金膳健康素食

营业中

休息中

真係好好味同屋企人心血來潮黎西灣河食齋雖然我地唔係長期素食者但講親食齋都一定係食依間因為好抵食份量好多之餘睇得出廚師有用心去煮每碟菜有啲仿肉既小菜真係似到十足絕無兒戲我覺得最好食係果雜菇窩啲菇炒得好鮮甜多汁咬落又好爽口 正！食唔停口果碟腰果豆角都炒得特別香好好食不過呢 建議啲餸可以落少啲油太多油好容易會太「漏」最後仲有飯後甜品—紅豆沙！我至愛！啲餸菜大份到最後食唔哂添啲靚姐比咗個盒仔我地打包剩低既餸菜返去唔好做大哂鬼呀嘛

今天想吃得清淡一點，朋友於是提議吃素，我們來了西灣河的金膳吃午餐。我們點了一個素艇仔粥，及豉椒炒麵。嘩！素艇仔粥用料很足，吃下很有口感，很喜歡！豉椒炒麵很惹味，麵條卜卜脆，正！下次會再來啊。

今天是十五，又是齋期找素，來了西灣河的金膳吃晚餐，叫了兩餸一羮，還有甜品送呢！紅燒雞絲素翅像真度很高，味道濃淡適中豉汁素黃花魚個汁好正，撈飯一流酥炸鮮准山千島醬開胃，很適合夏天食吖甜品紅豆沙是送的

兩次事件，決定不再來了：1. 我和媽媽、婆婆3人等位，午餐時間天氣很熱，老闆娘派籌後，叫籌number比我後的4人枱先入，我問一下點解，佢老實答3人坐4人枱消費低，所以4人優先。好嬲，如果不喜歡做3人生意請先說明，不要位70幾歲嘅老人家夏天30幾度喺戶外等。2. 今日晚上二人消費$176 ，我問可否比信用卡，老闆娘話可以。簽名過後，佢話：真係可以唔俾貼士㗎 ？我硬着頭皮比了$5現金貼士，請問俾貼士是一定的嗎？

新年前食下斎先～呢間斎鋪係筲箕灣！憑初一十五都排長龍！不過佢係我暫時食過最好食既斎！唔係講笑⋯佢係煮到果種味出黎，但又係斎黎！所以真係煮得好好食！聚寶盆-係每次都要點既⋯不過有時太好賣會無晒⋯所以要靠小小運氣！🤤佢係雞蛋整既，可能食全素既人唔食得～不過係好好食，好香蛋味～分開蛋白蛋黃，口感似豆腐！👍🏻猴頭菇鎮江骨-味道酸酸甜甜！明明係菇～但做到個味道好似！而且唔會炸得太硬！好好口感！煙燻素鵝卷-外面係腐皮卷住素菜！個煙燻味做得好特別！不過今次咸左小小！😅松子炒飯-因爲我媽媽中意食松子，所以次次都食呢個！松子份量就一般啦！入面有斎肉粒！扮到好似真炒飯咁嫁！😝🤗其實間鋪頭係有套餐既！套餐會抵d，有湯有飯～不過因爲我屋企人好鍾情呢幾款菜式，所以好少叫套餐！😜😜所以好似我咁散叫會貴左既！

金膳在筲箕灣很多年，亦有常常光顧。廚房出品的齋菜就整體上唔錯，但點心方面近來就比較差，特別是油炸的點心，十分油膩，食一、兩件已經不想再食，或者可用吸油紙放在盆底吸下d油，希望可改善一下。齋鹵味亦差咗，味道都ok，但賣相都不及以前，要改改哦……。服務如一，幾好。今晚很難得約埋一大班人食齋，預先訂了兩張枱，及提早寫定菜單。當然你可去到先揀或食套餐都可以，但冬瓜盅一定要預訂。冬瓜盅個湯很清，但料方面就比較少咗d，如加返多d湯料就滿分琵琶豆腐好滑，但欠咗些少豆腐味。茄子蒸得不夠耐，有點硬及味道不佳，可能未蒸熟透關係素鮑片的份量較少，而鮑片下面是由很薄的腐皮包住d羅漢齋，這款菜式好味，值得一試炒麵一d都唔油，好味過星洲炒米這個似砵仔糕的甜點忘記了什麼名，好濃蔗糖味，超甜齋鹵味的賣相久佳，味通尚可。埋單$1,716，19人食，晚餐嚟講真的不貴，雖然有少少扣分，但整體都好滿意。

