金滿都越南餐廳 (已結業)

平常喜歡來這裡吃家常風味的越南菜，款式多而且價廉物美～ 來這裡必點椰青，涼涼的好清甜解渴先來一客串燒拼盤，燒得香噴噴的雞牛豬各有兩串，上面灑滿密麻麻的花生碎粒可以按自已喜好沾沙嗲醬來吃，很是惹味晚餐時間就點了一些小菜配飯，這道是黑椒牛柳粒西蘭花。菜和肉比例均衡，吃得健康～混合了醬汁的蕃茄和洋蔥也不錯吃牛仔粒入口軟嫩，完全不乾澀這裡的咖哩味道不錯，充滿椰香甜而不辣，所以也點了一客咖哩牛腩煲～牛腩和薯仔都燘得很軟稔入味，牛腩充滿肉香，真的令人垂涎三尺吃咖哩通常會配蒜蓉包，不過這次點了炒飯就作罷了。這道金滿都炒飯外表平實，用上袐製黑椒肉碎，厚切豬排粒和生菜絲來炒，想不到如此美味～米飯炒得乾身分明，配合食材口味香而不膩，吃起來鬆香可口，推薦～最後當然要來一客甜品啦～ 簡單的一碗椰汁粟米黑糯米已讓我很滿足

今天又是異國風情之夜來到朋友推薦的越南餐廳晚市套餐四十多元起跳先點越式咖哩牛腩飯套餐咖哩汁香濃辛辣味柔和有牛腩牛筋薯仔份量不少配白飯食用咖哩汁非常下飯朋友點了扎肉雞絲湯檬乍看之下雞絲份量真的好多味道正正常常驚喜不大當天特價小食有香菜焗羊架 羊架用錫紙包裹香茅一起烤熟羊架入口香口肉質軟腍牛油雞翼是越南有名的餐前小食外皮炸得香脆肉質仍保持軟嫩蒜味頗重適合愛蒜的朋友記得要趁熱吃不要放涼蒸粉包是另一經典越南美食粉皮包著豬肉香菇蘿蔔等不趁熱吃外皮會變得黏口晚餐可以半價加配特飲謝謝朋友帶路享受美味親民的越南料理

元洲街一帶都好多餐廳，今日經過就試下呢間越南嘢。餐廳環境都冇咩特別，乾淨企理，係一般高級茶記嘅格局，都幾大，唔會同隔離檯好迫，我哋搵個卡位坐，都坐得幾舒服。我哋兩個人叫咗兩個主食，同三個小食，同一個飲品，$300有找。份量都幾好，唔會話食唔飽同食剩太多。首先講吓小食，有串燒拼盤、蒸粉包、芝士焗西蘭花。個人最推介係串燒拼盤，有豬雞牛各兩串，肉質同溫度啱啱好，咬落仲有肉汁，配埋個沙嗲汁一流，大推豬串燒同雞串燒，好好味👍🏻👍🏻。個蒸粉包熱辣辣，粉皮厚度啱啱好，唔會一咬就散晒之餘又夠包，咬落去好大陣黑椒味。而芝士焗西蘭花雖然唔係越式菜式，不過我想食😂，即叫即焗，睇落啲芝士好厚，仲有拉絲，睇得出至少用咗兩種芝士，啲西蘭花好稔，又帶有微微芝士味，唔會有漏嘅感覺。到主食部分，我哋二人叫咗一飯一麵，先講下個飯——香茅雞肉飯，鍾意撈汁嘅話呢個飯就啱晒你，雞肉配洋蔥一齊，好稔又好入味，配埋個白飯好開胃，側邊仲有啲配菜食。而另一個係燻蹄撈檬，越式燻蹄同我食開嗰啲燒味嘅燻蹄有啲唔同。佢係有啲黑椒粒，好彈牙，配埋個撈檬汁酸酸甜甜，個檬粉有唔同配料，唔同顏色同口感，擺埋一齊麵好靚。最後講下個椰青真係好正，又大又多

放工和朋友來到這區, 想食越南菜, 找到這間店, 有不少好評, 原來是街坊式的餐廳, 設施都有點舊了, 不過做街坊生意, 最緊要抵食, 好食, 坐得不舒服, 忍一忍就好。庶蝦4件 $30: 蠻有彈力, 口感不錯, 蝦味合格, 蔗條還可輕輕咬出蔗汁呢。咖喱牛腩煲 $90: 好大一鍋, 用料豐富, 有煮得軟腍的牛腩, 還有薯仔, 要叫一碗白飯來拌著吃呢。飛天通菜$55: 不太覺得辣的飛天通菜, 味道濃, 炒得稍腍。火車頭金邊粉$52: 我們發現金邊粉量十分驚人, 有生牛肉、熟牛肉、牛丸、牛柏葉, 用料不差, 對得起這價錢。海南雞飯 $61: 海南雞飯比較出色, 飯有雞油香, 雞肉很幸運的有雞脾部分, 而就算不是雞脾, 其他部分也很滑溜呢, 份量也頗多。不用每一餐都吃大餐, 有時吃些街坊小廚, 平靚正又有效率, 也不錯呢。

