金饍韓國料理 (已結業)

上星期六睡到下午一時才知醒起床,起身覺得好餓, 弟弟提議到附近的韓國餐廳午膳..打電話去問有冇lunch set, 店員說有, 而且一時半後更有8折~~餐廳門外有好多醃菜賣, 當然少不了最正常的泡菜...仲有d 韓國的罐裝飲料... PINEAPPLE JUICE & APPLE JUICE....以為星期六都有優惠難免要等位, 怎料好快就有位了...先來三個傳統的前菜...點了個烤牛肉飯, 連一個湯, 份量充足...連鐵板上, 熱到有煙出的啊...下面墊了洋蔥, 所以牛肉不太容易燒焦....牛肉的汁味道挺濃, 跟白飯一起吃剛剛好....還點了個石頭飯, 但忘了拍照=__=值得一讚是這裡的服務...侍應不斷加茶, 收碟速度很快...8折後, 兩個人埋單$114~ 以環境和食物來說很抵食啊..以後想食韓國菜都會考慮再來 =)

食LUNCH。附近好多番工既地方，所以邊度都要等位。去到仲有6張枱等。環境OK。服務員都成日JUM水， 所以唔會無水飲。本來想叫黑豚飯， 因為張相既荷包蛋好吸引。但最後都想試另一個泡菜粉絲飯。但叫左有少少後悔，我有另一位同事就叫左黑豚飯。又係隔離飯香？？韓國一食飯就會有幾款小菜食先～ 每人都有3碟﹣ 薯條仔，菜同泡菜。野味，爽，脆同開胃！然後就食泡菜粉絲飯，個樣賣相一般，但食落又幾好味～爆開D蛋黃等佢流落D飯度，再撈埋D泡菜粉絲一齊食！ 好好味。D粉絲濕度岩岩好， 太濕會好水， 太乾會幼到唔似粉絲。咬落去彈彈地，加埋泡菜既濃酸味，一流！如果成碟都係粉絲會覺得太多，加飯的配搭岩岩好，成碟撈好味！仲有個溫度都好重要， D粉絲同泡菜係凍凍地， 但飯同隻蛋就係熱既， 撈埋就暖𣌊地～滿足～無後悔點呢個， 因為叫到同事個黑豚飯唔係好吸引：P好似炒飯加蛋係上面咁。。。。

星期六和家人午餐，一點半左右，阿妹要快食趕住番工又要坐得舒服，黎左呢度。如果食晚飯，略嫌價錢偏貴，午市有套餐， $70 - $80 都食得唔錯。每個餐都跟前菜，一般啦，不過不失。如果唔食辣可以叫佢地換晒菜炒飯：唔知點解係心形，味道一般牛肉粉絲湯：牛肉不算多，味道可以，如果濃味D應該更好燒牛肋骨：非常好，口感不錯又不會太韌，好有牛肉味，有肉汁不太乾侍應都好有禮貌，加水好快

呢間餐廳架午餐價錢合理，有很多卡位，坐得很舒服。午市套餐由HKD58 - 108元，另有加一服務費。套餐包括﹕• 三小碟前菜，泡菜係主膽，其他多數係豆腐製品、素菜或瓜類。天天不同款，經常來也有新鮮感。呢度架泡菜，不算太辣，幾啱我胃口。• 例湯，多數有紫菜/豆腐/蘿蔔同牛肉碎，不食牛肉架朋友就只好放棄，因為只有一款選擇• 主菜，有鐵板烤肉，石頭煱等。以下係我曾經食過架套餐﹕1. 鐵板烤肉(豬/雞)配飯﹕肉很惹味，鐵板很熱，拿來時還有很大煙，但加了太多油，不太健康2. 石煱伴雞飯，熱騰騰的石煱，配以美味的雞肉和生雞蛋，真係幾好味。3. 鰻魚飯，以現時高昂的鰻魚價錢，這個飯的鰻魚份量與價錢都算幾成正比，不算太少。如果多點鰻魚汁，更加好食4. 人蔘雞湯，竹絲雞內有飯，口感似糯米，飯吸收了竹絲雞的精華，特別美味。呢個係我的推介，不過份量對女孩子來說，就會太多。店內著西裝的高級職員，很有禮貌，服務殷勤。通常，星期一至四，一點前到達也不用等位。係太古城區，食中午飯，呢間都係一間好選擇。

