鉄板200 (已結業)

一條活魚刺身(三刀魚), 魚肉細細片,點酸汁食,都ok.配清酒盛合,有五小杯清酒,由淡味飲起到濃味,試到不同種類,幾特別牛肉卷配汁,汁好似有鮮茄味,幾好味最後食埋豚肉鍋-最好食係個鍋,因為湯底因為整體有鮮味,有肉食及有熱湯飲下,所以好滿足

星期四晚約好左同男朋友一齊食飯,想食好d,上網睇過食評覺得可以一試就黎左食晚飯喇~我大概7 點到,佢未到,咁我就攞定位先,不過都唔算等得太耐,10分鐘就有位喇~不過坐正個風口位,好凍...趁佢未到我就自己叫左野食先,等佢黎到都有得食丫嘛~我叫左(順住黎的)帶子燒餅,揚八爪,鐵板牛舌,香蒜牛肉卷,鐵板照燒汁炒烏冬,大蒜海鮮炒飯&餃子~我地2個人叫7樣野食雖然好似好多咁但係本身我男朋友都好食得,諗住都食得哂,點知...初初食頭果4樣都幾好,唔錯的(係個揚八爪難咬d之外)個牛肉卷雖然無想像中咁好味,不過加埋個燒汁都ok~到黎個烏冬喇(男朋友叫的)我食先,食落係有d酸,不過我覺得照燒汁酸係正常的.到佢食既時候,食左兩啖,話酸唔食,最後成碟烏冬我食哂...個炒飯...仲衰...佢食左少少試味就已經話想嘔,即刻飽哂...我本人就覺得d飯硬左d,個味因為有大蒜既關係我都接受到,不過佢d海鮮就好少,反而就有好多三文魚碎,不過熟左既三文魚太鞋口又硬,變得唔好食,食左一碗就棄置左無再食lu...到最後個餃子我都已經太飽食唔落,男朋友食哂~總括黎講,叫番佢d鐵板食物會好d,飯or麵果d免得就免喇...

成日食下面個d餐廳，有點悶，上星期有朋友提議去鐵板食lunch，我食過一次晚飯，印象幾好，同時見到朋友咁想食，就入去試下個lunch la~~原來這間鐵板lunch time都有好多捧場客，我去到都差不多full 哂. 我叫左日式咖哩照燒雞扒飯&友人就叫左雜錦野菜鍋~ 開頭我地仲以為個份量唔會好大份，應該食得哂……點知個餐include 好多items lor ，such as 前菜，三文魚刺身，麵豉湯，飯，飲品& 生果.食到中途開始飽la…三文魚行刺身有3舊咁多，仲要唔係薄個隻//兩個女仔如果不太肚餓，都可以share the lunch set. 價錢唔貴，$55蚊到~ 我幾鍾意個牛肉卷，因為不太肥膩，同埋個溫度都夠熱~ 而個野菜鍋味道&份量都ok，賣到五十幾都差不多la//遲d 如果天氣涼，食熱騰騰的鍋物係最好不過~ 同埋加$5可以轉時曰特飲or ice cream ~ 我地就轉左ice cream~ yummy ^^ 服務都唔錯. Waiter 對客人有禮// 佢地都會主動問下我地ge意見~ 下次會再去食!

Yesterday lunch time 同個同事去左Teppan食lunch，我係度食過晚飯，lunch 就未食過~ 最近聽d 朋友講話間野改善左，咪去試下^^我地去到過陣已經有好多人，聽Waiter介紹先知道原來佢地推出左一個新lunch menu 我地係門口都見到好大塊lunch menu board~ 我發現lunch menu多左日文字翻譯，因為我好記得晚餐個menu無日文字翻譯…我仲係度唸日本餐廳why 無日文字有d奇怪 Lunch set價錢唔貴，平均都係四十幾蚊至五十幾蚊到~仲有日替，仲抵$38! 同埋都包好多野食~ 我就叫左吉列豬扒湯烏冬套餐，包前菜，壽司，甜品，飲品，價錢$42 ja^^ 好抵食lor，食到好飽吉列豬扒湯烏冬幾好食，壽司不錯!! 仲有生果食, 好豐富的午餐~ 我個同事叫左個燒秋刀魚日替，這個仲平，＄38~ 有前菜，麵豉湯，飯＆飲品佢都話份量好足夠& 秋刀魚味道唔錯!!服務態度幾好，細心~ 有d都幾好笑容^^ 其中有一個server 主動help 我地斟豉油~ 唔錯唔錯^^ 地方都幾闊落，坐得幾舒服～～咁抵食~ 下次再去食下便當系列!Haha..

