金枕頭泰國餐廳

营业中

休息中

粉嶺都有好味既泰國餐廳食嫁！呢間金枕頭都開左好耐時間。每日晚餐時間都會有人等位嫁～咖哩炒蟹 - 啲咖哩唔會辣但會食到上癮，而且佢加埋個熱辣辣既蒜蓉包一齊食真係唔會好流！仲食到😋😋脷！隻蟹仲要好大隻好新鮮呀啖啖肉！最後啲咖哩汁仲撈埋落個菠蘿炒飯食埋去！冬陰功 - 一黎到睇到個色已經流晒口水🤤真係好鐘意飲冬陰公！佢啲香料味好正😌叫左個細既有4隻蝦～5個人飲岩岩好每人一碗！好滿足呀呢間餐廳仲要係泰國人開嫁，聽到佢地用泰文講野😂值得食呀！

作客探訪粉嶺朋友仔，朋友介紹，話金枕頭平靚正，好啦好啦，等我呢個大食積試下先炸蝦餅好好味，好彈牙，蝦味濃, 超水準之作蒜蓉包亦係香脆可口，同黃咖哩簡直係絕配泰式炒金邊粉材料十足下次再黎粉嶺一定會encore

本身一直都鍾意食泰國野， 金枕頭真係好多唔同選擇,食極唔厭。加上佢價錢抵食 ，中午時有中午專用餐牌,大約30尾40頭。今時今日其實係好難可以中午搵到同樣嘅價錢同嘅質素。同埋佢啲嘢食真係幾好食,特別係d串燒豬頸肉，蝦餅，高質素過專門食串燒既鋪頭，串燒價錢雖然唔會特別平,但係舟別好食。每晚21:30後會有宵夜時段,可以用比較平既價錢食到冬蔭公湯等既泰式美食,好岩一家大細一齊享受天倫之樂。

晏晝嚟到呢間泰國菜式食野，餐牌顯示食物選擇多，價錢都算平，以同區比較。同同事一齊分享，點咗火車頭飯和 香辣炒河加埋飲品，每人唔晒50蚊。火車頭飯配料幾香，有菠蘿，肉鬆。而自己食既炒河，賣相好吸引，用小鑊仔盛載住，更添🔥味。個人偏愛餐廳用寬的河粉，擺落口好滑。呢間食過幾次，係呢區係唔錯既選擇。

呢間泰國餐廳已經營業超過十幾年，但仍然保持一貫水準，晚晚都係咁多人幫襯。我超級推薦菠蘿炒飯、炭燒豬頸肉同芒果糯米飯，呢幾樣係我每次都會叫嘅菜色，好有泰式風味！另外，堂食嘅話咖哩炒蟹都係一個唔錯嘅選擇，咖哩夠香味但又唔會太辣，又食到蟹嘅鮮味！ 一定要加埋薄餅或蒜蓉包配咖哩汁食！

天氣一凍，人又開始懶唔想煮飯。。。呢間野晚晚都咁旺場，我地遲少少到嘅話都要排隊等位！又係我最愛嘅生蝦呀，佢勝在夾埋蒜頭辣椒一齊食都唔算好辣🤤食泰國野必叫嘅菠蘿炒飯豬頸肉真心食到停唔到口小食拼盤就中規中矩牛仔骨韌左少少，不過調味粉好香海南雞非常嫩滑個人唔係咁中認食魚，不過湯汁好大陣香矛味，似唔辣版嘅冬蔭公咁非常足料，入面都算多魷魚、蝦同青口再一次食，野食keep得到水準，最後圍返差唔多每人二百蚊左右，但飽到嘔咁返到屋企！

由細個開始已經會成日嚟金枕頭嗰度食嘢， 大金枕頭食極都唔會食厭，。再加上佢價錢公道 ，中午嘅時候大概係去到40蚊今時今日其實係好難可以中午搵到同樣嘅價錢同嘅質素。同埋佢啲嘢食真係好好味特別係嗰啲串燒豬頸肉，蝦餅，全部都比出面好好多，佢價錢 同一般市價相若，但係質素上佢真係優勝好多㗎 。希望佢能夠繼續支持到落去啦大家有機會真係可以嚟試下呢間隱世嘅美食。

