金記冰室 (八號花園) (已結業)

晏晝出大埔食飯，咁啱經過呢間冰室，見佢都開咗一排又未試過，決定入去試吓。我點左一個口水雞套餐，個餐包括一碗飯、一碟口水雞同埋一碗湯，舖頭有講佢每一日都有精選嘅靚湯，而今日係南瓜雪耳木瓜煲豬骨。落單可以用QR code，唔使侍應落單，都幾方便。口水雞食落唔係辣，而雞就好似唔夠滑，同我想像中有啲差別，碗湯就正正常常咁，呢一個餐晏晝$68 ，價錢略貴，但係質素就比較一般。我見其他人都係食什扒飯、或者呢間舖頭出名嘅唔係食雞而係什扒。

曾經同朋友研究過究竟法蘭西多士裏面係應該有冇花生醬嘅呢？我阿媽年代嗰時話有，而家呢個年代又好似冇，但我始終都係鍾意食有花生醬嘅西多士。今日又被公司安排放假，瞓到自然醒就落街買個早午餐，好耐都未食過 法蘭西多士$32，金黃的外表，重點係中間有好多花生醬，味道香濃，粗粒花生醬更加係我最愛，好食到停唔到口，而我竟然忘記咗落糖漿，如果唔係味道更加經典，整體都係好味！食茶記又點少得 金牌乾炒牛河 $65，貴得有道理，乾炒牛河有鑊氣，乾身而且炒得均勻，牛肉份量多，肉味濃郁，而且入口柔軟多汁，唔會乾。再追加一個 招牌鮮牛肉餐 $52，天氣悶熱有時會冇乜胃口，招牌鮮牛肉米粉，湯底好味道，鮮牛肉嫩滑，食落都幾開胃。因為配西煎雙蛋跟牛油多士，多士返到屋企都仍然係脆卜卜，真係要讚！整體感覺更加豐富。

最近疫情雖然緩和，不過有時都會選擇買外賣返屋企食上次喺度食過堂食，小菜味道都唔錯，今次就買返去試下外賣係咪都咁好食外面餐廳有啲推介，有啲餐仲有老火湯送外賣紙上嘅選擇都幾多，有焗飯麵、小炒、港式茶餐等堂食嘅餐牌都可以轉外賣今次買咗2個晚餐同一杯特飲海南雞飯呢個飯睇落賣相精美，無骨嘅雞肉，配搭薑蓉、醬油同花生，另外仲有一碗老火湯，份量十足最鍾意食啖啖肉嘅雞，唔使吐骨，非常方便睇返是日例湯，呢個應該係蜜棗西洋菜煲陳腎湯，打開蓋已經聞到一陣清香嘅湯味，清熱潤肺非常有益惹味黑椒牛舌粒炒飯呢個炒飯有非常濃郁嘅黑椒味，食落辣辣地，炒飯粒粒分明，鑊氣十足用牛舌去炒飯，飯中帶有少少牛肉嘅香味，令呢個炒飯更加好食蛋白杏仁茶杏仁茶好香濃好滑， 入面加咗少少蛋白暖暖哋入口，飲完非常舒服整體食物質素都唔錯，同堂食都唔係差太遠，有時想喺屋企慢慢享受晚餐，都可以考慮喺度買外賣返屋企食

咖哩雞排飯：咖喱是一個微辣嘅咖喱，越食越滋味慢慢不知不覺就會食了好多飯，咖喱好多汁食一碗飯都未食完咖哩，而雞排好大塊，肉質軟嫰。焗白汁粟米魚柳飯：魚柳好大塊，基本上完全遮蓋整個飯，平時吃的只會給一塊就算，這個是有兩塊完全遮蓋整個飯，所以感覺很花算，還有炒飯底乾身得來又不會很硬。芒果凍頂烏龍冷泡茶：茶的味道好清新，有果汁味又有點茶中和左不會太甜，好好飲。蛋白杏仁茶：真的有蛋白在裏面，還要差不多是一顆蛋，用料很足。