昨日星期天碰啱又係初一十五就試吓一家人去食素，聽人講呢度素食做得唔錯咪開開心心帶埋一家人去試吓啦⋯⋯去到人山人海心諗一定係好味道首先終於等到位啦，點知一坐落去張枱都未清潔，然後有啲工作人員就幫忙清潔枱面啦，然後點菜點了錦鹵雲吞做得非常乾身，甜酸適中，沙嗲牛肉粉絲煲我覺得係最好食嘅完全唔知道自己食緊嘅素食欖角炒叉燒甜甜鹹鹹非常野味，鮮茄鯧魚煲有少少辣辣地⋯但係當我叫佢唔該幫我加啲水，個侍應竟然話冇手呀

間唔中都會去食素!呢個松子炒飯夠乾身真係粒粒都見到!好食!!酸辣湯酸到剛剛好，可能本人比較喜歡辣的刺激!如果辣啲仲正!呢間嘢咁多年都keep到水準!!服務態度很親切仲會主動問食物啱唔啱食!當然如果初一，十五就唔好預有親切服務，因為見佢哋真係做唔停手!!

近來天氣轉，身體不太好，家人飯局，本想清清靜靜的享受一餐素食，但是無奈的選錯素食店：　（１）　餐具非常油膩，好明顯沒有清洗乾淨。本人洗了兩次，感覺比街市大排擋的食具有過之而無不及，但到最後才發現，茶壺也非常殘舊外表非常恐怖，那麼我剛剛所用來飲和洗食具的茶。。。。。。（２）　由收銀的大媽以至到每一位大媽員工，都非常十分之沒有禮貌，講說話粗魯大聲，而且問多句都口黑面黑，實在是素食店中少見。本人坐在路口位，多次有大媽店員在我耳邊對咀，耳朵太受罪了。（３）　食物如果以油膩重味為準則，除了只是沒有肉或葷之外，質素味道和普通的茶餐廳沒有分別。（４）　價錢三人晚餐，份量食不夠飽，每人１１０元，比貴價茶餐廳更貴，值不值也見人見至了。總結：　如果有心想好好食一餐素食，不用選擇這間素食茶餐廳，小弟雖然住在附近，但以後永遠列入黑名單，不會再光顧了。

這間素食店晚市時其門如市，要等候才可安排入席。它的蜜汁欖角叉燒幾可亂真，脆脆的皮邊，蜜糖用量掌握適當，不太甜及搶。欖角炒得香氣四溢，叉燒質感煙un，一碟上枱，轉瞬清碟。飯後仲送上清甜綿糯的紅豆沙及九折咭真貼心

入去叫兩樣外賣，淨係落咗個飯，落漏咗個齋鹵味，個飯整好咗就叫我自己出去排隊買齋，唔夠人做嘢就執咗佢把啦，伙記同老細都好無禮貌，我嚟消費唔係受你氣，呢間嘢永久 blacklist

太安樓食完手抓餅吾夠飽，再去外賣一盒細嘅齋鹵味，呢D齋鋪買少見少，吾聲吾聲加左價，而家大盒$45，細盒$3O. 係貴D，但味道一流，用料新鮮，所有櫃裡的食物每日分兩輪新鮮做。我每樣也要D，咖哩素雞、豉油素雞、酸雞(酸齋)，其實都是麵筋，用了不同醬料而已，這裡的麵筋吾痴牙，食到麵筋的豆香味，而且醬料份量得宜，不會得個辣字、咸死人、或酸到牙骹打冷震。齋叉燒齋鴨腎依然林身，食得出係新鮮整，吾會硬到好似咬石頭咁。素鵝係我至愛，外表煎得甘香脆身，呈淺金黃色，即無過火無用萬年油，裡面依然嫩滑，食到豆腐豆香味。食到飽飽，食得暢快。

