金記冰室 (赤柱廣場)

营业中

休息中

今晚放工去赤柱吹下海風，食個晚飯。去得金記冰室，我當然叫鐵板西冷牛扒餐。今晚揀咗配薯菜同蒜蓉汁。牛扒七成熟，喺鐵板上滋滋餐煮一陣都接近八九成熟了，牛根同脂肪部分鎖住豐富肉汁。主菜除咗有厚切波浪薯條之外，仲有西蘭花，粟米，櫻桃蕃茄，唔止營養豐富，顏色都豐富。加$16仲有一碟白灼菜心，增加蔬菜纖維無妨，加埋蠔油釣味，甜甜的。今晚揀咗中式老火湯，唔會油膩，又補身。我特飲就揀咗熱嘅蛋白杏仁茶，杏仁味濃郁，熱騰騰的，飲完暖笠笠。

Had dinner last night at this restaurant. The first dish came with cockroaches on the rice. There was hair on the French fries. There was also hair on the lemon in the lemon tea. Talked to the manager and he said the problem is in the lighting. He already told management that they shouldn’t use bright lights so that the patrons can see these things in their food.尋晚去赤柱廣場「金記」食晚飯。 飯到左發覺內裡有曱甴🪳。請佢哋換薯菜，點知薯條🍟入面有長髮，話比經理聽佢話同廚房講又不了了之。最後檸檬🍋茶飲到底見到有條短頭髮插係入面。再同經理講佢淨係笑笑口話餐廳用咁光嘅燈難怪啲客人睇到呢啲野。真係冇乎。

打完八號颱風的第二天，除了早上有點點雨，一切也回復了平靜，鬱了在家的一整天，決定到赤柱走走。逛到下午3點多，天色又開始暗，回到車站附近的赤柱廣場用餐比較方便，於是選了金記。霸王雞、沙薑雞每份例牌各$72雞有雞味，沙薑雞滿滿的沙薑粉，香濃惹味，雞件肉厚，例牌份量都不少，真係大件夾抵食！加$15有白飯、老火例湯同飲品，老火湯足料，有豬骨、猴頭菇等，鮮甜好味鐵板美式雜扒$106已包羅宋湯及飲品，可選薯菜意粉或飯。豬扒、雞扒、牛扒、香腸，煙肉、西蘭花、車厘茄……選了蒜蓉汁，熱辣抵食，肉質鮮嫩粟米鮮甜一向食開鐵板薯條得幾條，今次真係喜出望外，有一大碟另上啊🤤🤤食了咁多肉，點兩杯檸水消滯就啱晒！

呢一間茶餐廳同香港其他茶餐廳一樣，本應就唔應該有乜嘢期望佢真係一啲都唔抵食嗰啲收銀就例牌黑口黑面態度唔好，但冇理由我叫豬扒飯外賣後面嗰個又係，反而後面嗰個有先，人哋仲要比我多一盒，安排亂咁嚟。最慘就係啲食物一啲都唔好食嗰啲所謂焗豬扒飯賣$70但係質素差過大家樂好多好多，啲配料又少，又濕，豬扒一啲都唔香，其實呢個係熱茄膏茄豬扒飯。如果冇記錯大家樂招牌焗豬扒飯平過佢好多添。嗰啲乾炒牛河係冇牛肉乜濟，啲河粉碎濕濕，以為係河粉粒，成碟乾炒牛河賣$70但係只值$20左右。服務係例排香港嗰啲茶餐廳咁差，但啲食物又差過人又貴過人，只係好過對面涉嫌經常種族歧視香港客人的不知名暗淡印度餐廳