最近疫情關係好多人都會買外賣返屋企，避免喺餐廳多人聚集用餐傳播病菌的機會，我今次就係位於大埔中心的金記冰室叫咗幾個外賣套餐返屋企食。職員服務殷勤親切，先俾一份厚厚嘅餐牌我哋揀選食物，食物圖片好吸引，一口氣就叫咗三個套餐！金記精選之一 金牌乾炒牛河 即叫即炒，食落去好有鑊氣，而且牛肉嘅份量多，配料嘅芽菜同埋河粉好入味。仲有我最愛嘅雪菜肉絲米粉套餐，配以腸仔、炒蛋及多士認真豐富，炒蛋好香滑，雪菜肉絲好足料，所以成碗米粉好濃郁。朋友的迷你西多士茶餐又係好吸引，炸雞髀配迷你西多士簡直是絕配，我都忍不住偷食一舊雞脾肉，肉質很新鮮嫩滑，迷你西多士仲有煉奶配送，更加Creamy。最後一杯凍檸賓爽一爽喉嚨，簡直是夏日飲品之選。這個下午茶既豐富又抵食，難怪我一向都是金記冰室的粉絲！

肺炎橫行之下我都多咗叫外賣返屋企食， 平日因為懶嘅關係所以都會喺屋企樓下嘅餐廳買外賣， 食到有些厭， 所以呢日試下大埔嘅金記冰室， 餐牌嘅選擇都有幾多。咖哩牛腩飯呢度嘅咖哩係近是馬來西亞嘅咖哩， 好香咖哩味和椰汁香味， 牛腩炆得夠淋， 夠入味， 唔算好辣， 平時食開小辣嘅人一定食到。xo醬海鮮炒烏冬烏冬炒得夠惹味， xo醬味都幾出， 海鮮有魷魚蝦仔蜆仔 ， 烏冬嘅質地唔會煮得過淋。呢日試咗餐廳嘅外賣覺得餐廳嘅出品都唔錯， 有機會會同屋企人去糖食試下。

經常光顧的金記冰室,住大埔中心的街坊應該一定有食過。首先環境方面十分整潔，疫情下更加消毒做足，而且有膠亷及膠板阻隔，令人用餐安心！價錢方面合理，而且小菜、常餐、焗飯一應俱全。是日外賣回家，點了焗鮮茄焗豬扒飯，+$5轉吉列豬扒，非常抵！另點了咖喱牛腩飯給男友，咖喱系列都算人氣之選！半價加了杯熱奶茶，茶餐廳奶茶真是人間美味，香滑茶味濃郁，不加糖都非常順口美味！焗吉列豬扒超級巨型，比我的臉還要大，要另外放一個外賣盒！豬扒鬆軟，炸漿厚薄適中，非常脆口！焗飯用上炒飯底，粒粒分明，用上鮮蕃茄夠鮮甜，是我的最愛咖哩牛腩都好不錯，咖喱香滑，不辣，但椰香味濃郁！牛腩都算多，不痴牙，夠哂稔軟喜愛金記另一原因就是出餐夠快，對於沒有耐性的我真的好適合

老公今晚又想吃金記的乾炒牛河，就一齊走到在家附近的店買外賣回家吃。點了一個精選晚餐，黑松露帶子炒蛋$74，附送老火湯及一杯飲品。金牌乾炒牛河$58，可以半價($10)加一碗老火湯。原來星期一至星期日都有不同的齊抗疫老火靚湯，星期日為猴頭菇山藥煲豬骨湯，滋補強身，增強抵抗力，滋補脾胃💪👍黑松露帶子炒蛋 - 帶子肉質嫩滑，炒蛋非常幼滑，配上味道香濃的黑松露，簡直是絕配。乾炒牛河的水準也是這樣好，不會過油或過咸。