今天又要到西灣河，這幾天還是浴佛節期間，剛巧身體有點不適，「胃口」只是一般，所以選了素食作為晚餐。這店屬傳統的中式素食店，故非以摩登素食作招徠，門面並沒有浮誇之裝潢佈置。門外一邊屬齋點外賣處，等了一會人龍仍然不散，想拍一張無人的照片都辦不到，可能這店之齋點水準不錯，故頗受街坊食客歡迎。這時約六時半，店子位置亦非商業頻繁之街道，故預計人客應該不多。甫進店發現只有三枱食客，由於我今次亦是一人「覓」食，故侍應請我安坐於近廚房的一張二人枱。雖然此枱近廚房，但卻感覺不到廚房之熱力、噪音及味道，反而顯出的是一份意想不到的寧靜感覺，有如置身於佛菩薩的大宇宙當中。此店桌面屬普通之木膠板桌，貫徹了其簡單與純樸，而牆上當然少不了一般齋素店之佛悟字畫：「如意」、「樂」等佛語彷彿告訴世人「能吃便是快樂」之道理。今次適逢有佛教僧人與其家人正在用膳，更添上一種相逢之妙趣緣份。開了一壺普洱茶，點了一碗簡簡單單的「上湯水餃湯麪」。看著有一外國人家庭進來，而且應是熟客，這時才發現此店之餐牌是有中英文兩個版本的，心想此店亦應常有外國人光顧。侍應小姐捧著一大湯碗過來，我並沒有點湯或羹，莫非上錯了菜？送到面前細心一看，非也！

上星期日開學了, Yeah... So Happy...放學後多數都係去金膳買外賣返屋企, 平日食埋食埋咁多肉, 星期日食返一餐素菜清下腸胃都唔錯吖...時間尚早, 正值職員用膳時間, 店內未有太多客人, 反而在店外的輪候購買齋滷味的客人從未間斷...落單+付款後, 蒸品需要等15分鐘, 在店內等候, 無所事事, 我又出去店外排下隊... 曾經有內心掙扎過賣唔賣齋滷味, 不過份量實在太多, 買咗又食唔晒, 好浪費, 算吧喇...紅豆糯米卷 $9 (2件)-- 上星期日只賣剩奶皇糯米卷, 興趣不大... 今日終於有紅豆糯米卷啦, Yeah!!! 賣剩3件咋, 唔該, 我要2件... 糯米卷煙韌軟糯, 椰子味減弱了, 紅豆味跑出, 紅豆蓉又香又甜, Yum Yum...欖菜蒸茄子鮮竹 $58-- 非常健康的菜色, 有齊我最鍾意食的茄子及鮮竹, 清蒸後灑上一點熟豉油, 清淡到不得了, 卻能吃到鮮竹的豆味, 很好... 怕淡的朋友, 可以夾一點幾鹹的欖菜一同放入口, 即時有味...菠蘿素雞粒炒飯 (有蛋底) $44-- 菠蘿粒粒不太多, 素雞粒反而比菠蘿多, 飯底粒粒分明, 甘香有咬口, 整體

年紀大了身體偶有出現不適，今午請了半日假見醫生，去之前先到經常光顧的金膳吃素菜。推門入舖的一刻，在門口位置瞥見下午茶單張，原來逢星期一至五由二時半至五時，只需$29便可嚐到一碟飯或麵，價錢實在非常便宜。可惜時間不容許我待到那時，就依原定計劃每人點了一道午市客飯。只有大半碗的素湯色澤啡綠，內藏眉豆、腰豆、蕃茄、紅蘿蔔等食材，用料豐富又充足，喝時發現很出眾的西芹香，強烈的味道在口腔內盤旋，單是吃渣已可頂住餓得發慌的肚子。紅燒茄子豆腐是很家常的菜式，廚師把豆腐外皮煎得香脆，與內裏嫩滑的質感形成強烈對比，茄子煮得夠腍夠軟，跟金菇磨菇一齊吸盡香惹的茨汁，用來拌飯實在頂呱呱！生炒素排骨貌似肉食，單看外表幾可亂真。排骨實際上是把猴頭菇切成細粒，沾上薄粉再落鑊炸，外層金黃脆身，內裏煙煙韌韌，口感非常討好。那個醬汁調得稍稍過濃，酸酸甜甜的令人開胃。配料份量一點也不吝嗇，紅綠黃燈籠椒添味之餘，亦可增加繽紛的顏色，墊底的椰菜也落得不少。吃這餐飯的時候，心情其實有點恍惚，希望下次再來的時候，所有顧慮經已離我而去！