金鳳大餐廳 (D2 Place TWO)

营业中

休息中

我哋分別食左，美國牛小排餐$188，帶子牛扒餐$178，肉熟度方面建議大家簡五成熟，口感軟軟淋淋岩岩好，切開中間會呈現粉紅色，因為set餐有餐湯、餐包、野飲，所以真係食到勁飽。

服務員極度極差，入座已黑面，命令你落單，未食完，盡快收嘢要你走。以前原祖店老板有傾有講，雖然環境窄，但係性價比高，食飯氣氛好。成日話香港餐廳無生意好慘，去幇襯香港老店，支持仲要受你氣，已經唔係咩快餐，又唔係要求酒店服務，只係想正常落單，安排，淨係就你快，但係快又錯，又無禮貌，食左幾十年都無咁受氣，仲要怕你加料，等執！

📍 金鳳大餐廳——————————————————🥩｜ 美式雜扒餐💰130——————————————————餐包係mvp 軟淋淋又夠熱辣辣反而啲肉唔夠熱辣辣 但整體肉質唔會韌而且有好多款 豬扒牛扒腸火腿雞翼黑椒汁夠濃少辣 加生蒜嘅話有少少搶味——————————————————🐣性價比： 7/10🫨回頭率： 6/10👅味道： 6.8/10——————————————————地址：荔枝角長順街15號D2 Place TWO 3樓312號舖

好多區都見到金鳳，但親身入去食呢次先係第一次，成日見到佢好多人排隊，我六點鐘到左，兩位，雖然入面仲有好多位，但一定要齊人先可以入座，不過坐坐下我都知點解了，因為真係好多人等位，愈晏愈多人，D2 Place呢個位置仲要咁無敵，一上電梯就見到，樓上亦有戲院，望下側邊啲客人塊扒餐的確係大過塊面咁滯，見到隔離枱既四位客人都係嗌意粉同飯，但我唔理lu，既然佢出名港扒，一於嗌返個扒餐先第一樣上枱既就係餐包喇，有著傳統風味烘熱左鬆軟既包，搽啲牛油上去，再點少少湯黎食, 唔錯!餐湯同坊間其他地方一樣係可以揀紅湯／白湯，紅湯酸酸甜甜，開胃醒神，白湯灑上少少胡椒粉，濃味滿足又飽肚啲鐵板西冷牛扒拼大頭蝦鐵板先上，然後店員會拎住醬汁埋黎問你要咩汁之後嚮你面前淋上去，出哂啲香味彈哂汁咁，記住開定張餐紙擋擋，隻大頭蝦吮住蝦殼同蝦膏慢慢食好入味，而塊扒既肉質好鮮嫩，一刀就切開，冇果種鞋口既感覺西冷牛扒餐本來想揀牛柳，到最後都係揀埋西冷黎食，個人建議可以試下五成熟，唔會鞋又唔會太生，肉質軟腍，口感亦非常好，配合我至愛既黑椒汁，一個男仔食哂呢個餐都唔會覺餓野飲嗌左凍檸樂同熱奶茶，仍然保持到港式風味

員工態度十分之差劣，仲未到黃昏六點，似趕客，與唔相識人仕坐隔壁，要求檔板，冇檔板，之前客人埋單離開咗十分鐘，枱又唔抹，牛扒上枱之後，客人未用紙巾擋住，就淋醬汁，唔再嚟食，總之冇下次

金鳳大餐廳荔枝角長順街15號D2 Place TWO 3樓312號舖紅湯白湯選擇 牛油餐包港式扒房要有嘅都有荷蘭豬扒餐$122厚切豬肉排，肉質嫩滑多汁 煙肉則帶有獨特煙燻香氣鐵板烹調方式使豬扒和煙肉在高溫下快速熟透 表面形成微焦外皮打開紙巾，專人幫你淋上醬汁薯條墊底 燒得好香脆鴛鴦扒（豬扒+雞扒）黑椒汁 $122黑椒香氣濃郁 由黑胡椒、蒜末、洋蔥等調味料炒製而成雞扒正常發揮 係菜蔬同洋蔥放喺薯條上面會好啲始終底盤油分比較重 會令蔬菜燒到熏黑黑椒蜜糖雞中翼$58結合了香辣和甜味 金黃色外皮表面有著一層誘人黑椒蜜糖醬汁一種獨特的風味