👉整個赤柱不只風情似外國🏖，連餐飲如是。如果想食中式、港式食物，非座落於赤柱廣場嘅《金記冰室》莫屬😊.📌 鐵板美式什扒（跟薯菜） $109 ～ 叫什扒貪佢乜都有啲唔使諗。味道正常，一大碗黑椒汁唔使限住落。✅驚喜係曲紋薯條另上，唔使次次墊底，索晒油又腍晒 ～ 今次食到尾都仲脆㗎！！📌 鐵板香煎雞扒拼吉列魚柳（跟意粉） $95 ～ 厚切雞扒外皮香脆，略嫌細塊咗啲🤏👉吉列魚柳脆而不油，另上一大碟意粉軟硬度適中，好好味😋📌跟餐羅宋湯足料夠味，唔錯👏📌 酥皮蛋撻 $8 ～ 並沒有坊間馳名的幾百層酥皮，但上枱時依然微暖，酥皮鬆化不膩，最愛蛋漿不太甜，又香又滑，比很多餅店做得好👍👉即時想試埋《曲奇皮蛋撻》，但已經售罄！留待下次吧! ☺️📌 菠蘿包 $8 ～ 周圍都買到嘅菠蘿包，從來冇諗過會喺金記買 / 食⋯今次其實係食飽想食甜品😆.👉一大個菠蘿包，金黃色漲卜卜，整個包都係飽滿狀態，絕非空心包。面層「菠蘿」滿瀉，香脆無比，每啖都被菠蘿覆蓋住，質素超驚喜⋯⋯都只係$8😳✅以後仲唔食硬你～～😎

仿弗赤柱只有呢間茶記，以前大街的食店都不見了。在假日，金記係要排隊的，在炎熱的中午等了差唔好15分鐘。入座後點了牛肉米，煎雙蛋茶餐及麻辣雞米線，加辣，再加一碟灼菜。食物上得快，牛肉米冇試，所以未能評價，但件多士加牛油後淋哂，跟本唔係多士。麻辣雞肉米線，加辣後味道仍然唔辣，但最難食係雞肉，完全冇味，亦唔似雞肉，白色一件物體，唔知自己食緊乜。成餐最滿意係隻蛋及菜，最正常味道，菜淋上甜鼓油，所以食入口甜甜地。呢間金記真係與其他金記有好大落差！

係赤柱行街。經過金記。想食返個下午茶餐午餐肉即食麵。用手機下單。價錢$32。下午5:08下單。等到5:50都無得食。樓面得一個女職員。名牌寫住May。服務態度非常好。有個食客在下單時有誤會。個雞脾焗飯想取消。我見到馬上個阿May講我想用個雞脾焗飯，因等得太耐唔想食午餐肉即食麵。個飯本是$70。經理批準下只收$32。以作補償我等候時間。個雞脾好脆，肉質好彈牙。個飯好重蕃茄味。醬汁好重，飯粒好有口感。個人認為因星期一至五少遊人，金記不想增加人手係weekday。所以要食客等好耐才有得食。

🌕Hello我係Moon🌕我最欣賞茶餐廳嘅原因除咗夠晒經典香港特色之外更重要就係大件夾抵食，😌無論早餐午餐甚至下午茶到係零舍大大份又夠飽，所以一諗唔到食咩嘅話茶餐廳自然就係最佳選擇。😍閑日嚟到赤柱，😋享受陽光與海水嘅滋潤，但更重要嘅就係搵返間茶餐廳繼續享受香港特色。😎鐵板西冷牛扒：😌夠晒經典香港嘅鐵板牛扒就當然要有樓文薯條同埋西蘭花作配菜，所有嘢都係即叫即整確保新鮮滾熱辣，招牌動作攤開紙巾再加埋醬汁倒入去鐵板, 😤渣渣聲就係咁有聽覺感。 味道就鮮嫩多汁，😋而且係正正常常嘅八成熟，些少粉嫩喺肉嘅中間絕對係一個Perfect嘅顏色，😝加埋新鮮炸好嘅薯條脆卜卜熱辣辣，就係咁簡單都已經有享受嘅感覺😇生炸雞髀配薯條： 😜好味嘅薯條一食再食都唔會厭，🥸但最重量級嘅主角當然就係一大舊嘅炸雞髀，同樣都係滾燙嘅熱度，最起碼有個新鮮嘅感覺，😗渣到連雞皮都脆到薯片嘅感覺，話知佢增肥暴肥，😉最緊要就係享受，😙用刀一切都可以輕輕鬆鬆將肉骨分離，但與此同時都繼續食到鮮嫩一絲絲嘅雞髀肉😂芝士焗肉醬意粉： 🥰傳統嘅西式食品亦都經常出現喺港式茶餐廳入面，但唔同嘅地方就係焗嘅溫度似乎會稍微高啲，而且顏色亦都要較為深潤。🤩