放工同媽咪去了屋企附近的越南餐廳食晚飯，餐廳店員非常有禮貌，而且主動快捷收碟及下單，值得一讚。其次食物價錢超值，晚餐全部都是四十蚊起，還包飲品，而且款式不少。越式蝦餅蝦餅外層煎至有韌性，裏面蝦膠肉質彈牙。越式春卷4件春卷以米網包裹，炸至鬆脆，裏面是蘿蔔等素菜，簡單且不油膩。越式火車頭湯金邊粉金邊粉爽滑，配上牛丸、牛栢葉、生牛片等，非常豐富，湯底有淡淡的牛骨甜味。無骨海南雞飯雞油飯味道較淡且不夠香，雞肉已去骨且夠嫩滑，旁邊還有些醃蘿蔔及椰菜。椰汁紅豆冰&椰汁沙冰特飲跟餐全部半價$13，兩杯椰汁味濃郁且甜，前者紅豆煮得很腍且多豆；後者則有椰香。

原來金滿都在香港有好幾間分店，在沙田、荃灣、黃大仙等，我都是第一次光顧！椰汁冰，原價$26，點主食可以半價$13，陣陣椰香，夠冰涼。椰青 $32椰青水非常清甜，而椰青肉大部分都薄肉、嫩滑。蝦餅湯粉 $42以為係炸蝦餅...湯粉算滑，不過蝦餅好薄，味道不過不失飛天通菜 $53有香口的炸蒜片，通菜入味爽口，不錯蒜茸包配咖哩汁 $42應該是自家製蒜蓉包，香脆重口味點咖哩汁美味，平時餐廳好少配有咖哩汁串燒併盤 $85牛肉、雞肉、豬肉各2串牛肉嫩滑、豬肉入味可口、雞肉就一般如果沙嗲醬再惹味點更好

放假天..入長沙灣搵朋友，晚餐係下樓下商場解決埋..咁耐冇入嚟長沙灣完全變到唔同晒..有商場而且入邊仲好多食肆添..今晚我哋食呢間越南菜..性價比高、做街坊生意價錢唔貴！抵食！個拼盤有4樣野每樣少少，份量啱啱好..個豬扒好重香茅味！正！呢個豬頸肉湯檬..份量一啲都唔小..而且豬頸肉都燒得好香！👍🏻我點一份馬拉盞炒雜菜..幾特別因為通常都係馬拉盞炒通菜🤣另外點左杯青檸梳打..👍🏻總括嚟講呢餐係超抵食！

一人二人去了食平民越南菜，這間金滿都有幾間分店，食物款式多而且價廉物美。我們點了兩款小食，越式蒸粉包剛蒸起，新鮮出爐，外皮軟滑，裏面是一些素菜餡料，清新健康。法式牛油雞翼外脆粉漿較厚，不過炸得香脆，牛油味較淡，雞翼一咬入去去煙，即叫即炸。蒜蓉炒通菜炒得翠綠，超多蒜蓉，通菜爽脆。越南咖哩牛腩煲配蒜茸包，咖哩有點輕微辣味，不過都幾香，裏面有牛腩、牛跟及薯仔，蒜蓉包焗得鬆脆，配咖哩簡直一絕。另外點了一個晚市套餐生牛肉湯金邊粉，牛肉份量頗多，有差不多五至六大片，而且不油膩，金邊粉爽口，湯底鮮甜。

