金鳳大餐廳 (D2 Place TWO)

营业中

休息中

今日又去咗老婆最愛的扒房～金鳯大餐廳，平常門口都排滿人要等位，可能今日較夜入座，8:10pm到餐廳，幸運地即刻安排入座！太太點了是日晚餐：鐵板西冷牛扒拼大頭蝦 蝦頭煎得好香脆，蝦肉大隻又彈牙，主角西冷牛扒七成熟，牛扒煎到好軟稔，牛味濃，配上黑椒汁，非常惹味！另外配菜，薯格都好香脆，份量又足夠，非常滿足！而我就點了美國牛小排餐，同樣七成熟，配蒜蓉汁！牛小排完全冇根，肉汁juicy，加上鐵板的餘溫 ，熟度剛剛好，非常滿意！兩個餐都有餐湯和餐包，金鳳的餐包永遠都是有熱度，簡單配上牛油已經好好味，忌廉湯都香濃，不會水稀稀，值得稱讚！仲有好耐冇飲過的黑牛、雪糕紅豆冰，這些懷舊的飲品，充滿童年回憶和人情味！另外職員都普遍細心有禮，是值得推薦的餐廳，下次會再來光顧！

親戚有10年無返過香港返到嚟指定要食一餐鐵板扒餐本來有打算帶佢哋去食元祖店但又考慮到D2 Place啲位好坐啲就決定嚟食呢間一嚟到就聞到令人好懷念嘅蒜蓉汁味🤤🤤大家好快就決定好嗌咩羊扒餐、大蝦牛扒餐、雜扒餐各取所需紅湯白湯配餐包絕對係鐵板餐重要嘅一環佢哋仲嗌咗黑牛😂😂果然係要食經典港式味道😂我嗌咗牛小排套餐依然係咁大份淋上蒜蓉汁時嗰個味道真係好香然後墊底嘅薯格索晒汁真係零舍好味舊肉就不過不失啦揀得食鐵板牛扒從來重點都唔係舊扒😂重點係食集體點憶嘅味道😂親戚們都好滿意個個飽到捧住個肚👍🏻下次會再嚟👍🏻👍🏻

同朋友去D2 Place 食dinner, 今次試D2 place 呢間金鳳，平時食開太子分店，D2 place 呢間新裝修環境幾好，坐位都多，但係繁忙時間都要預返等位。我地都鍾意食牛，叫咗一個美國牛小排餐+貴族牛扒餐。最中意就係呢到既紅湯👍🏻同埋熱辣辣軟綿綿既餐包仔😍之後就到牛扒上場， 淋汁時候既治治聲真係港式扒房獨有。份量一如以往地多，肉夠厚又juice ，薯菜係薯角，好食又無咁易淋。最緊要係食完個身都冇油煙味。 👍🏻

七點幾嚟到，餐廳坐位幾滿。去到D2 Place Two 扶手電梯直上，轉右就見到佢。餐廳唔算大，不過座位唔少。上菜速度好快⚡️⚡️我哋叫咗個set dinner，加埋忌廉汁燴比目魚飯😎😎Set dinner $190今個月限定係三文魚扒同西冷牛扒，set dinner有沙律、餐包、湯、扒、飲品同甜品😙😙⭐️ 沙律菜沙律菜新鮮，有生菜、蕃茄、青瓜同啲芝士粉，再加埋麵包粒⭐️ 忌廉湯、餐包湯底濃郁，熱熱地飲好舒服。正常衛星餐包，軟綿綿嘅質感，仲有牛油可以搽😁😁⭐️ 三文魚扒同西冷牛扒 五成熟上枱之後，侍應會問你想要黑椒汁定蒜蓉汁。然後佢會叫你拎住個餐巾，喺你面前落汁，啲渣渣聲好香好吸引 🤤🤤西冷牛扒🥩好出色，肉質厚實好有咬口，唔韌，好大塊，牛味好濃郁，真係高質💯💯💕三文魚扒更加出色，厚度有兩隻手指咁厚，非常嫩滑😍😍 火候掌握得啱啱好，中間仲見到微紅嘅魚肉，外皮金黃香脆，好推薦🐟。⭐️ 忌廉汁燴比目魚飯 $98比想像中有驚喜，比目魚外皮香脆，肉質鮮嫩多汁，配上忌廉汁同白飯，不知不覺就食哂😚😚😋😋⭐️ 凍檸茶正常茶餐廳水準，正常發揮🍄 總括嚟講食物質素高，上菜快，肉扒同魚都好好食，份量大大件，厚切，食完好滿