星期4 個晚，我同朋友行完沙田，之前有朋友食過話普普通通，我地都想去試下食，我們行完個一層，發覺這間食市係最熱鬧ge 入到去，門口有位禮貌ge姐姐welcome 我們+講歡迎日文，其他人都跟住一齊叫我們入到去，見到好多一大班young people 係度gathering~ 氣氛好似幾好**　佢地assign 左open kitchen 附近ge二人table 俾我地空間幾寬闊，環境唔錯~ 仲望到個Open Kitchen之前我個朋友話d烏冬好un，湯底酸酸地~ 但今次去有改善，我地叫左雞扒湯烏冬，烏冬幾彈牙，湯底一d酸味都無& 雞扒夠熱~ 不錯!! 我地仲order 左蒜香牛肉捲，明太子茄子，豬頸肉串，若雞唐揚&雜錦燒餅個蒜香牛肉捲好好食~ 而明太子茄子口感唔錯，如果份量再多番一兩件，配合番個價錢，會更加好! 若雞唐揚個名字幾得意，咪叫來試下^^ 原來係炸雞件，要點汁食，這個幾special~ 我地等緊d食物個陣時，我地見到廚房c fu整燒餅的情況~熱騰騰的雜錦燒餅好味d 材料豐富，兩個人食真係夠飽**服務都唔錯~有d幾有笑容，經理都好有禮貌幫我地take order! 走個陣

其實以前都去過這間....感覺一般!!!!!為何今次會仲去試....因為有個朋友話這一間好食...我即時回應...下?好一般的..但我個FD硬要說好食..SO最後當陪朋友心態去撞撞運氣!!係門口見到個肥妹仔!佢見到我就說歡迎(日文)....帶位感覺不錯~!~!之後坐低左有杯hot tea..開始叫野食...叫左雞鍋反..三文剌..好像係叫香蔥牛卷..同埋一D串燒!(選擇得好小心)!!!哈哈哈雞鍋反比我想像中好好多....小小反蕉..不錯...雞都燒得不錯!!三文剌..個人覺得幾新鮮(好過以前好多了="=)香蔥牛卷係我覺得滿意之作...落台的時候個waiter叫我們親熱食最好...話冷左就好難食...哦!!幾細心!!咁同我朋友一人2件....真係好OK...燒得剛剛好!!!味道真係不錯...(其實我上次食過..我落單時候叫朋友唔可以叫..話好難食..點知佢話.下..唔係呀.上次食好正嫁.我話你想死就試下..)maybe 上次可能真係冷左咁食law="=.....SO今次好滿意!!!!!!總結:的確比以前好左...有機會都會去再食...

星期四晚同左個朋友去左這間restaurant 食晚飯^^ 開頭都唔知食邊間restaurant 好, 但見到Teppan係咁多間最多人去食& 地方都好似好大, so 就choose it la ~ ~ 我們一入去, Receptionist好有禮貌welcome 我地& 帶位我們一坐低, d server 已經好快拎兩杯茶& 拎menu俾我地/// 我們對面睇到成個open廚房的運作, 整燒餅都睇到~都幾特別*** 首先我們叫左個清酒煮蜆, Teppan新推介ge和風牛肉& 山葵吞拿魚刺身沙律, 之後再慢慢叫~ ~ 拎食物俾我地ge server 服務態度幾好, 每一碟野佢都有present the names & say :”慢慢享用/ 小心, 睇熱”~細心!!! 清酒煮蜆最快到~ 這碟是我個人推介, 因為食過咁多間, 最好食, 最無沙, 最有酒味& 最足蜆肉非這間莫屬~ ~ 其他restaurant d 清酒煮蜆好多都得個殼, 無咩肉~ 這碟好滿意新推介ge和風牛肉賣相比較美式, 份量足夠!! 我個朋友叫左六成熟~ 我本身唔係成日食唔熟哂ge 牛肉, 今次咪試下食~

