金膳健康素食

营业中

休息中

數月前品嚐過金膳的鎮江排骨，箇中滋味令人念念不忘，這天又禁不住要重溫一下。說起來也失禮，雖說是到齋舖茹素，但滿腦子都是暈食，所以點菜時還是有魚有蝦又有肉。除了再叫上次兩款值得回味的菜式，是趟還柯打了「葡汁鮮茄南瓜素蝦煲」和「金不換茄子素鯧魚煲」。對於曾品評的食物，在此不再贅言，網友可參考http://www.openrice.com/restaurant/commentdetail.htm?commentid=2285864，這篇文章則集中評價兩款新試的煲仔菜。煲仔菜其中一個基本要素是夠熱，送來時出現白煙四起的景象，今次兩個餸菜便能達到這個標準。更過之而無不及的是，侍應把煲仔放在桌上時，煲內的芡汁還有翻騰的效果，果然是「新鮮滾熱辣」。「葡汁鮮茄南瓜素蝦煲」泛著淺黃色的醬汁，用羹一舀便知材料十足。素蝦每隻有食指般長，我不知道它是由甚麼製成，倒是白色的素片上印有橙紅色花紋，務求令外型神似。口感方面，素蝦頗為彈牙，質地有點像魚蛋，味道則很清淡，相信是靠醬汁入味。吃慣濃郁的我略嫌葡汁不夠香惹，它蘊含很輕很輕的椰子香，只有用心品嚐方能發現，其實廚子大可以將其顯露出來。意想不到的是，煲仔內有一些極

小時候對齋菜總提不起興趣，認為單單由青蔬組成的食物很沉悶。但隨著素菜的款式越來越新穎，加上身體承受不了每餐大魚大肉，現在偶意也會吃一頓「走肉」飯。適逢今天是農曆十五，又剛好經過齋舖金膳，於是就進內幫襯一下。眼見大部份食客都柯打羅漢齋炒麵，賣相似乎相當討好，我也不蝕底要了一碟。食物送上時熱辣辣，面頭舖滿了冬菇、蘑菇、草菇、麵筋和菜芯等素菜，食材種類多元化而顏色不單調。撥開餸菜夾一撮炒麵，單看麵條仍有脆身位置便知對辦，入口更能確定質素。近碟外圍的炒麵香脆可口亦較乾爽，中央位置因被茨汁洗禮而變得腍軟，而且充滿菇菌的芬香，可謂能夠一次過試齊兩種口感。那個玻離茨亦掌握能恰到好處，濃度調校得宜之外，亦為食物加添光澤。另一款鎮江排骨實在令我大開眼界，廚子在外型方面落足工夫，粒粒排骨猶如迷你版雞脾，賣相既cutie又過癮。這個菜式主要是把猴頭菇切粒，沾上薄粉再炸，外層金黃脆身內裏煙煙韌韌，質感頗像咕嚕肉。那個鎮江汁實在居功不少，酸酸甜甜的令人開胃，然而味道稍稍過濃，單吃的話味道較重，拌飯則覺得剛剛好。除此之外，我必須盛讚墊舖的四季豆，翠綠誘人不在話下，爽爽甜甜實在可口。今餐唯一不愉快的經歷是態度傲慢的

今個月突然好想食齋, 上次試咗北角唔多掂, 今次試吓筲箕灣...晚飯時間, 客人迫爆間鋪, 最後我選擇買外賣...揀咗一陣, 想落單都要等好耐... 好比心機揀嘅「鮮竹金菇素牛柳卷(有沙嗲醬)」居然售罄, 又要再揀過...醬爆蝦仁花枝(辣)--素蝦仁幾彈牙, 素花枝超彈牙, 因為落咗麵豉, 令辣醬汁帶甜, 好冶味~ 不過估唔到有咁多西芹... 佔咗大半盒...咖哩薯仔豆腐燴飯(辣)--咖哩辛香, 薯仔豆腐吸咗咖哩汁好好味, 一陣間清晒...係門外等候期間, 被外賣部嘅齋鹵味吸引住, 不過驚食唔晒, 所以最後只係買咗2件紅豆卷做飯後甜品...紅豆卷--煙煙韌韌, 幾好味!!! 不過椰絲味比較重, 搶咗紅豆嘅風頭...另一半激讚呢度d齋好好味, 好特別, 新潮d... 咁我地以後想食齋, 就唔使驚冇地方食啦~