每晚經過金記都見到等外賣的人企滿周圍，我終於發現抵食攻略，原來買現金卷已經有推廣優惠，而家外賣自取更加有折頭添！咁就真係抵上加抵！最近疫情加上 Social distances 令家人唔敢出街食飯，我做咗屋企嘅外賣仔啦！冰室收銀處裝修成火車收銀處，火車迷一定好喜歡，雖然係叫外賣都一樣要探熱㗎！做得妥當食客都食得安心啲。見到老火湯啱飲一於叫個晚餐，老火湯一星期晚晚都唔同款式，粉葛赤小豆紅蘿蔔煲豬骨湯，真材實料，唔會太油膩，鹹度適中。這裏的羅宋湯也是招牌菜，味道夠晒濃郁，而且充滿大量蔬菜，口感健康。味菜炒牛肉 少鹽少糖食店，晚餐我叫咗個中式小菜套餐，送白飯比較適合家人口味。主菜配白飯同飲品非常超值，味菜味道甜甜酸酸非常開胃。炒牛肉份量足料，牛肉味道濃郁，肥瘦均勻，肉質柔軟。大量配菜有彩椒、洋蔥、野菌蔬菜令彩色豐富，口味清新好多，撈飯一流。四川重慶口水雞愛食辣味又鍾意刺激，四川重慶汁濃郁重口味口水雞最啱我，味道辣得來十分刺激，花生粒粒增加口感，雞肉嫩滑多汁，味道方面有水準。餐飲嘅香滑奶茶果然香濃夠滋味。

疫情期間，餐廳都各出奇招，務求吸引顧客多點外賣，少些逗留在外，而這間金記冰室亦都以此作招來，外賣自取77折，即係$3-40就可以食到晚餐，好過返屋企煮。番茄濃汁焗厚切豬扒飯豬扒約1-1.5cm厚，肉質很腍，沒有加鬆肉粉，飯是炒底，煮得爽口，加上特濃番茄汁，酸甜開胃。干炒牛河招牌炒河河粉分開一條條，不是炒完一餅，牛肉嫩腍，還有些韮王、芽菜等配料，味道不會太咸，非常爽滑且有鑊氣。炸雞脾原隻炸脾炸至外皮金黃香脆，裏面保留了肉汁，炸雞火喉控制很準確，雞肉嫩滑多汁。

通常屋企冇飯開都會係附近買外賣返屋企開餐，是日又去咗平時都有食開嘅飯堂金記冰室買外賣食係餐單上已有多款選擇同精選晚餐供應，揀了一款秘製咖哩牛腩飯同精選晚餐味菜炒牛肉，套餐附送白飯，老火湯連餐飲，買完都要係門口等候，咁啱又係晚飯時間特別多人外賣，終於都攞到返屋企準備品嚐一餐美食先飲碗是日老火湯係蓮藕蟲草花羅漢果，再來係呢款味菜炒牛肉已聞到陣鑊氣嘅香味，牛肉肉質夠晒嫩滑沾滿豉椒汁香味再食件酸甜又開胃味菜，一齊放係飯上一啖餸一啖飯特別惹味到另一款係食極都唔會厭嘅咖哩牛腩飯，最緊要分開盛載上確保食到原汁原味每件牛腩都有咁上下份量食落口感十足，連埋脆炸薯仔同濃郁惹味咖哩汁再淋上飯一邊食夠晒刺激，飯後再嘆番杯香滑熱奶茶咁就最佳嘅配搭。