偶爾會突然間想鋸吓扒🤨但一般扒房都唔平，而且又要預約唔係就等位等到天荒地老🥲金鳳出名平民扒房主打平靚正😍就算平日夜晚 過咗熱門飯點時間門口依然都有少量人 要等一陣位🥸Set Dinner 🍽️今晚係三文魚扒+西冷牛扒包頭盤 餐湯 包 甜品連餐飲咁豐富先$198不過我就唔岩食，所以自己選其他餐🤪最後揀咗什扒餐 $130一樣係包餐包/湯/餐飲嘅落單5分鐘唔夠就即刻上湯同包不過不失，無咩特別但個包底係有烘到少少脆嘅😇主角上場，先上咗鐵板先店員再後上汁😙倒汁前會提你用餐巾擋擋🫶🏻黑椒汁真係好香好惹味呀雞扒嫩滑，牛柳唔韌腸仔，雞翼，火腿喺鐵板上煎到有少少燶邊 正！配薯菜 就有波浪薯條翠玉瓜、紅蘿蔔粒，粟米粒全部用嚟掛個汁係一流！🤭我專登加$2蒜茸真係唔好慳 必須加好食勁多❤️‍🔥檸檬茶🍋🥤菜味幾濃，檸檬夠厚整體好飲🤩埋單連埋加一百五蚊有找， CP值極高下次會再嚟食佢大蝦同帶子套餐😄

金鳳是耳熟能詳的餐廳，港式鐵板牛扒是餐廳特色。在金鳳大餐廳用餐時，我點了一份帶子牛柳餐七成熟加黑椒汁套餐，再加上一份燒豬髀沙律套餐。帶子大粒而且味道鮮美，只可惜只有一粒。牛柳的份量十分大，肉質鬆軟，口感極佳，尤其是搭配蒜茸和香濃的黑椒汁，味道更加出眾。燒豬髀沙律也非常新鮮，燒豬髀的肉質柔嫩，口感滑順，味道香濃，與沙律菜的搭配突顯出不同的風味，非常好吃。套餐還包含羅宋湯，還有餐包和飲品。湯都非常美味，羅宋湯由新鮮的蔬菜、肉類和香料熬製而成，濃郁滋味。餐包是餐廳的一大特色，新鮮出爐的餐包外皮酥脆金黃，內裡柔軟鬆香。老字號餐廳果然有生存這麼多年的原因，不僅提供美味的菜品，而且服務周到。金鳳大餐廳值得再去。

跟朋友相約D2，記得屯門店的扒餐不錯，所以在這裏試一試。扒餐有88折，非常抵食我跟朋友各點扒餐每個餐都有餐湯及餐包，我選了羅宋湯。大蝦牛柳配蒜蓉汁，點了七成熟 $167兩片大牛柳，肉很厚，熟得剛剛好牛柳上有一隻大蝦，挺多肉的，再配上薯條老實說，有時這個質素跟一些小餐廳的牛扒真的差不多，而連裏的價格便宜很多。朋友點了荷蘭豬扒 $117還有另一款，香煎豬扒，跟荷蘭豬扒的分別，就是後者多了一片煙肉一樣也有薯條豬扒很大片，很厚，還有是兩片啊！！Juicy 夠肉味，不錯另外再叫下午餐奶醬多為甜品😍 $29這個做法很罕見除了夾心中間有醬外，面層也有醬，十分魔鬼之選😝😝😝😝餐跟凍&熱奶茶再點多杯現在香港茶餐廳少有的谷咕大大搶眼招牌：座位以茶餐廳來說挺闊落餐牌下午茶餐牌