去開粉嶺打波，朋友介紹有間性價比高嘅泰國菜，咪去試下lo。金玉柚子生菜包1. 除左肉碎同生菜🥬，仲有西柚肉、青芒果絲。2. 肉碎都幾辣下，不過夾埋d 西柚肉同甜甜地嘅青芒果絲，都可以中和返佢嘅辣。串燒沙嗲1. 叫左$50/4串，揀左雞同豬。2. 豬超好味，肉質嫩滑。3. 雞肉都好滑，好juicy👍。諗起上次係九龍城某出名泰菜，佢d串燒真係Dry爆。所以呢間嘅串燒質素真係好高🤤。椒絲腐乳炒通菜1. 平時都係食開馬拉盞通菜，腐乳通菜就真係好耐冇食。2. 莖多過葉好多好多😐。3. 味道唔錯。甜品拼盤（S)1. 千層糕x2、椰汁西米糕x2、芒果糯米飯🥭。2. 千層糕熱辣辣、煙煙韌韌，又香椰汁🥥味，正😊。3. 椰汁西米糕嘅椰醬好滑、好creamy，加上西米糕入面有粒粒芋頭，好香。4. 芒果糯米飯暖粒粒，咁凍嘅天氣食啱晒😋。食完仲有飯後甜點 — 大菜糕送🤣。

粉嶺唔係太多泰國菜，所以金枕頭係伊區比較受歡迎。加上佢地方闊落，價錢又唔算貴，好多上水粉嶺人會去食。今晚兩個人嗌三個菜，一個椰青。豬肉生菜包偏酸少辣，我會想佢再辣啲，啲菜好新鮮。豬肉雞肉串燒乾身得黎唔靭，配埋沙嗲醬正。菠蘿炒飯無提子乾差咁啲味道，而且味道偏淡。全晚亮點係椰青，廿八蚊超大個，飲極都仲有椰青水。兩個人食佐二百四，餸菜份量多，性價比高。

由上學時期已知粉嶺牽晴間下面有間好有人氣的泰國餐館，就算隔離餐廳仲有空位時，呢個泰國餐館已經早早有人龍。早排去探朋友仔，所以去開個頭，順便試下呢間餐廳有咩咁吸引。我們一行6人，共叫左份四人餐($568)及再散叫D野。四人餐包無骨鳳爪、泰式燒豬頸肉、明爐烏頭、生菜包、炒通菜、炒飯、甜品及四杯飲品。泰國酸辣脱骨鳳爪的辣味比其他餐廳辣，鳳爪肉彈牙，而且酸酸地非常開胃。泰式燒豬頸肉燒得唔會燒得太乾，重點佢惹味得黎又係唔會太肥。明爐烏頭的魚肉都幾鮮味，餐廳更貼心地準備了另一碗酸辣汁，可以避免個魚滾瀉之餘，唔夠汁仲可以後加。生菜包的肉碎煮得超級惹味，係餐紙上更教大家泰國人正宗食法：先食肉碎，再食蔬菜去減少辛辣味。飛天炒通菜的味唔算超香，不過D通菜炒完仲係嫩綠，都OK的～菠蘿炒飯用菠蘿殻上，本身已經好香，加埋大量的腰果及肉鬆，令到整體的口感及味道更香。由於我們有6個人，一份四人餐係唔夠食的，所以我們都散叫左D小食及一個炒河。其中更有優惠價加配小食，呢份蝦餅都只係加$58，佢表面炸得金黃，而且裏面又夠彈牙，真係無叫錯！泰式豬手係餐廳推介的菜式，唔算太肥的豬手更健康，加上惹味的醬汁，令味道更濃郁。炒芥蘭