見咁好天一家人去赤柱玩，朝早經過見呢間餐廳一直都好多人排隊，屋企人話想午餐嚟試下～我哋大概3點左右去食，排左大約15分鐘就入座～餐廳係掃QR Code自助落單，店員好有禮貌教我哋點餐～咖喱牛腩飯係我鍾意食嘅港式咖喱味道，唔算太辣，牛腩都好夠林，好入味～送飯一流😋鮮茄焗豬扒飯豬扒好大塊，茄汁唔會太酸，味道啱啱好！啲芝士仲有拉絲架～佢哋用咗炒飯底，配埋啲茄汁真心正！菜膽雞叫左個例牌，份量都算多。雞係雞胸、雞翼位置，雞肉都夠嫩滑～菜都好新鮮，唔會煮得太老！炸雞髀公仔麵餐廳都好細心，落單嘅時候可以揀公仔麵要無咁淋，即炸嘅雞髀熱辣辣，因為係另上，保持到外皮脆卜卜，雞肉仲好嫩滑！西多士超邪惡嘅美食😍佢哋用左粗粒花生醬，所以食落好有口感～除咗糖漿之外，另外仲有煉奶俾我哋揀！外面香酥脆，入面鬆軟！味道一流👍🏻

是日放假與家中細細到赤柱泳灘嬉水，遊樂完畢就近到赤柱廣場享用晩膳。金記冰室位於赤柱廣場一樓，在室外廣場位置掛有七彩燈龍吊飾。餐廳內部洋溢一份懷舊風格，並以船倉作設計藍本，切合南區臨海而建的特色。一如其他冰室茶餐廳，金記冰室有各式中西飯麵、常餐小菜等供應。今趟一行四人享用晚膳，來一客四人份量的自選小菜餐最為便捷實惠。除四款自選小菜，套餐另包老火湯、白飯及餐飲各四份。雪梨粟米煲豬骨湯屬是日老火湯，以例湯而言都算足料，湯汁清甜，水準較預期佳。客家沙薑雞例牌份量約有四份一隻，雞件偏瘦，肉質嫩感一般。沙薑汁略稠身，伴飯吃味道不俗。粟米魚柳用上肉質結實的青衣柳，皮薄肉滑味道不錯。椒鹽豬扒惹味可口，口感鬆軟，難怪是餐廳推介之一。XO 醬蝦球炒西蘭花水準平平，尤其是 XO 醬汁明顯過濕，不夠滋味。平日的凍檸樂多數定性為特飲，現在只需當凍飲追加 $3，抵！綿滑蛋白杏仁茶似糖水甜品多過餐飲。雖然要追加 $10，但因杏仁茶香，蛋白滑溜，甜度適中，同樣值得推介！在赤柱這個遊客區，以八九十元享用一份晚膳其實都算實惠。加上餐室食品類型廣，可以一試！

閒日黎到赤柱行行下已經三點，一於食個下午茶醫肚好耐冇黎赤柱，原來依度都有金記金記好呀，夠穩陣😁😁三點半左右，都算幾多人下午茶選擇ok多點左肉醬意粉🍝幾靚仔好食！意粉抵讚，唔會太林👍🏼肉醬同芝士味道同份量都恰到好處又唔會太油或太咸，有水準所以好快食晒😋朋友點左炸雞翼配沙律🥗一大球沙律 好精緻😁😁有薯仔、椰果、粟米、菠蘿，好似好豐富😆😆仲有熱奶茶都唔錯。金記熱奶茶幾正，唔落糖都ok有茶味👍🏼 香濃，唔澀👍🏼食完上返樓上搭巴士夠晒方便😛