吃了個蒸包作早餐，還未夠飽，經過此店，見有中式糕點，於是買了一件作為早餐的下半部份。豆沙蒝荽餅($4)：體積細小，外皮通透，帶點煙靭，但略為實了一點，口感好像不及水晶角或糯米糍。豆沙餡較稀，欠缺紅豆的口感和香味，紅豆味不夠，幸好不算太甜太膩。價錢不廉宜，味道一般，不會刻意來再來這裡光顧。

亞媽生日，一起走去金膳健康素食食晚飯，今次係我第三次到這裏，是值得推薦既食肆。店員極力推薦八人套餐焗吞那魚四蔬，味道普通，內有馬鈴薯，雜菜，素吞那魚西冷素牛扒（西汗），素扒有質感，西汗好好味，讚！包羅萬有（鮑魚扒上素），素扒身爽滑，味道唔錯香酥荔卷（芋頭卷）拼花枝片，芋頭係我既至愛，芋味好香，脆口，花枝片都唔錯。粟米素蝦粒湯伊麵，普通，蝦粒樣子相似度高，但無咩味鴛鴦炒飯，番茄蛋和棷汗，樣子唔好睇，但味道唔錯涼怑火腿拼魚生，涼食，質感爽滑還有竹笙鮑參 以上就係八人套餐 $868金膳聚寶，上層蛋下層豆腐，超好味，一定要推薦！$55 壽包，外層軟熟，豆沙內餡不太甜，正！另外齋鹵味，味汁不濃烈，適中，正！還有甜度適中既紅豆沙送，正！８人共 $1080大家已經定好不久會再來食呀 !

值得推介的素食 午餐$42, 有湯/飯/餸, 價錢算差不多(現在的快餐店都要三四十一個餐)湯, 好飲, 不咸 (飲完不口渴)餸, 好味, 味道剛好 (都是不咸,不會口渴)飯, 我覺得硬經過,會再去...

今天到筲箕灣工作，到了午飯時間，因為一個人，就在附近隨便找地方吃午餐，經過工聯會附近的一間素食店，進去一試。午市套餐42元，有一餸，一飯，一湯。甘荀節瓜什豆湯 – 清甜菠蘿猴頭菇 – 素食版的生炒骨，除了猴頭菇外，還有素雞，好味道

依間齋舖, 其實我想去左好耐, 但成日排長龍, 尋日下午 2 點經過冇人等, 又有位, 係時侯試試啦...2 個人雖然未食 lunch , 但亦唔想叫太多野, 所以只叫了基樣基本野...齋鹵味 (小) = 足夠 2 人食, 都幾足份量, 平常只有一兩件既素雞同素鵝都有幾件, 其他味道亦唔錯, 酸齋亦唔會死酸. 點心(燒賣及粉果各一件) = 唔知點樣形客, 燒賣好粉, 唔係好知食緊咩, 咁當然唔可以用肉食去比較啦, 但唔係好好食. 粉果皮好厚, 菜青味好勁... 唔好食... 小食(春卷及腐皮卷各一) = 好食 !!! 比酒樓的更好食, 最重要係唔係好油膩, 食多一兩件都仲 ok.素艇仔粥 = 本來想叫粟米粥, 但服務員強烈推介, 試試... 粥好多花生, 但其實冇咩特別, 但素食可以有咁重既"鮮味", 估計有點味精... 黑椒牛柳絲炒麵 = 好食... 麵夠脆, 黑椒汁夠香夠味, 唔係好油膩, 非常 ok, 又大碟 !! 總括黎講, 食物係可以的, 但唔知點解短期內唔會再去 lor...

這天是冬至日子，平常慣了大魚大肉，偶爾嘗嘗齋菜，也是一個好選擇。我們一行三人，就到了這間街坊小店，點了三道菜式：砂鍋雲吞雞翅煲($63)：用料豐富，有湯有菜，有竹笙有雲吞，有素燒雞及素翅，雲吞餡料有切碎的蔬菜及炸菜粒，味道清新可口，而素燒雞的淡淡煙燻味，在清淡之中更見突出，而素翅則加強湯的質感，每樣材料都各具特色。冰梅醬猴頭菇($58)：猴頭菇先切粒，沾上薄粉再炸，配合青紅椒(紅的是虎皮辣椒)，以冰梅醬埋茨。平時我少吃猴頭菇，就算吃都屬老火湯類，這般吃法實有點驚喜，想不到味道和質感十分像咕嚕肉(粒)。焗香芋腐球飯($42)：炒飯底，白汁帶有椰汁的香味，但不會甜膩，芋頭必然美味，腐球也相當滑，另外還配有珍珠筍(粟米仔)粒，整體而言就是好味。