鐵板200 (鐵板燒又燒) 夜晚同L 食餐飯, 去左沙田新城市廣場, 本想去地下新開foodcourt 試試, 不過比七樓間鐵板200 引左入去, 地方都幾大, 橫跨幾個鋪位, 都好多人食。至於好唔好食? 又睇落去?三文魚刺身: 穩鎮野, 新鮮既! 可唔可以切個腩黎yoh?劍魚腩壽司, 飛魚子壽司, 帶子壽司:H 呢個價錢黎講, 大家千祈唔好叫! 我都好少咁樣叫大家唔好叫! 信我...好彩我地唔係叫左好多壽司呢...鐵板燒雞扒湯拉麵:扒真係燒過既! 因為食到炭味呢! 味道好普通...香蔥蒜粒薄牛肉卷: 終於有一樣係可以用好味黎形容! 因為係問個待應有咩好推薦既其中一樣! 其實我想將呢味菜做呢篇blog 誌cover, 可惜影得太暗post 唔到幅相出黎...個牛肉卷燒得好香, 加上d 香蔥蒜粒好惹味, 就算牛肉薄chit chit 都好好味!大阪長戶厚燒帶子魷魚燒餅: 待應另一推介, 燒餅分兩種餅, 一款係大阪長戶厚燒, 一款係廣島明石薄燒。沙津醬, 魷魚, 帶子(好似唔覺有...) 青口, 蟹棒絲, 麵粉同蛋, 味道都...可以既, 愛黎頂肚啦!近睇係咪好似好味呢...其實...食完

19/8/2007中午食午餐, Order了2個lunch set- 天婦羅蝦配烏冬($65)及鐵板海鮮炒飯($58)首先, 炒飯唔熱, 只係中間微微暖,海鮮?都唔好講嘞!d飯仲一舊舊炒唔開, 點食?Too bad! 個set 除炒飯只有餐飲, 都唔講味道，我去茶餐廳食個炒飯都起碼熱辣辣, 唔係即鐵板炒都"興"住d飯啦!天婦羅, 蝦約3吋長(連炸槳), 番炸再番炸, 不過都係....涷既, 舊粉槳硬到咬唔開, 隻蝦係"Un"既, 可能已經唔知擺左幾耐。烏冬, 咸湯一碗.....之前夜晚食過都唔係咁差, 雖然係Set Lunch, 但收得60一客, 無理由咁差!!!

ground floor的餐廳都好多人等位，由於我太肚餓，所以上黎七樓搵野食！見到這間好像不俗就入去了。吃了炒飯麵奄列，最好味的一道，蛋滑滑的，但太多tomato sauce 和salad 醬。海膽意粉，海膽少到呢.........完全唔夠食，白酒汁怪怪的，完全唔似白酒。准山雞肉pizza，男朋友話想睇下係咪真係有准山。真係有好多准山，食到我覺得苦，佢就食食下夾走晒d准山。埋單百多元，reasonable。環境很好，是gathering的好地方。

本身諗住去隔離0個間避風塘食，但係太多人，所以諗住試下呢間野，但係真係好後悔唔俾多少少時間等避風塘。我地試左4樣野，包括：1. 海鮮鍋物- 魷魚、蜆、青口都好多下，d湯都幾甜、但係青口同蜆煮到好似"淡菜"2. 鐵板金菇牛肉卷- 味道淡、落左d胡椒粉好dd3. 串燒2串(冬菇+墨魚咀) - 普通啦，不過唔熱4. 帶子魷魚薄餅- 標榜係人氣推介，但係真係唔係好得，好淡、冇乜料同埋都幾"粉"，最後只係食左一半，食唔落去，$68真係唔值埋單$22x，咁0既質素實在唔抵，服務方面就真係好一般，好難先搵到個waiter，而且問左幾次想拎隻匙，最終都係冇拎黎，可能真係太忙掛。我諗我總結係俾兩個袋佢..... too BAD

