影片
港铁佐敦站 C2 出口, 步行约4分钟
继续阅读
附加资料
歡迎包場作私人聚餐或求婚場地
詳情可致電本店向職員查詢
人均消費: $70(午餐); $200(晚餐)
营业时间
星期一至日
11:30 - 15:00
18:00 - 22:30
以上资料只供参考，请与餐厅确认详情
第一次打食評就係呢間餐廳喇！本身唔係第一次幫襯，但今日路過比較時間鬆動又決定入黎坐下！價錢都幾吸引入面係黃色燈，感覺好舒服温暖。而且一個場坐16個位，坐得舒服。首先其實黎左個餐湯，忌廉粟米湯，不過略水無咩味。。。如果可以濃點就好！不過多士好脆好香好好食！掛住食，相都無影。叫左個青口意大利飯。個飯好creamy, 有咬口！青口既味道唔差仲幾足料！一碟細細既意大利飯已經有3-4隻青口，另加一點魷魚之類.. 青椒味幾重，個人覺得個combination幾新鮮，但如果有人唔喜歡青椒味就自己諗喇！隨餐送甜品（應該多數係雪糕）都幾甜，唔識分佢係自唔自家製喇！我放入杯咖啡度可以唔落糖😂講咁耐最欣賞呢間餐廳係提倡老有所為架！唔怪得serve我既全部都有少少年紀^_^ 但服務真係好好！好親切又有禮貌，而且我真係一食完最後一啖放低餐具，個伯伯就過黎幫我收，再上下一碟！$65蚊有呢個服務質素真係超值！（無加一呀！）
继续阅读
隨遇而安係一種人生態度，讀書要搞人生規劃，做嘢要做來年展望，但世界日新月異，計劃永遠跟不上變化，尤其人算不如天算，如果無傷大雅，何妨任腳走，尺軀隨遇？ 今日情人節，要留肚同HONEY食情人節大餐，晏晝喺佐敦溜躂都無乜IDEA食咩好，見到有間餐廳屏風咁大塊午餐牌，嘢食都幾吸引，侍應姐姐好親切咁出嚟介紹，一試無妨。 信步走入燈光柔和佈置閑適嘅餐廳，枱面舖上枱布，店內客人唔多，少咗茶餐廳嘅喧鬧，店內燈飾用意大利彩色玻璃燈罩，牆上超大汽水蓋，黑板畫同燈下海報畫版流露小店氣息，坐得舒服。 先上餐湯法包，蒜蓉法包普通，紅湯只酸無肉味，而且好奇怪咁用冬菇！為免浪費勉為其難飲晒佢。 香草鮮茄忌廉汁酥炸黃金蝦長通粉$60炸蝦夠新鮮彈牙，炸漿薄，食落鬆化。長通粉烚熟後有風乾，所以掛汁同煙韌，忌廉汁微酸帶甜，好開胃，配長湯粉食唔油膩，好健康。 香草帶子雜菜意大利飯$65意大利飯味道清淡，飯粒有咬口，醬汁夠濃稠，不過不失。由於鮮蝦售罄所以用帶子代替。就咁出事喇。帶子肯定係雪藏貨,無問題，但食落完全無鮮味，韌韌地近似擦字膠心情即時跌落谷底 檸檬芝士蛋糕$8輕芝士鬆軟，檸檬味清新少甜，點一下砌成心型嘅糖漿，欣賞厨師喺情人節嘅心思。今日隨意試新菜，餐廳予人家嘅感覺，舒服親切，食品水準甚合心意，最可惜十清一濁，希望餐廳可以小心檢查出品，確保保持最佳狀態。期待下次再嚟，唔會再失望啦。
继续阅读
其實我用左OPENRICE咁多件今次係我第一次寫食評，因為我真係想同大家分享一下。十月中路過呢間餐廳，見到個門口係我好LIKE的舊式餐廳。望入去好WARM見到門口個DINNER MENU 仲吸引。所以我約埋兩個朋友入去試下。我提前四日打左去訂位。入到去見到原來只有二十個位，心諗好彩我有打電黎預訂。7點去到見到巳有2個人客。到7點半巳經滿客。我地都每人點左一個SET DINNER 。WAITER姐姐都好NICE，服務真係好好。先有前菜SALAD，佢地話係自己整。有牛尾湯，多士好味。主菜我地每人叫左一款。法國鵝肝香煎帶子黑松露意大利飯。HKD188 真都幾好味。