到赤柱都有10年八載，今次過嚟撞正毛孩有show，睇完入嚟金記食返個餐，三個人跟住等咗一陣，就入咗嚟坐低，環境都算唔錯服務都幾好，座無虛席，諗起以前嚟赤柱，係得一個乜記可以幫襯，而家就唔同啦有金記仲有肯記，呢次搵金記冰室，原因就係有人服侍，而且又唔使左排右排又等位，所以值得推介。新嚟到完來重可以巴曲入單，不經人手，快而準，入咗單一陣就食物送到。三個餐加個金粒西多配雪糕，呢度食得比出邊好味，佢唔係一般嘅炸硬嘅西多士，粒粒脆口入邊嘅麵包，軟滑總之係正，加埋雪糕，凍熱一齊食，好味呀！重唔使落糖漿咁甜啊！鐵板餐配羅宋湯或中湯，再加埋咖啡奶茶一個餐都幾飽，而且份量唔細。鐵板香煎雞扒拼吉列魚柳，配意粉黑椒汁。雞扒香濃，魚柳煎到啱啱好嘅，意粉因為食唔夠快，雖然係涼咗少少，我地得食得主菜嚟，啲配料就遲啲食，但係做得都唔錯。鐵板海陸空薯菜燒汁嘩海陸空有炸魚柳，一隻雞翼仲有豬扒，薯菜就係炸薯，條魚柳一想炸得啱啱好，介紹隻雞翼雞翼，一隻用刀叉食，就係要考功夫，佢炸得皮脆肉滑啱啱好唔過火，係一隻小咗啲，值得一讚鐵板美式什扒薯菜燒什扒有條腸仔，雖然冇魚柳但係有個豬扒，牛扒，食落一樣係咁飽啊，睇嚟都好似成座山咁樣

今日同媽咪放假行下赤柱大街，到咗lunch time見到有間金記冰室就入去食午飯，我叫咗生炸雞髀即食麵我覺得好抵食，炸雞髀仲有火腿、雞蛋切好一片片，有雜果沙律，炸雞髀外皮好脆，好好味食完呢個咁豐富午餐好飽又抵食

我們在金鐘海濱拍畢鬰金香花，在金鐘乘巴士再到赤柱取景也很方便。時間未到正午12:00，已經到達赤柱廣場，決定先用午膳再賞景、取景。上次來到「金記冰室」大排長龍，今天時間尚早，我們排第三枱，不消十分鐘便可以入座了！冰室環境滿佈黃澄澄的燈泡，小巧的吊扇，粗獷的麻繩裝潢，營造不夜天的熱鬧氣氛。我們過去整年很少出外晚膳，所以午膳都會吃得豐富些！小食:香脆炸薯條，令胃納大開！自選小菜餐~客家沙薑雞、新鮮菠蘿咕嚕肉。嫩滑雞肉配客家沙薑，很久違的滋味，餸飯一流！咕嚕肉夠鑊氣，薄薄獻汁剛好鎖着啖啖軟滑肉排，鮮甜菠蘿塊與紅綠椒是很清新可口的配菜。雪梨粟米無花果煲豬骨湯，湯味清甜，煲豬骨，湯水略嫌帶少許油膩感！飯後甜品~金粒西多士配雪糕，似金磚多過金粒的西多士，外表極具吸引力，沾少許蜜糖醬，入口香酥甜美，火熱熱西多士遇上冰冰甜甜雪糕，雙重美味享受。我的餐飲~咸檸七，幫助消化， 清新怡神。家人是蛋白杏仁茶的粉絲，喜歡杏仁茶香滑口感。大家都吃得很飽，非常有滿足感。

這天，天氣甚佳 ！與家人到赤柱遊覽一下…… 午餐時間到廣場覓食，留意到"金記茶冰室''門前正有食客 輪候入座非常旺埸！ 細看菜牌中西菜式，粉麵甜品五花八門選擇甚多，决定入去一試！傳統金漆招牌很奪目！人氣旺，職員招呼有熱誠！氣氛很好！Menu上的中西菜式套餐很吸引！選了一份二人中式兩餸套餐 $ 168老火湯x2白飯 X 2塩焗鷄(例牌)韭黃叉烷炒滑蛋餐飲 x2另加一碟~金牌乾炒牛河 $ 70老火湯濃郁有豬骨，粉葛足料火候夠！塩焗鷄很入味和嫩滑，沙疆醬汁惹味！很好！炒蛋香滑，份量大！幹炒牛河份量也很足夠！鑊氣中規中矩，味道也不錯！牛肉夠嫩滑。港式冰凍奶茶和咖啡十分香濃！津津有味的吃完以上套餐和牛河，又是甜品時間……點了酥皮蛋撻 $ 8 /個綿滑蛋白杏仁茶 $ 15熱辣辣，濃郁奶白色的杏仁味十分香！蛋白和杏仁茶都滑溜溜的！很享受這頓午餐！感覺很好！回味！再到赤柱遊覧一定不可錯過~性價比高的"金記冰室"！！