金玉滿堂

营业中

休息中

金玉滿堂．必食黑草羊腩煲呢排天氣又凍左，好想食羊於是同朋友去咗旺角嘅金玉滿堂金玉滿堂打打海鮮同煲煲今次推出黑草羊腩煲，主打一個暖身呢個黑草羊腩煲，一端上嚟先煮佢10分鐘，開蓋就更滋味！熱辣辣嘅香氣撲鼻而來，個煲夠曬鑊氣，羊腩煮得軟腍入味黑草嘅獨特香味滲透入去，咬落每一口都充滿濃郁嘅肉香同草香而且份量十足，中份都夠三四個人開懷大嚼最正嘅係送一碟唐生菜，打邊爐落去，吸收曬羊腩煲嘅精華，清甜又解膩再嚟試試椒鹽鮮魷HKD128 嘅價錢，性價比超高。魷魚新鮮到彈牙，外皮炸得金黃酥脆椒鹽嘅味道調得啱啱好，唔會太鹹每一口都有椒香同魷魚嘅鮮甜。一口咬落去，香脆到一個點！送酒一流！白飯雖然平平無奇，但係粒粒分明，米飯嘅香氣十足。搭配羊腩煲嘅濃汁，或者用椒鹽鮮魷嘅碎渣撈埋一齊食，簡直可以扒多兩碗。餐廳嘅環境就典型嘅港式餐廳格局，地方唔算超大，但勝在乾淨企理，服務員態度熱情，落單上菜都好快。位置喺旺角煙廠街，交通超方便，行街行到攰，入去醫肚就最啱。餐廳： 金玉滿堂地址： 旺角煙廠街6-20號華新大廈地下14-14A號舖

Bookmark咗好耐嘅羊腩煲餐廳，原來就係「羊腩煲關注組」嘅大熱人氣餐廳，本身係一名羊痴，所以冬天都會自家製羊腩煲，某日收早就即刻網上訂位去《金玉滿堂》試，星期五6點零到達，人客不多，但我哋7點半左右走就已經全店滿座，見每枱客都一定會點一個羊腩煲，果然係一間羊腩煲名店。我同阿sir兩個人叫咗一個 $368 ＂中＂黑草羊腩煲，包一碟生菜，白飯同飲品另叫，已經夠飽（當然仲會出去食甜品啦，甜品係另一個胃吖嘛），羊腩煲要等10分鐘翻滾，開蓋一刻真係氛香撲鼻，見到份量澎湃忍唔住嘩～咗出聲，黑草羊、馬蹄、冬菇、枝竹、蔥係必有材料，估唔到連貴價冬筍都有，全部都炆得好腍好入味，羊腩係啖啖肉，但美中不足係羊腩完全唔羶，大量薑辟除雪味同時亦去除晒羊羶味，所以個汁欠缺咗啲羶味，唔夠香唔夠層次唔夠惹味，有部份羊腩有啲柴，同埋個腐乳唔好味，但呢個價錢呢個份量係絕對超值。二人共消費：$443

星期日約咗阿女同佢男友食飯，在網上揀咗這間羊腩煲有好評的中菜館。這間店舖像是大牌檔內的食肆，而且似乎有不少熟客，立即對它的菜有期待。我們先點了一個細的羊腩煲，及蒜蓉粉絲蒸蟶子。當羊腩煲滾起，大家急不及待地進攻。羊腩炆得完全入味，仍有些咬口，這是阿女喜歡的口感。配料有冬菇，冬荀，枝竹和馬蹄，及生菜。第一次食到羊腩煲內的冬荀是荀乾，這是扣分之舉，希望菜館以後食改。蒜蓉粉絲蒸蟶子雖然不夠大隻，勝在夠新鮮及時間掌握得好。😋最後加了一個薑葱焗蠔，出奇地蠔竟然是先上了脆槳炸後，再放在砂鍋內焗。雖然是香口，但蠔變了過熟。食第二隻蠔時，炸醬也開始變軟。我個人不喜歡這個烹調方法，但阿女卻說 OK。 😅整體來說，味道可以，服務也唔錯。下次會來試其他菜式。

