金船長餐廳 (已結業)

慕名而來，在一星期前已訂枱，目的：為了一試出色的「薄餅」一個人好辦事，本想著可以試多幾款不同的菜式，誰不知一份Pizza已經大大份，實在有點可惜。黑松露菌醬意式馬斯卡普芝士夾心比薩－Pizza不但夠香脆，而且加上黑松露醬，無懈可擊－雖然一共有三種不同的吃法，各有千秋，可唯獨喜歡原味，只有原味可能試出真功夫－芝士味十分濃郁，喜歡吃芝士的你豈可錯過？香蕉朱古力咖啡－甜滑非常整頓晚餐雖然不能試太多菜式，但亦夠滿足。下次必定回頭光顧。-Miss F

之前一直想試金船長，不過成日都爆場.今日一早帶o左狗狗到附近寵物店grooming後,終於可以食到喇可惜得一個人,試到嘅食物唔多~蒜蓉包外脆內軟，帶有頗濃的蒜蓉味。牛尾湯好正,creamy唔會過咸,仲有d半溶狀態嘅牛筋成個意粉都好香橄欖油的味，咸咸香香咁同煙三文魚和菠菜嘅味道好夾，好味~set lunch價錢ok，食物不俗，下次一定要黎試佢地嘅晚餐。

曾經和朋友食過一個黑松露比薩，一試難忘。這天下午6點幾到了大角咀，見時間尚早，就到金船長餐廳食晚餐。入去時只有兩枱客人，食到半路就全廳滿座了，所以如果walk-in到金船長一定要早！兩個人食，叫了兩個晚餐加黑松露比薩，好飽好滿足。法式洋蔥湯 － 晚餐的餐湯，附一片牛油蒜蓉包。洋蔥湯很清甜，個人很喜歡！ 南瓜忌廉湯 － 另一款餐湯，有南瓜味，味道也不錯。厚切紐西蘭牛柳配什菌汁 $168 － 牛肉有咬口而不韌，簡單烤熟能食到牛肉本身的味道。配菜的南瓜好甜，一流！美國豬柳配洋蔥汁 $158 － 豬柳外層脆脆地，裏面肉厚又juicy，好正！ 黑松露菌醬意式馬斯卡普芝士夾心比薩 $98 － 必食之選！6寸的份量其實可以3人食。外層香脆，卡滋卡滋！裏面是黑松露菌醬和芝士，濃度剛好不會太膩，沾點特配的提子醋更添清新。餐飲

之前一直想試金船長，但不知為甚麼一直未有前來，直到幾天前決定一定要試。我和朋友點都是他們的set lunch。蕃茄清湯先上的是我點的餐湯。這蕃茄清湯都有頗濃的蕃茄味，但有點過咸。相反地旁邊的蒜蓉包比蕃茄清湯出色，外脆內軟，帶有頗濃的蒜蓉味。甘荀忌廉湯之後上的是朋友點都餐湯。我試了一點之後認為這甘荀忌廉湯比蕃茄清湯味道好很多。甘荀味香濃，creamy而不膩又不會過咸，相當不俗。鮮蝦菠菜意粉喝過了餐湯就到鮮蝦菠菜意粉。蝦夠鮮甜而爽口，而菠菜亦見鮮甜。整個意粉帶有芬香橄欖油的味道，而且咸咸香香的跟鮮蝦和菠菜的味道十分配，但有點可惜的是意粉不夠Al Dente。芝士雞肉墨西哥卷之後上的是芝士雞肉墨西哥卷。墨西哥卷外皮是烘過的，所以顯得特別香脆好味。而餡料方面有芝士、雞肉、蕃茄和生菜。各樣材料的味道都中規中矩，而墨西哥卷的芝士不會過濃，反而帶點清新。其實整個卷的味道都不俗，但餡料多一點會更好。至於旁邊的薯條炸得十分酥脆不油膩，薯味還很濃，讚!薑汁梳乎厘最後我們點了甜品。我和朋友都不是梳乎厘的fans, 但卻很喜歡這個梳乎厘。薑味不會過濃，非常容易接受。而梳乎厘的口感十分軟滑，加上濃濃的蛋味又不過

