金記冰室 (康怡廣場北座)

营业中

休息中

金記冰室，通常係外賣菠蘿包同蛋撻，未試過坐低食。今日坐早咗班車，見仲有時間就坐低食個早餐先。金記早餐同平時茶記一樣，都係賣港式早餐，唯獨早餐中有兩個set同其它茶記唔一樣，所以揀咗個試試。💎 招牌牛肉米粉配火腿炒蛋米粉中有牛肉，薑絲，葱同米粉，份量唔算多，食完唔算飽，牛肉中規中矩，但如果食港式早餐吃到悶的話，有其它選擇都幾好的，佢炒蛋份量算大。💎 仿鮑魚火腿通粉配煎蛋通粉中有仿鮑魚絲，火腿，通粉，火腿份量算，反而通粉份量不多，煮通粉嘅湯都算濃。

間野唔算乾淨, 正常茶記但係d 野唔平. 諗住d 野食應該都ok, 呢個炒飯order 過2 次, 第一次已經好油, 第一次以為失準, 點知今日order 第二次係一樣咁油最下面d 飯係油浸咁, 4份1盒飯食唔到. 不會再order

工作一浪接一浪⋯⋯做都冇停手⋯⋯連晏晝飯都冇得閒食！今晚兩個女又冇跟我哋一齊食飯！我哋決定去最鍾意嘅茶記⋯⋯🥢🥢金記冰室🥢🥢羅宋湯香濃美味！口感豐富，酸酸甜甜好開胃，最重要係熱辣辣的⋯⋯芝麻黑醋骨黑醋醬汁非常美味，肉質能夠保持外脆內軟，送飯一流⋯⋯菠蘿咕嚕肉菠蘿咕嚕肉色澤誘人味美，我老婆每一次必點！肉質酥脆可口！酸甜適中！最欣賞係用新鮮嘅菠蘿來做㗎⋯⋯XO醬蝦球炒西蘭花🥦蝦球超大隻而且非常爽脆！西蘭花炒得剛剛好保持爽口！加同炒XO醬炒超惹味⋯⋯今日不得不讚每一款熱食無論湯丶小菜丶白飯😬飲品🥛都能保持熱度⋯⋯👍蛋白杏仁茶甜度剛剛好！充滿杏仁的奶香，蛋白滑溜⋯⋯推介👍非常滋潤！菠蘿油🈶️驚喜，頂層香脆麵包鬆軟！牛油🧈用🧊承載着保持冰感！超正⋯⋯服務質素相當高⋯⋯有熱誠！茶餐廳都能保持咁嘅水準真係唔簡單⋯⋯

將近懸掛八號風球，也許翌日會放假一天，與友人來到冰室早早吃個晚餐回家。尚未到晚飯時間，餐廳已坐滿了人。我們碰巧坐到近窗邊的位置，享受風球前夕的晚餐。友人一如往常點了一個海南雞飯($78)，配油飯、飲品及老火湯。海南雞無骨、嫩滑和多肉，配上香郁的油飯，加入數粒附隨的香脆花生和薑蓉，滿足味蕾。海南雞飯加了一個白灼菜心(+$16)，份量足，菜心蘸上䜴油，新鮮爽綠的菜心烹煮時間適中，菜心莖爽口清嫩。麻婆豆腐煲配白飯($72)是新推出的冬日系列，一早想吃麻婆豆腐煲，但一直找不到這款。麻婆豆腐量足，不會太辣，醬汁多，可用來拌飯。以煲製作，味道比一般麻婆豆腐香和惹味。香港老火湯($20)，每次來都是不同的老火湯。這次的老火湯同樣火候十足，單點這碗湯比一般附餐的湯份量大得多，配料都煲得軟稔。綿滑蛋白杏仁茶 (跟餐+$10)，燙熱的蛋白杏仁茶需待一會才能喝，有濃厚的杏仁香味，在冬天寒冷日子，喝一杯杏仁茶更能暖入心脾。一大件蛋白在杯中，一如飲品名稱所示，十分綿滑。另外外賣三個麵包作明天的早餐，打風也能留在家中吃。特製豬扒包 ($34)，一口外賣盒裝滿豬扒包，豬扒包一開二，份量十足，放進微波爐叮熱吃，散發出

點左西冷牛扒 等餐中問待應拎定扒刀諗住開心開大餐冇諗過金記原來冇扒刀咁問待應可唔可以幫我切埋個後生仔待應仲串我點切可能係我能力問題啦用餐刀鋸扒都好難切後來唯有取消點過另一樣唯是次用餐實在不愉快而且奇怪為何堂堂金記冇扒刀提供唔會再幫襯啦