秋風起，除左食臘味，最期待就係食羊腩煲，咁岩知道呢間金玉滿堂出左羊腩煲即刻約埋朋友去試試見到水滾就起筷啦，點知食咗幾舊覺得好韌就同老闆娘反映，原來佢話要煲夠8分鐘先至夠淋嫁，好彩佢都幫我地再加湯滾多陣👍🏻果然差好遠另外叫左半隻脆皮一品燒雞同金稻穗香一口牛，燒雞皮脆肉嫩👍🏻但一口牛真係太驚喜，一定要試首先上枱果下以為落錯單，落左牛肉炒飯，確認冇錯之後，食落竟然係脆既，原來係啲脆米，配埋菇菇同茄子都好夾，牛當然夠嫩喇，以為咁就完？配菜蘋果片見係最大驚喜吖😂係麻辣口味嫁，應該係醃製過，真係估佢唔到

雙冬扣黑草羊腩煲(中) $368汁底好香好濃郁 羊腩非常入味夠腍唔太羶 選用既部位肥瘦相間 皮冇毛清得好乾淨 另外配料都多同入味 有支竹、冬菇、馬蹄、冬筍 仲附送一份唐生菜煲底加左個架 防止燶底

金玉滿堂二訪金玉滿堂!! 手切牛(細) $228 份量都唔少 好重牛味 片片都有一定既厚度 用羊腩煲汁淥黎食真係一流!!椒鹽白飯魚 $118九肚魚一般大排檔都會有 但係白飯魚就唔一定! 見到就要叫! 椒鹽白飯魚熱辣辣好香脆 唔會太瘦太乾身 送酒一流呀

明明預約咗夜晚食7:30一早預約咗，隔咗幾日之後，無啦啦有人打嚟話唔好意思冇晒圓枱，剩係得長枱已經好無奈， 10個人食長枱，都冇講啲咩直接講咗OK算數諗住book咗枱去到就可以食啦，去到之後話執埋呢張枱俾我哋，執完張枱之後叫入嚟又話叫錯咗之後同佢講返，明明預約咗7:30 10位見到個職員眼神好慌張咁我都問佢咁而家係咪有枱？又要話有枱等咗半個鐘，等到八點無啦啦有一張預約俾我哋更加後嘅人，無啦啦又入咗（原本職員自己講入我哋先，先會入佢哋）跟住入去問個職員究竟咩事啦，無啦啦又喺度串話叫我哋等另一張八人枱，等佢哋食完就到我哋見到嗰張枱啱啱先入，啱啱先叫齊餸，即係有排等真係完全唔明預約個制度用嚟做乜嘢？點解可以安排到咁混亂，做唔到咪叫人走囉，點解要人哋等咗半個鐘仲要再等？等一台啱啱先嚟嘢食嘅客人食完未食先食咗成肚氣，絕對會黑名單呢一間，永不錄用

懷住滿心期待黎試下食呢度既羊腩煲，仲有其他小菜，真係好可惜，完全冇驚喜到我😅喺Facebook 啲群組比人煲到咁勁既一間小菜，真係真心令人失望。首先個地點已經夠差，門口左右兩邊就係魚檔，腥到又濕到呢…😵‍💫入到去間餐廳又好鬼細，枱同枱之間又窄又迫，真係夠攝個人打側身行，完全係迫到不得了！服務就唔好講啦，同冇係冇分別，自己出去裝水，自己黎啦相洗下啲碗既話😅羊腩煲完全唔係個羊腩煲群組講到咁癲咁勁爆好食，只可以話佢唔差，不過不失蒸蝦糯米飯呢個飯就真係超差！我係要用難食黎形容，真心又濕又難食，冇糯米飯嘅味，又濕到一Pat Pat咁….椒鹽豆腐呢個係最好食既一樣，呢個有水準👍🏻總結…我係唔會再黎，都唔會推介朋友黎👋🏻✋🏻

近來天氣清涼了不少，又到了食暖笠笠的炆羊腩季節，金玉滿堂的羊腩煲出名大份夾抵食，羊腩連皮帶骨，肥瘦適中，2人吃到飽無問題！此外，這兒的羊腩還會跟一碟菜。雙冬扣黑草羊腩煲$368配上入味支竹、軟稔冬菇、清甜馬蹄、爽脆冬筍。享受完還可以加湯底，轉打邊爐繼續食，非常適合一大班人聚餐！金銀蛋浸娃娃菜$108簡單美味金銀蛋浸娃娃菜，有鹹蛋、皮蛋、肉碎，拌飯一流。七味炸豆腐$72豆腐色澤金黃，表面炸到香脆，裏面嫩滑，粒粒都炸到咁脆口，睇見都非常吸引。😍店鋪光猛，座位寬敞，店員好有禮，價錢非常親民。😃

