金泰園 (已結業)

父親節跟屋企人一起去食泰菜， 雖然已訂位，但係都要大概等多十分鐘才入座， 未到七點， 裏面已經坐滿人我們有八個人， 見餐牌有個六人餐$888, 裏面啲嘢食全部啱曬食，覺得好抵，所以就叫咗呢個六人餐，另外再加兩個沙律，一杯飲品，一個豬手， 埋單唔使千一蚊， 非常之抵，重要味道不錯，值得再去！ 柚子沙律- 有幾粒大蝦好彈牙 青木瓜沙律-辣辣地，好惹味 小食拼盤- 超大份, 仲要有好多款，包括有春卷，魚餅，蝦餅，豬頸肉，炸扎肉， 全部都好食新鮮炸起 冬陰功湯- 唔會太辣，偏酸，都好好飲 粉絲蟹煲- 整得好乾爽，隻蟹好鮮甜，好味啊 炒芥蘭 - 份量都好多 明爐烏頭魚- 不過不失 海南雞一隻- 我覺得都可以 豬手- 份量比較少,大家覺得好好味 珍多冰-比較甜6人餐其實足夠八個人食， 真係超值， 上菜速度都快， 服務還可以 ，價錢簡直係超值， 環境都可以 必定會再去！沒有加一，真心抵！最尾送嘅椰汁糕，個個都話好好味

在家附近有一間泰國菜，終於有時間與家人去試試了。由於我們吃過下午茶了，所以先叫了二人餐，另外再加飯、小菜等。豐盛二人餐 HKD 288A泰式酸辣鳳爪B 可從二選一，我們選擇了馬來盞炒通菜C 可從三選一，我們選擇了泰式咖喱大蝦（配蒜茸包2件）D 泰特色海南雞（1/4隻）E 泰式蝦頭油炒飯F 泰式精美甜品（2件）G 泰式飲品2杯泰式酸辣鳳爪，感覺辣比酸更強，辣度屬中度（爸爸平日也不吃三哥米線的辣，所以這道鳳爪他也不吃），吃後非常開胃，而且份量都可以。馬來盞炒通菜，都是到訪泰國餐廳必吃的。通菜算是青嫩，而且炒得很熱又入味，配上飯是非常惹味。當然，鑊氣是比不上大排檔，但到訪過區內的泰國餐廳，這道菜分數是屬高分！泰式咖喱大蝦（配蒜茸包2件），蒜茸包香口又香脆，沾上咖喱更加棒。一碟內有兩隻大蝦，頗爽口又彈牙，配上香濃咖喱更加好！泰特色海南雞，份量足夠二人食用，配上的醬汁很開胃，整體口感幾彈牙，不過中間少許雞件有點兒糙口。泰式蝦頭油炒飯，炒飯餅粒乾身又不油，內容更有配料，令這道飯更香，內裡更有蝦，幾彈牙的。泰式精美甜品，是椰汁糕，彈牙又香濃，正。原本我更想多叫泰式椰汁西米糕，但當晚是未能提供，CRY

入嚟屯門玩完，係時候搵食，朋友仔話好想食泰國野，我地就去食呢間金泰園。睇下食咩先，呢個二人餐好多嘢食，啱晒！泰式酸辣鳳爪，酸得來微辣，正！馬來盞炒雜菜，啲菜唔會太過火，炒得夠香有辣味。地道粉絲大蝦，用煲仔上菜，粉絲超入味，大蝦好肉地有咬口。泰特色海南雞，滑滑無骨海南雞，啖啖肉，我最愛。泰式蝦頭油炒飯，飯粒炒得好鬆，粒粒分明，有蝦香味。飲品叫咗熱龍眼蜜，有好多龍眼肉，夠甜。跟餐仲有甜品送，今日係椰汁糕，夠椰香味，底層係啫喱，唔會太甜。

好耐冇嚟友愛邨，同細個嚟嘅時候已經完全唔同， 一落輕鐵就見到呢間泰國菜餐廳，就唸住入嚟試下有個二人餐288蚊都幾抵食， 有嘢食有嘢飲仲有埋甜品食先嚟頭盤，泰式酸辣鳳爪呢個前菜夠曬開胃，帶點酸酸辣辣馬拉盞炒通菜喺泰國菜必叫嘅一個菜式二人餐份量有四分一隻海南雞啖啖肉雞肉超滑而且無骨，食落好方便泰式蝦頭油炒飯 呢個炒飯入面仲有蝦同少量海鮮炒到粒粒分明C有3款揀仲有咖哩/辣椒膏炒大蝦而我就揀咗呢個粉絲蝦煲粉絲煮得好乾身 唔會成餅嘢又唔會太多油 大蝦啖啖肉又彈牙椰汁紅豆冰同青檸梳打夠大杯甜品，椰汁大菜糕