金鳳真係每次經過都想食，D2place 假日夜晚長期都排隊，難得平日有位即刻要食抵食價既鐵板餐，款式選擇各有，碟上又得精選晚餐包沙律、餐包、湯、扒、飲品、甜品羅宋湯鮮味濃郁，滋味豐富。湯底濃稠醇厚，充滿番茄嘅鮮甜味道，同時加入火腿同蔬菜，增添層次同口感鐵板西冷牛扒拼大頭蝦-蒜蓉汁五成熟，西冷有濃郁嘅肉香味同海鮮鮮甜味，西冷牛扒經過煎煮，仲保持到牛肉嘅嫩滑質感同肉汁，同時大蝦經過煮熟，保持住大蝦嘅鮮美口感，口感彈牙，蒜蓉汁增添一種濃郁嘅蒜香味，同時提升牛扒同大蝦嘅風味。每一啖都食到牛肉嘅肉香同大蝦嘅鮮美。花奶啫喱帶有香滑嘅口感同濃郁嘅奶味。啫喱質地細緻，入口即溶，同時花奶味道濃郁，令啫喱更加香甜西冷牛扒-黑椒汁有濃郁嘅牛肉香味同黑椒辣香味。牛扒經過燒烤，保持住牛肉嘅嫩滑質感同肉汁，同時黑椒汁增添一種辣香味，提升牛肉嘅風味。底層有薯菜，扭紋粗薯索左汁好惹味，口感軟綿凍朱古力有濃郁嘅朱古力味道同滑溜口感。朱古力凍得緊，質地滑溜，入口即溶

買咗好多個餐，冇理由逐袋拆返開睇佢有冇比漏餐具，數齊咁多個餐就走啦。佢個menu都已經寫外賣+$3 ，乜唔包餐具架？？每個餐加$3喎。拎到返去公司一套餐具都冇俾，傻左嗎？

之前聽人介紹金鳳，今次終於抽時間去食! 今次去D2place呢間分店，位置雖然唔多，但坐得闊落。今日早左收工，630到，唔洗等位，直接入座。7點打後就開始見到人龍啦! 黎金鳳，一定要試扒餐。叫左西冷牛扒餐，7成熟，可以簡黑椒汁/蒜蓉汁。扒餐自動配薯菜，今次簡左黑椒汁。跟餐有埋餐包同餐湯，羅宋湯足料，帶少少甜甜地。 餐包上台熱辣辣，可以整得融牛油架。一上菜時，店員會提醒我地拎起餐巾係面前擋一擋先倒黑椒汁，倒落去個下炸~ 一聲，好夠熱。塊扒好大塊，黑椒汁調得好好，好夠味。另外叫左金鳳皇牌焗豬扒飯，上台又係熱辣辣，豬扒好大塊，完全冇筋位。蕃茄汁好濃味，仲有好多拉到絲既芝士，配埋炒飯底簡直一流。仲要價錢好相宜!!!野飲叫左特色野，雪糕紅豆冰，雪糕係雲尼拿味，好食又好飲。

好耐冇食傳統港式扒房，有朋友約當然諗都唔洗諗就嚟牛柳餐($144) - 肉質軟腍，口感好好，切完一望就知啲肉嫩口，蒜蓉汁配薯菜係勁夾西冷牛扒餐($144) - 牛味香濃，完全唔韌，西冷配黑椒汁係我嘅大愛，兩個餐都加咗蒜(各加$2)，食落更香口餐湯點咗羅宋湯，完全係傳統港式扒房嘅味道，辣同甜味都啱啱好，蔬菜又夠多；餐包熱辣辣，搽滿牛油再加砂糖，好邪惡好正凍檸茶凍奶茶嘅茶底都夠濃，奶茶夠滑，檸檬夠晒清香牛可以選擇嘅部位好多好齊，其他肉類亦有，飯、意粉、沙律、蔬菜、其他小食同甜品嘅種類都好多，仲有外賣自取優惠套餐裝修亦好有嗰種傳統港式扒房嘅感覺，懷舊feel但新淨，仲幾有節日氣氛，整體真係唔錯