行開去旺角買遊戲機，青春回憶返晒嚟，煙廠街 裏面有很多隱世小店，臥虎藏龍。其中一間叫 金玉滿堂， 旺角嚟講雞煲係數一數二嘅好食。叫一個雞煲，加個鑊氣小炒，兩碗白飯加支啤酒，男人的浪漫！小小錢就可以買到的快樂。雞煲選擇很多，很吸引眼球的金玉招牌龍蝦雞煲、 金玉南非鮑魚雞煲、海肉蟹雞煲、東風攞海蝦雞煲。最後朋友揀咗花蛤海蝦雞煲，大大隻海蝦，性價比超高。花蛤海蝦雞煲很有創意的配搭，充滿驚喜的新派雞煲，花甲和海蝦這部份的海鮮非常出色。花蛤美味份量很足夠，海蝦很大隻，啖啖肉，鮮甜彈牙。雞肉好嫩滑，雞煲醬汁非常惹味，特色招牌菜之一。調味很濃郁，雞肉和海鮮混合得很好，配飯吃很不錯。再加上熱鬧的氛圍，是朋友聚餐好地方。黑椒薯仔牛柳粒 旺角鬧市中的小街巷風情，品嚐美味小炒！惹味的黑椒薯仔牛柳粒 ，每一道菜都好有鑊氣，特別喜歡牛柳粒，食落軟嫩多汁。充滿甜蜜汁香的薯仔，每一粒都有焦脆口感，黑椒香氣四溢，吃過的肯定讚！

冬天必食羊腩煲，雖然未到冬天，但好想食羊腩保保身，同友人講起，佢話最近佢朋友推薦旺角一間隱世小店，佢嘅雞煲同羊腩煲唔錯，我哋就決定去試吓我哋去到嗌咗一個雙冬扣羊腩煲，附送一份生菜另外叫咗一份七味炸豆腐，一份烏冬，同兩杯鹹檸七雙冬扣黑草羊腩煲：汁底好香好濃郁，羊腩份量多，成個煲滿滿的，羊腩入味夠腍又唔羶，唔肥啖啖肉，皮都炆得夠淋，入口軟綿綿，煲入邊有冬菇，枝竹，冬筍，馬蹄，薑，全部都好入味，附送一份唐生菜，新鮮翠綠又爽口七味炸豆腐：份量頗多，外層包住七味粉，炸到金黃色，好香口，外脆內軟，咬開豆腐滑捋捋，直滑喉嚨，停唔到口稻庭烏冬：幼身，食完羊腩煲加咗少少水，淥生菜同烏冬，淥咗一陣，烏冬已經索晒味，滑捋捋咸檸七：正常發揮，消消熱氣店員有禮，服務亦很周到

天氣開始轉涼，總會有人問幾時食羊腩煲。今日約咗朋友去釣蝦，之後佢哋就揀咗嚟呢一間金玉滿堂食羊腩煲。★̆̈ 雙冬扣黑草羊腩煲（中：$368）呢個羊腩煲係用全羊腩製作，配菜仲有冬菇，馬蹄，枝竹同筍，另外仲送咗生菜。一開始食嘅時候有啲凍同韌，原來個羊腩煲係要冚蓋煲8分鐘之後再食，煲完之後都係覺得個羊味雖然唔腥，但唔夠濃，未夠入味，肉質一般，連皮會好食啲。下面加左個架，可以放心煲～唔會燶底。★̆̈ 脆皮一品燒雞 （半隻$158）個皮勁脆，雞肉好滑，帶有咸香味，點埋少少鹽吊味，好夾★̆̈ 金稻穗香一口牛 （$158）牛柳粒夠肥，食落好腍，牛味都幾濃。金稻穗香記係指飯，個飯應該有炸過，有少少脆脆食落好特別，仲撈咗好少嘅Wasabi醬，食起上嚟幾特別。除咗牛同飯之外，碟嘢入面有茄子肉，本菇，仲有個醃過嘅蘋果，食落爽口酸酸辣辣嘅，成碟嘢都好特別，叫嘅時侯唔預有咁多嘢，好似尋寶咁😂總括嚟講，覺得個雞同牛比羊腩煲出色，鑊氣唔錯，但店員態度就一般般。

