金滿庭京川滬菜館 (德福廣場2期)

营业中

休息中

同家人敍餐我揀選了九龍灣「金滿庭京川滬菜館 」地點方便，坐落於九龍灣地鐵站上蓋，裝修清簡舒適，仲提供6人至12人VIP房。服務體貼，侍應笑容親切，反應快。餐牌京川滬菜種類多，價格定位合理。1️⃣小籠包一客有五件湯汁飽滿，沾上醋汁，味道提升2️⃣素鵝餡料冬菇絲，蘿蔔絲，再同腐皮包上，美味3️⃣紅油抄手醬汁不太辣，非常開胃，雲吞大大粒4️⃣春卷餡料素菜，外皮炸得非常香脆5️⃣高湯翅浸時菜高湯非常清甜，每一條菜都吸收上湯精華6️⃣大孖醬粗炒選用大孖醬油，特別香7️⃣薑汁湯圓薑味濃郁，湯圓煙靭

🌞星期天一家到商場購物，中午吃上海菜。🥢😋💗九龍灣德福廣場的🌹金滿庭環境優雅，可以慢慢品嚐美食😚，與家人談天。先開一壺☕觀音王，輕鬆品茗。💕看到有優惠餐牌，即點返一份。😍🥢紅油抄手(8隻)(全日優惠)粒粒抄手都好飽滿， 醬汁十分惹味，蒜蓉非常香。🥢紫心番薯浸莧菜蕃薯配莧菜，十分健康。👍🌹花香玫瑰骨第一次吃玫瑰味的排骨，酸甜開胃又清香。🥢鮮肉小籠包(八隻)必吃上海菜式， 皮薄餡靚，爆汁。🥢生煎包(三隻)包底煎得金黃脆卜卜，同樣係爆汁。🥢鍋貼(四隻)需時15分鐘製作， 熱辣辣非常新鮮，煎得金黃香脆👍甜品：💕金桂花蘆薈杞子糕🌸💮(6件)桂花味清甜，冰冰涼涼的甜點。❤️

成晚唯一比較好食既係燻魚同鴨殼豆腐湯…..片皮鴨 - 無驚喜有機豆腐皮蛋 - 一般醉雞 - 唔夠滑，味道亦欠奉齋菜配雞湯 - 一般紫薯配莧菜 - 超老炸饅頭 - ok燻魚 - 好味嫩雞煨麵 - 超差，變咗老雞湯麵肉絲雙面黃 - ok小籠包 - 皮偏厚酸辣湯 - 偏酸，無左中間應該有既複雜味道我絕對覺得個廚師要好好檢討+進修一下自己廚藝。一個嫩雞煨麵已經完全睇得出廚師無心去整菜式。食物味道差到根本唔想影相，侍應忙到甩晒轆，我8個人求其分7碗湯俾我。個素菜下面又無落燭台，食物一鍋蜂上晒，無晒先後次序。呢度切餅費要收$100，但請問憑咩去收？極度失望！

2位用膳！前有幾張4人檯，坐2位，唔洗搭檯，問題係我前一張都係2位坐4人檯(無搭檯)到我啦！有張4人檯佢話(個知客)要搭檯！話後面等緊2位坐埋一齊(搭檯)一家4口當然無問題！陌生人肩並肩無隔板！我當然唔坐啦，佢二話不說就安排後者2位入坐(無搭檯)如是者再等約10分鐘，火都黎！找經理投訴，接受，話立即幫我安排入坐態度照舊，對果個知客並沒有一言半語，我衹係求過公道喱！！最後！我更係拂袖而去啦！

烤鴨--算好味,但等了一小時水晶肴肉.皮蛋豆腐.--可以生菜鴨崧.紅燒肉百頁結.上海炒年糕.傻佬炒飯.四款菜式十分十分甜翅湯白菜仔--好小籠包.生煎包.鍋貼--好味總結這晚飯只有烤鴨同包點覺得好味希望下次再來時食物不會太甜

一行六人訂左6 點，8 點前要交枱，枱與枱有啲空間，坐得比較舒服。片皮鴨兩食，片皮鴨份量頗多，但一定要趁熱食，否則凍左都幾膩，另一個系醬爆鴨骨，個汁甜甜地，凉瓜和京蔥爆得幾入味。生煎包，肉饀多汁包底脆。上海粗炒，醬油夠而且麵條口感不俗，料頭比較少，份量也不大。酸菜桂魚片，湯底味道夠，酸菜和筍片頗多，但桂魚片不多。高力豆沙香蕉，大大個好鬆軟。小籠包，冇試。埋單$1438/6 位， 都可以啦。之前食過新都會稻成，個人覺得德福金滿庭比較抵食。