實在有點難介定呢間餐廳..見咁多人推介就來試下啦有幾款set dinner 可選洋蔥湯幾好味，隱隱感覺有點日式湯底味,haha蜜蜂雞翼，蜜糖味同炸雞翼既味係完全分開既·感覺係炸好再淋蜜蜂上面頭要了一個西冷牛排，Medium rare...可惜有點過熟了，有點「un」同乾...really sad. 個海蝦帶子天使麪...海鮮不錯，但麪好淋，有「簡」水味感覺..真係有點不忿，點都要叫埋得獎黑松露pizza 再作定案。講真，個pizza 真係好食既。侍應都細心教導三種不同食法，熱辣辣，溶化芝士好香濃，餅底有別平時既pizza, 好香脆，加埋黑松露更出色。總括而言，這個晚餐令人失望。幸好黑松露pizza 挽回很多分數。我會細心想想會否再來吃這個。

朋友random地搵到呢間金船長竟然咁多好評但我未聽過= =即刻book位試下啦不過book左都要等15mins 清雞菜湯聽個名以為會中伏又意外地幾好飲喎啲蠔好好食呀夠大粒又juicy啲菠菜都好好味呀不過要趁熱食凍左就真係唔好味了攞獎的黑松露pizza有3個食法啲waiter 會教既分別係直接食、點汁食、夾菜食我就最中意點汁食酸酸咁好開胃Pizza上面啲芝士粉我自己就覺得略多蜜糖豬手個汁好味豬手超級大隻肉好滑啲肉唔似德國豬手咁乾梳乎里有質感唔會好似平時咁食風咁

好Random咁黎到大角咀搵食，但太多人等食唔到，今次特登訂晒枱黎試。得獎名菜—黑松露菌Pizza—有三個食法：原味食，加source食同夾d豆芽菜食。各有各好味。我個人最鍾意係加Source食。因為本身個黑松露同cheese味好濃烈，所以加左個source味會平衡d。但亦因為好濃郁，我只可食到兩塊就要停手⋯其他野食都不過不失，可以一試。

今年的情人節大餐, 我倆終於跳出荃灣,移師到大角咀有名的''金船長餐廳''用餐。是晚與豬大人比原訂的時間早到,幸好小小的餐廳仍未爆滿,我倆可以即時入座 ^^其實餐廳狹迫的呈度是我倆意想不到的,基本上身旁的食客說什麼, 不用留心都聽得到~不過有理無理, 由於限時一個半小時,還是快快點食吧 ^^什菜湯配蒜蓉包湯料多但偏咸;而平平無奇的蒜蓉包十分好吃!!包皮脆脆的﹑蒜蓉味突出。海撒沙律不好沙律的青蛙就只會吃海撒沙律,皆因沒有沙律醬之餘﹑又有大量芝士 ^^這裡的海撒沙律一如其他食店出品般好吃,只是份量少, 豬大人一人也ko了不少~~黑松露pizza店員奉上pizza時好專業的詢問我倆是否有吃過,如沒有便會講解一次這個pizza的三種吃法。其實所謂的三種吃法就是單吃﹑加菜吃或加提子醋吃~三種吃法青蛙都有試, 加菜吃是最沒有特別;加提子醋則令人有驚喜, 因為提子醋像極巨峰提子汁的味道,不酸﹑反而又香又甜甜的, 可惜加了吃便會蓋了松露的味道。單吃是青蛙最喜愛的吃法, 因為最能吃到黑松露的香!!pizza的外層像麵包多於慣常pizza的皮, 入口則十分脆, 推介呀!!!黑松露燴飯基於青蛙真的很喜歡吃燴

好耐冇過大角咀，朋友生日想食扒，一班人諗住平平地就過來金船長食，雖然好耐無嚟食過，餐廳老闆居然還應得我們，話因為我們全部都是大食怪😓，但十年人事幾翻新，餐廳職員都換人了，好在難得出品水準未見下降，一行八人點咗白酒煮青口x2 洋蔥煙肉焗廣島𧐢x2 黑松露Pizza x2 Burgar x2 蜜糖豬手x2 石斑魚x2 CAB西冷扒及美國豬𩣑扒各一 松露意大利飯一客初期大家可能都太肚餓，有幾樣野都忘了影相就食咗，但真是好好味，雖然只是一佰多元一份餐，但每様食物都有賣相又好食，尤其白酒煮青口😍，足足要了三客蒜茸包點汁食👍，而且樓面服務亦都好好，另外不得不提老闆推薦的意大利白酒😍，又香又甜又易入口，朋友們飲了3支還要買一支帶走 最後太飽冇叫梳乎厘，用了Tony Wong的生日蛋糕為這餐劃上完美的句號