屯門區嘅朋友仔，你哋有口福嗱。金泰園嘅泰國菜唔只好味，仲好低食添。晚市二人套餐都只係$288套餐包括：·泰式酸辣鳳爪·馬來盞炒通菜或馬來盞炒雜菜·泰式咖喱大蝦或辣椒膏炒大蝦或地道粉絲大蝦·泰特色海南雞·泰式蝦頭油炒飯·泰式精美甜品·泰式飲品2杯兩個人食豐富得黎，份量又啱啱好，唔會太多或太少。另外值得一讚嘅係店員嘅態度真係好貼心又有禮貌。成餐飯食得好開心 👍🏻👍🏻 咪講笑，心情都即刻靚d 呀。😊 下次一定會再黎。

呢度啲嘢食唔算貴、平均每個人$$200左右，當然睇你叫咩啦。大頭蝦冬蔭湯：可謂落足料、呢碗野唔好睇佢細細碗、但係佢入面有成五六隻蝦！而且材料充足、不過我覺得可以辣多少少就好啦！香茅雞翼：好嘢未，雞肉完全冇雪藏未！而且好滑無骨鳳爪：同一般鳳爪一樣，冇特別鮮蝦金邊粉：炒得好香！食完都唔會覺得好重味精！龍眼水：我覺得最正係呢一杯野飲！龍眼水感覺好補青檸蒸明爐：👍🏻好大條！食唔晒！上面加咗啲檸檬🍋好開胃#金泰園

呢個世界有好多巧合的，兩星期前跟家人嚮屋企樓下的商場幫襯過這間泰國餐館，覺得質素唔錯，打算下次女友過來時再去食過。點知，今日佢帶左我去其屯門的分店食。倘大的樓面坐得到舒服好多。咪睇我係男仔，我其實好鐘意食泰式辣味鳳爪，酸酸辣辣特別開胃的。海南雞油脂部分雖然唔係好多，但雞肉都 算係嫩口，整體還算不錯。馬拉盞通菜的鹹香也是很惹味的，同樣能令胃口大增。咖哩大蝦味濃得黎又唔辣，啱晒鐘意咖哩香但又怕辣的人。伴碟的蒜蓉包值得一讚， 麵包夠脆 ，裡面包含陣陣的蒜蓉香，好正!泰國特色飲料啱晒酷然天氣，絕不能錯過。

今日去到屯門嘅金泰園，唔使等位，但係都有七八成滿座，環境舒適，裝修優雅，坐落好舒服。食泰國菜邊少得海南雞啊，金黃色嘅外皮，皮脆肉嫩，一啲都唔會有雪藏嘅味道，肉質紮實，有口感，可惜自己驚雞皮太肥，所以唔敢食太多。馬拉盞炒通菜，一樣係泰國菜嘅特色之一，翠綠色嘅青菜，充滿鑊氣，唔會好鹹，味精嘅味唔會好重，最緊要嘅係食完都唔會覺得好口乾。泰式鳳爪，呢個係必食推介，味道適合香港人嘅口味，酸得來又都唔會太辣，而且去晒骨嘅鳳爪，啖啖肉，又爽口，夠晒冰凍，呢啲咁熱嘅天時，作為一道開胃菜，果然醒胃。沙嗲雞肉全消，呢度菜嘅精髓，就係啲沙嗲醬，秘製嘅沙嗲醬，入口充滿龍龍嘅花生香味，而且甜甜地，食落份外開胃，雞肉唔會燒到好乾身，依然好充滿肉汁，而且份量又多，果然係啖啖肉啊。泰式炒飯，配料頗多，而且夠晒鑊氣，味道唔會太鹹，而且飯粒粒粒晶瑩又乾身，果然正

今日又嚟到友愛村hands，話說近呢半年開咗間新泰菜，都未試過，由於我都真係好鍾意食泰國菜，所以今次就試下佢嘅下午茶睇下掂唔掂喇。下午茶索價30至40幾蚊，價錢合理，唔使加一。結果我哋就揀咗個豬手面，同埋泰式海鮮炒飯，試下佢功力有幾多先。泰式豬手湯金邊粉。金邊粉分量好多，我諗正常男人食都夠飽嘅，不過配料除咗一啲蔥花之外就冇乜喇，湯底都好飲嘅，但未至於濃味。豬手就放埋落碗麵嘅上面，冇另外用碟裝住，感覺有點扣分。豬手嘅數量其實都好少，皮較多，肉較少，豬手食落有啲韌。泰式海鮮炒飯。一落單轉頭就上菜，證明都已經係炒定嘅喇。海鮮有大蝦同蜆肉，飯都算乾身， 味道就還可以嘅， 不過就略為凍咗少少。凍奶茶。本身以為泰國餐廳，要凍奶茶應該係泰式嘅凍奶茶，不過嚟到嘅時候，就知道佢系一杯不折不扣嘅香港茶餐廳奶茶。不過噉又唔代表要扣分，因為凍奶茶茶濃奶滑，其實都幾好味， 飲品方面切合返香港人嘅口味其實都係一個唔錯嘅做法。