今次去咗金鳳扒房，冇得講，真係食得好實在！🍽️ 一入坐就點咗夜晚嘅set dinner，每款食物由湯到主菜都係港式經典。首先嚟個羅宋湯，湯底夠哂味，啲牛肉同蕃茄嘅絕佳配搭，真係暖笠笠，惹味得滯！🍅緊接就係個主菜，我揀咗份風味T骨牛扒，攞上嚟熱辣辣，香氣四溢。扒頭煎得啱啱好，汁多味美，啖啖肉直頭滿足！個扒配埋啲薯條同沙律，呢個mix and match實在太對味啦！朋友嘅選擇就係美國牛小排，莖脆口感加上啖啖肉，真係食落過癮！雖然佢話肉質啱啱好，但我鐘意牛小排嗰種彈牙有嚼勁嘅感覺，下次一定要試！🥩仲有，佢哋嘅服務員態度都幾好，唔似啲食肆嘅冷漠，真係加分不少。無論係湊小朋友定約會，來呢度餐餐都過得舒心！食得唔貴又抵，小編推薦大家試下呢度嘅扒房！食咗之後，心情都開朗晒！👌💕

同朋友去咗位於D2Place嘅金鳳大餐廳每次都會覺得佢啲扒餐令人好有驚喜價錢比起出面啲Steakhouse 真係平勁多但佢啲牛扒真係keep到勁有質素我哋嗌咗個西冷牛扒餐同埋帶子牛柳餐兩份都係嗌咗五成熟兩塊扒都超級厚身仲要食落去好Juicy又有牛味！帶子牛柳餐嘅帶子都好大粒超有誠意隻帶子係煎到外皮係少少脆入面就juicy職員服務態度都好好林啲汁上塊牛扒度嘅時候會'渣渣聲'可能會噴啲汁出嚟佢哋都會好好咁樣提醒我哋同埋比塊大餐巾我哋擋住啲汁同埋佢哋嘅餐仲跟咗餐包同埋例湯我哋兩個都嗌咗羅宋湯 個湯其實都好足料入面有好多蔬菜食完個包同埋飲埋碗湯其實都飽咗一半寫埋兩塊咁好味嘅牛扒真係超級滿足嘅一餐！如果大家去開D2 Place又想食性價比高嘅牛扒餐嘅話，好推介大家去呢間金鳳大餐廳！

今日晏晝特登搵女朋友一齊想鋸下扒食，所以就去咗金鳳茶餐廳食午餐，侍應服務就預左一般架啦，但係估唔到食物味道都⋯⋯差強人意。我哋叫左一個黑椒牛柳配飯同牛肉炒麵，總結黎講，牛柳太靭太多筋，炒麵太咸，食到要不停咁飲水，以佢名氣黎講真係失手失得有啲嚴重⋯⋯可能晚餐啲扒會比較好食，午餐就真係好一般，希望係單一事件啦

放咗工同屋企人嚟食金鳳大餐廳，好耐都冇嚟呢種懷舊style嘅扒房，依家陣風吹返嚟，好似越嚟越多。我哋好鐘意金鳳係因為佢份量又夠，坐得又舒服。今次就揀咗荔枝角舖，喺D2 place Two入面，地鐵站一出過條馬路就係。呢間分店好方便嘅係仲可以喺gulu apps拎定飛先，咁就可以喺樓下行住先，差唔多到先上返樓！我哋叫咗鴛鴦扒餐 同埋 什扒餐。 湯同麵包係扒房必有嘅，我哋兩個都係飲忌廉湯。平時喺其他扒房一定飲唔晒，要留返個肚食扒啊嘛，但係呢碗湯實在太正，飲飲下唔覺唔覺就見底lu。鴛鴦扒餐嘅有豬扒同雞扒，個底就有啲瓜，紅蘿蔔，粟米，同埋薯條。啲扒都好好切，同埋大大塊什扒就豬牛雞都有。我哋都有問過，如果唔食牛可以轉做煙肉。兩碟嘅份量都好多，啲扒夠淰又夠味。得閒會返嚟再encore!!

歷史悠久的金鳳大餐廳🥩牛排肉質有保證，可以食到懷舊嘅味道之餘相當滿足，雖然歷史悠久但係餐廳裝修一啲都唔舊🤣✅美國牛小排餐原來唔係每款都用鐵板上，呢款可以選鐵板🤪選咗三成熟，牛小排牛味突出，肉質軟嫩，好食過好多貴價扒房，平價扒房之選☺️另外可以選椒汁/蒜汁✅經典番茄蓉芝士肉醬焗扁意粉擔心食唔到一份扒，所以選咗意粉，點知份量都係咁多🤣意粉唔係用普通意粉而係扁意粉，口感特別好，雖然係最簡單嘅肉醬意粉但係調配得好好食📍金鳳大餐廳 (D2 Place TWO) (荔枝角)荔枝角長順街15號D2 Place TWO 3樓312號舖