金沙角大牌檔 (已搬遷) 新店位置

住在沙田。真係有好多大牌檔。最中意去就是金沙角呢間。皆因坐得舒服D。夠寛落。味道也大份好食。推介美食有。小炒王。猪潤啫啫雞煲。雪菜肉𢇁炆米。紅燒乳鴿。好鬼正。配埋支可。2個人食。好飽。價錢3百元有找。抵

叫炒蜆$58， 單寫花甲$78 茨汁結踢踢 ，花甲又煮老咗 ！叫蒜蓉蒸中蝦話$25/兩 ，叫半斤，食完去埋單，張單寫10兩，伙記係同我地講8兩，佢話對唔住無講係10兩，一句對唔住寫幾多都得啦！仲要係普通蝦，我唔覺係游水蝦囉！豬潤啫啫雞得三片豬潤 ！雞又老。真係一無是處的小㕑⋯⋯

經常都係到lunch，今日叫個燒鴨燒肉飯，黎左隻鴨脾仔，喜出望外係附近嘅食肆黎講，算係份量多，足夠令我食得飽。大排檔環境當然唔算好好，不過呢d咁地道嘅環境，係香港買少見少，就算夏天都會黎食，當然天氣轉涼當然更舒服😌

呢間以前幾好，呢幾年係差咗啲，啲炒粉，麵，飯ok嘅！ 小菜就麻麻地lu, 不過呢度啲燒鵝真係唔差，我好多時嚟食會叫燒鵝，干炒牛河，召盬九肚魚……其他小菜始終感覺一般今日都幾多人，我同女友好彩見有張未有人執嘅枱就坐lu, 跟住示意位四眼呀叔執枱兼寫嘢，佢有啲悔氣，抹枱抹少一平方呎……污槽麻……剛响我同女友之間一撻水同米粒，咪叫佢抹埋呢忽囉(我唔係呼呼喝喝嘅), 典知佢黑住臉抹枱時有心定無意將嗰個位啲米粒同水彈向我，仲加句"越抹越污槽呀" 未及落單頭也不時便行咗去(之後有嘢想要，呢條四眼叔都係望到扮嘢行咗去。 幫我落单位長頭髮年紀幾大吓嘅女人就唔錯，幾親切又勤力收银姐姐都幾好今日食四樣嘢如下: 1) 燒鵝例牌: 有肶有背至正，滑香，堆介2)馬拉盞炒通菜: 唔係咁熱無鑊氣，味都ok, 汁多咗3) 召鹽雞軟骨: 好多粉，而且無乜味4) 胡椒蝦: 望落似薑葱炒蝦，不過幾好食

沙田有堅好食既乳鴿😍入沙田食乳鴿吾一定要去龍華既🤭起沙田圍火車站外既大排檔，都有一間有乳鴿好正既⭐️有大排檔地道風味，懷舊既環境真係買少見少啦..星期日去到人山人海。等位都要等30分鐘。但值得既。小菜有獲氣。乳鴿應該係先以滷水浸熟再炸，所以吾洗再加鹽已經夠曬味。乳鴿吾會過大隻。寧願食2隻BB鴿😂可以叫店員原隻上/一開4。。乳鴿吃起來像是比較嫩的鴨肉，非常香甜可口，外酥內嫩的口感真的很好吃。配埋啤酒🍻一流丫

天氣凍凍地想食羊腩煲暖吓身補吓，一於到留下大排檔尋食，三間大排檔得呢間有羊腩煲食，就選呢間，其實呢間做到出晒名，坐低睇真好多小菜選擇，首先叫個羊腩煲先，三個人再叫多兩個小菜，夠晒講真現在羊腩煲越來越貴，又唔多見食，但自己煮又麻煩，唯有出街食，一年一次冇所謂好在羊腩煲送到來都幾大煲，大概有十舊，而且送一碟生菜，當羊腩煲滾起來時候好香羊腩需然未夠腍，但入晒味，而且味道冇過鹹，唔點腐乳已好好味，但點左就更加嘢味，馬蹄好爽、支竹和冬菇索晒d汁超好味涼瓜斑腩煲，涼瓜好爽，斑腩外脆內軟，但味道有d過鹹菠蘿生炒骨，味道可以，但生炒骨冇乜肉，而且有d乾和硬，食落去雪豬肉冇乜味道，失敗今晚食左＄438，但只有羊腩煲值得一讚，其餘兩個餸就差d，以前真係好好味，可能做響左個朵，水準就越來越差，感覺越來越重味精，未必會再幫襯！

近日不時看見報章，雜誌甚至網媒的報導，某上市公司開始迫走公共屋邨的冬菇亭熟食檔。的確，有不少屋邨的冬菇亭，已經十室九空了。在網上看到有網民曾說，該上市公司打算收回沙角邨的冬菇亭，我印象中，好像出了一個小小的迴響。這一天，我、太太同兒子遊畢主題公園之後，要去食晚飯了，反正我們要路經沙田區，就回到比較熟識的沙田區找地方食晚飯。而時間是九點幾，我同太太異口同聲地，沙角邨。因為沙角邨的冬菇亭就在馬路邊，可博大霧泊路邊。而我們選擇的商號，就是馳名的《金沙角》。 博大霧泊路邊事敗，遇上了走鬼，立即把車泊入停車場更安心。而店方是很好人的，有把風人大叫警察來了，司機車主，全跑出去，走鬼。從屋邨商場的那一邊回到食肆，發現整個冬菇亭區很大，我沒有細數有幾多檔了，單是其中佔地最廣的這一個《金沙角》，是一個幾千呎的空間。 當晚，好多人食火鍋，兒子也嚷著食火鍋。可是我太太茹素，我同阿仔其實等於一個人叫一個火鍋，唔化算，所以我們決定叫小菜食晚飯。羅漢齋煲，可以煲到蔬菜全熟但保持到脆同爽口的，是鑊氣足才有的力量同霸氣。有南乳香，但屬於比較淡口的一種，喜歡清淡的茹素人士，這一個羅漢齋煲，其實幾好。 我同兒子就全肉了，