今晚放工行過這裡見到做緊外賣優惠，反正都係要食又唔想煮，在出面望吓個餐牌有喜歡嘅口味，跟住入去收銀位置，點了個京都肉排，加多$18變套餐有個老火靚湯加埋個飯同凍飲，同埋個金牌乾炒牛河，取票後在門口等了陣，等緊時都好多人，因為晚上六時後就有晚市外賣自取77折優惠！店員包好，安心回家享用，兩個人份量絕對足夠，雖然係外賣，但份量仍然十足，京都肉排夠晒酸甜開胃，入口啖啖肉，加埋個白飯，真係十分好味道！而金牌乾炒牛河一樣炒得十分夠鑊氣，一打開，整個空間都係乾炒牛河嘅味道，牛肉大塊軟滑，河粉彈牙煙韌，好有口感，加埋個個老火湯，亦十分足料，今晚就係雪梨粟米無花果煲豬骨湯，入口夠晒潤喉滋潤！最後加埋杯香滑奶茶，在家中作慢慢嘆埋真係另一種感覺！

疫情期間不宜外出用膳，所以近排都多咗留喺屋企食飯。今日想躲下懶，老公提議不如近近哋，去附近買外賣，唔使煮又唔使洗，乾手淨腳。揀咗位於康怡廣場嘅街坊飯堂「金記冰室」，估唔到嚟到嘅時候只係啱啱過咗六點鐘，門口已經企滿等外賣嘅客人，可見附近嘅街坊都相當捧場。揀咗兩個晚市套餐，套餐包熱飲同是日例湯，這晚嘅例湯係雪梨粟米無花果煲豬骨湯，雖然等咗一段時間先飲，但湯身入口仍然是暖笠笠，入口清甜溫潤，養陰潤燥，用作抗疫湯水就最適合不過。馬來咖喱牛腩飯 ($75)：牛腩份量極多，足足有成 7、8 件，件件都肥瘦適中，而且燜得軟腍入味，入口一點也不柴皮，相連的軟筋膜亦爽滑不韌。咖喱汁辣味較重，但又未致會蓋過牛腩的肉味；薯仔吸收了咖喱汁的味道，用來配白飯吃一流。芝麻黑糖醋骨 ($75)：糖醋骨賣相唔錯，面頭灑上了少許白芝麻，入口甜甜地又帶點黑醋的酸香，而且食落仲保持住炸過的香口，脆得嚟又唔痴牙。白飯粒粒分明，乾爽有嚼勁。

金記冰室在全香港開了很多分店，最近一間開了在我家樓下。鄰近港鐵站的接駁巴士，地理位置上可謂也算方便。這裏的環境不錯，店員也有禮貌。我同屋企人叫咗三個餐，不過不失，高於一般茶餐廳的水準。而且在製作上也件用心，選材方面也做得不錯。這裏跟其他茶餐廳一樣，都會有奶茶可供選擇。這裏的凍奶茶，採用了無冰設計，甜度調校得適中。叫咗份常餐，炒滑蛋炒得具牛油🧈味，火候控制得不錯。之後係乾炒牛河，乾炒牛河味道不算特別鹹，河粉炒得乾身，牛肉好食。之後來的是一份鐵板，熱辣辣的鐵板，配上預先醃製好的牛扒，加埋其他薯菜一齊食，適合喜愛鐵板的人士。芥蘭，煮得非常好。這裏出名的是菠蘿冰，跟傳統不同，這裏不用糖水，易用雪碧，也不忘叫了一杯。如果對比其他茶餐廳，這裏的食品可選非常不錯。高於一般水平。

又要入大埔食lunch，真係好遠呀！雪菜肉絲米 - 其實係好普通嘅茶記米粉，但都唔差，個湯底好有味！XO醬豬扒炒公仔麵 - 由於本人唔識芽菜韭菜之類嘅嘢，所以就落咗order要全走，令到碟公仔麵睇落好似好單調咁，不過不能不說，一上枱嘅時候好香，雖然係炒公仔麵咁簡單但係真係唔係間間茶餐廳都可以炒得好食！豬扒份量比較少，收$58但得三舊豬扒，睇落有啲孤寒！凍咖啡有少少偏酸，不過一般茶餐廳都係咁！總括，不過不失嘅茶記，但如果要再揀未必會再返嚟幫襯！