家庭聚餐時不時都會黎到德福二期既金滿庭，一向都覺得金滿庭食物質素唔錯，座位坐得舒適，員工有禮貌，適合帶同長輩用餐。但係！今晚令我有點失望，雖然係平日晚上，座位都差不多坐滿，唔知係唔係人多，食物水準下降⬇️左不少…🔸養生湯時蔬 $112第一道上0既菜, 震撼眼球, 份量好少, 西蘭花入口Depp 兩下就溶, 相信浸左好耐…🔸花香玫瑰骨 $138份量都係比以往食0既少, 唔夠熱, 粉好厚…🔸土韭乾筍鴨呢個鴨終於好返d, 微辣鴨肉無蘇味,  平時唔太食鴨0既我, 都覺得幾好食!🔸砂鍋雲吞雞（1/4隻）差不多每次黎都會點砂鍋雲吞雞, 但係今次雲吞肉係梅0既....唔新鮮....🔸和尚戴帽捲餅香脆, 配菜有香菇﹑木耳﹑豆乾﹑豆乾, 幾好食品🔸招牌松孑魚酸味醬汁開胃, 外層鬆脆, 但魚肉唔夠嫩滑...本來想叫埋高力豆沙, 可惜賣晒......

同男朋友係附近行完山，想食京滬菜，搵到九龍灣。可能太夜已經唔洗排隊。入面環境真係好舒服，全場都滿晒。我地叫左一個麵，小籠包同京醬肉絲。個麵地用雞湯做湯底，有菜有菇，d麵軟左些小。而京醬肉絲真係好好味，好似食緊填鴨咁，有薄餅可以包住一齊食。小籠包就不過不失，都有湯汁，可能我唔算太鍾意食小籠包。

其實依照地點、裝修、服務，金滿庭又不是特別貴。北京烤鴨- 片皮鴨質素不錯，皮脆肉嫩，肥瘦適中，配料亦足。美中不足是薄餅太像越南春卷皮般太有彈性，又近乎沒味。生菜鴨崧- 叫北京烤鴨再加$78的第二道菜，炒得味道一流，但生菜份量有點不夠。砂鍋雲吞雞- 比起吃過的所有砂鍋雲吞雞都驚喜很多，首先只係半隻雞都好大鍋，大約分到十個細碗十隻雲吞。湯味好濃、菜味好甜、雲吞彈牙、連"湯渣"的雞肉都夠味不乾。看到餐牌另有四份一隻版本，相信二至四人都可試試。招牌燻魚- 醋味較重，雖然煙燻味不重，但因為魚件夠大，都算好食。雞絲粉皮- 醬味濃的普通雞絲粉皮，價格及份量偏向是一味小菜。脆皮素鵝- 份量多，燻香味重，但外皮沒其他餐廳的脆。鮮肉小籠包- 肉的口感及湯汁味道都不錯。嫩雞煨麵- 夠大碗，夠味夠料。只是我在JADE吃過更好味的，比起金滿庭，JADE的連麵都入味及湯底極濃。豆沙鍋餅- 奉送免費的，外皮沒其他餐廳的脆。薑茶湯圓- 奉送免費的，薑味非常香濃，湯丸煙韌。

自己同事圍內lunch食返餐開年飯，金滿庭依然是商務員工慣常用膳地方🤣食物質素感覺比之前掀升了，4人點了一整枱食物大滿足😋甜品高力豆沙必食，推介⭐️⭐️⭐️

做到年廿九，收爐前食返餐團年飯先。「食開嘅飯腳」又係要自己scan QR code落單，我對呢個發明就真係麻麻地，其實橫掂侍應都行咗過嚟啦，落埋單咪得囉，一係佢就全部自動化。我哋分別嗌咗小籠包、上海粗炒、四喜烤麩、肴肉、熏蛋仲有紅油抄手同埋甜品高力豆沙及豆沙鍋餅。小籠包一籠五隻一上枱已經有幾隻穿咗饀，流晒啲汁出嚟。失敗😳其實我有啲抗拒叫四喜烤麩，因為平時媽媽喺屋企都會整，（因為阿媽係上海人）不過我都知呢個諗法好自私，人哋屋企冇得食㗎嘛，本身另外個同事仲想嗌炒年糕㗎，好彩最尾側側膊冇嗌到😝嗌咗上海粗炒（咁啱琴日先食完，今晚返去仲有一餐隔夜，同埋其實平時間唔中佢都會煮嚟食）肴肉平時我都唔係好食㗎，因為個質感有啲怪，凍咗嘅鹹啫喱，本身我對啫喱冇乜好感。不過今日我都食咗成三四件😵‍💫燻蛋亦都係一樣，煙燻嘅食物其實我又係麻麻地，佢呢度做都唔夠入味，入面淡茂茂！至於紅油抄手同埋上海粗炒就普普通通冇乜特別囉！ 甜品方面高力豆沙就不過不失啦，反而個豆沙鍋餅就真係令人失望😮‍💨完全好似冇炸過咁，求其煎兩煎就算數！一啲香脆嘅口感都冇，失敗之中嘅失敗。今餐真係好一般，彈多過讚🥴