-「人人食得起的牛扒」Follow Me ! ！有平民扒房之稱嘅「金鳳大餐廳」始於1969年，創辦人林生又稱為「牛扒大王」，呢間店其實我一早已經食過，本店舖位少少又超級狹窄，所以要等好耐，最出名係大件夾抵食，咁嘅價錢食牛扒食到飽，CP值好高。呢間荔枝角嘅分店環境舒服好多，有時候晚餐都要等位，但一定快過本店，但係依家價錢真係比以前貴好多！🥣餐湯建議點紅湯，調味啱啱好又充滿蔬菜，白湯得個咸字好難飲，入面只有少少紅蘿蔔。港式鐵板🥘熱騰騰嘅鐵板，充滿肉汁嘅牛扒，配上黑椒汁，或洋蔥汁的確令人垂涎欲滴😋。✨帶子牛扒餐呢度嘅牛扒經過特別醃製，牛扒肉質特別淋，不過略嫌冇咩牛味，但配合黑椒汁食就超級好味，另外推薦可以加$2加蒜蓉，好味指數更加提高。✨牛小排牛小排部位在牛胸前肋脊部，肉質較結實、帶有些許筋膜，含有豐富油脂，食起嚟香氣十分濃郁，如果鍾意口感可以揀呢隻。如果要食質素超高嘅牛扒，呢度就唔適合你，但係如果想食濃郁、香氣四溢又平民化嘅牛扒，呢度係一個好好嘅選擇。推薦指數：⭐️⭐️⭐️-

始創於1969年嘅老字號扒房，港式平民鐵板牛扒餐嘅始祖！金鳳大餐廳 @goldenphoenixhk餐廳由1969年到宜家足足54年歷史，而且大家都知道60年代到70年代，”鋸扒”係有錢人、上流人士先食得起🥺平民百姓想享受下”鋸扒”嘅樂趣，真係唔洗諗🥲不過，有危就有機，金鳳大餐廳嘅創辦人林先生就睇準機會創業，令到平民百姓都有機會享受”鋸扒”嘅快感🥹 最難得嘅係，宜家餐廳已經係由林生嘅兩位千金全權打骰，將餐廳打理得井井有條，分店越開越多👍🏻西冷牛扒餐 ($140)：包咗牛油餐包、牛扒加薯菜、餐湯、餐飲，正路價錢喇！我哋揀左medium rare，肉質軟腍，仲可以加$2要多蒜，真係勁多蒜🧄鍾意食蒜嘅話可以考慮下🤩由於佢係鐵板上，所以上台嗰陣塊牛扒仲係燒緊，到食嗰陣已經變左medium😂，所以建議點餐嗰陣牛扒熟度可以叫低一度咁到食嗰陣就會啱啱好啦牛柳餐 ($140)：揀左rare，同上面一樣，不過牛柳嘅肉質更加嫩，口感相對西冷好，同時無乜筋，其他配料就正常發揮😌我哋想講吓佢個紅湯，佢個紅湯真係好正，好鬼港式😂帶少少香辣，而且牛扒餐黎講真係算抵食，當然就唔可以同出面啲西式扒房比啦，不過想食牛扒

Whenever I need a quick steak fix, I think of Golden Phoenix. The sizzling on iron plate is simply irresistible. The restaurant has opened many new branches in recent years and today was the first time I tried the D2 Place branch.Tenderloin, medium rare, extra garlic, red soup as always.The fluffy bun was warm enough to melt the butter. HK style borscht soup had tons of veggies inside. Sprinkled some pepper to add more heat. Appetizing soup with balanced sweetness and sourness.The meat had been

係附近返工經常聽到有同事午餐去食呢間 今日終於有機會試試佢喇 午餐大概12:30過嚟攞位 大概等五至十分鐘可以入座 唔算等太耐叫左午市套餐 有豬扒加牛扒配薯菜 包湯，餐包同嘢飲 分量十足 如果覺得唔夠飽，可以將薯菜轉成意粉都得 牛扒同豬扒嘅肉質都唔會太硬 如果對肉質比較有要求嘅話，建議可以散叫午市套餐之外嘅扒 可以選擇唔同部位同事叫咗焗豬扒飯份量好夠 一個飯有兩塊豬扒 最後都食唔晒 呢個套完全夠飽建議喺附近返工嘅可以過嚟一試

相信好多想食港式牛扒的人都會食過金鳳，皆因金鳳算係港式扒房之中比較多分店的，而最新、最豪華的一間就係位於荔枝角D2 Place。是夜突然懷念起舊式鋸扒的滋味，就去咗就近的金鳳～柯打一份套餐，會跟送牛油餐包及紅/白餐湯。紅湯代表的羅宋湯，感覺比起其他分店來得足料，可能蔬菜分量較多，而且湯比較入味，質感亦比較濃稠。美國牛小排餐 $195熱辣辣的鐵板連同牛扒上枱，客人選擇蒜蓉汁/黑椒汁之後，店員將醬汁倒入鐵板，滋滋聲立即響起，醬汁亦因為鐵板的熱力而隨即散發開去，香氣十足，更令人飢腸轆轆。五成熟的牛小排入面依然粉紅，外面帶微脆之餘更沾到香濃醬汁，滋味非常。除咗牛小排之外，鐵板上仲有薯角及少量配菜，一份都已經相當飽肚。另外加生蒜是必須吧，令整份牛扒的味道更加昇華，無得輸！貴族牛扒（美國牛肩肉）$208入咗商場的金鳳裝修比較光鮮亮麗，門外牆上掛咗隻以霓虹燈砌成的發光牛牛。

