金陶軒 (已結業)

今晚一年一度AGM成班童軍一齊去左呢間酒樓食飯各樣送菜都唔錯特別係佢有碟類似糖醋骨既送真係好好食佢D雞好滑,好大隻,唔肥膩竹籠蒸蟹飯就真係麻麻我食唔到蟹既鮮味只係覺得食緊剩糯米飯咁仲有好多碟送,都不過不失而最尾,紅豆沙糖水好甜..總括黎講樣樣野都唔錯,只係略為多油

早幾星期前, 師公牛一, 於是乎諗左好耐去邊度食飯好, 最後決定黎呢度試試! 於是乎為免麻煩一早訂定位, 一行五人準時開餐! 一坐底, 就見到個招牌菜儷影紅紗卷, 一問之下先知係得獎名菜, 所以決定一試! 再叫左一個四人餐, 而四人餐有燒味拼盆, 例湯, 三色蒸水蛋, 魚香茄子煲同埋一條清蒸海上鮮!先講個儷影紅紗卷, 係用越南米紙包住塊牛肉, 做到成個號角咁樣, 然後再將一個混入牛肉粒醬汁爽埋黎食, 賣相一流, 而味道十分出色, 不過個汁就咸左少少, 扣少少分啦; 燒味拼盆有叉燒拼海折, 叉燒燒得好香, 而半肥瘦又好, 好好味呀, 而海折就分爽口, 正呀; 例湯已經唔記得係咪湯, 不過個湯係好清好好味; 三色蒸水蛋都蒸得好滑, 魚香茄子煲都好好, 清蒸海上鮮都唔差, 對於一條青班仔黎講, 佢真係蒸到十分之滑, 絕對係好味, 如果係條東星, 我諗會仲正!個個都食到好飽, 而服務都幾好, 我諗下次一定會再黎呢度!

一行15人嚟咗金陶幹食飯farewell一位靚女舊同事, 因為貪佢一張枱可以容納到我哋咁多人, 又可以坐入房, 自成一角, 唔怕嘈到人..雖然包房要最低消費, 都ok啦.由於有最低消費, 所以我地嗌咗個餐, 另加少少特色小食.食物方面一般啦, 全日最好食係金蒜糯米蟹飯, d糯米飯真係好好食, 軟軟的, 可以一試.包房嘅環境幾好, 幾舒服, 有一張梳化+電視一部, 都還有空間給我哋走動, 拍照, 重可以出露台看激光表演. 環境來說, 真的十份好了..

其實飲茶真係冇咩好寫, 因為我覺得間間酒樓都係咁上下, 當然有d真係好好味啦, 有d又真係好垃圾下囉, 所以我決定試下寫啦!一行五人叫左好多點心, 特別好味有鹽燒茄子, 山竹牛肉, 燒賣! 鹽燒茄子好特別, 好似d薯片咁, 薄薄地一片片, 好味, 連一向對茄子麻麻地我都食左唔少; 山竹牛肉一籠三粒, 牛肉球係帶d紅色, 証明係冇咩點溝d豬肉落去, 好味; 燒賣大大粒而肥豬肉又少, 好好味!至於冇咁好味有腸粉同埋蝦餃, 腸粉唔滑, 好普通下, 至於蝦餃就係d蝦唔好味同埋個皮好厚, 一般啦! 不過呢度環境舒服, 有機會都會再黎!

灣仔區童軍一年一度區會慶典, 在金陶軒擺了廿圍. 餸菜總括來說不錯, 紅燒翅中的翅多得很, 雞很滑, 不過最好莫過於竹籠蒸蟹飯, 蟹的清香味完全溶入糯米飯, 一流!.. 糖水是合桃露湯圓, 雖然油了點, 不過好好吃...^^.. 酒家來說不錯.

