金泰子泰國餐廳 (已搬遷) 新店位置

今天與兩位友人在太子D出口附近覓食，走著便發現，在同一條街有著三間分店的泰國餐廳，在門口看了餐牌後便決定進去開餐。 這晚的人流不多，進去後便可以安排入坐。我們點了四道菜及三杯飲品。第一道：肉碎生菜包 $68 由於友人們都不太吃辣，所以下單時便點了要少辣。肉碎的味道不太鹹不太辣，連友人們都說辣度剛剛好。這裡的店員也很好，看見我們已吃完生菜，但還剩下三分一的肉碎時，也會添多三至四塊生菜給我們，這個份量適合二至三位人進食。第二道：酸辣鳳爪 $48 這個鳳爪很開胃，酸酸辣辣的，十分推介！一開始吃的時候覺得味道、辣度適中，但再吃三至四隻鳳爪後，便開始有辣意。第三道：豬頸肉炒金邊粉 $65 金邊粉不太油，也不太乾，飽肚之選。第四道：蝦醫炒飯 $58 飯粒分明，愛吃重口味的我覺得蝦醫味不太重，但友人們覺得味道適中。最後每人各自一杯飲品。左：珍多冰 $25中：青檸梳打 $25右：椰汁冰 $18這晚餐一共$307，免加一。

身為泰國菜的粉絲，今日專登入太子食。太子站D出口附近有好多隱世美味。穿梳於大街小巷之中，見到有呢間泰國菜餐廳。餐廳餐桌數量足夠，人客多都做得落，幸好當晚唔需要排隊 很快就被安排入座。泰式爆炸軟殼蟹 軟殼蟹份量夠2-3人食，當天與友人食1碟都綽綽有餘，粉漿唔厚，食落啖啖都係軟殼蟹，炸出來連配料都很美味！ 配飯食，應該可以食到好多碗飯。蝦醬炒飯香氣逼人，不會太鹹，如果用軟殼蟹的配料與炒飯混埋一起吃，香香脆脆，食落很有滿足感。難怪友人經常提醒食泰國菜的炒飯要配多味酥炸小食。沙爹串燒 （雞肉/豬肉/豬頸肉/墨魚丸/司華力腸/牛肉）泰國菜的串燒都非常吸引人，精萃在於烤串用的香料！ 大大碟，份量十足，串燒熟的程度剛好，沒有燒焦。咬落去外脆內鮮嫩多汁。椰汁冰椰汁味道濃郁香醇，配冰飲感覺清涼降熱消暑！ 

去咗三次， 次次都唔同味 一次比一次差 就係第一次最， 都唔知間餐廳係咪日日轉厨！ 真係唔知點解人話佢好食㗎， 價錢拍得起大角咀及旺角的泰國菜， 坐得又唔舒服 最難頂嘅係啲招呼，都唔知話啲夥記蠢呀定係乜嘢， 問有冇乜嘢唔知對住餐牌講畀佢聽， 唔識 ，唔係其士國內嚟嘅人， 但係都請個識聽廣東話㗎啦。

今日屋企無飯食,又唔想買外賣,落街食飯順便行下簡簡單單食個泰式炒飯地方整齊乾淨價棧大眾化生菜包生菜葉又大又爽顏色好青翠肉碎辣辣地,廋肉多,好少肥羔肉質唔會好乾蝦糕炒飯,一到已經聞到好多蝦糕味夠色夠味,香口,飯軟硬剛好,好有咬感炒得好乾爽,粒粒分明,而且色澤平均,十分好味~~~最後一人一個西米糕,,,,,睇落唔太吸引,但味道原來都唔差~~不過我覺得椰汁太多,少D椰汁更加好食~~雖然細細間鋪,但都足料~~~~

