金滿海鮮坊

营业中

休息中

星期一間日，下午5時45分walk in, 全場一位客人也沒有,  餐廳內有一男伙記及女收銀，但沒理會我們，待我們開聲要求一張8人枱後，男職員便以惡劣的態度 招呼我們 ！ 很晦氣地 執拾了一張 四至五人枱 給我們 坐，全場無人的酒家連廳燈都未開哂，我們6點前已到但也得到這 冇禮貌的款待！ 我們不是第一次幫襯這酒家，平時 晚飯時間 也不是很多人食客，男侍應 對待客人態度極為惡劣！ 我們等朋友及夥記以後再也不會幫襯這酒家！！

呢間金滿海鮮坊，對於不時不食嘅觸角真係值得一讚，本來今日主要係嚟同老友打雀局，當然先歎茶啦，坐低發覺换咗新点心紙，靚女媽咪好鍾意食臘味嘅，見到26元8角嘅孖寶有我嘅至愛梗係首選啦，一向我只係買x華嘅腊味食嘅，出到街無得揀但又想食都試吓啦，鴛鴦腊腸卷，懷舊燒腩卷， 呢啲咁懷舊嘅點心出面好多大酒樓都冇得食，点都要叫黎試架哪，燒腩卷有一塊入口即溶嘅芋頭加上南乳香嘅腩肉甘香、滑，一啖咬落去真係回味無窮(最多跑多幾個圈，跳多Part健康舞啫)，好好味!鴛鴦臘腸卷 裏面有膶腸臘腸 好特別， 有啲酒樓只係有臘腸或膶腸佢就兩樣都有， 一次過滿足兩個口感，而且臘味不比x華嘅差喎，真有諗頭。意猶未盡，香芋紫米卷當甜品，用薄芋包住紫米甜甜地都好正下，唯一嫌佢太大件，不比過見人見智啦。值得推介

心思思又去咗金滿海鮮坊食小菜， 去到先叫小食滷水豬仔腳， 鹵水好香味道泊住潮州檔， 而且豬仔腳唔係周圍有得食，仲要做得咁好， 入口小小彈牙但咬開就好淋滑，正!叫咗個菠蘿生炒骨， 應該係即炸外皮好脆， 裏面嘅肉味唔錯， 酸甜度亦適中，讚!因為朋友有飲紅酒🍷， 叫咗一個金滿小炒王， 薑蔥魚雲煲， 魚雲好新鮮 ， 拉油又啱啱好， 唔會太乾但香口有汁， 兩個都好惹味十分適合送酒! 朋友仲叫多半隻燒鵝 佢話一定要食脆皮鵝肉香， 果然冇介紹錯意猶未盡叫多一個叉燒拼海蜇， 海蜇爽口， 今次個半肥瘦叉燒夠蜜汁夠香口， 靚女媽咪再次推介大家去呢度試下 晚飯小菜😋， 上次唔記得咗推介大家去試下佢個任食火鍋 ， 同埋如果得閒打下雀局都係一個唔錯嘅選擇!😊😊

今日又去金滿海鮮坊飲茶， 大約點零鐘去到， 差不多坐滿客， 因為約咗朋友嚟打雀局， 朋友未到齊咪叫啲點心 醫吓肚先， 真係不得不推介呢度啲點心， 正價點心好多， 但真係好自然就會選佢個孖寶26.8兩款任選, 唔同嘅地方係出面點心好似跑馬咁一膽拖幾腳但係佢就隨便你選,可以要曬兩個燒賣 因為出面嗰啲會計成本可能只畀你叫一個燒賣，然後就叫啲平價啲嘅點心配搭， 係人都知燒賣起碼係特點啦， 做法咁大方 我都猜想佢會燒賣細細粒又冇蝦於是叫咗一個啫配一個燕麥糕， 另外仲叫多一個xo醬蘿蔔糕， 燒賣一嚟到嘅時候 我都好意外 因為個燒賣大大粒，爽口彈牙有蝦有肉汁， 正! xo醬蘿蔔糕 好多蘿蔔絲而且唔多粉，xo醬較到啱啱夠味，非常值得推介， 打麻雀當然叫多碗飯啦 ，叫咗一個叉雞飯， 叉燒 肉質鬆軟， 而且燒到啱啱好，好香， 切鷄相信用冰鮮鷄， 都不過不失， 留意到佢嘅炒粉麵平 到我唔信 ，但係今日太飽唔會食下次再試， 因為我見到隔離枱叫嗰碟廈門炒米非常正， 推薦大家如果喺附近一定要去試下!