今日去左飲茶.....都幾貴...貴係指唔值甘既價錢叫左瑤柱蔥花腸(即係蒸蝦米腸)....$20...面醬蒸茄子......$13麻蓉飽........$10鯪魚球.......$1x (唔記得)辨面.........$48茶$10 x 2人= $20芥......$10埋單$146 ....老實講...甘既$$....有好多其他choice ...佢\既food quality 只係一般...冇衝動下次再去....重有...有個部長好串...衰在佢\埋我張單....所以我一蚊tips 都冇比...@p@

呢間位於童軍總會嘅中菜廳，可能並唔係太多人知道，但自己幾個月前跟女友嚟幫襯過，尚算OK，所以琴日就帶阿爸阿媽嚟食...四個人加埋都叫咗唔少嘢 --- 蜜汁燒風鱔麻麻地，鱔雖然幾新鮮，肉夠彈牙，但燒得唔夠焦，皮唔算太脆，最重要係碟底有太多汁，即係話D蜜汁並唔能夠均勻黐响D鱔度，食味大減；皮蛋酸薑唔錯，皮蛋有少許溏心，薑辣度剛好...招牌菜儷影紅紗卷曾得美食大獎，查實係用越南米紙包住塊牛肉，做成號角嘅形狀，然後將一個混入牛肉粒嘅醬醮點而食。Presentation 一流，食味亦佳，稍嫌牛肉味不濃(可能D牛肉落咗鬆肉粉醃)，但總體嚟講算唔錯...潮式浸魚肚味好清，湯落咗蜆仔同煲，有淡淡海鮮味，幾好，可惜鹹菜不夠鹹不夠酸，失敗...咖喱嚤囉骨--- 查實只係普通咖喱排骨，用上一字排，炆得幾淰；咖喱汁一D都唔辣，淨係有好大咲椰味，唔啱我口味，而且端上枱時碟餸凍冰冰嘅，大打折扣...金蒜糯米蟹飯--- 一大籠份量十足，食嚟食去都食唔晒。糯米飯睇落白雪雪，欠缺色水，但食落頗鮮，有蟹味；蟹係用大隻花蟹，肉頗多，仲有少少糕添，幾好；唯一要彈係金蒜落得太少...可以再嚟嘅...

一位新同事因為是會員, 帶我們一行7人食午餐, 叫了十多款點心, 均有不俗的水準, 人客唔算多, 地方亦頗清靜, 唔係有人帶都幾難搵到來.

跟家人一同晚膳, 地方也是家人挑的, 若非有人試過, 恐怕也不易找到這裡. 裝修簡潔明亮, 當晚人客多, 檯擺得有少許迫, 但也坐得舒服.涼辦涼瓜片是預先訂好的, 大大片的涼瓜很爽脆, 調味略甜, 但確是一道很受歡迎的前菜小食.沙薑雞是特價菜式, 也過得去.原本叫的一道鱔片菜式沒有供應, 侍應建議蜜汁燒鱔, 就試一試吧. 果然沒有介紹錯, 鱔肉非常厚, 外面燒得乾身之餘, 內裡依然軟熟, 配上甜甜的蜜汁, 大家都讚好.鮑魚菇海蔘煲下鋪大量生菜, 主角海蔘和鮑魚菇的份量比想像中少, 好像各有五、六件. 前者還可以理解, 後者的成本應該不算貴, 多放兩片也不為過吧. 我們見這道菜的份量偏少, 以為其他菜式也差不多, 所以又多點了兩個菜. 豈料之後的食物, 原來份量頗大, 個個捧著肚子也吃不完.接著上桌的是砂鍋荷塘鱈魚, 湯裡下了適量的芹菜、胡椒及蕃茜等, 香口得來不會太過濃味, 鱈魚片亦沒有半點腥味, 好吃.南乳粗齋煲又是大大煲的, 我嫌它汁太多. 咕嚕肉也有同樣的問題, 加上炸粉很厚, 可以不試.脆汁牛坑腩其實是炸牛坑腩, 原以為會又乾又韌, 入口卻是軟熟得來有咬勁, 配上一個像甜版咖哩

黎過一次飲茶, 點心選擇多, 而味道算中上, 環境唔差, 都算舒服, 但最令人失望的是, 好幾個侍應的服務態度欠佳.希望佢地會注意這個問題, 然後食物質素再加強少少, 咁應該會幾ok.不過我今次會比「喊臉」, 希望那些侍應會有改進吧!