今日去開太子附近，一條街有三間金泰子，所以入去試下。竟然出乎意外地好。環境就簡簡單單，無特別。但食物種類繁多，而且午市套餐又足料又抵食。跟餐有餐湯，是日餐湯是粟米紅蘿蔔湯。我要了個海南雞飯，飯金黃色，大大份，雞份量都唔細，滑而不肥，點醬食仲正。椰汁冰有椰香味，甜甜地。朋友要了蠔仔肉碎湯飯，好多薑絲，仲有蠔仔、肉碎等，飯不會太稔，好味。另一朋友要了冬蔭公豬扒湯河，賣相夠囇吸引，有好多秀珍菇，豬扒大大塊。飲品要了柚子蜜，不會很甜。

太子都好多野食ge，今次行遠左少少見到呢間金泰子排曬隊，就試下啦~~~見佢隔離少少都係同一間黎，過左隔離店坐低左點左生菜包，份量都幾多，但係呢，係超級辣，辣到食唔曬，但佢辣得黎係幾好食ge，所以唔食得辣記得要出聲，叫之前同佢講可唔可以唔辣我地食完呢個之後即刻叫之後果D唔辣得唔得菜苗比起其他菜細碟好多，不過炒得又幾好食，少少辣辣地咁燒雞，唔辣，D肉鞋左少少，同埋切得太大舊，咬得辛苦左少少明爐烏頭，好大條好大條好大條，2個人食完全勁飽，飯都冇食已經好飽，食極都有肉咁，唔知係咪叫左佢唔辣，佢真係比少左好多辣椒，正呀!

金泰子這間餐廳同一條街二間舖，應該是受歡迎所以老闆開多間，是同一老闆的，我估，我比較過餐牌一樣的。晚上易找位，不用等，街坊生意多，泰菜感覺都好正宗，都多人吃。員工是後生他，收碟上菜都爽手。留意過餐牌，選擇都算多，之前在九龍城出名的泰國菜館我老公吃過豬脾飯，今次也試下這裡好不好吃。看上去夠吸引，老公話味道不錯，肉好淋易化，份量足夠男士吃。自己就叫了甜甜酸酸的鮮魷，感覺是中式的 咕嚕肉，大碟的。加上幾串串燒，串燒味道不錯，價錢又吸引，我真想佢放門外，等收工行去買，過下口癮。

去花墟買花，順道約友人在附近晚餐。經過這條街，見到這間店有三個鋪位，食物應該不錯，便選這間。嘩！見到飲品價錢頗平，便急不及待點了椰汁冰。椰汁冰，不太甜，味道適中。之後，我們再點了「青芒絲沙律」、「泰式鴨肉生菜包」及「泰式炒金邊粉」。青芒絲沙律，大大碟，酸酸地，而且很辣，夠開胃！泰式鴨肉生菜包，肉碎炒得香口惹味，再配上新鮮的生菜，很好味！泰式炒金邊粉，炒得頗乾爽，不太油，再配上芽菜及花生碎，口感更豐富！

今日和媽媽去旺角看中醫，於是順道找找泰國餐廳吃午餐，因為媽媽十分喜歡簡單的泰國菜，落巴士後行過幾間餐廳，看中了這間金泰子，感覺大眾化，不會很貴，經濟實惠。我們下午2時進去，只有一份午餐餐牌，可能見我們兩人不會叫小食吧？我覺得正常應該有小食餐牌，不過不緊要，我們都是想快快地吃個午餐後去看中醫，加上我們都不能吃上火的食物。冬蔭功是必叫的，這裡只有冬蔭功湯河粉（豬頸肉/豬扒/墨丸/雞絲），我們選了豬扒；我未吃過泰式蟹肉炒飯，所以選了它。未上餐先上餐湯，似是冬瓜南北杏雞湯，很清甜，湯面有少許雞油，未算肥膩！冬蔭功豬扒湯河 - 豬扒不太硬亦不過腍，最怕落了很多梳打粉而完全失去肉的彈性，而且煎得很香和入味，湯味濃郁但偏酸了些，河粉彈牙且量多，抵吃！泰式蟹肉炒飯 - 發現不少蟹肉絲，以三色豆、蕃茄、蛋絲、洋蔥粒等炒成的，無太多調味，所以偏淡味（原材料的味），很大碟，這個價錢算不錯了！平均不過50元，吃的飽飽，算是不錯的選擇！最好笑是有熟客無帶錢，店員說可以後數，大家是街坊、香港人，言下之意就是不怕你吃霸王餐，又不是「外人」，相信因為這種信任，成了街坊的食堂！