有晚接女朋友放學，相約到沙田食飯。近10時但肚空空，於是快腳上市廣場7樓搵食，隨便的入了這間。睇menu 見到燒餅人氣，想叫，但staff 串串地的說所有燒餅已早早沽清，你們揀其他吧，但(手指著meun) 這個那個都沒有了，我倆聽了有點洩氣，唯有再揀，結果換來了另一位該是新手的女侍應，細心有禮的替我們點菜，我們點了雞軟骨、大葱雞和骨腸串、北海道牛乳雜菜煲、什錦魚生飯和炸豬排拉麪，新手的女侍應可愛的問我們會否改叫其他壽司，因為什錦魚生飯是用香檳杯裝的，好細架! 我們笑笑地婉拒了她的心意，因為我女朋友係唔鍾意食飯的。炸豬排拉麪受騙，雞軟骨、大葱雞和骨腸串普通而偏鹹，魚生飯精緻但新鮮，最美味的是個北海道牛乳雜菜煲，牛乳香滑，熱燙燙的相當吸引，女朋友學完大盛的豆漿鍋後，又對這個偷師，都好，又有好野食，但這裡就沒有下次了。

陽光普照星期六下午,買完期待已久既CD後,走去巴士站再玩隨意,今次走左入沙田市廣場。一如平常人頭湧湧,四處走走玩玩後走上7樓,巡視全層食肆之後,最後揀左呢間鐵板。一輪日文歡迎詞後,帶位小姐帶我坐近門口人少地方,而唔係較熱鬧既裡面;真估唔到熱鬧如週末沙田市廣場,竟然搵到一個人少地方食午飯。可能侍應小弟見我熱到面紅紅,問我要什麼餐飲後主動同我講:幫你先上飲品,好嗎??(好丫!)凍檸茶真係好快送上,又係細細杯之作。茶味ok,甜度偏淡,唔駛叫"凍檸茶少甜"都有少甜效果,如果唔係女侍應加一句"已經落左糖",我會懷疑水吧無落糖水。麵豉湯用上淡味麵豉乎??味道真係偏淡,而且湯裡面有蘿蔔粒同洋蔥粒,第一次飲到有蔬菜既麵豉湯,平時通常都係豆腐粒或海帶之類,呢度又幾特別。咖喱雞扒飯送上時,咖喱味撲鼻而來,好吸引!伴碟薯仔煮得好淋,伴以香辣咖喱汁真係好正!!本以為食到日式甜味咖喱機會較大,原來係"辛口"!食食下都覺得辣得幾利害!!白飯用上珍珠米,係我鐘意個種QQ感覺;雞扒煎得金黃,雞肉好似用照燒汁醃製過,我覺得好好味lu,相信改用照燒汁味道會更好。甜品係一小粒雪糕糯米糍,好處係雪得夠硬淨,唔係半溶狀態之作,

四個人...唔係好記得食左乜野:燒銀雪魚: 普通......松葉蟹飯: 飯有蟹味...但食食下覺得苦....三文魚刺身....軟殼蟹卷.....等等都係一般.....甜品試左軟心柚子蛋糕...估唔到幾好味....唔覺佢係軟心...似果仁蛋糕....伴碟既生果暖暖地....同個蛋糕既味道好夾....成晚最好味係呢一樣.....店員都好有禮貌....但係成日都要叫先加茶.....

唉, 提都唔想提, 比成三百幾蚊食一餐, 起碼都比d出準出黎, 我覺得呢餐真係好唔抵, 希望大家引以為鑑:1) 蟹肉沙律: d菜ok新鮮, 沙律汁都ok, 不過比隻蟹鉗黎, 係無味, 無鮮味唔好講啦, 大佬什d鹽乜都好呃下我. 2) 三文魚頭湯: 簡單黎講, 佢整法係豉油湯還豉油湯, 再掉幾舊炸左三文魚頭落去, 湯完全無魚味, 得個咸字, 建議大家去試下元氣$14蚊碗三文魚頭湯好過, 仲好味、重魚湯味過佢... 3) 炸蝦壽司: 不得了. 最基本的壽司米, 都可以煮得太爛, 而且少少醋味都無.4)串燒墨魚咀/ 串燒牛舌: 懷疑佢有無燒過, 因為係唔熱, 只係暖暖地, 我最鐘意食牛舌...搞到要自備炭爐咁滯..........最大問題係, 間餐廳以串燒/ 鐵版野自居嘛, 有無搞錯呀! 5) 尤魚薄餅: 厚餅, 成個餅都係粉, 唔食到面d沙律汁, 成個餅係無味架!!!總之呢餐真係慘情, 第二日落去翡翠食lunch, 反而有驚喜!