今日輕食快午餐 是日精選焗飯加常餐 招牌焗豬扒飯 一件大厚豬扒 放滿炒蛋飯底加芝士加番茄醬汁焗香豬肉厚身鬆軟,加上滿滿芝士溶至焦香 番茄汁濃郁 炒飯底夠鬆爽不油膩食起黎味道唔錯 豬扒大件份量大碟 芝士加醬汁無敵的夾,好食常餐豬潤片夠爽口洗得乾淨無泡 配清湯通粉 牛油包配滑蛋加檸茶 牛油包抹牛油食味道夠鬆軟,炒蛋夠滑溜有牛油香食物快,水準合格,價錢不貴 太古康山道1-2號康怡廣場北座地下G5-G6號舖消費$120

一直都好鍾意食金記 非常港式又多選擇。但經過一年再去已經今非昔比。 大概8:30去，安排坐卡位，但張枱未坐已經見到冇抹乾淨 仲有飯餸係張凳 好明顯係求其抹兩下。 坐低張卡位好迫仲比野咬，感覺已經周身唔舒服，仲比我地見到有隻曱甴係張枱附近爬，隔離仲要有人食緊野。同個店員講，佢只係整死咗佢就算，一句唔好意思都冇講，當冇事發生過。證明衛生真係好差。唔坐都坐咗入去，我哋就照嗌嘢食，嘢食真係好一般，自己整嘅粟米魚柳一定好食過呢度。真係非常失望。入去之前仲覺得終於都可以再食金記好開心好期待，點知而家只係裝修感覺新/高尚，實際同普通茶餐廳冇分別。

今晚我跟皇太后&太上皇去看  T.V., 唉 T.V. 壞了, 太上皇說去了荒島, 靜英英, 唯有即刻去行行. 皇太后一直都很想吃這金記的 塔麵, 但我那位 公主大人 不吃 茶餐廳的, 所以一直都無機會去吃, 今晚難得她沒來, 那我就跟太后去吃啦...我之前是沒見過這個塔的, 只是太后說行過見人吃, 好像很得意, 所以想試試, 上菜了 OK 禾, 有點特別 (可能其他地方都有, 容許我有點 吃識少 ), 夾了真是超脆, 看起來份量不多, 但夾下夾下, 原來都很多的, 我們剔了 少油少鹽, 雖然這是炸的, 但油不多, 碟上沒有油剩下來, 抵讚. 肉絲味道都好 (少油少鹽), 不是大濃味.太上皇喜歡吃咖哩, 我們還叫了 咖哩吉列魚柳 飯,  咖哩汁是一般港產咖哩汁, 那塊 吉列魚柳 都好大塊, 炸得都 OK  脆.是日價錢...平靚正.

係康怡入面呢間冰室，每逢星期六日都好多人排隊，今日想食個靚早餐，10點用個app拎飛都要等三十張，但啲飛都去得好快，都唔洗15分鐘就入到去食。叫返佢招牌豬潤通粉，keep到水準，啲豬潤好滑口，配埋配茶走，飽到lunch都唔想食。

選擇金記冰室😊因為最鍾意清潔保持得非常好👍現在這個疫情雖然已經平復下來，但係保持清潔都非常重要！仲有當然係食物質素高而且價錢便宜和服務質素高啦⋯⋯霸王雞雞肉非常鮮嫩！肉質新鮮！配以大量蔥絲薑絲特製嘅豉油汁😋超好味😬咕嚕肉咕嚕肉外脆內軟，入口香嫩，酸甜適中，配搭清甜菠蘿🍍和洋蔥🧅青椒🫑送飯一流😋XO醬翠玉瓜蝦仁蝦仁彈牙爽脆，而且蝦仁勁大隻！配以口感爽脆嘅翠玉瓜，超夾😬最鍾意XO醬同炒非常惹味⋯⋯我每次都會點羅宋湯！因為真係好好味😋不過凍咖啡都唔錯㗎⋯⋯好香濃！我老公就最鍾意飲凍檸茶七因為佢係原罐七喜🤓⋯⋯

金記冰室店鋪雖然懷舊，但己經開始使用QR code點菜，而過程非常簡單，可按自己喜好點選菜式，鐘意飲品少甜多奶，全部自己落單，跟得上潮流太古分店既金記環境夠寬躺，環境空氣通爽乾淨，價錢亦都不貴；天花用汽水盤做裝飾，幾特別點了2人dinner set, 包老火湯、白飯、小菜及飲品各2款，都係$172底食另加金磚風沙炸豆腐例湯：青紅羅白豬骨湯，飲落唔覺有味，似阿媽煲既老火湯，飲晒!霸王雞：雞肉嫩滑厚肉，雞皮爽口，多蔥粒作點綴，一起食，增添口感和味道。豉油有一點點甜，鹹甜的豉油用來拌飯，都幾開胃新鮮菠蘿生炒骨：食得出係新鮮菠蘿，可以吃到甜中帶酸天然的感覺，罐頭菠蘿做不到這新鮮味道; 生炒骨炒得香脆可口，不會太油膩，而且好有獲氣❗️金磚風沙炸豆腐：賣相相當不錯，整整齊齊的排列。豆腐炸得外酥內嫩，外皮炸到金黃色，脆薄而不鬆散，帶有椒鹽味，豆腐口感細膩，滑溜溜的，美味可口，令人一口接一口，熱食味道和口感更佳，值得一試！凍唂咕：唂咕香濃，甜味適中，點了少甜熱檸蜜：檸檬有5塊而且厚片，檸味十足

