金枕頭泰國餐廳

营业中

休息中

七點黎食都要等半個鐘呀，好多人呢~ 呢個生蝦真係好食到不得了！我地食完忍唔住又叫多左碟。啲蝦好新鮮，又大隻又爽，個汁酸甜得岩岩好，要夾埋啲蒜同辣椒一齊食，after taste辣得好過癮！必食！呢個冬蔭公湯都好味！要襯熱，但略嫌酸辣稍欠，味不夠濃。兩個人食嘅話，份量就有點過大啦。呢碟泰式雞腳無骨㗎，食得好爽。個汁又係酸甜岩岩好，仲有小小辣！呢度其實適合三四個人一齊黎食呀！份量大，多啲人可以試多啲唔同嘅菜式

未食已經嬲嬲地13個大人竟然安排張8人圓枱俾我哋仲話加櫈坐問個職員點坐態度勁差話""俾埋隔離張4人枱你哋囉""唔好玩啦張4人枱已經坐咗兩個食客人哋食緊嘢咖***(我明而家生意難做，老闆想每張枱多做幾轉生意，但你都冇理由要我哋13個大人，迫落張8人枱坐，就算坐到，咁又點食嘢呢，有時做嘢，都過得人，過得自己，唔好咁過份啦)***最終分咗3張枱坐但明顯有面色睇囉算 我忍我哋咁大班人已經好識做諗好晒食咩先叫人一次過落單但好明顯d四五十歲嘅女職員好似睇你唔到囉叫佢寫嘢一個應都唔應你就行咗去一個應完等等就行咗去幾尺遠囉等咗一陣終於有個後生d嘅女職員過嚟落單串燒燒豬頸肉千層糕咖喱雞扒飯菠蘿炒飯海南雞飯海鮮湯粉泰式炒金邊粉泰式豬肉炒河(濕炒)泰式牛肉炒河(濕炒)總括嚟講如果住喺附近，唔想出到九龍城食泰國菜，你可以接受到冇人理你，接受到職員無禮貌，接受到職員俾面色你睇，你可以考慮試下呢間

今日 平來想食下午茶 開開心心 但係 果邊服務態度差到一個點 40元 野食又少份量 以前水平同服務都不同往日 整度極度不推薦大家食依到 如果你想少份量同受氣就係到食！！！！！！！！

慶祝母親節,太遲預約唔到，所以一早去排隊,但去到原來已經有唔少人排緊,幸好總算都入到去,雖然等左一段時間,但值得冬陰公湯每次食泰菜都會點冬陰公湯,每間餐廳味道都各有特式,這家味道不算辣,微酸,平時媽媽不愛辣也愛上,配料也不馬虎,蝦,菇份量也不少菠蘿炒飯這客菠蘿炒飯又抵又好吃,菠蘿,腊腸,配料炒飯放在大半個菠蘿內,加上肉鬆,腰果,好味到一口又一口呢肉碎生菜包豬肉配上香料放在新鮮的生菜上一齊食，無得彈,絕對係惹味之選泰菜當然唔少得清甜既椰青

呢間泰國餐廳 成日都去食唔係特別話好食 但係個人覺得係區內唔錯既 泰國餐廳 有時想食泰國野 都會揀去呢到過下口癮去完旅行返黎 執野都執到夜 之後就同左男朋友落街搵野食 已經9點幾 諗唔到食咩 就諗起呢到 但係夜又唔想食咁多野 加上執完野又幾累 叫左兩碗粉 兩杯野飲 就算了叫左雞絲河同扎肉河 比想像中大碗 食極都未食晒咁😂 啲餸都ok多 普通一碗泰式湯河 叫左杯熱青檸惹米 同埋 青檸冰 兩杯都幾好飲 呢間餐廳啲野飲幾好飲 不過椰青就要靠運 有時好甜 不過試過幾次得一次好飲😭

金枕頭泰國餐廳上月尾約左幾個住粉嶺既朋友仔食飯，近近地就喺樓下食呢間泰國菜館。呢間餐廳幾大間，有好多位置，坐底之後叫左幾個朋友推介既小菜試一試。首先黎左碟海南雞，皮同肉都嫩滑，幾好味，不過我自己嫌隻雞肥左少少；再黎就係生菜包，味道ok, 偏酸同埋太多汁，整到成手都係又怕滴到件衫，好論盡；最後就係蜜糖燒雞翼，襯熱食，好好味，皮脆肉嫩，加上有蜜糖汁，非常唔錯。呢間餐廳都有好多泰式飲品，試左龍眼冰冇咩特別，家常便飯咁上下啦。

