金蒂餐廳

营业中

休息中

不同的朋友都說對此菲律賓餐廳有興趣，雖然質素一般，還是要一來再來，幾乎成了飯堂今次點了扎肉湯米($48) 幾大碗，扣肉是魚形的，頗有咬口，湯底味道一般，跟任何其他午餐一樣，加甜品椰汁西米糕一件，飲品任添飲以這樣的價錢，不值

跟友人又來了這裡午餐今次點了印尼炒飯($50)金黃的炒飯上有太陽蛋，味道okay，但很油膩，十分十分大碟，只吃了一半就吃不下了餐飲可以不停添飲普普通通

與友人來這裡吃午飯，都點了：海南雞飯(無骨、雞髀肉)($55)整體味道不錯，至少比好時好吃一點吧。

成日心思思都會再去食0既菲律賓菜, 亦都介紹過俾唔同0既朋友, 佢0地都好鍾意食... 琴晚又再走去食喇! keke... 尤其出名0既Crispy Pata (炸豬腳), 仲有我至愛食0既Lumpia Shanghai (炸春卷) 都真係唔錯. Calamansi Juice (桔仔汁) 同Thailand 0既好唔同, 好味好多0家! Sinigang 係菲律賓特色0既湯, 但唔係個個都接受到佢0既酸味, 但我同埋屋企人就好鍾意喇! 仲好好多其他好食0既食物不能盡錄! 0個喥每晚都有live band, 都唱得唔錯0家! 點歌仲係free 0既添, 生日仲有free drinks, keke... 一大班朋友去0既氣氛一流!

同事話要來這兒吃海南雞飯，立即冒汗！四個人，三個都要海南雞飯，去骨雞腿位置。我上次試過，發誓絕不再吃。於是點了「Gado Gado」（$50）。製作需時，等成廿分鐘。料多份量多，我都食剩五分一。醬汁略嫌過多，但幾好味。炸薄蝦片幾正！

這間老店就是有齊星馬泰菲印，只獨欠越南菜。很久也沒有幫襯，今日心血來潮要幫襯一下，舖不算小，但星期六的二時過後，只有幾檯客。食到尾又是淨得我們一檯，兩人點了兩個炒飯，一個失誤的點菜，最後還是吃剩。1)印尼炒飯飯炒得乾身，米是長身爽爽，有口感，料不算多，雙蛋有蛋黃汁，也是煎得不錯。2)菠蘿炒飯飯身比起印尼炒飯遜色，不夠爽，不過料很多，又有蝦、肉鬆、菠蘿、腸、花生等，未到好食，只能說尚可。只點了兩個炒飯，就只能就兩個飯評分，其他菜色的好壞不得而知，另外服務方面一般，有點愛理不理的態度，又沒有帶位。

早幾日，玉女新人歌手在生果日報介紹此店。於是，同事建議今天到這兒吃午餐，還指定要食海南雞飯。未夠十二點九巳經六成滿，是傳媒力量！？還是玉女歌手的號紹力？就不得而知。雖然好近我公司的灣仔office，但係好少來這兒，因為唔係咁喜歡這兒的格局。六年以來，只來過三次，對上個次仲係零二年尾！我們都點了午餐「海南雞飯：例牌」。例牌（$47）係雞的上半部，由雞胸和雞翼組成。還有去骨雞脾，約五十二蚊份。因為我好雞胸多過雞脾，所以選了經濟的例牌。約十分鐘，兩盤海南雞飯便上枱。海南雞：皮厚多油，雞肉沒太多雞味，雪味除不了。就連雞皮與雞肉之間那層「寶貴」的雞味凝脂（果凍狀），連影都無！個人認為，這種質素稱不上係似樣的「海南雞飯」！黃薑飯：那碗飯並不是雞油味飯！而是徒有顏色的黃薑飯，…。質地仲要係「散收收」，粒粒皆獨立！餐飲選了凍檸茶和熱奶茶，茶底好淡，不如不飲！都係KC 先生的在「新景園」那名言：「…，亦所以，我從來不花精神去看這些飲食雜誌，信下自己味覺仲好。…」

海南雞飯好正, 個汁好好味, 仲有得添飲(或湯), 不過有時候d冷氣唔係好得, 食到好熱

似乎是我之前搞錯左. 上次朋友W介紹的, 應該是此Cinta, 不是另一店Shinta.今日與朋友再食, 照舊, S叫無骨海南雞飯, 我叫巴東牛肉飯, W叫印尼午餐(白飯配蝦餅, 椰菜及雞片). 巴東牛肉飯包括:銀魚花生、巴東牛肉、咖哩雞、酸青瓜、煮豆腐及白飯、飲品(有refill). 巴東牛肉比之前酸, 冇咁好味. 咖哩雞太鞋, 直情放棄唔食. 其他就冇失手.當我懷疑是否只有巴東牛肉不同時, S說海南雞也不及以往有雞味, 懷疑是廚房換了人. 下次相約在灣仔要換地方了...

寫的是謝菲道廿幾號的金蒂。尋日要去喜萬年走一趟，為朋友安排昨晚的乳豬宴。路經此地，平日來飲野都有，不過食野就未試過，見佢人亦不少，照計亦有番咁上下質數，就來吃一下。午市有套餐，有一飯兩菜的，又或是家鄉飯餐，全部都係45蚊，我就選了巴東牛肉餐。除了巴東牛肉，還有酸青瓜、炸花生小魚乾、咖哩雞、參寶蛋同豆角，當然還有飯。每樣幾件，圍滿圓碟。酸青瓜雖是前菜，都不失禮，醃得軟身酸酸的又有少少甜，幾好；炸花生小魚乾香脆，個人而言非常愛吃，如用來送酒睇波睇戲小吃，都不作他選，這裡的亦香口好吃，給我吃清光；巴東牛肉雖然外表黑黑實實的，但咬落唔韌，微辣又夠味，也好味有水準，但只得三舊，有點不夠喉；參寶是一菲律賓的煮法，只酸酸甜甜的，無咩特色，又或是不曉得欣賞，這個參寶蛋也就食左就算；咖哩雞一大舊，但雪藏味濃烈，是全碟最一無是處的菜色，吃了幾口也放棄了；飲品是任添的，而幾位南亞裔侍應亦主動的為人客添飲，飲到夠為止。又幾位男女侍應sir前sir後的，好有禮貌，亦好笑容，服務態度不錯；菲律賓菜就只懂pata及baka兩味，前者是燒豬手，後者是燴牛肉，這裡兩樣都有，價錢亦相宜，搵日要再來飲啤酒食巴東牛肉及燒豬手

Mainly Philippine food is being offered. The client is also significantly Philippines.There are lots of gweilos dining with their Philippine acquaintance especially on Saturday and Sunday evenings.Singing starts at 9.00 in the evening.It's a nice place for a taste of Philippines cuisine!

食品特別有東南亞風味而且晚上有菲律賓歌星唱歌又食又聽真是人間樂事