經過好幾次 上網查過 好奇闖一闖時間尚早 過咗街市 條街都幾靜金滿海鮮坊 舊式酒樓 目測20張枱左右枱枱之間距離都近 還好冇高談闊論 坐得幾舒服 枱布碗碟乾淨7點零到 已坐滿客人(熟客) 已是第2輪開6:30am 早茶優惠至10:30am正價都唔係貴 經濟實惠 食物有質素 招呼正常冇黑面 好過富X 稻X好多傳菜呀姐好有禮貌優惠點心 有粥有飯 都係 $9.8@乾蒸牛肉~ 好味 大大粒 冇異味(梳打)回想吓 都好耐冇食過咁好嘅牛肉生菜鯪魚球粥 & 皮蛋瘦肉粥 @9.8@粥有米粒 唔味精 冇頸渴 鯪魚球2粒 有果皮虾米香味 但肉唔夠實鹹魚肉餅飯~ $9.8 用碗仔 飯大熱肉餅香 鹹魚大件鹹香會再嚟 試吓午餐 & 晚市火煱

金滿海鮮坊📍黃大仙鳳凰新村飛鳳街36-40號舖精美點心Kay Gor 放假又係同家人食好西既時間啦今次去左屋企附近既小酒樓食下午茶原籠蒸馬拉糕⭐️⭐⭐️⭐⭐️超有復古味道啦，出而搵唔到甘原汁原味既馬拉糕超級大件又鬆化，唔會蒸過火超推介阿姜汁榚⭐️⭐⭐️⭐姜汁味好濃，好QQ 彈牙既感覺好正蒸既時間岩岩好阿柱侯蘿蔔牛腩炒河⭐️⭐牛腩大大件抵食但係汁就比較乾身唔吸引雖然酒樓唔係大間個種勝在夠貼地貼同地道

呢間金滿係我同屋企人逢星期日都會黎飲茶， 睇住佢轉手轉左幾次終於停啦，呢個位置其實唔近地鐵站，多數黎親都係街坊街里，而且對面有間老人院，所以多數都係啲屋企人同老人家飲茶既地方就腳嘛，講真呢到野食選擇就唔多，個人非常推介呢到既明爐燒味，因為佢自己工場燒，bb乳鴿燒得好脆又多肉，配埋唯鹽無得頂，燒肉瀨粉都好好食，佢地啲燒味份量超足，次次都大大份，唔會成日話比埋啲無肉既位你，反而係啖啖肉，加上呢到既staff都幾好人有人情味，但點心質素就一般般，推介係xo醬蘿蔔糕，粥就真係睇你好唔好彩係邊個師傅整啦，overall都okay既

一行六人食自助打邊爐🥘🥘🥘 OMG $148埋單 !!!! 😲😲😲 任食任飲火鍋兩個半小時，超級抵😎😎回本完全冇難度!!湯底我哋揀咗花膠豬骨湯， 都有錨到花膠嘅，不過就有啲淡，豬骨應該唔夠多🙊🙊🙊 幾清淡，但勝在無咩味精，好彩打邊爐都可以點返豉油補數🤣🤣而火鍋料分面，分量下下都好誇張! 我哋每樣嘢其實都只係寫咗"1"， 然後佢真係每一份都嚟咗六人份量😂😂😂一上枱我地嚇親，午餐肉好似成罐上咁😲金菇有兩大紮😲響鈴原盒上😲 任飲就可以揀可樂/雪碧/忌廉/菊花茶/啤酒食完仲有雪糕添!! 香芋味好好食😍

媽咪有朋友美國返來，晚上食飯又想起呢間金滿未試過任打邊爐，決定來試下。我地8:30前入座$128一位，如果大家8:30後入座每位-$20，才$108。但職員溫馨提示，這個是10週年優惠，12月1日會恢復之前的價格，$148一位。打邊爐最重要系湯底，媽咪朋友中意椰子，所以一眼相中個椰子雞湯底，我本身都好中意椰子湯。好清香的椰子味，煲里面都有好多件雞，吾少料wo，吾錯。打邊爐點少得牛肉呀，肥牛片同滑牛都叫左，肥牛肥瘦適中，滑牛就好嫩，一d都吾”un”，好驚喜。因爲一般都食肥牛，估吾到來到呢到食滑牛多過肥牛。仲有丸，好彈好食，墨汁丸好得意，墨魚條爽口，芝士魚蛋條有芝士味，最中意！！食完主食再食菜同甜品雪糕，雪糕有4個口味：雲尼拿，mango，朱古力&芋頭。

今日去屋企附近既酒樓提早慶祝囡囡生日, 是爸爸一直同朋友食開既, 雖然地點比較偏僻, 但其實由黃大仙MTR行5ins就可以到達。酒家最近慶祝十週年開業會有晚飯優惠, 每款小菜$1, 有6款可選, 會計算食飯的人數去決定可以選多少個小菜, 2~6位選1款, 7-10位選2款, 11位以上可以選3款, 我們昨天8大1小選了2款: 潮州滷水雜拼 & 籠仔香蒜帶子蒸蛋白飯。滷水夠味, 又夠林, 蛋白飯清清地可以配跟住下來的小菜, 雖然這2款都是$1, 但份量好足, 不會偷工減料。我地仲叫左幾個頭盤小菜食, 口水雞, 椒盬九肚魚& 椒盬雞翼, 全部都是$38。口水雞好香, 食第一件都吾覺得好辣, 但食到第2~3件辣開始上來了, 雖然辣但太好食了, 停吾到口好開胃。椒盬九肚魚, 好新鮮, 即時炸卜卜脆, 粉吾會厚, 好好味呀!!!!!!椒盬雞翼是唯一後悔叫左的小菜,雖然即時炸, 但炸得太耐了, 好干身, 皮好硬...主菜我地叫左冰鎮鮑魚, 羊架, 欖角骨。冰鎮鮑魚好夠味, 夠身, 吾會咬落似橡筋, 爽, 覺得吾夠味仲會比返個汁你點。羊架一出來, 香味就傳到我鼻子, 肉質好軟, 不會有SO味。欖角骨