今日同事們想去食中菜，但九龍灣都無咩好選擇，突然同事提議係五樓既金滿庭，平時比較少去呢層，從未試過，一於去試下。金滿庭午飯時間唔滿座，闊落好坐，唔會好嘈，自助落單，d餸都起得好快👍🏻同事指明要點既松子魚☺️炸到剛剛好，魚肉嫩滑，炸皮香脆唔油膩，有好多我最愛既松子😙 酸酸甜甜好開胃推介指數： 😋😋😋😋😋（最高為5個😋）我地仲試左招牌玫瑰骨🌹排骨肥瘦適中，玫瑰味道好出，仲有椰果同菠蘿，都係非常開胃既一道餸🤗推介指數： 😋😋😋😋😋（最高為5個😋）我哋餓底梗係要叫個飯打打底啦！炒飯粒粒分明，有肉鬆、蝦、豆角、松子，非常惹味！果然係招牌炒飯呀！😳推介指數： 😋😋😋😋😋（最高為5個😋）同事好想食雲吞，叫左個養生湯雲吞，個湯好甜好足料，好暖胃😌推介指數： 😋😋😋😋😋（最高為5個😋）最後係我至愛既豆沙窩餅作結👍🏻 唔會死甜！好食！推介指數： 😋😋😋😋😋（最高為5個😋）我哋叫左人參烏龍，水滾茶靚，絕對可以encore 😙😙😙

未見過一間酒樓工作人員態度差得過這間！我們星期日晚6:00入場她們已經提示我們2個鐘交位，我們10位食生日飯叫了套餐，約7:10左右「女經理」餸都未齊已經不停吹我們食快D…8:00要交位到。約7:40左右生日那位「親戚」超客氣叫負責我們的待應拿蛋糕，反被待應不禮貌地說餸未食完。但她們不是急要我們8:00結賬交枱嗎？這時「經理」又一次行來吹快D食😤另還要收$100切餅費！其實食物水平真心普通，連同服務態度超差！絕對不會再去食和推介比朋友。

［九龍灣］不過不失上海菜朋友平時有食開奧海城分店，我地今次就試下九龍灣分店。朋友好細心咁一早book 左枱👍🏻，入面有閒置的座位，但唔知點解都要係門口等左一陣，先安排我地入座🤷🏻‍♂️☁️川式麻辣粉皮夠辣，夠麻香，幾惹味，做前菜幾開胃‼️☁️招牌小籠包（5隻）皮比較厚，但全部肉汁被包住，味道ok ☁️砂鍋雲吞雞（1/4隻）菜的分量比我想像中多🥬，湯有香濃雞味，雲吞皮比較厚，整體味道唔錯，清清地，啱晒一家大晒食😍侍應有幫手分湯👍🏻，所以無影到相😢☁️可惜人手嚴重不足，服務有待改善🥲☁️環境闊落，適合一家大細☁️食物味道冇驚喜整體味道：🌕🌕🌗🌑🌑環境：🌕🌕🌕🌑🌑——————金滿庭京川滬菜館 (德福廣場) (九龍灣)九龍灣偉業街33號德福廣場二期6樓603號舖金滿庭京川滬菜館 (奧海城) (大角咀)大角咀海庭道18號奧海城二期UG06B舖金滿庭京川滬菜館 (荷里活廣場) (鑽石山)鑽石山龍蟠街3號荷里活廣場3樓312A舖金滿庭京川滬菜館 (利東街) (灣仔)灣仔皇后大道東200號利東街地下G01,04, 05 及 F01A號舖——————

剛才食了此間金滿庭，食了超過5次，有水準。座位舒服，枱同枱之間有足夠距離。最好食是小龍包，湯底好味，肉質juicy。Yummy.鎮江火腿，晶瑩剔透、肉質分明，賣相都唔錯，好味道，最佳涼拌。奶油津白，好白又滑。正。還有砂鍋雲吞🐔，但是因為沒地方擺，在另外一枱分埋4碗比我們。蟹粉蝦膠。外皮鬆脆，淡淡的蟹味和蝦膠，都算彈牙。巴蜀13番雞，原來是辛辣炸雞，肉質唔鞋，外皮鬆脆。好味。高力豆沙是必食，一人一粒，外皮鬆軟豆沙蓉唔係太甜。好味道。