素食健康，家庭會議後決定逢星期五為素食日，遇喜慶節日除外。今天早餐是五穀包 + 香蕉，然後去行大潭水塘，行完去到金膳素食已是 1430 時，剛好有下午茶供應。叫了一份雪菜金菇炆米 及一份酸辣三絲上海麵，份量不少，足够 2 人作午餐吃飽，味道也很好。店內裝修清雅整潔，店員服務也很周到。店前外賣部有多種精美的齋鹵味、點心及糕點，我們買了一份細的齋鹵味回家作素食晚餐的其中一樣餸（$18），份量和味道都不錯。

零四年以後第二次搬舖，兩次都是因為拆樓，這次在新樓開店，數年內必定不會再為同一原因搬舖。買了一盒細雜齋($18)，依然有最愛的素雞，喜歡那香酥的腐皮味道。向來對大豆製的素肉感覺欠佳，他們選的素肉只有豆味，調味料不重手，比較好。麵筋製的咖哩齋、蠔油齋和甜酸齋煮得入味。店員給很多甜酸齋，酸酸甜甜很開胃。本店收八達通。

有時成日食肉都會食到膩, 食一餐半餐齋都係唔錯既選擇....食物都ok唔錯, 我覺得最好咪係個錦鹵雲吞, 雲吞細妯塊, 易入口, 個酸汁整得幾好味,不過嫌佢貴左d, 要$43

哈哈！我其實對齋菜沒有太大的興趣，但現在住處附近有間這樣好的館子都是親戚介紹！這兒的街坊很喜歡一家太細到此處吃齋，點心更是多不勝數‧招牌菜是金膳玉子豆腐，好受歡迎！到這兒吃齋有時還要等候呢，有時實在非常多人！好財，廚房的師夫也十分勤快，不須等多久，便有美味的齋菜奉上！

星期六嚟食晚飯，生意似乎麻麻，我同老婆7點鐘去到都只係得兩檯客。間舖細細的，不過擺位唔迫，而且有電視睇，算坐得幾舒服。叫咗欖菜肉崧炒飯($30)同網巢腰果炒菇丁($50)。先嚟一小碟小食，唔係菠蘿喎，係啲海帶同紅蘿蔔絲等，幾清新。炒飯分量唔細，咸咸地，啲飯炒得夠乾身，又唔油，收貨的了。至於網巢腰果炒菇丁，上檯冇幾耐，個款似老闆娘嘅阿姐主動過嚟介紹，話個網巢係用越南春卷皮嚟做，食得嘅，我哋就覺得似威化紙，比食開嘅雀巢薄好多、軟好多。可能因為好多油，呢個網巢變得唔係幾脆，亦幾易爛。不過佢落咗唔少腰果去炒，收$50都算交足貨。臨尾重送熱木瓜西米露，好香木瓜味，整得唔錯，幾有誠意，加多啲印象分。服務方面，老闆娘同每檯客都傾番幾句，介紹吓啲菜式，感覺唔錯。其他阿姐亦ok，加茶收碟都快手。埋單$91，茶芥唔算貴，幾滿意。

因為我公司就係呢間店既附近有時男友來找我吃午飯都會去這家店(因為男友喜歡吃素)初初這家店開的時候我已經有幫襯真係睇住他大剛剛來的時候~食物唔錯~粟米班塊由其一絕次次去都有點有時亦會點個素翅食有時d店員又會送我一碗例湯雖然係例湯~但係都好好味飲完又唔會口渴但係時間慢慢開始過去舊人已經換左一d新人食物亦變得好差叫個羅漢齋炒面好似搵d油浸著俾我甘d野食真係差左好多~同初初無得比而d服務~我真係好想念果陣初初開店既肥姐姐一入到去就好似好熟既朋友甘而家果d=.=真係...俾錢佢賺仲要黑哂口面甘對著你所以我同我男友都好少再幫襯有都只係買少少齋外賣希望佢地會改善下d服務喇~