金鮨 (已結業)

長沙灣陰靚野食，今次黎左呢間日本野，由於7點就到，所以未係好陰人，雖然地方細，但裝修有特式，而且魚生都新鮮，客似雲來。海膽尚算新鮮不錯帶子都厚似但甜蝦比較幼整體不錯！

Lunch來到呢到食真係不得之了, 每次來到呢度都會食三色魚生飯 (海膽,三文魚,帶子)老實講, 三文魚同帶子質素係ok, 但又未去到話勁好食~但個海贍, 真係幾鮮甜, 好彩既話, 佢會返d大size既海膽, 真係食到耳郁郁, 加上以呢個價錢, 呢個質素真係好化算.餐廳既日本風格調, 其實係幾不錯, 起碼會覺得呢度係用心製作, 不馬夫! 

鋪面好細，好易行過就唔覺。由於男友係長沙灣返工！ 所以放工就黎搵佢食少少野！ 其實味道okay，但偏貴。可能因為打工仔多，所以可以理解！我點左個鰻魚飯，超大條鰻魚，又超大碗飯。女仔食應該會好飽。

原本行咗去佢右手邊，坐滿哂人，gg book咗都無位，呢邊有開放式廚房，浸咪比較腥（我後尾諗，應該因為我唔食藍鰭吞拿魚，所以先覺得右邊腥）；店主話book咗位入左手邊。左手邊無咗浸腥味之餘，裝潢佈置同音樂都好日系，所有嘢都係木，餐具仲刻有「金鮨」，好有心思！老闆知我食生日飯（提早去咗雪蛋糕），唔知係咪咁，好熱情，喺門口等我同男朋友到（原諒我可能自以為是～）然後招呼我地入左手邊。原本打電話問有無切餅費，話50蚊，最後唔只主動話生日有95折，後尾諗返點解埋單咁平，估可能因為蛋糕好細（2人份量）我地自己切，仲好似無計到切餅費，超有人情味！店員唔只好有禮貌，仲好醒目，幫我隱瞞蛋糕，扮上甜品（無事先夾定）。仲幫我裝飾下蛋糕先捧出嚟～好有心思呀！除咗服務，味蕾都好享受！刺身激讚～好新鮮、肉質好好、絕大部份食落都係鮮甜！米飯普通，不過重點係刺身，特別係藍鰭吞拿魚（男朋友重點推介本人覺得好腥）同埋帆立貝（我重點推介）！刺身質素同份量完坐值回票價！我地叫咗大拖羅壽司set 同極上拖羅丼。加28蚊轉set, 即係有味噌湯同埋中華沙律/螺肉。由於我地叫個壽司set有隻牡丹蝦，就問可唔可以放埋蝦頭湯煲。店主話

第二次黎食。呢間小店不大，個好有日本壽司店既feel,幾好。價錢又不會好貴。每次黎到都有好多人黎幫襯！👍但星期日唔開😅搞到有次白行一趟……所以大家要留意番佢啲開舖時間。加錢叫左個set,跟湯同前菜。螺肉 好味，粒粒都大粒，好有咬口。叫左兩個刺身丼食。一個係池魚同鯛魚刺身 丼。本來想食番上次好正既油甘魚，但咁岩今日無哂……講返個刺身丼。每款都好新鮮！！海膽佢有時會係馬糞有時係加拿大海膽。都好濃味，好鮮。👍👍池魚都好正！反而鯛魚就無池魚咁好味喇。（比較上黎）價錢大部份都唔會好貴，都幾平民價。有平有貴，睇你想食咩👍

在荔枝角剛上罷一堂趣味十足的Fly yoga, 想起一家久違的食店，決定步行去吃一頓豐盛晚餐認這家位於長沙灣小店於三年前，當時只有右邊鋪位，只有八個座位，上年起擴充營業，租了左邊的相連鋪位，不過師傅的廚房在右邊，所以主鋪還是有「金鮨」招牌的右鋪，現在約可容納二十多位食客。鋪內的裝飾沿用一貫作風，顏色豐富，隨意得來頗吸睛雖然店面擴充了，這店卻一直不缺熟客仔，顧客經常要在店外輪候，為了增加生意及減少輪候時間，其解決辦法是給外賣食客優惠。Menu 跟以往不同，大概因為相連鋪租貴很多，刺身飯選擇少了，最低價的$58雜錦丼也起價了。現在價格是$78 起跳，配套餐也由加$10 到現時加$15，不過價格還算合理。原本打算今晚點海膽三文魚丼，但缺貨了😭然後選擇困難症就發作了，想了十分鐘總算決定要五色丼，因為一直很欣賞這裡的三文魚味僧湯，所以也點套餐了！小食用魚形小碟盛起，很可愛！而豉油碟則是小鳥形狀平時不太愛喝味噌湯，原因是一般都會太咸，而且沒什麼味道，但這裡的味噌湯加了三文魚肉，清晨開始煮湯，湯裡少了味精味，卻帶有三文魚鮮味，而且豆腐也切成小粒，頗精緻的，也不會太咸，所以每次必點套餐，為的是就是這湯

