金滿庭京川滬菜館 (已結業)

之前在這間食過, 真的不錯, 所以星期日趁老爺奶奶入來探外子同我, 就決定同佢地2老去食呢間啦!! 6:15去到, 嘩咩o的人咁早就食飯, 爆場呀, 仲有好多人等位, 算啦, 還掂都拿了飛仔就等下啦(要等15張枱). 老人家唔企得咁耐, 所以搵個位俾佢地坐啦, 點知先發現有免費茶同零食供應, 茶是人參烏龍, 好好飲, 直得一讚.等了20分鐘到就有位啦, 但要同人搭枱, 冇所謂啦! 响等位期間, 我同奶奶都研究過食咩啦, 就一於叫呢幾個菜啦! 小籠包-皮薄夠熱, 好食和尚帶帽配- 即是抄什菜, 放在义子燒餅內吃, 我個人覺得不太夠味, 但我奶奶話唔錯, 份量好多.醉鷄-以鷄肶上, 好入味, 但外子覺得酒味苦了點, 但我覺得唔錯.酸辣湯-外子同奶奶覺得ok啦抄鳝糊-味道不錯, 用來送飯真的一流.辣擔擔麵-好好食, 個味好夠, 食過番尋味, 同埋好食過詠黎園牛展拉麵-牛展好"林", 有個醬林在牛展的面上, 好好食, 至於拉麵都幾好, 湯底幾清, 啱我.仲想試下其他野, 但真的好飽啦, 都是留番下次再試過啦!!

原來馬鞍山並沒太多吸引的餐廳，無選擇之下來了這裏。前菜($12)，茶位($9@)，未吃東西已要付三十三大元。既然茶位收得貴，那就一人點一樣，分別是龍井和碧螺春。碧螺春有點澀，不太好喝。龍井清一點，而蠻有茶香。擔擔麵︰麵條是幼麵，也不彈牙。湯稠稠的，花生醬很多，但卻不覺得特別香。如果放久了，麵條更會糊在一起，變得難吃。小籠包︰湯汁蠻多的，熱騰騰的時候吃就最好吃。不過皮不算薄。紅油抄手︰皮薄薄的，不過紅油不辣，一般而已。除了座位比較舒服外，我想不到有再來的理由。

給金滿庭寫食評已不是第一次，此店實在值得一讚再讚，今次四人選了香酥鴨半隻、松子黃魚、火腿炆津白和小籠飽，小籠飽皮薄餡靚不用再多介紹，香酥鴨的外皮真能做到香、鬆、酥之餘，鴨肉本身的肉汁又不會炸至流失而變得柴皮，半隻的份量也頗多，火腿炆津白的肘子部份十分清香，津菜夾雜火腿的清香又係一絕，至於松子黃魚刀功上盛，糖醋的甜酸比例恰當，口留生津，但唯獨不知何解廚子會用下價的雜菜荳做配料，如改用青、紅椒粒再加其本身的河蝦和松子仁，效果就更為完美，難道廚子怕它過份美麗才用上雜菜荳，使它有著一份缺憾美呢！幾個小菜連茶芥加一要四佰幾元，雖然略貴些，但論食物質素和服務又確實值回票價。

來過3,4次"小籠包"的賣相好,亦多汁,每次都會order"奶油津白"對喜歡吃菜的我梗係"好"啦"酸辣湯"~好"擔擔面"ok,但我更喜歡"翡翠xx小籠包"的......雖然他們的水準不穩定"上海粗炒"ok"傻佬炒飯"就唔覺有咩特別...茶錢每位$9, 下次再點未試過的

今晚到此店揾食,幾好味!小籠包皮薄汁多,啖啖鮮肉且肉質嫩滑...水煮牛肉,好辣好野味!擔擔麵,麵條爽,湯味濃!新店開張,服務好,要食多次!

和家人去吃晚餐,想食上海野,選了這間服務一流,門口(已經係店範圍)特設等候區,好少食店會減少店內範圍,約4-5張檯的位去俾客人座下等候,而且有心機,少少糖果俾客人....睇得出佢下了心機而waiter態度也是不錯,有笑容,落單,送菜時唔急燥...食味水準唔錯的,份量雖小,但質素高,餐具係幾靚的雖然價錢高左d,但因為整體質素高,再來多幾次也不為過~

食物上菜很快但唔那西, 有好好的服務同野食很合格,雖則比親身在中國吃到的同一樣菜唔夠中國的味道正, 但對香港人來講已經做到要求了.環境很大唔迫, 但等位有時幾耐.應該congratulation佢地ke~~