粉嶺細細地不知何解有咁多泰國菜館，今晚終於返黎牽晴間食泰菜喇！呢間泰菜成日經過都好多人，直覺應該不錯今晚就去試試。超厚肉彈牙活蝦刺身 $80活蝦厚身口感爽口彈牙，蘸上辣汁味道同味蕾都大大滿足👍冬蔭功 $68酸辣醒胃不過提一提盡量襯熱飲會好味些。脆豬肉炒通菜 $52有鑊氣喎👍不過脆豬肉即係燒肉就欠脆皮了，炒通菜配了豆板醬甜甜地有另一翻味道。😋鹹魚雞粒炒飯 $55咸香惹味粒粒飯香炒得乾身香氣撲鼻。👍多種炒菜組合想點炒用咩炒全部自己話事泰式素菜就連素食人士都有得選擇夠細心。👍八人海鮮套餐二人用膳每位127 都算抵食，服務員大多數都係泰國人，沙嘩地Cup 都幾好態度啊！

話說因為上次係尖沙咀食左個貴夾味道一般嘅泰菜私房菜，所以最後結論都係食泰菜緊係去返我平時最愛嘅飯堂。（星期六晚1930去到竟然要等位）今次叫左4樣野食。1. 蒜蓉包 $26/4件— 我的最愛！試過好多間都係覺得呢間最好味！個包外軟內脆（食果時唔會比包邊𠝹到個口），加上牛油、蒜蓉醬，好味2. 冬陰公湯 $65/細 — 非常足料，料多到食唔晒！（有蝦、秀珍茹、蕃茄、香草）甜、酸、辣味有齊，仲有淡淡椰香！雖然未去過泰國，唔知正宗係點，但對於平時唔太好湯水嘅我黎講係幾好飲。3. 豬頸肉串燒 $50/4串 — 每次必叫，最鍾意就係佢食落有炭燒味。4.柚子生菜包 $78 — 第一次叫黎試！比起平時 食開嘅生菜包多左柚子、芒果絲。肉碎辣辣地，加上柚子同芒果絲，中和返，非常fresh。下次會再叫。最後再個人食左$300幾（外賣左個芒果糯米飯返屋企食。

夜晚宵夜時段9:30開始，9:20入去，明明大把位都唔比人坐，要拎飛，出面三十幾度都唔比人入去坐低等，點會咁安排。😡😡😡😡😡出面有bb有大肚婆，企曬門口，d人又食煙，一肚氣，最後9:35先比入。

金枕頭呢間泰國餐廳原來都開左十幾年日日生意都不錯有時候仲要等位！大廚係來港定居既泰國人珍多冰 & 椰汁紅豆冰青檸梳打內冬陰功湯，好多蝦不太辣蒜茸包，好脆！這個要配飯吃好味，但好濟。。。

夜晚的粉嶺依然燈光充足，到處仍然是人來人往，在住宅下的泰國食店更出現人龍。原來他們是等9時半的宵夜時段。8時半到達不用等位就可以入座。店裡很熱鬧呢🙆🏼魷子沙律 $653隻辣椒 好辣！好刺激！！😍吃辣朋友一定很喜歡！辣味由鼻子攻上頭頂，配著稍酸的醬汁超級開胃！😋柚子生菜包 $78柚子 豬肉碎 青木瓜絲超喜歡這種配搭！清新的柚子去除豬肉的油膩感！生菜略嫌不足。生菜和配料放在同一碟子上，最底的生菜沾了醬汁，不方便用手包，只好考驗筷子功力。💁🏻魷魚筒飯 $90這個比想像中有點兒不一樣，魷魚較沙律魷魚的韌，要用力咬開。飯質感像是糯米飯，這一碟很飽肚。🤰🏻椰汁涼粉冰2-3粒涼粉 椰汁略甜，消暑解渴一流❄️下次可以一試宵夜時段☺️===============重點：1. 必食生菜包！2. 宵夜時段9:30後開始3. 只收現金===============