一年點都會幫襯起碼幾次，以前舖細想食都要賭運氣，2張枱仔轉數低，而家要埋隔離舖好D,都有幾張枱，質素無變，價錢加左少少啦，但都仲係好低食，我叫左$68三文魚沙律龍蝦飯，男友叫左三文魚元貝飯（唔記得幾錢，好似唔過$100），加$15有湯同前菜螺肉或中華沙律，個湯好好味唔似所謂“例水"，雖然用三文魚下柵部份煲 ，但唔腥，可能加左薑汁，好貪心想問有無得添，碗飯好大碗下，材料都好新鮮下，食完夠晒飽，咁既質素絕對超值

之前有朋友嚟過讚不絕口....第一次試諗住有驚喜...首先小小店鋪,真的幾有日本氣氛,menu亦相當吸引...不過,食物一到,個樣已有difference... 再入口,全部淡而無味....我突然感覺爭鮮還好~~~我諗未去過日本嘅人就覺得好正law!

之前成日係呢頭度食野已經發現左呢間日本餐廳,今次約左o係附近拎野, 順便可以試試佢~呢間野鋪仔細細, 雖然有2個鋪位咁多, 但真係唔大;不過麻雀雖小, 五臟俱存, 裝修有, 音樂有, 應該要有既都有。我點左一個三文魚海膽丼, 印象中係$80幾蚊~ 晚市黎講唔算太貴~係呢d 地段食野就有呢個好處, 租平d, 平價都有好野食~講反個丼, 三文魚係非常肥美, 好多脂肪, 無咩筋;海膽既份量都唔少, 雖然稱唔上係咩靚海膽, 但絕對收貨有餘。D 壽司飯係用反珍珠米, 幾好咬口~~

太多食評話好食！一於去試下！講真 真係一般 新鮮好吃，兼價錢在那環境下亦覺得偏貴了一點！最終點了壽司set ，本人因不吃三文魚，所以加了$13轉左吞拿魚！我諗我不會回頭再去！失望

拍拖最好就係周圍食 見到你開心個樣乜都抵番哂啦 本身諗住食肉燥飯既不過最後發現原來想食日本野多啲就尼左哩度勒 鋪面係比較細 得三張枱 坐落係有少少迫不過都無減低我地既食慾😋心大心細最後終於揀到!!我地叫左海膽三文魚丼同野生油甘魚王上五色丼 賣相幾吸引 哩個價錢尼講算抵食嫁喇 三文魚同油甘魚都係厚切既 油脂分佈均勻 一啖咬落去超滿足 油甘魚估唔到咁好食 咬落去成口都係油 真係好好食 帆立貝正常size 鮮甜 另外呢三文魚籽一咬落去必哂啲汁出尼好過癮 不過個海膽就有啲令人失望 臭既 最期待既竟然最令人失望 丫仲有個壽司飯 暖暖地不過有部分太黏一舊舊 好似有幾個小型飯團咁 不過整體尼講係好食既 值得一試

之前都食過3，4次都覺得ok，會間唔中去食我男朋友知道我鐘意食，今晚特登買翻屋企俾我食誰不知三文魚子同海膽份量少左之外連海膽都變左呢種細海膽但都唔緊要我接受唔到唔新鮮囉海膽係臭架好臭，好臭臭到好似食屎甘😤經過今次我唔敢再去

已經唔係第一次黎食佢個牛舌丼, 因為次次食完都回味無窮成日掛住佢個牛味牛舌雖然厚,但一啲都唔韌,外面燒得少少焦但入面好鬆軟好香牛味夾埋個飯食真係一流今日仲專登拖大隊黎食, 朋友都話刺身好新鮮(我唔食生嘢所以俾唔倒comment😅) 睇倒個賣相已經覺得好靚同埋因為佢位唔多,所以最好訂左位先, 已經試過幾次walk-in 冇位, 亦都要預左佢舖仔細細有啲迫,不過咁好食都值得大家都支持下呢類型有質素又性價比高嘅小舖啦!

#sashimidon addicts 😎#seaurchin #salmon don $88 + $15 for the set 😋😋4 thickly sliced fresh and fat #salmonfish 😋 😋3 pieces of #canadian #uni 😳 the seaurchin looks fresh but a bit #fishy and with some kind of weird odour 🤔😋8/10 💰$103

無意中發現了長沙灣都有專吃丼飯的專門店，即管一試！入內看見餐牌，心裡想，嘩！都幾貴喎，反正一場來到，吃左先講囉！我叫的是池魚王限定5色丼，裡面有:池魚，三文魚，海膽，帆立貝，葱粒吞拿魚碎。一試，就物超所值，不單止足料，刺身仲非常新鮮！仲要係用新鮮山葵，真係好好味真係要試👍🏼