不經意地，金枕頭開業大概有十五左右吧 ! 期間附近不是沒有競爭對手，而是本身食物不錯，而且價錢相宜，除了晚餐比較貴之外，午飯或晚上9點半後，都是特價時段，所以人流不絕。反正囝囝放假，也懶得煮飯，乾脆去吃特價午飯。咖喱豬扒飯由於是吉列豬扒，所以店方把咖喱汁另上，個人很欣賞，至少不會將外層的麵粉將得溶溶爛爛；豬扒的確炸得過了火，但幾脆口，只不過咖喱汁是越來越水汪汪，辣度輕柔，可能是要遷就大眾口味吧!泰式炒通菜火喉啱啱好，色澤綠油油的，鹽是重手了少少，可以更好。海南雞飯在午餐牌中算最貴，雞早已去骨，肉質夠嫩滑但可惜毫無雞味，油飯亦是求求其其，附上的湯品是冬瓜湯，有時候希望越大，失望越大。附近商場不斷有食店又開又關，也許是時候試新店了。

朋友推介話呢間泰國菜又平又唔錯, 返通宵之前就黎粉嶺試一試呢間餐廳啦, 一早打定電話訂位, 趕時間返工, 等多半個鍾都怕食唔切由粉嶺火車站行十幾分鍾到, 係個私人屋苑下面, 有好多張枱, 所幾都唔洗等位, 裝修就一般, 有少少泰國FEEL, 但茶餐廳FEEL重D, 見好多人叫左個南瓜盅, 都諗住叫一個前菜, 叫左4串串燒 (豬, 牛), 50蚊, 賣相就一般, 以為過左火, 但食落去又唔會硬, 味道同質感都唔錯之後黎多個炸蝦餅, 4 件, 58蚊, 好大件, 真係即炸, 好熱架, 彈牙同好有蝦肉味, 好過好多泰國餐廳主菜叫左個菠蘿海鮮炒飯同南瓜海鮮咖哩, 個炒飯就差少少, 無咩味道, 但個南瓜盅幾特別, 咖哩味好濃同南瓜好夾, 仲唔會辣見好多人飲青檸梳打, 所以都叫番杯, 上個陣都覺好特別, 另上一支泰既既梳打水同糖水, 仲有人教你點飲, 都有餐牌寫住飲到一半加糖水再加梳打水. 好少可會咁樣教人飲梳打水. 呢個梳打水D汽特別多, 啱曬D鍾意多汽既人, 但加左D糖水之後, 個味好似怪怪地, 唔係啱胃好, 不過試下都係一個體驗本身諗住叫甜品, 但兩個人食咁多都收皮啦, 賣單296, 兩個人

金枕頭算係呢區幾出名既餐廳小弟幾鐘意食泰國野 都試過唔少其他泰式餐廳但係論味道同價錢 呢間絕對係first choice 讚:推荐菠蘿炒飯 炒通菜 炸蝦餅 雞同豬既串燒 次次去必叫xd!!仲有青檸梳打 會原樽梳打水上 再配糖水同青檸 感覺好fresh彈(!?):冬陰功會偏酸少少 芋頭飯就乾左d 座位方面都比較窄 想食氣氛既既諗清楚 xdP.S.野食會來得OK快如果叫得多野食既 可以逐D落單 以免野食攤凍晒晚飯時間會好多人 有機會要等成粒鐘先有位建議早少少打去卜定位

