賣價！我同佢理論左幾句，然後話：「咁你地姐係呃人！」跟住佢話：「算啦，個幾蚊我幫你畀啦，但個個都會講明係叫呢個！」我個刻好嬲，外賣同防疫外賣有咩分別？唔通係要講明「防疫」，係咪要叫口號呢？真係唔係多7蚊既問題，如果佢唔整防疫外賣，其實我都會幫襯，但今次佢地做法唔合理，令人失望！不過平心而論，食物質素係唔錯既！大家如果依段時間打去叫外賣，記得講明係「防疫」外賣喇！

已很久沒來食，點知一食已唔似以前咁好，簡直一落千丈的差，叫咗4樣野，得一樣牛豬串燒中規中舉，但其中一串豬有d“鞋口”；蝦餅唔彈牙，勉強ok可接受，至於好基本既泰式炒金邊粉就唔多掂，個樣ok喎，點知食落口就，得個咸味無甜酸味，以前都會比1/4個青檸，依家連青檸都無；至中伏係個荔芋南瓜煲，我無諗過個食煲仔可以食到D食材各有各......無味，完全feel到無誠到極點，芋頭和南瓜煮咗好少時間，咬落去仲生生地，跟住滾熱個椰汁湯底就咁放落去，所以和食緊烚芋頭、烚南瓜無分別，個煲上枱已知中伏，煲入面係兩大件南瓜和芋頭，自己好辛苦咁分解為多件，但因實在太難食，最後食咗少少就頂唔順無再食，做咗大嘥鬼。兩個食咗$278覺得唔值，食得太唔開心，最後去咗附近買咗珍珠奶茶飲，開心番

之前9:30黎食過佢既宵夜，有唔少港式同泰式食物選擇雖然泰式食物都偏港式，但味道唔錯，價錢實惠今次假日黎試下佢個午餐食物選擇都幾多，有小食同埋主食我地叫左 菠蘿炒飯 同 泰式炒金邊炒飲品方面都係有好多泰式特飲，上次飲過椰汁沙冰幾好飲今次試新野，叫左椰汁紅豆冰 同埋 珍多冰🥥🥛飲品先到，幾大杯，比港式茶餐廳既杯高少少兩杯係椰汁係一樣，都幾香濃飲落口有一陣陣椰子味，最後有少少奶香椰汁🥥係非常唔錯，而且唔會甜爺吔吔紅豆冰 紅豆無咩特別，係用椰汁比普通紅豆冰更香珍多冰就有好多配料，綠色條狀應該係班蘭啫喱有非常多，半杯咁滯，但無味道，得個爽字但值得一提係入面仲有椰粒、大樹菠蘿條等等都幾豐富🥰菠蘿炒飯🍍雖然淺淺地色但黃薑味幾足炒飯雖然未到粒粒分明但都炒得幾乾調味都足夠，配料幾多下有菠蘿，肉鬆、青豆、蘿蔔、臘腸、雞肉、粟米份量都幾夠👍🏻Pad Thai呢個係我食個最深色既pad thai 同埋個人鐘意食粗身麵條既pad thai味道係好似蕃茄汁炒麵咁味道係ok 甜甜酸酸咁，但同我想像中有啲出入.總括而言，主菜味道正常，特飲幾好呢個午餐$100有找係實惠既👍🏻

本身我約三位同學和老師食飯，誰知2位都no show ，變左得兩位食，叫左勁多野食。泰色生蝦新鮮，好好味，炸野拼盤都好大份 兩個人真係食唔哂，老師再叫多份甜品，都係誠意之作

第一次嚟粉嶺食飯，選擇了這間評價不錯亦不算太多人等的餐廳🍴餐廳設計簡單，亦看得出有點時間衝擊的裝修。每枱都坐滿人，比較多家庭用膳。食物上得很快有效率，不需要等候時間太耐。每樣嘢都剛剛好，不太多亦不少。埋單時沒有任何浪費。味覺亦唔錯

工作越是忙碌，就需要出去走走。lunch time來到金枕頭。今次試下食菠蘿炒飯。上菜挺快的，不消6分鐘有得食。♦菠蘿炒飯$44菠蘿炒飯分量足，菠蘿有點酸 ，鑊氣足，🐷肉粒味道還可以。熱柚子蜜加$3潤喉，柚子香fresh.

去探朋友，之後一齊食晚餐。7:45pm到達餐廳，不用等位。餐廳内部裝修簡約，店員友善，服務到位。泰式柚子沙律75元，辣味輕微，柚子很甜，炸蒜粒香脆少少咸，與柚子一起吃，滋味！泰式墨魚餅65元，賣相獨特，熱辣辣，肉質彈牙。招牌咖哩軟殼蟹198元，色香味俱全，軟殼蟹炸得乾爽，咖哩汁與蒜蓉包一起吃，好味道。燒蒜蓉包26元，有四塊，外脆肉軟，蒜味和牛油味均很香。椰青每個34元，清熱解暑。總結：滿意的泰式晚餐

一行六人到粉嶺吃泰國菜本身抱著吃完就算的態度試試就好因為屋村的餐廳我不太看好但是卻一試難忘！我們點了十多道菜加兩客蒜蓉包還有六杯特飲價錢沒有很貴每個人只是200多元！我認為最好食的要算是海南雞！那個海南雞比起我去泰國、新加坡還好吃真的是皮簿肉滑點了他的秘製醬料令雞的鮮味提升海南雞一上桌就被秒吃了冬陰公味道濃比在泰國吃到的還好吃！而且料足有好 小候綠色鬼水而且喝完後不渴放早的朋友我可考慮因為晚了取位置要在門外等一堆尚食