今天來到一向頗有口啤的金泰子泰國餐廳食晏，習慣先看看openrice 內的食評和位置。 雖然位於太子，但位置較為隔涉， 地鐵 D出口過對面馬路再行多幾步就到。午餐選擇相當豐富，可以照顧不同口味客人。點了三款午餐，先送來例湯  看似頗夠火喉，喝下去就覺得太重味精。  主菜好有效率， 一陣間三個主菜差不多同一時間上枱。 看來我們不約而同喜歡吃炒粉麵飯， 所以每款也有一碟。 泰式干炒雞肉河 $45 大廚炒功不俗, 鑊氣十足但絕不太油膩。除了雞肉外還有 蛋絲和 小蝦米， 材料當然是越多越好, 但以午市來說略算交了功課。 河粉沒太黏在一起，我喜歡泰式河粉的煙X感和一片片的樣子， 每一口也嚐到醬油和魚露的咸香。 泰式菠蘿炒飯 $45基本上每次吃泰國菜  是必點， 所以午餐都唔放過。 份量無泰式干炒雞肉河咁大墟頭， 反而岩我多啲。 飯炒得有點濕，吃下去略算可以，陣陣香薑粉香味是整個飯的精結，除了腰果外, 基本的菠蘿炒飯料也下齊， $45來說絕對無野可以投訴了。 泰式雞肉炒金邊粉 $45 賣相討好， 炒得略算干爽，加入小許芽菜令口感更好。金邊粉味道酸甜恰好,   將花生碎令口感更豐富，再嚐試加小許辣

經過太子見到呢間野都幾多人食入去試吓囉一嚟就叫咗碟牛肉串燒同埋豬頸肉串燒，一個字講晒「真係非常之咁好食」，真係唔係講笑，佢啲串燒唔會燒到好乾身，燒到啱啱好咬落去仲有啲肉汁節出嚟佢個豬頸肉串燒仲要厚切，加上燒到啱啱好鎖住肉汁，我多年食串燒嘅經驗，要將豬肉笑得熟之餘仲要保存到入邊嘅肉汁係好難，比燒牛肉難，所以重點推介依度全部肉類嘅串燒，值得一試另外值得一讚嘅就係佢依度嘅價錢抵食夾大件，泰式炒金邊粉只係需要＄58，出邊閑閑哋都過＄70，仲要佢質素唔錯，金邊粉炒得夠香，彈牙你仲可以加少少旁邊嘅辣粉落去一齊食重野味其中一樣菜式係我食親泰國菜都會叫嘅就係芒果糯米飯，佢依度個芒果糯米飯同出邊嘅平均質素差唔多（因為芒果糯米飯好難做得難食） ，但係佢個芒果好新鮮又甜又多汁，食得出佢D芒果應該有專登揀過。呢間泰國餐廳，我一定會再試，因為真係抵食夾大件，加上有一定嘅質素，抵