呢間餐廳系D2 place，主打港式鐵板餐🥩，同朋友行街，咁啱經過金鳳，聞到勁大陣鐵板嘅煎香，即刻就忍唔住想入去試下😚🥩 貴族牛扒鐵板餐 （五成熟）金鳳有蒜蓉汁同黑椒汁揀，小編就揀左黑椒汁🙆🏻‍♀️ 上鐵板個陣有啲嚇親，塊牛排好厚，勁大份，小編同朋友第一時間都驚食唔曬。一切開，見到個顏色啱啱好，廚房控制個溫度控制得好好，切一細塊試下，牛肉扒保留了適度的嫩度，個口感嫩滑，每一啖都散髮出肉汁的鮮美，小編同朋友食到舔舔脷～懷舊鋸扒鐵板餐最緊要有香港特色忌廉湯配餐包勾起左細細個食港式鐵板餐嘅回憶，這道湯品濃稠豐富，入口滑順，忌廉的香氣充滿口腔。搭配著酥脆的餐包，完美地平衡了湯的濃郁口感，令小編感受返細個同屋企人一齊食鐵板餐的溫暖與滿足🫣🐟忌廉比目魚飯比目魚肉質鮮嫩，外層煎到金黃趣口，搭配甜甜地嘅港式忌廉汁，伴碟仲有啲翠肉瓜同紅蘿蔔，用港式忌廉汁個種甜而不膩嘅味道送飯，真系可以撈幾碗飯🥰🍹龍鳳檸檬可樂跟餐+ $16嗌咗呢杯特飲，帶啲微微的酸甜，仲有啲微嘅咸味，飲落口中和食鐵板嘅膩，又可以再食多幾塊🤩

同事生日，約咗佢去荔枝角金鳳大餐廳 (D2 Place) 鋸扒，餐廳以平民懷舊鐵板餐而聞名，分店遍佈各區，午巿和晚巿都座無虛席，每個客人枱上都有個熱辣辣扒餐。餐廳裝修雅致，也不會有鐵板常見的油煙味。扒餐包括：牛油餐包，餐包軟熟，塗上牛油更好味。餐湯（可揀羅宋湯或忌廉湯）忌廉湯綿滑香濃。餐飲：加8蚊轉左凍檸七冰爽清新加18蚊 轉雪糕紅豆冰用牛牛鐵板盛載上枱才由侍應加醬汁,可以揀黑椒汁或蒜蓉汁，我揀咗惹味嘅黑椒汁，倒下黑椒汁時咋的一聲，香味四溢，熱氣迫人，即使是高高舉起餐巾，鐵板餐的魅力依然是無法抵擋。鴛鴦扒餐有香煎豬扒和雞扒，可以一次過享用不同扒類，大大塊份量十足，肉質好嫩加上濃濃以醬汁好惹味。荷蘭豬扒餐：豬扒比手掌大，肉質軟腍適中，黑椒汁香辣。還加多一塊美味的煙肉。另外加18蚊就有大大碟香噴噴的炒意粉，好抵食。

好耐之前去過太子金鳳鋸扒，當時感覺良好，所以而家就有興趣再試……點知，唔愉快嘅經歷唔明白，侍應為何咁勞氣？客人排隊45分鐘， 坐低order嘅時候，仲要受氣店入面好嘈， 好多人傾偈，落單嘅時候，因為聽唔清楚侍應問題， 我麻煩佢 ， 講多一次， 佢就黑面大聲冇禮貌「塊扒， 碟上 定係鐵板上？」我自問係一個有禮貌嘅人，從來唔會大聲話人，我會唔該 前，唔該 後….所以呢， 呢位侍應我真係唔知佢， 發咩神經？鍾意搵d 客人，出氣？講返食物水準， 牛扒叫6 成， 過熟….嚟到張枱，放入口，感覺已經係8成舖頭冇水吧，係侍應整飲品，勁難飲，凍奶茶只有甜味，冇奶味我呢一世，唔會再幫襯，我感覺……貼錢買難受