普通遍酸的蕃茄湯主菜1: 黑松露芝士pizza好特別的食法, 佢的皮唔似平時的PIZZA 皮, 似係軟棉棉的麵包, 上面有芝士粉, 中間有特製的醬汁, 可以整塊單食, 可以點梅子醬食, 可以夾埋有機菜一齊食, 不過最好襯熱食好D, 同埋最少3個人先食, 因為都會有D 飽肚感丫, 主菜2: 蜜糖焗豬手佢同德國豬手唔同, 無咁咸, 亦無咁乾身, 有肉地, 最正係佢最最最肥果PART 皮, 少少脆, 多多蜜糖加上佢配菜的薯條, 條條都超粗, 好薯仔, 好香口, 大推!!!甜品1: 心太軟, 正常的心太軟甜品2: 梳乎尼, 佢真係焗得好靚, 好綿好高, 加上外面的白幼砂糖, 口感一流, 不過味道淡左DD甜品3: 菠蘿唔記得咩名, 呢個最特別係佢有埋熱呼呼的菠蘿醬流出黎, 好鮮味, 不過建議兩個人食, 食到中段會比較"濟"EVEN BOOK 左位, 都等左45分鐘先入到座, 不過好食就得啦到食完飯, 等位的人開始少, 都可以舒服地坐多陣, 傾下計美中不足係到臨離開時見到D 小昆蟲係廚房牆上, 但還可以接受, 會再來!!

臨近聖誕, 食飯梗係要book枱喇, 呢間餐廳要預早1星期book, 仲要落訂金, 每位$100~去到果陣就要講返自己個number出黎, 同埋出示入數紙~ 呢個就係平安夜餐牌喇~大家可以望下有咩食, 同埋了解下個價錢~1) 焗法式田螺沙律由於佢用左白汁, 結果令到成個沙律變得膩左, 如果改用sasa, 應該會更加好味2) 法式蟹濃湯個湯的確好香, 好入味~不過我自己覺得太濃, 結果反而有少少苦澀, 如果變成「穌皮」, 相信效果更好!3) 主菜: 美國極佳級牛肩胛扒配鵝肝汁及燒汁正呀, 好juicy, 不過建議大家要趁熱食, 否則啲肉質就會變"un", 同埋多返少少汁就「perfect池」*p.s 有少少趣事~隔離有pair情侶以為有鵝肝食, 所以走左問個waitress, 邊度有鵝肝, 態度仲要串串地, 結果個waitress遞左個餐牌俾佢....勁樣衰xp 3) 主菜: 燒原隻美國野雞仔配西子燒汁呢個春雞正呀, 好脆皮, love it! 不過都係果句~多返少少汁啦4) 甜品: 炸瑞士蘋果卷伴香草雪糕個蘋果蓉好正呀好好味, ice-cream都係, 不過嫌個皮唔夠薄, 因為用左春卷

平安夜,找美食好不容易,從網上尋到這店,便來一試,可是由於是平安夜緣故,所以要預繳訂金。而聖誕一般都是套餐,398元比酒店便宜,可是在同區來說不算平。一入內便看見服務員用心的安排,為顧客們預備的小禮物,確是窩心。另外,未進餐便先安排 welcome drink,有紅白酒或雞尾酒可選,很不錯！頭盤有田螺焗薯沙律,味道不算香濃,不過不失,但賣相補足！吃過頭盤,便上蟹湯,味道有點像龍蝦湯,味道很濃,可是過份鹹,未吃已飽了,唯一般以麵包伴湯,這兒卻以天婦羅蟹柳代替,很特別,可惜有點油膩！主菜有雞牛魚,權衡下選了較愛的牛排及石班配鮑魚。牛排以五成熟剛好,鵝肝汗不太明顯,但仍不過不失,正常的牛排！ 薯蓉很幼滑,但有點膩,而配菜味道可以,只是上碟不太美,有點乾！醬汁則有點馬虎,因沒有合適的擺設,只是堆砌！ 至於魚,味道及肉質或口感都不錯,只是鮑魚小得不用一口也吞得下。 配菜其實可以改善一下。最值得欣賞的是住家式的服務,服務員細心介紹,而且充滿温情！極適合一家大小到來用餐,可是環境有點迫,桌與桌之空間不多,所以進餐時有點壓迫,但這也無可奈何,因環境有限,不能太強求！