今日帶老表去試泰國餐廳，行嚟行去，點解會有咁多間舖嘅？於是揀咗最多人坐嗰間就坐。牆上貼滿menu，想食嘅泰國菜色應有盡有，最重要係唔貴！星期一至日12點至5點都有午市特價套餐，由$39至$42不等，仲要送例湯，抵呀！例湯係紅蘿蔔湯，清甜唔鹹仲要有湯渣食，好味！雞肉炒金邊粉 ($45)份量算好大，雞肉都多，旁邊有花生碎及乾辣椒碎。我只係將乾辣椒碎撥走，之後再用支羹撈一撈啲粉，都已經辣到癲咗！雖然對我嚟講真係好辣，但金邊粉口感彈牙，炒得夠乾身，感覺唔油膩，調味適中唔會過鹹(真係好重要！)海南雞飯 ($39)雞脾肉嫩滑，皮下嗰層透明嘅膏超肥美正到爆！不過老表有啲唔舒服，所以冇點辣汁食，但都已經好好味！就咁睇個飯好似冇乜特別，白飯咋喎，但原來食落係好有雞油味，一啲都唔乾，軟硬度適中，超級好味！！！！！$39抵食到喊！香茅雞翼 ($48)熱辣辣嘅雞翼，外脆內juicy，食落仲有香茅嘅清香，好好味，老表病咗咯，我蝕底啲食晒6隻都無難度！非常抵食嘅泰國餐，下次要叫多啲人嚟食多啲菜式！

最近總係口淡淡冇咩胃口，今日接完男朋友收工就係附近搵下有咩想食，見到有間泰國野好啦試下啦，酸酸辣辣都開胃呀。一排三鋪連住都係金泰子嘅店，環境企理簡潔並且難得地光猛（唔知點解好多泰國餐廳都好黑），幾幅掛畫點綴牆壁，整體舒服。餐牌都幾多野揀，想食蝦餅但見多30蚊有拼盤仔可以試多d野，最後叫左迷你拼盤、柚子沙律、冬蔭香草蝦炒飯同椰汁冰。光速上枱係椰汁冰，男朋友係椰汁怪，去親食泰菜必然飲椰汁冰，呢杯佢大力推薦要我飲啖（雖然我唔好椰汁)，濃味，唔係椰汁水咁又不至太濃稠，唔會未食先飽，熱愛椰汁可以飲！柚子沙律好大碟，柚子好多汁唔會乾爭爭，配上蝦皮、乾蔥、冇油膱味(好重要!)嘅花生、炸蒜片，醬汁酸酸甜甜微辣夠開胃。最下面塊菜唔好浪費，吸哂啲汁好惹味！冬蔭香草蝦炒飯炒得乾身有鑊氣，蝦夠爽，少辣，怕辣人士都OK。迷你拼盤揀左春卷、雞肉丸同蝦餅。一致覺得金泰子炸物好出色，炸完放到尾都冇出油，表面好乾身！真係唔係間間做到！春卷內餡有淡淡咖哩味、有粉絲、紅蘿蔔、冬菇等等，好似春卷版的咖哩角。雞肉丸有驚喜，原本以為係一粒粒魚蛋咁樣，原來係棋子狀。表面有腐皮(?)，裡面係雞肉、冬菇、粉絲，味道有啲似豐富版麥樂雞，

D排老婆同朋友去左旅行，又淨返我自己一個人，咁又係我可以四周圍走既時候了，今日出去太子覓食先，之後可以去聯合行下。【泰式鴨肉湯河】個河粉來了，點都會試個鴨肉湯河的湯底，味道非常香濃之外，好像有一點點藥材味或者純是心理作用，但沒有想過是那麼濃郁，估計用料很足加上長時間餚製之故，湯河內的鴨肉質厚，但豬紅都算OK，食完個湯河之後,即刻充滿力量，大家不妨試下。【鹹檸七】我們最後也點了懷舊鹹檸七: 在炎炎夏日之下, 來杯冰涼飲品感覺甚暢快，鹹檸檬對喉嚨其實都有好處。

男朋友接我收工帶我去吃泰國餐廳。去了金泰子，附近可以泊車，適合駕車人士。我同男朋友點了柚子沙律、馬拉盞炒四季豆、香葉肉碎炒飯同西瓜冰。頭先，上左柚子沙律，柚子有少少澀，蝦球新鮮，汁好惹味，整體上不錯。然後來了馬拉盞炒四季豆，配搭得唔錯。接著上了香葉肉碎炒飯，香葉係飯既精華，每一口都有香葉味，好味。價錢唔貴，泊車方便。