金玉滿堂（旺角）秋冬季節，必尝一口暖肚黑草羊腩煲！不但味道一绝，而且羊腩还富有营养。在旺角金玉滿堂餐廳有特色雙冬扣黑草羊腩煲，真的是满室飘香，丰盛美味，仲经常店內座无虛位，人气非常旺盛，所以最好先打电话預訂哦！//雙冬扣黑草羊腩煲(中)$368大大煲足料黑草羊腩、冬菇和冬筍.腐竹.馬蹄.燉煮而成。黑草羊腩肉質鮮嫩，經過長時間燉煮後更加軟糯，入口即化。冬菇增加了菜餚的香氣，而冬筍則增添了脆爽的口感。整道菜味道濃郁，層次豐富，非常適合三五知己在冷天享用。//配搭：新鮮唐生菜 1份//生拆蟹粉海蝦龍仔糯米飯$288秋天來一份蟹粉海蝦龍仔糯米飯，新鮮的海蝦和生拆蟹粉，搭配嬬米飯。米飯吸收了海鮮的鮮美味道，口感軟糯，蟹粉和海蝦的鮮甜讓整道菜肴口味鮮美又不失層次感。呢道菜的火候把握得非常之好，再加上青葱、肉粒的点缀，色香味撲鼻，令人垂涎欲滴，食欲大开！//招牌菜包括：香草奇趣芥末元貝皇/招牌龍蝦雞煲/雙冬扣黑草羊腩煲/梨山醬汁骨/老壇酸菜魚餐廳：金玉滿堂地址：旺角煙廠街6-20號華新大廈地下14-14A號舖粤菜(廣東)/港式/海鮮/中菜館/私房菜

鬧市中的鯉魚門 國慶好多人去旺角，偶爾入去煙廠街見到間餐廳海鮮好生猛，食個雞煲都好可以補身又暖身仲有食得豪氣D金玉招牌龍蝦雞煲真係足足一隻鮮活龍蝦，蝦肉鮮甜，肉質飽滿，非常新鮮。仲有雞肉很入味，肉質嫩滑，海鮮跟雞煲真係好夾。我哋叫左細煲，都夠兩個人食，店員話加湯仲可以打邊爐。配料很多，點解醬汁甘惹味，原來加入了洋蔥，蒜頭，少許芫茜，菇菌提鮮。辣度都有得揀，但我自己想食原味多的。鮑魚撈飯用上南非的鮮鮑魚，鮑魚都好大隻又飽滿，口感柔滑，切開見到肉色光澤，炆得好入味，醬汁是秘製，拌飯一流。除了鮑魚，醬汁，白飯香軟，仲有配菜，一人份量算唔錯。

餐廳就有排檔街市旁，門口有大大個海鮮櫃，而且還晚上九點後海鮮有８５折優惠，性價比會更高！所以愈夜愈多人的！花蛤海蝦雞煲（３９８元）雞煲是半隻雞的份量，雞本身挺大隻的，肉挺多，炒得非常入味，而且挺有鑊氣的，味道是挺惹味的，偏甜口的，甜甜辣辣的感個。而雞吃起來有點雞味，雞肉質嫩滑。另外的花蛤和海蝦，份量挺足的，花蛤和海蝦的口感都挺爽滑，而且都挺新鮮。糖醋咕嚕肉（９８元）這個挺傳統的煮法，吃起來挺酥脆的，外脆內嫩的，而且咕嚕肉也不會太肥膩，有肉味！醬汁味道酸甜，挺下飯的！椒鹽白飯魚（１０８元）白飯魚的份量挺足的，炸得特別香脆，吃到魚肉的部份還是嫩嫩的，而且椒鹽味特別香，挺適合配酒的！紅燒ＢＢ鴿（７８元／隻）現點現炸，吃起來特別外焦裡嫩，而且醃得很夠味，不會配其他調味料都好吃了，吃起來有肉香！