星期日，訓醒已經唔早，師奶仔當然會餓多一陣去食lunch都唔食早餐啦記得金船長開既時候我仲讀梗書，去食一餐已經算係落重本。如今再到此地，食個lunch令一切美好回憶幻滅了，點了兩個set,包括田螺帆立貝焗飯及紐西蘭牛排配薯菜。一個羅宋湯，一個忌廉粟米蟹柳湯，羅宋湯淡而無味，忌廉粟米湯，只有忌廉既感覺，但粟米同蟹柳呢？講番主菜，紐西蘭牛排，完全無牛味，似一塊牛肉片，仲要似係用左好多鬆肉粉，可以話係難食，另外既焗飯，炒飯底又硬，田螺無味，唯一好味d就係個一粒急凍既帆立貝，係，無錯，得一粒咁大把！！！一早迫人叫餐茶，食完野都凍晒。仲要好趕，好想迫人快d走咁，過份！！！

每次到大角咀都想起金船長，身邊幾個朋友試完都推介，令我更加心思思想試下。這天又在附近，終於約到人一齊去食。店內很黑，但地方比較細，餐枱的擺佈有點茶餐廳感覺，稱不上有情調。小店的店員態度友善，雖然沒有訂枱，但也很快安排座位。帆立貝煙肉卷沙律以煙肉包著大大粒帆立貝，煙肉不油膩又不太咸，值得一讚。新鮮沙律配上黑醋，開胃之選。黑松露菌醬意式馬斯卡普芝士夾心比薩最期待的夾心比薩，果然沒有令人失望，一上枱已經傳來松露的香氣。外層很脆，中間夾著香濃的黑松露和淡淡的mascarpone芝士香。淋上提子汁，再試一口。提子汁很清新，甜甜的提子味很好吃，卻蓋過了松露和芝士。最後放上沙律菜，加點提子汁，感覺更fresh。但最喜歡還是第一種，夾心比薩本來就已出色，加上配料反而畫蛇添足。Risotto Ball炸得不錯，夠脆又不油膩，但味道普通，很淡，芝士味不夠。青口好大隻，鮮甜肥美。白汁都幾好，忌廉味香而不溜。蒜蓉包又脆又香蒜味。牛柳粒鵝肝炒飯飯炒得粒粒分明，香口而不油膩，乾身而且軟硬度剛好。加上毫不吝嗇的鵝肝和牛柳粒調味，不錯。既然主菜做得好，當然也要試試甜品，選了心獨軟和朱古力味梳乎厘。幾好食，喜歡它夠低的

下午5時多才致電訂枱，幸仍能預訂得到6:30pm，最後我倆比預訂時間還要早到了20分鐘，到來時只有兩桌客人，故完全不用等位，但不消一會已近滿座 小吃方面點了芝士煙肉洋葱焗日本廣島蠔，份量不多，只有三小隻蠔，不過味道配搭得剛好，蠔亦是新鮮貨~主菜方面，我倆先點了聞名的黑松露菌醬芝士夾心薄餅，上桌時侍應介紹有三種食法，一是原味吃，二時點提子醋吃，三是夾伴碟的菜蔬吃，我們三種方法都試了，覺得是2+3最好吃 另一主菜點了原隻扒春雞伴黑菌燒汁，女侍應問我們配薯菜、飯或意粉，我們問她薯菜是什麼，她一口回應是薯蓉，故要了這個，可上桌時卻變了炸薯條  即時詢問侍應，卻回應說XXX壞了(聽不清楚是什麼壞了，反正就是沒有薯蓉 )，因我不想吃薯條，故改了白飯罷了~ 幸扒春雞質素還可以的，嫰滑有肉汁，惜醬汁並沒有黑菌鮮味，只是類似一般茶餐黑椒汁/燒汁罷了~ 跟主菜還可加$30配炒菠菜，我們要了一份，但有點失望，菠菜用牛油炒，但牛油下得太重手了，味道太濃烈且太鹹 此外，主菜+$25可轉餐配餐湯和餐飲，再+$38可加配一款甜品，原本只想加甜品的，但女侍應告知要轉餐後才可再加配甜品，男友想反正只是多少許錢