金饍韓國料理 (已結業)

菠菜、泡菜、土豆絲，不過不失無意見唔難食，送飯助力良好開胃。習慣食韓餐的小碟都裝得滿滿，眼前幾碟只有零星的份量完全唔習慣。泡菜豬肉湯飯，嘈喧巴閉噴著煙吱吱渣渣送到，甚有氣氛﹗香噴噴的泡菜辣湯氣味，大量爽脆泡菜搭極少量豬肉碎，大大啖灌入，辛辣帶甜合格。傳統正宗食法當然係將飯倒落湯，而不是將湯倒落飯。這樣湯會變凍，食得慢的話飯亦太腍，我喜歡分幾次將飯加入滾湯中，邊食邊加，盡量令湯汁保持高溫品嚐，才最美味﹗蠔油唐生菜，食不到菜甜味，有點甘澀味，爽脆微黃。烤牛仔骨飯，甜笠笠的燒汁，腍啤啤的肉質，伴飯唔難食，明白一分錢一分貨。烤牛仔骨飯，沒什麼特別，平平淡淡，食完都唔記得食過。

為了預祝丈夫生辰，今午再到因疫情而久違兩年多的金饍用膳，豈料食物質素卻大不如前，先行端上的餐前小食，可謂與韓國沾不上邊，而最基本的泡菜更屬於不合格之列。我們選了售價接近六百元的烤牛肉併盤，但肉質與售價並無關係，而另外點選的涼拌生牛肉及牛肉炒粉絲，食味更屬驚嚇程度：生牛肉絲在上桌食用時仍然結冰，而炒粉絲所選用的竟然是中式粉絲，毫無韓式粉絲所應有的嚼勁可言。最後結賬收費近千元，離開時只知為未能品嚐昔日美食而惋惜。後記：1.沒料到餐廳接受本地遊旅行團團餐，午膳時碰上多位團友在餐桌旁高聲叫囂「助慶」，與食肆裝修的高雅相映成趣；2.廳面侍應找來估計仍是小學生的小女孩幫忙擺放食具，甚有家庭式經營的茶餐廳風味，與窗外陽光燦爛的維港美境互相輝映！

外國朋友來了香港玩，撞正3號風球，邊度都去唔到玩🤷🏻‍♀️，原本有啲掃興🥹，但知道佢鍾意食韓國菜，佢又住喺尖沙嘴，所以臨時上OpenRice找尖沙嘴嘅韓國餐廳book位，就這樣遇上了金饍😍，外國朋友吃得津津有味🤤，一面享受韓食，一面欣賞雨景🌨、海景🌊，讚不絕口💯，總算彌補到去唔到其他地方玩嘅失望😅食物美味😋服務優良👍環境舒適🥳無敵靚景🤩價錢合理👌位置方便👏值得再去🤗

金饍韓國料理北京道1號我們一早book了位所以侍應哥哥安排望海景的我為給我們👍👍👍Book位嗰陣時可以留意😘😘😘免費送的煎菜有九小碟我哋叫咗韓式拼盤泡菜豬肉煎餅燴牛肋骨個牛肋骨太好食忘記影相🤣🤣🤣🤣🤣🤣🤣

入到餐廳想落單好耐都冇人招呼食完啲嘢食 服務員過到嚟見到都唔執枱冇細心介紹到每樣嘢食需要燒幾耐開口問啲服務員佢自己都唔清楚全場已經冇乜人 但係長期見唔到人嘢食質素十分之一般啲牛肉仲要係冰鮮

#cassiegotst-大家會唔會間中都想搵間高級餐廳，望住個維港靚景享受人生？推介大家試吓位於尖沙咀北京道嘅金饍韓國料理，可以一次滿足晒兩個願望，有靚景又有好嘢食！🌃-前菜九宮格好靚，食哂仲可以叫店員再補。泡菜好好食，酸得嚟唔會好辣，又好入味。兩個人嚟食揀咗個2人澳洲和牛烤韓燒套餐($688)，套餐份量非常豐富，澳洲和牛質地油花分佈好均勻，肉質軟嫩，富有彈性，香甜多汁。一放落烤爐，啲脂肪即刻溶化，勁正！大虎蝦肉質紮實飽滿富彈性，蝦味重。啖啖肉，鮮味甘甜，好想叫多幾隻。🤩-另外叫咗個養生人蔘竹絲雞湯，成大隻絲雞，好吸引。竹絲雞益陰補血益脾，女仔飲依個湯岩哂，可以補虛調經！🐔-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌑 (4)回購評分▶️🌕🌕🌕🌕🌗 (4.5)-➡️ 金饍韓國料理 (尖沙咀)📍 尖沙咀北京道1號8樓-

