金龍冰室 (已結業)

一心諗住食炒野，茶記無死。叫瑞士汁乾炒牛河，黎到濕笠笠，一pat屎甘，牛肉得幾塊，一大碟都無意思啦…賣相已經唔得，睇落已經無鑊氣，食落係無味，真係未食過差成甘，收$59，知得食番紅茶好過。。。。。叫佢比枝辣椒醬，得番甘少，叫佢比話無貨番，真心覺得唔係做生意，甘大枝唔係今日先無啦，過去隔離雜貨舖買都唔識。食食下勁大隻烏英飛埋黎，真心勁污糟，佢個本餐簿仲要有陣臭味，千其唔好貪有位入黎，難食到死，真係抵自己死我夾左幾舊肉食完就唔食，佢地個廚煮野真係浪費食材

一入門見到沙發爆晒皮，枱腳椅腳生晒銹已經有不良預感叫左兩份早餐，拎兩個碗仔兩個碗油淋淋，油嘅程度就好似掉晒碗碟去桶水（一桶成日無換過嘅水）就咁拎返上來當洗左！同佢哋講，兩個阿姐話抹一抹！仲拎櫃桶嘅碗出來話抹下先好俾人！大姐，系咪要正正經經用洗潔精洗乾淨呢？最尾拎過兩個碗過來都系見到有層油光，我就唔敢用啦跟餐多士+$5轉奶油豬，食落陣味好怪，有啲油溢味，再食真啲，酸嘅！阿姐大大聲話奶油豬今朝先送貨來。我叫佢自己試下，佢就話整過份；無晒胃口，叫佢唔洗整！佢又同廚房講整過份奶油豬，拎份「新鮮」嘅來整？！成份早餐基本上無食過，奶茶都無胃口飲！坐多陣都想反胃！再送份奶油豬上來，梗係無食！

帶子冇咩味 不過炸得幾好個汁酸酸地都幾送飯啲汁都偏多 食到尾都仲有好多汁豬扒鞋左啲 但係意粉嘅份量都幾多不過整體味道普通凍奶茶都OK茶走正常 冇乜特別 整體都普通 唔太差 不過又唔係特別好食

今日11點28分叫嘢食，我坐喺一張12 F號嘅枱叫咗一個早餐嘅包片火腿通粉配餐肉炒蛋跟多士，另外再叫一個榨菜肉絲米粉配腸仔炒蛋多士，然後我見到有卡位所以就帶住小朋友搬咗過去卡位，並且同員工講我調咗位，坐咗一陣兩個面已經到齊亦都食咗個面15分鐘，兩個餐嘅多士炒蛋同腸仔餐肉都仲未到，已經問職員可唔可以幫我問一問廚房究竟仲要等幾耐，職員會問都冇問就答我廚房已經整緊，但係隔離枱個伯伯遲黎先上岸，遲過我入嚟嘅啲嘢食都到齊，係咪因為熟客就所以快啲普通食客就需要等成幾個字先至出齊？最後仲要唔小心將我杯咖啡整跌，搞到我成身都係咖啡！兩個餐加埋一個80一蚊但係我叫嘅食物並冇黎齊！

來食個普通早餐，火腿通粉、煎蛋、多士及奶茶。食物質素是一般茶餐廳水準，不過不失，份量合理。但我最欣賞既係杯奶茶，有濃濃茶葉味，不苦澀，又不會整係得奶，簡直有驚喜👍🏻。餐廳坐位不擠，枱與枱之間有膠板，衛生ok，侍應有用消毒水清潔枱面，食得放心。侍應有禮，工作效率高。

是晚嚟到大圍區搵食。一向都知大圍區出名食肆林立，所以行咗一陣，離遠望到有間天藍色裝潢嘅冰室，感覺幾雅緻，於是就行咗入去。～～～🐨甫坐下，店員都即時奉上熱水兩杯，仲同我地介紹鐵板餐。但由於我地唔係太肚餓，所以諗住食個常餐就算。～～～🐨當時夜晚七點左右，常餐喺特定時間索價$45，但係其餘時間要額外加$10。我地都冇所謂，就加咗$10啦！一嚟就熱檸水同熱杏霜，都係用黑白淡奶厚身杯裝住，似乎可以保持溫度。跟手嚟咗兩碗米粉，由於瑞士汁雞翼同吉列豬扒係分開上，感覺兜米粉唔太吸引，而且米粉湯完全冇味。可能餐廳想你自己倒啲瑞士汁落去碗米粉度啦！～～～🐨最後嚟埋聲稱用咗「3.6北海道牛乳」嚟製作嘅炒蛋同奶醬厚多士，但係炒蛋唔覺有牛奶香味，甚至連蛋味都唔覺有。。。至於奶醬多，煉奶同花生醬都偏少，好乾身，完全不符合我對茶記常餐嘅期望。

今日懶煮飯，途經大圍又見到外賣有9折，於是乎就試下啦。疫情期間，日日煮飯都好攰，又唔來食黎食去都嗰幾間，咪發掘下啲未試過嘅餐廳試下囉。諗住叫得冰室，應該都唔會差得去邊掛...我地分別叫左個肉醬意粉+菜遠牛河。呢兩樣餸要難食極都有個譜，但意想不到，兩樣都超乎想像之外嘅難食。河粉明顯無炒過，一啲都唔香口，啲汁擺明只係落左豉油溝出嚟，理應落蠔油先帶到啲味出來，牛肉還可以，不會太韌。而肉醬意粉，一食就食得出用罐頭，啲味都唔係新鮮食材嘅味。食完誓要留返個劣評自己煮得仲好食懶飛佢地