星期六到金滿庭飯茶，一行八人，食o左好多野。一口小籠包(8隻)x2: 皮薄，好多肉汁，一咬落去d肉汁就流出來，很香，不肥上海炒年糕：有紹菜、肉絲同筍，好好味，炒得好香，連好難入味ge 年糕都夠入味擔擔面x2：很濃香麻醬味，面條質地好過詠藜園，有較有彈性鍋貼：好香口惹味，煎得夠香脆，內裡充滿肉汁，亦不太油膩，抵讚蔥油大餅：好大件，夠多蔥，香口干煸四季豆：好夠乾身，好有鑊氣，惹味素鵝：味道唔得，過份煙薰；話俾個manager聽煙薰味好重，好難食，叫佢換過，佢話攞過去俾師傅試，師傅話味道係咁，又話佢地用o左隻新香菇，所以味道係o甘，無得換。你當我傻架，我又唔係第一次食，係煙薰過度定係香菇味，我地無理由會唔識分囉！要扣分啦！鮮魚羹：間中有一兩口是腥的，夠熱，加埋芫茜味唔錯除了個素鵝同服務要扣分之外，整體唔錯，都keep 到水準。

我的至愛百頁毛豆、窩貼、小籠包、擔擔麵、千張豆腐等等全都好好食仲有茶選擇多又質素高，就算連開茶小食都款色多過人, 仲好好味添, 最難得係d服務很好, 禮貌周周之餘, 我見有時有d客有d怪要求, 例如唔要開茶小食, d侍應都會好有禮貌咁應佢地要求, 無話眼超超, 樣衰衰, 總之好到只有一個字:讚!!

dinner 味道不錯坐位舒適. 環境乾淨. 員工充足. 上菜快. 雖略貴，但仍物有所值。有水準嘅食店, 可惜只能book 6:30pm 位, otherwise, need 排隊

上海炒年糕:顏色好深. 全碟都係深啡色. 偏甜. 冇特別榨菜肉鬆配薄餅:榨菜是甜. 不鹹不辣. 整個都是甜甜的. 挺奇怪. 薄餅是白色無味的那種. 用來夾著吃. 不難吃. 也不好吃炸饅頭:很油. 不過本人不喜歡吃炸饅頭. 也許不能作準一口小籠包:皮薄. 多汁. 不會穿. 配合得非常好. 味道不太濃. 讚!另外坐位舒適. 環境乾淨. 燈光恰好. 員工充足. 上菜算快. 不錯的

父親大人壽宴，徵詢過佢意見後黎呢度食。知道一定會多人，所以早兩日book定位。放工後急忙趕到，已預先入席的家人話職員聽錯左，以為我地有五個人，所以安排左張八人枱。一入黎就見到兩碟前菜，豆干涼伴青瓜同埋冬茹絲竹筍螺肉。餐牌果然童叟無欺，寫明茶芥($9@)，前菜($12@)。收得咁貴，又的確幾好食既。一開點左四碟菜糙米腿蓉炒飯($62)－－本來以為會健康ｄ，點知成碟飯都係油，閃令令咁。不過整體味道都唔錯小籠包八隻($34)－－皮薄多汁，高水準之作。和尚載帽配叉子燒餅($65)－－蛋煎得好靚，真係好似一頂帽。配埋叉子燒餅食，中和番雜菜絲既味道。全家人都係第一次試呢度菜，大家都覺得好食雪菜毛豆百頁($48)－－比較清淡的一碟，清涼既感覺好適合夏天餸菜較為細碟，所以再加一樣主菜同甜品雪菜炒年糕($62)－－年糕好煙韌，但實在太飽肚，所以食左幾件就算。酒釀桂花丸子($20)－－我的最愛！桂花香氣濃郁，一家人讚不絕口。環境格局一定係馬鞍山數一數二的豪裝。開頭都有擔心佢會做唔住，但估唔到客量一直高企。職員有禮貌，可惜我地坐得太入，要等好耐先有人server。埋單$398，父親生日快樂！

較早前已有朋友告知此店水準甚高，但奈何朋友未能說出此店的正確地址，再加上馬鞍山的地方名稱又十分相近，本身新港城已分成好幾期，再又加上有新港城中心，另一邊又有一個叫新港城廣場，真是使人十分混淆，卒之在無心插柳下見到此店，原來其位置於新港城第四期，一家三口當然二話不說走就進去吃了一頓晚餐，我們點選了小籠飽、菜肉雲吞、擔擔麵和肉絲兩面黄。小籠飽皮薄而肉汁多，好味之餘還得小心夾起，事關皮薄多汁就一定易穿。肉絲兩面黄香脆可口，獻頭剛好鎖住整個麵底，至於擔擔麵和菜肉雲吞算係一般水準，另外此店消費頗高，$9位茶錢加$12位小食錢，我們一家三口未點菜已花了六七十元了。侍應的服務態度十分有禮，偶有傾談，結賬二百多元，雖覺略貴，但仍物有所值。

WOW，又一晚。食物應該幾好味，嘻嘻，我話應該的原因係唔得閒嗒真味道，服務，OK LA，不過要叫先會加水。下次會再來，再試清味道先同大家講。

7//5/07提早慶祝母親節,媽咪提議到這裡食飯.叫了小籠飽,生煎飽,炸饅頭,醉雞,砂鍋紅燒獅子頭,炒鱔糊,魚肉捲蘆筍(唔記得叫咩名),仲有菜飯.小籠飽及生煎飽是我們一家人的最愛,好好味.醉雞也不錯.原本還想叫食,但太飽喇,下次可再o黎食過.