首先，杯凍奶茶完全冇味好難喝！叫咗一份金記三文治，三文治已經凍晒因為一直冇人拿上來！三文治碟邊有不明藍色嘅污點！所有員工態度十分差，不懂尊重客人的需要同要求。食到一吐氣，最後把所有食物取消，向高級員工投訴但係堅持冇做錯。好失望。

粟米魚柳點樣整先好食？呢條問題一早已經有答案，就係好似金記咁整就好食。金記嘅粟米魚柳望上去令人垂涎三尺，金黃色嘅外表，再伴隨濃厚嘅粟米汁，賣相已經好吸引。我同女朋友急不及待咁夾咗一舊，一放入口，粟米汁帶著微甜，瞬間流入口中，魚柳香脆可口，師傅用心烹調，以猛火落鑊炸起，鎖住魚柳嘅鮮味，魚柳用料亦上乘，食落唔會有種溶爛嘅感覺。之後仲叫咗個鐵板雞扒，肉質嫩滑，雞扒嘅外皮處理得恰到好處，師傅利用鐵板嘅餘熱，令已煎好嘅外皮更香脆，同時可以保存雞扒嘅温度，令雞扒肉質唔會變老,非常值得推介

今晚喺太古諗唔到食咩，又去咗金記食晚餐，坐低見到隔離喺度鋸扒，聞落去香噴噴，所以同朋友各自叫咗個雜扒餐，有煙肉，腸仔，牛扒，豬扒同雞扒，餐湯及意粉，仲包一杯餐飲，都係百零蚊。西餐湯係傳統茶記嘅紅湯，味道好豐富，有好多蔬菜，有茄膏的味道，飲落都幾香濃，完全係兒時嘅味道。個扒上枱，淋上黑椒汁，鐵板咋咋聲，香味撲鼻，非常之吸引。腸仔煎得非常香脆，煙肉一片剛剛好，雞扒有口感，雞味不錯，雞皮有油香。牛扒係傳統薄薄一片的，當然唔係追求和牛的味道，入口鬆軟，肉味正常。連骨的豬扒最好味，大塊又厚身，師傅應該有幫佢做過按摩，口感唔錯，有肉味又唔會太淋，不似一般茶餐廳有過重的梳打粉味。鐵板仲有少少洋蔥墊底，幾惹味，同埋粟米，西蘭花及兩個蕃茄，顏色鮮艷。配上最愛嘅茄汁意粉，簡直係無敵。餐飲加$3就有杯凍檸茶，份量都幾大杯，茶色淺啡有茶香，檸檬都有四五片算交足貨。唔知點解細個，每逢大事大節，真係鍾意鋸扒，好懷念當時嘅味道，今晚所有回憶都返晒黎！餐廳而家仲有啲二人或四人晚餐可以揀兩三個餸，都幾吸引，下次應該可以試試。我覺得金記食物嘅水準幾高，而且價錢非常之抵食又大碟，唔怪得今日閒日都爆場，仲好多人等緊外賣！

海陸空鐵板餐超級豐富，有炸魚柳，豬扒同埋雞翼，我揀咗意粉係茄汁意粉，配菜有粟米西蘭花蕃茄仔。個魚柳超嫩炸得，豬扒唔太厚但好有肉味，食到係幾新鮮嘅，雞翼炸好熱辣辣。我揀咗蒜蓉汁，上枱時鐵板好夠熱啲汁淋落去嘅時候查一聲！好正，好耐冇食過有質素又性價比高嘅茶餐廳鐵板餐！我仲揀咗配紅豆冰，紅豆冰粒粒勁大粒👍🏻我朋友叫咗個海南雞飯，睇起嚟起碼都有大半隻雞咁多有脾有翼，雞肉同雞皮都好香好嫩滑，覺得個油飯出色，有好香嘅香茅味同埋其他香料嘅味，唔係hea雞油飯，另外配料有海南雞醬油，炸嘅脆花生同埋姜蓉。個老火湯都唔錯，無味精好夠味。食飽同朋友傾計又口痕另外仲加咗個茶餐同朋友share，雞髀西多士，夠鮮鮮熱辣即叫即整。唔錯。令我意外嘅係金記都算係一間茶餐廳，但係佢哋嘅員工，幾個姐姐都勁有禮貌。我哋去嘅時候三點幾都算爆場，咁忙嘅情況下，由待應到收銀都好有笑容。值得一讚！