金膳健康素食

营业中

休息中

今日想食下齋，於是附近搵到呢間老牌素食舖幫襯下。侍應阿姨都算熱情既，但環境總體偏老舊，同埋以lunch呢個鐘數，人都唔算多。阿姨問我飲乜茶，其實唔係好想飲茶於是要白水，不過應該都係計計茶錢啦，咁我都算。嗌做一個時菜北菇燴飯，睇到價錢都66蚊，講真都已經唔平喇，點知比帳單我一睇，嘩！原來仲有加一好了係呢碟燴飯，讓我「承惠」84蚊。味道來說，OK啦有菜有菇，都交到貨啦，不過飯好多，最後幾啖完全齋食白飯。早知呢個價錢，我不如食日本野好過啦

Google左幾間素食餐廳，專登入去西灣河食，午飯時間唔算多人，可能大家都唔留意，但係好出奇地依家餐廳🫖嘅味道又幾好食，有時候食吓素菜減少食肉，感覺好似冇咁罪惡感重。茄子豆腐素腩肉豆腐不嬲都好食㗎啦，素腩肉嘅質感都幾似真嘅，佢個味道同芡汁令到層次豐富，送飯都幾好食。燒汁紫菜豆腐餅又係一個豆腐嘅餸菜，但係佢煎香左豆腐，加埋燒汁又係一個送飯嘅菜式，雖然比較乾，但係有燒汁嘅輔助，令到整體嘅口感都容易入口😊☺️。

呢間係度開咗好多年，平日lunch 都多人食，但呀爸呀媽話想食下晚市就試下啦。雖然茶位同小菜幾貴下，但晚市四人餐算平，同埋嗰日唔知點解無啦啦有9折，人均$120左右就埋到單~====歡樂四人餐 $550====有齊 3餸 x 1 湯 x 1 飯：金湯蟹肉素翅、咕嚕猴頭菇、xo醬西芹百合炒花枝、五柳仙班、燒汁金菇素魚煲、黑松露什錦炒飯。👍🏻最鍾意1) 素魚煲，色澤好似魚，咬落都有煎香咗的魚絲感覺2) 猴頭菇意外地似咕嚕肉，外脆內juicy3) 花枝有魷魚味，食落都算彈牙😬正常發揮1) 素翅同蟹柳OK，南瓜湯底幾鮮甜2) 炒飯好有鑊氣，不過就無咩黑松露味啦👎🏻啲飯同湯就好大碗，但仿素食份量偏少，可能因為成本較高👎🏻茶位每人收$10，仲有好細碟蘿蔔絲就咁收咗$12#香港素食

平時食肉食得多，間唔中都去食下素食都幾好，呢間係西灣河屹立咗好耐，份量多且好有創意🟢金膳滷味拼盤 $75佢既拼盤當然冇得輸，有甜酸、咖哩、齋雞粒，堪稱鹵味三寶個菜好香口同入味，仲有蠔油齋、素叉燒、素扎肉、素腐皮卷，好脆口🟢酥炸荔卷 $75芋頭係我自愛，當然要叫呢個，炸得好香脆，入邊芋泥好香滑，皮脆內嫩🟢椒鹽淮山 $88個椒鹽調得啱啱好，加埋淮山炸得好香脆，唔會有滑潺潺嘅感覺，好爽口🟢素楊州炒飯 $62個飯炒得好乾身一粒粒，仲有好多豆類，又大碟🟢腰果露 $55呢個最有意外驚喜，腰果味好香濃同好滑，食得出係即磨合桃而唔係用粉沖，每一啖都食得出好濃郁嘅腰果香

走進呢間有種街坊暖意嘅食店, 我點咗幾樣招牌菜試吓。先講講嗰砂鍋雲吞雞翅煲, 啲雲吞鬆化得嚟仲有蔬菜嘅清新, 竹笙同素燒雞加埋煙燻味, 咁配合到湯底變得更加惹味。冰梅醬猴頭菇就正到爆, 酸酸甜甜一啖啖都係驚喜，叫人停唔到口👅。至於焗香芋腐球飯? 咖喱味道掛住飯粒，香芋同腐球個絕配令我食指大動，椰汁白汁融合得啱啱好，不會太甜，珍珠筍仲帶點童趣，食落真係開心到彈起🍚🌟。啲菜式嘅份量都幾合理，一家大細嚟食都啱哂。當中啲菜都無咁落油，食落去唔會覺得膩口，好適合追求健康嘅我哋。啲菜味道正宗之餘，又真係有種傳統港式小店嘅地道感覺。總括嚟講，呢間店確實係為食客帶來咗一種平民價格之下嘅高質素享受。食得開心，啱晒想搵啲香港味嘅食客！👍🥢