喜歡食燒肉的我, 朋友帶我來到這間韓國料理店過下癮. 裝修簡單, 大部份是卡位所以坐得算舒服啦!今次想介紹一下這裡的二人燒肉午餐. 只是$198就有以下的食物 前菜: 前菜是任食的, 有泡菜, 菜芯, 豆卜. 佢地的泡菜都幾好食. 白飯同蘿蔔湯: 白飯是珍珠米, 個湯都幾好飲, 好清甜. 主食: 有牛肉, 雞肉, 豬肉, 和魚. 份量都算好多. 食到好飽. 雖然所有肉類都是醃過, 不過味道都算好食. 過足癮! 午餐想過下燒烤癮, 價錢又要合理, 不防可以考慮下這個燒烤2人套餐~!

星期六下午，搵埋家姐同爸爸媽媽出動去正在減價既百貨公司行下，差唔多成2點先到，搵地方食左個lunch先. 見到金饍，之前响旺角店食過好多次，lunch set都幾ok，所以就試下呢間。原來，康怡店下午一點半後入座，全單有八拆喎！正！我地四個人，唔想食太多肉，所以只叫左兩個烤肉飯，再加個人參竹絲雞。不過，本身個餐有前菜，所以都好足夠架！每個餐都奉送三款前菜，當然唔少得泡菜啦！仲有大豆牙菜同菜，樣樣都好好味，清清地，好開胃！而泡菜個味應該改良左，就番香港人既口味，唔係太辣，老人家都接受到！至於人參竹絲雞，因為平時食lunch時間好趕，冇機會試，今次可以有時間慢慢食，就叫左比爸爸媽媽試下。材料都算幾足，成隻烏雞，裡面有糯米，仲有細細條既人参添！不過，我個人就唔係太鍾意個味道，略為苦！可能呢D就係參味啦！我同家姐就主力食烤肉飯，兩種烤肉都係鐵板上，熱騰騰！而且份量都幾多，好似食唔完咁！我相信烤肉唔係新鮮肉，但經過處理同燒烤，加上洋蔥同燒汁，味道非常野味，而且肉質都幾滑。空口食就略鹹，好彩個餐有跟白飯，一齊食就剛剛好！好快就成碗飯食晒啦！不過，食完就見到鐵板上仲有好多油，都係少食多滋味啦！整體而

There's not many Korean restaurant around so we went there to have a try.It was just a regula family dinner so we didn't order anything special, but 2 of dishes already out of stock, so we order 石頭焗飯，炒粉絲，燒牛肉等等, my sister has nothing to eat because no stock of their signature beef dish! All dishes doesn't seems like Korean food at all, too watery 炒粉絲 with no favor, plain bimbimba with too less ingredients! Overall slow service time, very disappointed!!!

忽然想試吓呢間韓國餐廳, 4年前係旺角食過, 都唔錯, 好, 就去試吓啦...餐廳入口都裝修得幾靚o架, 帶位員仲著晒成套傳統韓國服飾, 好認真...餐廳入面大部份都係梳化位, 都坐得幾舒服... 仲有好多韓國調味料做裝飾品, 唔知廚房煮煮吓餸會唔會走出o黎拎D去用嘅呢...Order咗2個Set Lunch試吓...初時見到經理抽住2個木架仔, 仲以為咁有型, 前菜都上到好似High Tea咁?!! 原來唔係, 個木架只係用o黎運送前菜, 係唔上枱嘅...套餐包3款指定配菜--O晒咀!!! 食咗幾十年韓國菜, 第一次見... 得2個人食, D前菜竟然係重複2份嘅囉!!! 咁都得?!! 唔係呀嘛?!! 重要係勁難食嘅囉!!!左邊嘅快餐專用伴菜真係掂都唔想掂, 我而家唔係o黎食港式快餐呀, 唔該...中間嘅KIMCHEE亦食得出冇誠意, 只係食咗一啖...右邊嘅炒粉絲落重黑椒, 得個辣字, 唔掂!!!泡菜櫻花豚炒年糕--辣到食一啖已經食唔到, 要浸落D牛肋骨汁度洗吓先食... 年糕唔太彈牙, 唔夠QQ...炆牛肋骨飯--牛肋骨勁多, 抵食!!! 味道都OK, 如果個汁再香D濃D就正喇..