牛肋骨好好味，這餐廳坐位位置闊落坐得很舒服，仲要唔限制時間，和朋友食飯慢慢坐傾傾計算係一個很好的地方，收工可以輕鬆下食餐飯，有些燒烤地方限時真係食到好趕咯，這餐廳是一個很不錯的選擇，食物達到要求，環境不錯有個靚靚夜景，我地點了份牛肋骨，手切豬腩肉，海鮮蔥餅，海鮮蔥餅很出色，推介，下次還會再幫襯。

好久沒有吃過韓國料理了朋友介紹我來這間金饍韓國料理作為食肉獸的我當然不能錯過😍餐牌選擇實在非常多(在文章最後)，尤其是我選擇困難症，真的看了超久才決定好🤣★★★★★拌菜九宮格九宮格盤非常美觀✨份量豐富各種開胃的韓式前菜：泡菜、芽菜﹑海帶﹑醃蘿蔔、蓮藕片等，都是我的最愛★★★★★L.A.牛拼盤 $580韓燒必點店內招牌！拼盤有蘋果雪梨醬燒特選牛仔骨(1件)﹑美國特選肉眼和醬汁牛肉牛仔骨原條奉上，肉質非常柔嫩，沒有筋，用雪梨醬醃的肉口感juicy香甜，燒至金黃色後油香十足，色澤飽滿，令人食慾大開美國特選肉眼和醬汁牛肉同樣鮮嫩油花分佈平均，肉味香濃豐盈，又不會過鹹★★★★手切蜂窩紋厚豬腩肉 $158厚切豬腩肉肥瘦有致，手切蜂窩紋除了考驗刀功，更可燒出更多焦脆位，吃起來特別焦香和咬口，店家還會送生菜可包著燒肉一起吃減輕油膩感～★★★★海鮮拼盤 $548★★★★大蝦(4隻) $168海鮮拼盤有深海大虎蝦(2隻)﹑原隻魷魚﹑帆立貝(2隻)和鯖魚各款海鮮類都很新鮮，大虎蝦和大蝦都很鮮甜，咬感爽身彈牙，特別是深海大虎蝦的肉夠肥厚帆立貝鮮爽多汁帶甜魷魚比我的臉還大🤣口感Q彈鯖魚無骨，鮮味不腥～★★★蔬菜

I can tell this isn’t a Korean owned Korean restaurant just by their kimchee chigae, which is a Korean food staple. It’s just way too sweet as if they tried to make it more catered towards western taste. Wouldn’t recommend to someone who’s looking for authentic Korean food

今日我哋嗌左兩碟燒牛肋條，醬燒味，好好味，一個石頭鍋肉飯，牛肉份量都算多，另外叫左個人蔘雞湯但係冇乜味，再叫左個一人份量部隊鍋，個部隊鍋味道適中，再嗌左三杯雜果賓治，好耐冇飲過，所以都幾好味，同埋一杯鹹柑桔青檸

叫咗一個雞肉石頭鍋飯同埋一個牛肋骨飯，啲雞肉一粒粒細粒同少，啲牛肉就唔琳，啲醬汁就係比出面買現成嗰啲韓國醬汁，根本就冇煮過，成個飯都係啲菜加埋啲汁撈埋就咁一個石頭鍋飯，D野得個甜字，叫咗杯青檸梳打，都係得個甜字，所有野都好甜，服務一般，待應個口罩掛咗喺下巴，可能忙掛，佢話得佢一個人做唔切。

疫情下喺尖沙咀人流滿滿嘅飲食區搵間寬濶啲嘅韓燒都幾有難度，先講位置就喺尖沙咀站C出口北京道1號嘅地鐵站樓上，超級便利，雖然餐廳位於8樓唔算好靚風景，但望住窗口由黃昏6點半食到晚上有夜景都不失為樂事，餐牌選擇也有很多當輕食、熟食、麵食及韓燒一應俱全，雖然我唔食牛但都揀到好多種啱食，而且特色飲品都有做優惠，大大杯薄荷青檸梳打都係19蚊，現在經openrice訂位仲有75折，今晚2個人點了牛豬羊各1碟，仲有侍應生推介必點海鮮餅加2杯飲品，埋單都係5百幾蚊，喺尖沙咀搵食算很不錯