10月7日6:45pm左右到金膳晚飯，獲安排了一個角位的4人枱。坐下來時，發覺冷氣吹正頭，跟姨姨講完已即時調細冷氣出風。惟冷氣機風位仍吹正頭，所以跟同行屋企人說不如走，食另一間。姨姨見我們揹袋走，她即時說不用走，可以關掉這部冷氣機，不會吹向頭。我當時的反應是感謝，因為相信其他食肆，不會因為2位客人怕凍而關掉冷氣，免卻其他食客怕熱投訴。結果，我們感謝地說了一句唔該晒，姨姨同步校大另一部冷氣機，確保同區食客不會熱。100分的服務，令我們有點受寵若驚。我們點了佛海蒲團（腐皮包住羅漢齋配髮菜及菜芯拌碟）及雪菜茄子炆米，調味恰到好處，亦可食出每種食材味道。最加分是上菜快、溫度夠，而且我們坐的位置，掛了一幅印章版心經，我覺得很特別。多謝老闆及各位姨姨～下次再幫襯。

西灣河的素食選擇並不多，金膳是附近唯一的傳統齋舖，今次終於可以一嘗。下午2點左右去到，食客不多，店內有一些書法、畫作佈置，讓人感到舒服而又寧靜。門口也有一些可供外賣的齋菜、齋滷味之類。午市有客飯套餐，送一碗足料例湯。這次吃了這個「黑椒燒汁薯仔酥雞」，是薯仔加上素雞、椰菜等的配搭，有少許熱氣。份量很大，一個人勉強才吃得下。味道來說，不算很辣，以少許辛香味為主，十分惹味，送飯不錯~賣相算是合格以上啦。晚上還有一些小菜，款式好像也有點吸引，或許以後再試試。整體來說，這間素食的質素算是中上，價錢合理，環境舒適，份量略嫌多了少許，若浪費就不好了。

台式松子素腿粒炒飯（$66)賣相：🐧🐧🐧味道：🐧🐧🐧🐧炒飯用透明膠盒裝載，份量不俗起碼有2碗飯。炒飯配料頗足，有三色豆、崧子、素火腿粒等等。味道方面，炒飯乾身不油，鹹度調味適中，跟配料配搭食用口感十足非常豐富。素火腿粒像真度很高，值得一讚。鎮江醋脆膳（$97)賣相：🐧🐧🐧味道：🐧🐧🐧🐧🐧脆膳同樣以透明膠盒裝載，份量不算多只佔半盒左右。脆膳醬料均勻量足滿滿，頗為吸引。味道方面，脆膳口感外脆內軟，鎮江醋酸甜比例合適，香口惹味。生炒素排骨（$86)賣相：🐧🐧🐧🐧味道：🐧🐧🐧🐧🐧排骨同樣用透明膠盒裝載，排骨三色椒各佔一半份量還好，整體色彩鮮豔賣相吸引。味道方面，素排骨質感彈牙有嚼口，醬料酸甜開胃，三色椒新鮮爽口，整體伴飯良選。外賣等候時間：🐧🐧🐧在平日晚上5點幾下單，約需時20分鐘送達。🐧❤️結語：質素不錯的素食之選。

想買外賣齋返屋企食，本身啲齋已經唔係平，細盒都成$44/$48蚊，不過買得都會裝滿。我一個人食唔晒，所以買透明圓盒嘅size（圓盒size比細盒size 約細一半）$20。點知佢只係裝左透明嘅一半都冇比我！！根本就呃錢😡😡😡😡！！佢擺明就求其「畢」一羹俾我就算！！做素食懶係賣善心，實質係奸商hard sell減量等自己賺到盡，直頭係冇良心嘅⬛️店🤬🤬🤬🤬！！P.S. 買齋嘅同時我話要煎堆2個（$16）。佢仲想sell我要多一個話平$1比我（即3個$23）！哈哈，真係唔該晒，佢裝唔滿盒$20齋仲想要我買多個煎堆黎平$1咁益我！！人諗：一蚊留番比你養老啦～真心做善事而食齋嘅人應該幫襯其他真心行善嘅齋舖，至少唔係呢啲無良奸商。繼續買佢嘅野只等於助長呢啲奸狡同虧待客人嘅惡行！只係心血來潮想食齋嘅人，就更加唔需要幫襯呢啲◼️店，俾人當自己係水魚咁撳！結論：即時blacklist，永不翻兜！😤😡🤬