是夜，我和家人想吃宵夜，看錶已經十時三十分，飛奔到牽睛間，十時四十分到達，收銀員好像面有難色，幸好其他侍應也讓我坐下。因規定某些食物一定要點二件以上，我們也不能選太多款式，點了我自己在此消夜的最強組合:燒雞翼--大大隻，點上蜜糖，熱騰縢地上枱，雞翼肉不會梅，也沒有雪味，有時夏天天氣熱不能到燒烤場燒烤，偶爾到此嘆住冷氣吃燒雞翼，也是一大快事。牛油雞翼--雞翼加上脆醬炸，上枱會加上一點蒜茸牛油，味道很香，但每次吃後，也有點罪惡感，因實在太油膩了。青檸梳打--青檸和梳打水是分開上的，自行倒進杯內，份量足夠，每次我們也點一杯兩份喝，青檸酸酸的，開胃又解渴。炸蝦餅--脆口彈牙，蝦味不足。泰式無骨鳳爪--呢個鳳爪，我對它又愛又恨，無骨鳳爪配上生菜，再加上泰式辣汁，最佳的開胃菜，但有時辣汁會好辣，要馬上喝一口青檸梳打，但辣始終會停留在舌頭上。家人每次也提我不要叫，說我吃不到這麼辣，但每次我也心思思點這道菜。十一時，客人走光了，收銀員也急急地走來埋單，我也不好意思再逗留，有點掃興。以前好像十一時半才清場，下次要早點來。

係屋企附近有一間泰國餐廳對於鐘意食辣既我黎講係好幸福!但係好可惜 佢既價錢比較貴 搞到我成日都唔捨得食!但唔洗驚 一過9:30pm 就會有個特價宵夜時間好多野食都會變左半價，敢唔敢相信一個雞翼米線只要15蚊?依間既湯底好香 好濃 有少少越式既感覺 但就嫌有d咸但配料就冇乜啦 15蚊唔好期望太多佢既小食不得了 全部半價但要每款兩件起一定要食豬頸肉 好有肉感而一d都唔硬 蜜糖香亦係錦上添花亦有沙de雞牛豬串 新鮮燒起 肉質非常嫩滑!我好鐘意飲佢地既芒果沙冰 大大杯 芒果味又唔會太假整體黎講 質素都好高!

約左娘親食lunch~~緊係唔去太遠~~金枕頭一直係我午餐首選~是日點了個豬肉濕炒河，味道不錯，但一見到果陣覺得太多汁~~蝦餅係我最喜歡小食之一~~好味道!!而娘親比較喜歡蝦春卷~~很脆~~+$4 order了椰汁紅豆冰~都幾好飲~overall都算抵食同維持水準~~

今日難得可以約翻一班中學同學出黎，近近地就去呢間金枕頭試下泰國菜。其實我自己平時因為少食辣，所以都好少去食泰國野，今日終於有機會試，仲要約埋成八個人一齊食，可以食餐勁既！首先，就一定要講呢盤虎蝦刺身！真係幾鮮幾正，仲要我膽粗粗試左佢中間盤辣汁，真係辣到'哇'一聲，但係中意食辣既應該覺得好正！然後，就講下佢既炸物！我地叫左炸蝦餅同炸蝦春卷，真係好正，因為我自己就最中意食炸，夠香夠脆，食唔停！另外，我地仲叫左南瓜咖喱海鮮，都唔錯既，不過佢隻咖喱反而唔太辣，有啲似葡汁既感覺，連飯一齊食都ok既。仲有菠蘿炒飯，真係估唔到佢真係會用個菠蘿裝住，都幾香既，一路食都食到啲海鮮，好似有魷魚，都唔錯。最後，仲有燒雞翼同串燒，都係好香好好食燒雞翼真係無得輸，不過就嫌串燒有少少乾。整體黎講，我自己就冇食開泰國野，不過都覺得幾好食幾滿意。

菠蘿炒飯。頂飽。味道都五錯。個糯米甜品好好味，兩種都好食！青咖喱更五使講，搞到我地每日一碗白飯都未夠候下次試下三個辣椒既咖喱！      師姐推介。的確五錯！魷魚好脆！一流！五推介拼盤。無咩特別又五抵有碟五知咩牛肉粉丝？五好食7人食左$500。都ok既但系环境太逼.同埋好吵

依間泰國餐廳起粉嶺區嚟講都算薄有名氣，每晚幫襯既人都會好多，特別係星期六日一定要等位。今次雖然係平日，但都唔少人等緊，所以就外賣個豬肉生菜包，加多隻咖哩蟹同蒜蓉包返屋企食好過豬肉生菜包叫佢加左辣，佢用既香料特別多加埋啲酸辣醬汁，好開胃加左辣之後，刺激非常，至於生菜都好新鮮到個主角咖哩蟹，個咖哩汁好香，唔太辣加埋有蛋花洋蔥啲配料起汁內，用嚟點蒜蓉包一流，蟹就係肉蟹嚟，都好大隻好多肉，下一次都會再叫嚟食