第二款係意式扒虎蝦天使麵 HKD188。隻蝦味道普通!最後一款係板燒法國黑毛豬鞍扒。HKD198.00 。真材實料份量十足，味道仲唔錯。最後仲有甜品。自家製 CHOCOLATE CAKE，貨真價實，人性味十足，舒服的環境，約埋一班朋友食飯吹水，呢到係好推介。不過佢地開到10點，所以見意唔好太夜先入去食。SET DINNER可以加錢配1664啤酒。聽我同事講佢上次去食果時有加錢飲，仲係DRAUGHT 杯裝，不過佢話麥啤好味D。佢地話果款安格斯肉眼扒好正，等我下次去試下先。
继续阅读
這間餐廳前身是老人餐廳, 轉手了約兩個月吧, 內裡裝修不變, 但服務員都是女士◦名字跟食物不匹配, 中式名字配西式食品◦點了香草鮮蝦雜菜意大利飯, 是我喜愛的很creamy很黏的意大利飯, 配三色椒的味道已經很好味, 簡單而美味◦ 而且有品味的餐具, 簡單的香草裝飾已經很好◦ 餐湯跟蒜蓉包不錯, 另外可能由於人少關係, 上菜很快◦ 還有, 朋友說安格斯肉眼扒也不錯, 可以一試◦
继续阅读
早排有朋友同我講之前食開既尚館轉咗名，叫做金枝玉葉~(一聽個名以為係食中菜或甜品)，跟住朋友話都係做返意大利&西餐~試過晚巿去食，啲野食好味夾大件~ 當然我唔會放過呢個機會探過究竟啦當晚係平日，大概7點零去到~行到門口已經有侍應開門同安排入座，有好幾個侍應同廚師係長者黎既，因為之前尚館係社企，會僱用長者工作，雖然轉咗手，但新老闆依然繼續用長者，真係值得一讚👍👍👍晚巿有一個 meun, 另外仲有其他小食~ 個set已經包括頭盤，餐湯，蒜蓉包同甜品，咁我地就叫咗黑毛豬鞍扒，芝士焗龍蝦天使面同埋Pizza~(因為朋友食過Pizza話好好味，所以無諗過食唔食得哂就叫埋)今日頭盤係炸帶子沙律，帶子無多餘既炸粉，好香脆，唔錯~啲沙律菜混咗沙律醬，好好味~平時唔多食沙律既我竟然食哂😑餐湯 - 南瓜湯，顏色好靚~入口creamy, 仲有粒粒南瓜蓉~ 侍應姐姐聽到我同朋友對話，好親切咁同我地講原來日日既餐湯都唔一樣，南瓜湯係廚師將新鮮南瓜煮成蓉去煲所以味道好甜仲有咬口~主角終於登場~ 黑毛豬鞍扒同原隻龍蝦。賣相無得輸，相機食完到我地~黑毛豬入口好多肉汁同油香~呢個不能不試😈，龍蝦好大隻呀～芝士好香濃，肉質好爽好好味，天使面煮到啱啱好~唔會太冧或太硬~讚👍食到一半，Pizza登場~哇～好多料咼~有煙三文魚，黑松露，車厘茄.......pizza係薄既餅底，脆得黎又唔會太乾~好味~到甜品喇~我同朋友分別食藍莓芝士旦糕同tiramisu，藍莓醬唔太甜，夾埋芝士旦糕味道好好~tiramisu都ok,但個人就鐘意食啲再“冧ber ber”啲既~出面餐廳唔會整到咁冧，只有make myself先滿足到自己😂😂😂食後感 : 晚巿套餐價錢實在太抵食，比起其他同類餐廳肯定唔係呢個價，環境舒適又坐得舒服(有梳化位)，食物質素好，又大件~ 仲有，呢度轉凍飲同汽水唔使加錢，今時今日有幾多間餐廳會係咁？隔離間茶餐廳都唔得啦～唔想飲呢啲普通野仲可以加錢轉飲酒~啱哂一班朋友摸住酒杯底傾計啦～出到門口我見到個lunch set menu都係$5x起，仲有湯，蒜包同餐飲~亮點係“免加一服務費”😈，我一定會再去食架😏😏😏最後值得敬佩既係 : 餐廳老闆依舊僱用長者工作，如果大家去食既話，唔好嫌佢地工作慢，俾多啲耐性啦～畢竟佢地都為社會貢獻咗好多架~😬😬😬
继续阅读