中秋佳節，大部份人都出街食飯慶祝，好多餐廳、酒樓爆滿，我同老公今日中秋正日要番工，身心疲累，而且較早時已和家人食飯慶祝，我倆今日只想簡簡單單地進餐，正當煩惱去邊度食，我係openrice揾到位於長沙灣既金滿都越南餐廳。甫入金滿都時，環境光猛潔淨，位多但企理，服務員招呼殷勤，我兩口子望望餐牌，價格平民化，完全無負擔，於是決定要兩個精選套餐。無骨海南雞配油飯($61)雞皮夠甘香，肉質腍而滑溜，而且已去骨，啖啖肉，超正 ; 油飯夠香，粒粒分明，軟硬度適中 ; 沾上附上既薑蓉、黑醬油、酸辣醬，完全停不了口。香茅豬扒配雞翼飯($61)豬扒肉質鬆軟，雞翼又香又脆，好juicy，加上葱油撈飯，食指大動。自選特飲(套餐有半價優惠，原本$26)青檸特飲這個還加了什果，喝完清涼舒。凍柚子利賓納不太甜，清新。除了套餐，再叫了小食同菜。酸辣無骨鳳爪(細$45)由於無骨，食落好方便，混合酸、甜、辣既味道，令人非常開胃。椒絲腐乳通菜($52)乾而爽，翠綠又惹味。總體來說，食物不錯，性價比高，值得再去。

今日屋企冇煮飯，所以同咗屋企人落樓下食。依間越菜平時都有幫襯開，不過通常係食佢嘅下午茶時段。餐廳環境都算乾淨企理圖文並茂嘅餐牌小食種類頗多，由於之前幫襯過，所以我地點咗個每次必叫嘅蒸粉包。蒸粉包嘅餡好豐富，有雲耳、蘿白、肉碎同蝦等等切碎，再加上軟身嘅蒸皮，咬落每一啖都好滿足，上面嘅葱同炸蒜更加係錦上添花，點埋魚露食就更正。手作春卷春卷外皮就算放咗一陣都脆卜卜，入面嘅餡好似同蒸粉包嘅差唔多，不過加咗粉絲。見menu有一整頁介紹依個咖喱牛腩煲就叫咗嚟試下。熱辣辣嘅咖哩牛腩煲非常足料，有牛腩牛筋同薯仔。三樣主要食材都炆得啱啱好，軟硬適中。不過個汁有少少油，用匙羹隔開啲油再食會健康d. 我地加咗$20叫咗d蒜茸包(4塊)香口脆身嘅蒜茸包同濃味嘅咖哩好夾，點住d汁嚟食好滋味。馬拉盞炒通菜馬拉盞落得好重手😂個菜炒得非常有鑊氣同入味

長沙灣原來都好多好嘢食，今次試越南嘢！望望menu整體價格唔貴啊！燈光光猛，而且店員都好親切。大家都可留意下佢嘅「是日精選」，連飲品都唔駛$50，相當抵！牛油雞翼 $60
一上枱已經聞到好香，牛油炸得好完整，食落去好脆口，每隻都牛油撲鼻。咖哩牛腩 $90除咗因爲想食牛腩係因為想要咖哩點蒜容包🤤牛腩好腍食，唔會好韌，超易入口。而且點個蒜容包真係一流，推介大家兩個都要哂😁牛腩加蒜蓉包$20蒜容包超級脆口，相信牛油絕對唔係妨間嘅牛油，超級香！蒜香非常勁，而且好厚身，咬落去超脆！點埋個咖哩無得彈🤤雙檸蒸烏頭 $98一上菜見到大大塊檸檬🍋，而且好噗鼻！底部有豉油掠底，略厭多咗少少🙈但烏頭真係同檸檬好夾，又唔算多骨。馬拉盞炒通菜 $55超多超多馬拉盞嚟炒，十分惹味！份量幾多，馬拉盞炒得好香啊！一定要趁熱食。🍽7／10🔎 金滿都越南餐廳長沙灣元州街303號元州商場地下1號舖

今日去長沙灣朋友屋企，參觀下他的新居，原來近年長沙灣區起了不少新的屋苑，而周圍也有很多新食肆，真的十分多選擇呢！朋友介紹在元洲村商場，有一間越南菜很不錯，就決定今晚去試一下。餐廳門面不太起眼，以為是一般的茶餐廳，入內都有點驚喜，有卡位，而牆上有不少裝飾，清雅脫俗，明亮企理。看看餐牌睇吓有咩食，款式很多真令人花多眼亂，樣樣都想試。叫了「馬拉盞炒雜菜」用上西蘭花、芽菜、椰菜花、紅蘿蔔等，菜煮得夠霖，配上野味的馬拉盞真的很香，好好下飯呢！再叫了「香茅豬扒配雞翼飯」配上飲品或甜品只係半價，先講豬扒，肉質鬆軟，入口唔會有根，香茅味濃，而雞翼炸得皮脆脆的，內裹肉汁仍滿滿的，唔會炸得過火喉。特色拼盤（蝦餅、燻蹄、扎肉、炸扎肉、扎肉雞絲蝦片），拼盤款式多樣化，蝦餅外皮微脆，蝦味很出，燻蹄也不錯，是越式燻蹄，扎肉和炸扎肉各有特色，而扎肉雞絲蝦片，附上粉絲，很不錯。叫了兩款飲品，椰汁三色冰、凍柚子利賓納、椰汁三色冰椰汁味香甜，三色粉很彈牙，而柚子味利賓納很特別，想不到原來是很好飲的，呢個是推介之選。