假期星期日晚八點左右黎到 唔洗等位 坐底一陣揾個人嗌野食都難 終於有個阿叔行埋黎 嗌隻乳鴿黎到唔脆既 想嗌個鼓油王炒面 又話廚房做唔切唔做炒粉面飯 再黎真係經典 睇餐牌嗌左個椒絲鹹魚茸炒菜茸 黎左碟蒜蓉浸白菜仔 問阿叔佢話係咁 再睇番阿叔落單 寫住咸魚茸白菜仔 對住呢2個名同碟菜 我都唔知可以講咩好 簡直係九唔搭八

尋晚去gathering, 4個人480蚊，價格ok， 但系：1. 有老鼠，前臂咁長咁肥2. 上湯雞的雞未熟，臭3. 招牌小炒皇90%都系韭菜4. 枝竹斑腩煲大部分系豆腐5. 得燒味和揚州炒飯ok

對上一次去呢間野食係好耐了，起碼兩年前。沙田係我故居，好喜歡呢個地方，空氣好好。⬅️九吾搭八今日聖誕節，約左個中學同學一齊去食呢間野，諗住懷下舊😂食物分量都幾多，係三杯雞比較咸😂其實我吾想叫，佢話要叫😂😂😂整體黎講都可以，係間吾中有陣味，我朋友話係雞咪。我都吾知咩味😂每人叫左枝樽裝可樂飲！

焗魚雲佢炸完d魚雲放鍚紙就當焗，而且燶嘅辣酒煮螺佢整熟啲螺浸d辣酒就算，完全唔入味椒鹽焗鴨舌就粉多，食唔出鴨舌，入面都唔知係咪鴨舌黎，仲要焗都唔扮等野食等成粒鍾。Blacklist la

同幾個朋友係附近做完運動，因為好耐冇食過大排檔所以黎食下~其實好少食呢間，因為多數黎親都係打邊爐。呢度D職員態度都OK，又主動話幫我地影相分別叫左四樣餸，一個菜，個蒜泥白肉賣相唔多好所以冇影相，味道還可以啦，但唔食得辣既人會啱食~椒鹽鮮魷同菠蘿咕嚕肉個粉整得夠薄，食落去唔會好滯~味道都幾好~炸得又幾鬆~涼瓜斑腩煲就咸左D囉，我食左少少就食唔落了~整體黎講都OK既~不過價錢就OK，都算抵食~ 

冬菇亭 有一份人情味 喺市區永遠搵唔到 謝謝熱情招待好似返屋企食飯咁你唔好以為好污糟其實係好乾淨黃金魷魚食到舊時代味道粉薄魷魚好靚好咬口咸蛋黃夠多金銀蛋豆苗一大盤菜好靚豉汁炒蜆鑊氣雖然唔係好重肉多又夠味咕嚕肉粉薄甜甜酸酸送飯最啱

一路都知呢度有大排檔, 但又懶行咁遠, 今日啱响大陸返嚟, 坐火車轉馬鐵嚟食晚飯, 行勻成個冬菇亭, 呢間夠大又唔太多人, 幾部電視睇, 就先嚟呢間試下先~  藍妹老公突然抽起條筋, 話想食鴨舌配啤酒, 見佢咁高興, 就倍佢啤一啤, 所以佢就叫咗比較淡口的藍妹, 雖然我少飲酒, 但佢夠冰凍, 又淡口, 真係好正~  金沙海中蝦原本我仲以為"金沙"即係炸香咗果d蒜茸, 到上枱先知, 原來係鹽蛋黃加牛油煮完再兜返勻d海, 味道都OK, 中蝦雖然細隻, 但都夠肥仔, 而且都算爽口~  椒鹽焗鴨舌老公話以佢食咗咁多年椒鹽鴨舌, 未見過一間係撲粉再炸, 通常都係就咁油泡, 再撈椒鹽, 開頭熱果陣都仲可以, 但一凍咗, 外皮果層粉好un, 少少界咀, 而且椒鹽味又唔夠~  蠔仔粥我只係加咗少少胡椒粉啫, 點解會咁辣? 原來落咗好多黑椒碎, 可能同d蠔仔一齊醃, 驚佢腥掛? 但對我呢d唔食得辣, 唔可以接受, 不過佢d蠔仔就好肥仔~   涼瓜魚腩煲都算好多涼瓜同好多魚腩, 而且魚腩都唔算多骨, 又走過油, 唔會散哂, 個芡汁又唔會好勁, 凍咗都冇一大pet"琼"住, 但唔多唔少都有少少杰啦

晚上與朋友金沙角dinner，點了南乳脆炸雞，蝦仁炒蛋、西蘭花帶子花枝和汽水，，南乳吊燒雞又熱又脆，入口即熔，正；另外蝦仁炒蛋d蝦好大隻，蛋又有蛋香；最後的西蘭花帶子花枝夠大碟，帶子和花枝都好彈牙，西蘭花又不太硬，好味+食得飽飽。