第一次到呢間泰國餐廳食飯，通常以為係領X開嘅餐廳係又貴又唔好食，但係金泰園呢間餐廳，改變左我對領X入面嘅餐廳貴而唔好食嘅觀念。我屋企人叫左個6人套餐($888)，平均$148一位，係屯門屋邨商場食到高質素嘅泰國菜，係好難得。我推薦泰式小食拼盤、海南雞同泰式糕點(椰汁糕和芒果糕)。泰式小食拼盤大件夾抵食，份量大，最後仲食唔曬；海南雞肉嫩，雞味濃；泰式糕點清新舒服。總括嚟講，食物質素高。路過屯門友愛安定都值得去試試。

今日收工跟朋友去佢屯門新居，參觀完之後，佢話介紹我屋企附近有一間泰國餐廳🤗咦！估唔到屯門呢度都有一間咁似樣嘅泰國餐廳，門面裝修簡潔又有泰國feel，店內木製的椅桌，靠牆部份亦有很多卡座，整體感覺舒適👍🏻朋友極力推薦呢個二人套餐，只售$288，我一看之下，非常驚訝點解會咁平？Anyway都要試左先至講😅先來泰式酸辣鳳爪，酸酸娓娓醒神開胃，非常合適的前菜，另一個馬拉盞炒通菜，惹味入味，咸味啱啱好，正😋泰特式海南雞，雖然話¼隻，但係食落感覺好似半隻咁大份，雞肉嫰滑有雞味，越食越滋味👍🏻泰式咖喱大蝦🍤，唔係講笑，爽口彈牙，幫你開埋邊，我再點啲咖喱汁，真係連手指都舔埋😋😋😋特別特別一提，佢哋會跟埋蒜蓉包，千祈唔好錯過，蒜蓉包可以話係我食過最好味的，再點啲咖喱汁，冇得頂👍🏻👍🏻👍🏻泰式蝦頭油炒飯，不單止份量夠，幾隻大蝦亦唔簡單，飯底炒得乾身入味，初時仲以為會食唔晒，點知食下食下，一樣清晒碟😬甜品有兩款，椰汁糕和大菜糕，簡簡單單，唔會太甜，啱晒我哋呢啲健康人士👍🏻食晒咁多嘢都係收你$288，除咗抵之外，食物分量夠和質素好也兼備，下次特登入嚟食都值得👍🏻再者，呢度啲服務員好有人情味，見佢哋同啲街坊傾下

自從喺友愛屋邨附近開咗呢間金泰園貼地泰國餐廳，開始抱著一試嘅心態去食lunch，第一次去點咗泰式豬手飯豬扒粉，豬手果然夠腍夠入味，而豬扒亦好嫩滑，味道適中。第二次去點左青叻喱豬扒飯，海南雞飯，除咗油飯硬少少，其他也沒有失望，今日食lunch點咗個金邊粉，微辣，味道都唔錯。而價錢方面，48-50元一個餐，價錢大眾化，多咗一間食肆選擇

在屯門附近工作，時間尚早，食個早餐。這間泰國菜館應該開了不久，望吓餐牌，都幾特別，儘管試吓早餐味道如何啦！叫了雞扒冬蔭功湯麵，再加杯凍咖啡，早餐來講~算係幾邪惡，不過味道的確唔錯，冬蔭功湯夠香辣，不是淡而無味，食完麵可以飲埋個湯都唔錯啊！凍啡好香啡味，一般茶餐廳叫凍啡，通常都係奶味蓋過啡味，所以都值得一讚的，而且早餐來講~39蚊都不過不失，比普通茶餐廳更勝一籌，如果下次早餐時段在附近，都一定會再食

泰式菠蘿炒飯點解會有臘腸？ 馬拉盞通菜點解冇蝦糕，又濕，又魚腥味？最衰係個沙嗲雞，$42蚊得4串，柴皮咁樣，又乾又硬，小曼谷$41蚊六串，好食又唔柴皮。蝦餅還可以但唔夠熱。想我再唻好難！

屯門公園位於友愛村格離，今日同囡囡朋友仔去屯門公園玩， 放完電當然要去食晚飯，我地行去友愛村搵食，村屋黎講，友愛村既商場好大，好多餐廳，住係到真係好幸福，一落樓下就咁多餐廳。朋友鐘意食泰國菜，我地今日去金泰園食餐牌有2人餐，4人餐，6人餐，因小朋友食唔多，我地點了2餐。泰式酸辣鳳爪飯前食個酸辣小食，好開胃馬來盞炒通菜穫氣十足，通菜唔會炒到過老地道粉絲大蝦個鍋超級熱辣辣，超級多粉絲，有大大隻蝦泰特式海南雞雞肉皮下脂肪唔多，雞肉嫩滑亦有彈性。泰式蝦頭油炒飯炒飯炒得均勻，炒得乾身，粒粒分明，飯入面仲有幾隻爽口彈牙既大蝦，以為普通炒飯，食落好香菠蘿大菜糕菠蘿味道濃郁龍眼冰&椰汁珍多冰