經openrice訂下午茶有優惠麻訂囉，明明套餐寫住有吉列豬、蛋、多士、薯格，焗豆、飲品，拎返列屋企，發現只得吉列豬、蛋同飲品？咁樣$42蚊囉！咁少我唔叫啦！個app訂係有誤道定餐廳比少？！絕對不會再光顧！

幾個朋友行完山去食下午茶，經過金龍冰室，看到下午茶餐牌有很多選擇，所以就入去試下，侍應姐姐介紹我食炸雞肶配紅豆西多士，我幾個朋友每人就叫左一份，雞肶好好味，配紅豆西多幾有特色，另外侍應及收錢員工服務很好，非常有禮貌，有時間一定會再幫襯！

早餐食個沙牛通，但食落啲咪道怪怪的。大家食過酸嘅沙牛未？嚟呢間一定食到。因為我已經食過三次，三次有兩次都係酸嘅，當然，廚房入面話冇事啦。😤牛肉又俾晒啲筋我，跟本都唔係牛肉片，同埋明顯俾神奇粉醃過囉。我叫多士走油，嚟到嘅多士就充滿牛油，35蚊。又貴又唔好食。難再幫襯。

星期日行完街，想食個早D既晚飯，但又冇咩胃口，五點五十五分黎到呢間冰室，岩岩好趕得切叫下午茶，揀左卡邦尼意粉配炸魚，另外叫左雞絲撈丁，再加一個咸牛肉炒蛋～個卡邦尼意粉正常，夠汁，唔會好乾。炸魚都唔錯，個皮唔會好厚粉，又唔會覺得好油，（之前食吉列豬扒就好唔得）。撈丁就乾左少少，XO醬太少，唔夠味。反而有驚喜既係咸牛肉炒蛋，好香好好味，畫龍點睛有番個下午茶既感覺。呢間冰室由佢新開食到而家，清潔度覺得愈黎愈差，服務都係時好時壞，有D失望。食得順唔順心都係要睇緣份。

猴子通常早餐唔會食太多，不過今日去到金龍冰室，睇見佢個歐陸滋味餐又真係好似好吸引，於是忍唔住叫咗嚟食。個早餐一擺上檯，成個碟裝到滿滿，心諗，好彩今日唔趕時間，否則要短時間之內食晒都幾係嘢。先講吓塊雞扒，炸到好香，雖然係油膩咗啲，不過偶然一餐半餐冇乜所謂喇。而薯格都同樣炸到好香好脆。好彩嘅係炒蛋同火腿冇咁多油，算係平衡返啲個油膩程度。至於茄汁焗豆就係一般嘅罐頭貨色，唔使多介紹喇呱。件奶油多都算係厚嗰隻，不過就硬咗少少，由於唔想做大嘥鬼，所以都盡量食晒，至多晏晝食少啲。

啲意大利飯好硬，又無味，唔知自己食緊乜個黑椒牛肉飯，唔知搞乜，黑椒味勁齋，無乜味。叫兩個中湯，黎得碗唔滿我地叫外賣，結果要另開罐頭先食得落己經係以茶記心態食，佢衰過其他茶記

行經大圍"金龍冰室", 鋪面光鮮, 入去食過午餐醫肚, 叫了一個常餐A6, $40, 包括有豬頸肉米線 + 奶醬厚多士 + 漢堡扒 + 熱奶茶, 另外一個午餐H, 炸豬扒芝士火腿奄列芝士汁撈丁 + 冰咖啡, 原本都正正常常的一間冰室午餐。但食到尾聲時, 我食梗碗豬頸肉米線, 無啦啦見到隻黑色物體, 打撈起發現有腳！疑似小強的蟲呀！！！超驚, 頓時胃口全失, 好想嘔！我仲要食左大半碗, 隻黑色蟲沉了底, 要撈碗米線多幾次先打撈它條爬蟲的屍上來。同碗米線影了相後, 隨即叫侍應過來, 侍應懶懶閒, 仲要話隻蟲係飛入碗米線內, 我隨即反駁 :<個隻似小強的野沉左底架, 我仲要食到尾, 打撈左幾次先發現到它條屍, 它點飛落碗米線到呀？>, 侍應之後hea收走碗麵, 話比多麵你食, 我答:<我仲點夠膽食呢間鋪的食物呀？>, 重覆問了幾次侍應點處理, 侍應勉為其難地拿起我們張單, 話這個常餐不用比錢, 並只void了一個常餐, 照計杯熱奶茶錢。錢其實不是問題, 只是幾廿蚊, 我食得起。 但個心理陰影好大, 我好驚, 簡單地食個常餐麵都竟然發現裡面有蟲, 我都不知會否食

3:15下午茶時間、此間有四分店，我順便來大圍轉車那就順便食野，人都多，要等位，不過一人好容易有位。我就簡簡單單叫左炸脾加火腿流心西多士。茶走—奶味都不錯，不過我坐冷氣位，好快凍左炸脾—算是有味，可再多點咸味，我不連皮食，都夠juicy 不過賣相很好👍🏻整整齊齊西多士—用練奶代替糖漿，我覺得好好食，芝士火腿剛剛味道，都是甜甜的整個餐35元來講算抵食又值得食。好彩冇入錯地方我覺得好ok下次試下晚市先