圖片己表達出食評圖片己表達出食評圖片己表達出食評圖片己表達出食評圖片己表達出食評大安自己看吧重要說話要說多幾次...見到噁心,已成盒沒有食即扔,永永不不光光顧顧

// ☺️本人現階段為「鍋邊海鮮素食者」，學習living & eating consciously 知道自己在吃什麼，盡量選對自己好的，請多多指教//兩個人，叫了三個餸，眼闊肚窄，吃不完打包一些。🔸素燒味拼盤(小)質素很多，不會太軟林。汁量恰到好處，素雞也還是點香脆👍🏽🔸鎮江醋脆鱔甜甜的好好吃，但吃多了很膩🔸蟲草花雲耳百合不錯，只是個人口味沒有很喜歡$250 total for two 讚的，吃齋菜會再來。可是可能不要再全部叫油多的餸😆

最近因為要食49天素既關係.所以不斷發掘周圍有咩素食餐廳今日就行左去西灣河試下呢啲比較傳統既齋店. 其實間餐廳唔算好近地鐵站, 但由B出口其實都係一條大直路行過去接近街尾.都唔係太難搵.大約8-10分鐘路程(如果慢慢行)基本上一去到餐廳見到外面排隊, 原來係排隊買譙滷味, 還以為是排隊入座不過餐廳都非常多客人,我們慶幸有位不用等待. 全餐廳都滿座, 感覺有很多老友記都是熟客, 跟店員有傾有講今日點左2個碟頭飯/麵同埋一個齋拼盤先講一下呢個黑松露炒飯. 十分香氣撲鼻 很夠鑊氣.所以我覺得幾好食, 唔錯.這個豉椒炒麵就可能較油,但係味道都一樣可口. 但如果唔太鐘意油膩感覺就唔好點呢一味.呢個齋拼盤係因為見到出面咁多人排隊買而點.我個人覺得味道都OK 但未至少好驚艷既感覺.總括而言, 這家齋店我會繼續幫襯.

金鐥素食是一間多年的老店，由起初到現在味道依然保持良好！簡簡單單的一盒雜錦齋巳經能令我感到非常滿足！ 一盒內有七款齋，當中包括。甜酸齋。咖哩齋。蠔油齋。素叉燒。素扎肉。素雞粒。素腐皮卷。 真係好食到不得了，雖然舖面簡單沒有華麗裝修，但內在美比外在美緊要吧😝大家有機會經過都不妨去試試，就算揸車經過都可以偷雞停一停門口買返一盒細size試試，而家真係好難搵到呢啲懷舊味道了，小食多滋味！其實仲有小甜品，有芝麻卷，白糖糕，年糕，茶果....... 只記得咁多，下次去再影多啲！

習慣逢初一十五都食素，呢間係其中一間常去既，喜歡佢既傳統齋鹵味之餘，又有其他新派菜式。今次除左食鹵味拼盤之外，仲點左通菜煲，見佢有個蜜汁叉燒(好似係)，就試下佢有幾叉燒！佢既拼盤當然冇得輸啦，甜酸、咖哩、齋燒鵝，堪稱鹵味三寶個菜幾香口，正正常常咁啦。至於個叉燒。。。咬落個口感腍腍地，其實唔係太似，不過不失啦。其實佢地有個葡汁焗雜菜都好正，好濃味，不過今次想試新野，所以冇點。佢有加一既，平日食可以用9折咭，初一十五就唔用得喇！

#近排喜歡食素邊個話食素一定好dry成日都捧住個肚走💁🏻‍♀️呢間素食餐廳都幫襯左一段時間等我精選幾樣俾大家😆金膳聚寶呢個係小妹我最鐘意食 每次必點👅上層蛋下層豆腐 然後再拎去炸 好香蛋味 我覺得幾巧心機既一道菜🤗豉汁排骨炒麵 $62留意返 唔係真排骨嚟架 但係口感一流 炒麵好惹味糖醋鱔 (唔記得正確名字)好好食 唔會太甜😆佢個素艇仔粥都好唔錯！用足料 好有口感小評語📝📝:👉🏿食飽飽有糖水送 幾乎次㳄不同 唔會太甜 老人家都啱食😊👉🏿食熟左會送張九折咭俾你😊👉🏿啲餸可以落少啲油去整 因為會有太漏既感覺 .