呢一日放工過左黎長沙灣搵好野食 行到呢間越南餐廳 見個樣好似唔錯就入左去試試店內樓㡳高 枱與枱之間闊落 坐得幾舒服未到7點 所以就唔太多人 但越食越多人呢度野食選擇十分多 仲有個日精選套餐 仲有特色金滿都炒飯 花多眼亂 一時間都唔知食乜好 最後揀左 特色拼盆 海南雞飯 同 雞扒撈檬特色拼盆有扎肉 炸扎肉 燻蹄 炸蝦餅 扎肉雞絲蝦餅其中扎肉雞絲蝦餅好特別 扎肉加上脆脆ge蝦片都係一個唔錯ge選擇海南雞飯份量都幾多 雞唔肥膩 好滑 雞油飯好出色分金黃 好香雞扒撈檬原塊雞扒切片上 雞扒加上香茅醃製過 好入味好滑 檬粉煮到岩岩好👍🏻跟餐叫左咸檸七👍🏻埋單300都唔洗 價錢好平 9點後仲有7折Tim 下次OT可以過黎食👍🏻

回家路上搵食中， 見到興華街錶位竟然有位泊， 唔理三七廿一泊咗先。泊完車行去揾餐廳，轉角位就見到呢間金滿都， 望入去裝修都好企理， 有卡位， 有好多張四人枱。今日真係我幸運日， 甘橋星期三 ，有特價小菜， 我哋就揀咗個秘製黑椒豬手煲。原隻豬手熱辣辣成煲上， 啲黑椒汁不停跳動，香噴噴刺激味蕾， 我最鍾意呢種溫度， 啲汁唔會一pat pat傑撻撻。朋友話試下呢個香茅烤豬肉生菜包， 起碼唔係碎濕濕食到周圍係， 35蚊咋，嚟到覺得好驚喜，啲生菜成四五層厚( 出面通常比一兩塊), 而且喺豬肉下面仲有粉絲托底， 加埋花生同䓤， 十分美味。香草蒜蓉牛油焗青口， 好香蒜蓉味呀， 食到我哋舐舐脷。加埋兩杯特飲，爽呀！呢個法式蒜蓉包配咖哩汁， 簡直驚為天人， 我夠膽講係我食過最好味嘅蒜蓉包， 內脆外軟熱辣辣， 理論上唔使點咖哩汁都好好食。最後叫咗越式蝦餅湯河， 佢用牛骨湯底 加上香料 ，所以啲湯好鮮甜， 蝦餅好足料有蝦味。食到頂住個肚俾都係三舊水， 好抵食，下次我要拉大隊，瘋狂咁叫蒜蓉 包！！！

長沙灣元州商場開咗這間金滿都越南餐廳， 經過多次都未幫襯過， 今日住在附近嘅朋友約我在這間食晚飯， 試完之後真係幾低食，味道又幾好食。這間餐廳就在商場大單邊位地舖， 所以都幾大,坐位都有好多, 今晚星期四閒日平晚都幾多人食，卡位已滿，惟有坐中間的四人位，幸好擠迫。朋友介紹這裏的湯河， 就點了豬扒湯河$45, 加13蚊有杯精選特飲, 芒果沙冰。而朋友叫了碟咖哩牛腩飯$52，其飲品是芒果沙冰凍荔枝玉露。 兩個人在食串燒拼盤，分別有豬、雞、牛肉，$85。豬扒湯河果然好食，大大碗， 尤其是豬扒份量其多，加上已碎上，食時方便得多。 這裏的豬扒炸得非常脆口， 肉質結實，加上肉汁多和香茅味，好食。而河粉幼細而滑口， 配上美味嘅湯底，正。咖哩牛腩飯， 牛腩與白飯分開上， 大大兜牛腩味道香而辣，肉質特別軟淋，口感香滑，而咖哩汁佐飯特別開胃。串燒拼盤，豬、雞、牛肉各2串，BBQ燒加上沙爹汁特別惹味好食。兩款特飲味道甜而不腻，尤其是芒果沙冰,新鮮嘅芒果材料配上冰塊做成沙冰，凍得嚟又解渴怡人，特別醒神。而冰凍荔枝玉露，荔枝肉多，勝在甜味十足，配合串燒邊飲邊食，正。