等位等左十分鐘到先入到去，比之前去食加左價，約加$2-3到la，叫左個烤雞肉飯，$52，佢先俾左三碟前菜，跟住就鐵板上主菜~連湯，可以添飯，應該就係即叫即做，所以都幾熱辣辣下，如果雞肉可以再軟啲就更加好la~

之前講過奶油包家係有三間固定飯堂經過幾個月後固定飯堂數量有增冇減而家就介紹一下其中一間新加入既固定飯堂啦佢就係金饍韓國料理呢間金饍韓國料理應該係岩岩開業不過佢係尖沙咀同旺角既店我相信都有唔少人試過講返呢間係太古既金饍韓國料理先因為新開張關係地方好新同埋好乾淨而且仲有好多位都係卡位私穩度都幾高唔怕人地睇到你食咩講返D野食先啦一睇到個 Lunch Menu如果有選擇困難症既人都係一件幾頭痛既事因為有好多選擇而且仲有相睇睇住相覺得呢個又好好食個個又好好食真係唔知點好咁講左咁多野都不如睇相實際我地睇下食物相先奶油包媽媽今次要左一個鐵板烤豬肉飯豬肉份量非常多味道亦好OK附送的湯係清淡既中和返豬肉既濃味奶油包爸爸就叫左炆牛肋骨飯唔係呃大家...一上枱就覺得好香而且仲好入味d汁十分香濃而d牛肋骨肥瘦相間肉質嫩滑奶油包就叫左一個牛骨湯飯呢個湯飯好清一上枱只係見到奶白色既湯好似冇咩湯料咁不過原來入面有好多牛肋骨同白蘿白所以唔好睇少佢真係食到你好飽餐後仲叫左一杯熱既柚子薑蜜奶油包爸爸話好似個d出面有得買野沖既味道(傻既...呢個當然啦...唔通會自制咩...=_=|||)而奶油包就叫左一杯楊枝金露呢個好足

這陣子都躲在康怡廣場埋頭苦幹的工作，做到鬼咁夜，中午、晚上也甚少跑到老遠的地方吃飯，一般就在附近搞掂，所以商場內很多餐廳都吃過，其中一間就是在三樓的金饍韓國料理，是鴻星旗下的食肆。同事們先來到，我殿後，大家也沒閒情去想食咩野，總之交由其中一人發板，我們吃什麼，就靠他了。柯打完菜色，食韓國菜的習俗，來六小碟。但水準似乎麻麻，如芽菜未見爽口，泡蘿蔔亦未做到酸辣兼備，還好芥蘭是爽脆，而我喜歡的始終是韓國泡菜，有辣勁。女士們似乎都很健康，因為第一味送上來的，是沙律。青瓜齊齊整整的切好，好間係椰菜和紫椰菜絲，再灑點芝麻。椰菜和紫椰菜絲感覺清爽，要挑剔的是青瓜未及爽甜。原來點了牛肉鍋，鍋底來到，不辣的，微甜，侍應幫我們把金菇、蘿蔔、翠肉瓜及黃芽白等菜蔬下鍋一起滾。菜類吸收湯底的精華，夠晒入味，我最鍾意。至於配料，除了有牛肉外，更有烏冬。看牛肉的雪花紋，相信是幾好的。輕輕燙幾下，便可以食。入口幾嫩滑，仍保持少許肉味，已經收貨。面頭的生烏冬，口感煙韌，很好吃，風頭甚至蓋過了牛肉。一份小小的牛肉鍋，肯定不能滿足半席人，所以又點了炒飯。這碟炒飯砌成心型，頂頭加隻煎蛋，花了點心思擺盤的。飯炒得幾香口，不算很