無稔過響北京道1號會係質素咁弱嘅韓燒同朋友兩個人首先叫了牛拼盤牛肉係少少瘀黑感覺唔鮮美 雖然價錢唔算貴 賣相舖排都算OK不過食落真係好一般牛肉一係靭 一係喇到滑散散總之唔新鮮嘅感覺咁以為拼盤價 HKD568唔可以要求咁高所以 再點醬燒牛肋骨呢款係一般韓燒必點出品只可以叫合格 完全食唔出鮮味員工服務都算OK嘅成個場冷清清得幾枱人客 如果都無服務 就💩得喇連兩杯特飲 埋單盛惠1,028.-咁嘅價錢食咁嘅質素完全唔enjoy 無下次

我喜歡把握時機，現在依然沒有多少遊客的環境下，食飯最好去遊客區，例如北京道一號內的食肆，向來走中高檔路線，環境舒適，最重要是景緻一流，請晚選擇了金饍，因為位於八樓，觀景高度適中。倚窗而坐，縱使有遮擋，維港景緻盡在眼簾，七時到達，正好遇上日落黃昏之宜人色彩。如此氣氛，「佳牛米酒」少不了！馬格利米漿酒及柚子味甘露甜甜易入口，真的幾好飲，不可不吃韓式特製牛肋骨，肉質棉密富嚼勁，再來一份油花豐富的和牛拼盆，香甜的牛肉刺身，最後以金饌豆腐湯配白飯作為完美終結。  馬格利米漿酒 $125口感特別，入口對舌頭有點刺激，瞬間的辣隨即被甜味中和，奶白顏色看似溫柔，卻又有少少霸氣。 特色就是糖衣的甜，很易入口，但小心飲多醉咗都唔知道。 真露西柚味燒酒 $98入鄉隨俗，韓菜缺不了真露，我認為西柚味最好飲，另有一款葡萄口味的，據說更甜美。 是酒又有果香果甜，同樣是一款天使打扮的魔鬼飲料，唔覺唔覺會飲醉！ 九宮格前菜九款韓式前菜真豐富，泡菜及各款醃蘿蔔、青瓜、薑片等，正好為我省下沙律菜的錢，多點款肉。 韓式牛肉刺身 $168這夜決定全牛宴，本來可以選擇的沙律或紫菜卷前菜皆放棄，心儀韓式牛肉刺身。 就是喜歡生嫩柔

金饍韓國料理，英文譯名Kimchee也就是泡菜，韓國最地道的食物之一。尖沙咀北京道一號店坐擁維港景色，裝演色彩繽紛，還播放著K-Pop MV。「金饍」主打傳統韓國菜式及韓燒，招牌菜式有人參雞湯、神戶牛柳、極黑豬豚肉、燘牛腩骨煲及雞一匹湯鍋等，更有一系列新派韓國菜式，食材及味道都大膽創新，而且份量十足，適合和朋友齊齊來分享。這次我特別推介五款「新派韓菜」如鐵板拉絲芝士雞蛋泡菜炒飯、芝士焗豆肉醬年糕、燒五花腩辣醬炒長通粉及年糕等，還有Fusion的韓風卡邦尼拉麵，以煙韌的拉麵代替意粉，卡邦尼汁加入了韓國紅辣椒粉，辣中帶甜，濃濃的煙肉奶油香味，再將流心的溫泉蛋、紫菜及蟹籽混合，很不錯！魷魚蜆肉紫蘇青醬忌廉長通粉亦是另一道Fusion之選。新派韓菜又點少得部隊鍋？話說部隊鍋於韓戰時發明，當時是將美國部隊帶來的午餐肉、香腸、茄汁豆等食材與泡菜、韓式辣醬、即食麵等煮成一鍋。「金饍」的部隊鍋有齊以上材料，還有加入豆腐、芝士、雞蛋等，重點是韓國的魚糕串。看著熱辣辣的泡菜湯底越滾越濃，配上燒酒與朋友們邊舉杯，邊品嚐部隊鍋，真係好似去咗韓國咁！一人或二人份部隊鍋於中午至下午5時供應，晚市可選擇$368二人