一年伊始當然要同屋企人飲茶啦 黃大仙呢間金滿就出名抵食又好味🤣個個都掛住食 淨係隨便左幾幅相 唔好見怪🙇🏻‍♀️大家睇到圖中綠色嗰個不明物體其實係啤梨鹹水角😂😂 個造型好得意 而且食落又OK㗎喎 層皮比普通嘅甜少少 個椗就係百力滋😛 蘿蔔糕又係必試 xo醬炒 小小辣 出面食唔到咁正🤤🙊其他所有都係水準之上 試咗叉燒腸同牛肉腸都好滑 生煎包熱辣辣又煎得夠香😚 尤其是而家慈雲山黃大仙一帶都冇乜酒樓選擇 金滿整體來講真係算係高質 靜靜雞推介比大家😏最後四個人食咗唔止圖中嘅點心 仲要係年初流流 都只係320幾蚊 開心飲個茶☕️🤣

最近突然好想飲茶，同埋想飲傳統既酒樓，一黎氣氛真係有別於出面新式點心食店，二黎價錢都會平啲！於是呀媽就話同我去搵間懷舊中式酒樓，過左個好滿意又悠閒既下午呀~呢到有好多特價點心，上面果張係4點前都有既，下面果張係下午茶，$7.8一個點心您話而家幾咁難搵丫~見佢咁平，我地一次過叫哂銀針粉，桂花糕，椰汁綠豆糕，叉燒包同菜肉包雙併，全部$7.8，真係好想叫哂成張紙呀哈哈家鄉銀針粉：其實銀針粉我自己都有整過，好易整，但出去食而家就真係好少見有喇，所以媽咪就話一定要試下。如圖所見，$7.8黎講真係好大兜！配料方面都有炒蛋火腿果啲，炒得岩岩好又唔會話好油膩，又飽肚又好味。椰汁綠豆糕同桂花糕唔會話太甜，同樣都係一籠3件，綠豆量當然唔多，但以呢個價錢，有得食下甜品，清甜加埋涷涷地咁，絕對要叫啦呢個雙併包包就滿足哂我想食叉燒包又想食菜肉包既貪心食貨唔好睇少個包呀，佢啲包皮好薄，不過饀唔係話滿哂個包，但味道都唔錯，只係叉燒略嫌唔夠多，但個包皮的確令人有驚喜由於個叉燒包令我好想食叉燒所以就叫左個下午茶叉燒瀨粉，叉燒就不過不失啦量都唔少，瀨粉既量就好多！$16有咁既質素真係唔知邊到搵黎到我最想推介既野喇！就係呢

午市套餐 $168小炒皇 冇大排檔香口好食 但勝在超足料叉燒腸粉 味道唔錯xo蘿蔔糕 煎到件件金黃色 外脆內軟 好正豆豉鯪魚油麥菜 油香四溢 爽口好食蛋白炒飯 麻麻地 濕左小小整體黎講 相當唔錯 會再光顧

來到金滿海鮮坊當然少不了就是吃海鮮大餐,金滿海鮮坊位於黃大仙飛鳳街,環境位置亦算寬敞,但剛好坐在家庭聚會旁邊,非常嘈吵,而且間中有人抽箊,無人理會 不過侍應十分勤快,點餐後若15分鐘就會上菜, 今次來到主打就是要吃玉環鮑魚囉~ 配汁味道不太出,但鮑魚韌度剛剛好,而且很有鮮味 椒鹽豆腐魷魚,鬆脆微辣,份量十足,是抵食之選 韮菜炒鮮魷的韮菜鮮汁爽口,不吃韮菜的我也一起大快朵頤地吃,鮮魷則較普通 金菰炆伊麵,不太吃到金菰,味道口感炆得恰到好處,而且也是一大抵食之選最後更送上紅豆沙作甜品呢~

有日睇雜誌見到介紹啲得意嘅點心,於是襯星期日約埋啲靚媽咪,一行5人去到黃大仙金滿海鮮坊飲茶,去到覺得間酒家環境裝修都係好一般,不過人山人海.可能係星期日啦,坐低叫咗點心,大約15分鐘就有點心到,菊花春卷個樣好靚,咬落去熱辣辣脆卜卜,裏面大大只虾,好驚喜！跟住甘笋鹹水角,靚到唔捨得咬,外脆裏面多餡,跟住京式义燒包,相都費事影,點知咬落去啲皮甜甜地,好軟熟,裏面多汁多义燒,好開心,先明白點解呢度咁多人,飲完茶3點、我哋決定血戰荷里活廣塲,再番嚟呢間金滿食晚飯