銀座藏人 (已結業)

晚飯。天婦羅卷賣相不俗，以蝦肉作餡，紫菜很韌。煎餃子非常不錯，皮薄而完全不油膩，餡的味道OK。海鮮摩登燒：何謂"摩登"燒是個謎，兩塊餅皮夾著炒麵，蝦蜆肉魷魚等海鮮，面舖蛋皮，味道口感ok但不太特別。服務與環境也不錯。

收工想跟一班同事去吃晚飯，沙田7樓有很多食市最後選擇了間銀座藏人...當時8時40分我們只有4位，有個服務員走過來，叫我們小心茶熱!(態度尚可)最後到點菜的一刻，我選擇了好像$128的魚生套餐!同事還叫來一點小食有雞軟骨，雞薯餅，還有個炸天婦羅卷最後的是石燒鍋拉麵...等等!我跟班同事share等了數分鍾...食物還未到，只來了湯跟沙律‧因為我們在談公事，所以沒在意再等了2-3分鍾..有位waitress走過來問還欠什麼回答後食物便送到味道不錯...只是等約15-20分鍾，食物已經齊那個天婦羅卷及最特別的魚生飯味道值得一讚...可是個日本湯比較鹹‧我將吃光魚生飯時...個waitress走過來說『甜品及餐飲起嗎?』當時我吃得很飽，忘了有甜品及餐飲..幸好個waitress提點我!最後結帳後看到有位打扮像高級的職員...就跟她讚賞食物不錯...還叫她反映麵史湯太鹹..『根本飲唔落』服務不差，傳菜速度還可接受，還會再來光顧可惜價錢尚貴，份量還可接受

今晚9:00左右，想在新城市隨便找間比較舒適o既餐廳食晚飯，結果揀左呢間。望住個餐牌，o的o野都幾貴，心諗都應該物有所值掛。我o地2個人點左3樣o野，2個main dishes，1個小食。o係等o野食o個陣，聽到隔離個阿姐催個waitress，好似差佢地一樣o野，結果人o地其他o野都食完晒，坐左陣o個樣野都未黎，結果菜黎喇，但係佢o地等得唔耐煩就冇要埋單走人。跟住我o地諗，希望我o地唔會係咁啦。等左陣，都唔算太耐，我o地o既o野就黎喇。第一樣係個燒餅，真係麻麻地，醬汁唔多，o的炒面又乾。之後一個串燒雞翼，都係好乾又好淡。之後等下等，發覺唔對路，仲有個咖哩雞扒未到，就問個waitress，佢呃我o地話落左單，但其實之後就對住部機禁禁禁，係人都知你未落啦。落單個個姐姐又十下十下，人o地6個人o既份量，落漏單可以理解，我o地3樣o野，咁都可以落漏單，個waitress可能唔夠訓喇。等o既中途，我o地個2樣o野都食完喇，我o地將雞翼骨放上個空碟上面，之後另一個waitress問我o地o個碟o野"仲食唔食"，之後我呆左，都唔太想理佢，心諗講o野唔該經大腦呀阿姐，隻碟有o野就話有可能仲食姐，得返d

上次lunch試了幾款,今次試埋甜品先.而這頓晚餐居然食了接近四小時,很恐怖呀.....1.凱撒沙律芝麻豆腐汁$55 ~ 有幾款魚生在內,沒有麵包粒.醬汁是橙色,味道似千島醬,但偏酸.2.彩虹卷$78 ~ 以不同魚生包住,卷內原來是蟹柳咋.3.鮮茄海鮮燴意粉$68 ~ 蜆,青口,帶子,蝦及魷魚,小小酸,幾開胃.但份量不算多.4.意大利芝士蛋糕$38 ~ 等了很久,原來塊皮是即整,唔怪得要咁耐啦. 這個蛋糕與平時食到的不一樣,手指餅很堅硬,唔會一放入口就有溶的感覺,而且沒有酒味,反而我較喜歡喎.Size有一個麥記漢堡咁啦,所以幾抵.

環境清幽，叫極都無人應你嘅餐廳，等一個下午茶餐足足等左個幾鐘，催左七八次，真係太過份，不過慶幸服務員態度尚可，只係人手完全不足而已啫。食物就一般啦！

今日本來與同事去周記避風塘食lunch, 但因為太多人, 所以轉去這間餐廳, 去到, 見到即刻有位, 都心知不妙, 四圍的餐廳都大排長龍, 唯獨是這間餐廳一去就有位我們12點45分落單, 個待應還叫我們order埋餐飲, 心已經諗, 這次入錯餐廳, 點知真係好的吾靈, 醜的靈1點15分, 食物還未上, 催待應, 答話今日太多單, 做緊1點30分, 我同事的拉麵與烏冬都陸續到, 唯獨我的吾用煮的壽司未到他們食飽我的壽司都未到, 正想叫佢埋單, 吾要, 寧願去附近的滿記買湯丸外賣返公2食算的時侯, 壽司到但我寧願吾到好過到, 因為未食過甘難食的壽司, 飯林到以為自己食緊bb仔飯, 我只係食面頭果5塊薄到風都吹得起的魚生真係要買滿記外賣返公司食以後, 一定一定一定不再去此間餐廳走的時侯, 見到一個媽媽帶住個小朋友正在等食物, 我真是想叫佢走, 吾好再等, 一陣等到個小朋友扭計, 食物都未到

今日「年初四咁o既樣」，食左幾日唐餐，故打算食日本菜清清胃口順道與同事食開年飯。其實平時一直有光顧此食肆的午餐，食物水準一向中規中矩，也有七至十款午市套餐供選擇，但稍嫌服務效率不夠快，每次總有一至兩款午市套餐（由於是套餐，故對上菜速度有期望，需知午膳時間往往只得一小時），必須等15至20分鐘，再要追待應才送到面前。但似乎此餐廳給我們「縱壞了」！由於預計今天有大量人食開年飯，故一早打電話訂檯，怎料到達方知沒有該登記紀錄，還好時間尚早，仍可馬上入坐。（事後推測大慨是待應當時太忙，收到我們的電話後沒有記下）已見全場滿座（平時通常七成滿而已），心知不秒，安頓後以極速9秒9選菜及落單，希望不用等太久。我們一行5人，其中3位同事錯誤估計壽司等生食會比要煮的熟食快，所以點了壽司餐。豈料另外兩位食完都未見那數份壽司，離落單之時已有30分鐘之久。此時候聽見比我們先到後面檯的四份餐仍未到，而且顧客正從語氣流露不滿兼「摧」單，我們的心涼了一截。離落單40分鐘，仍有一份「壽司烏冬餐」未到，實在佛刀有火！！只見待應們衝來衝去截佢唔住，廚房（Open Kitchen）有兩名靚仔又竟然姿姿油油，落單時要求我們馬上叫

從網站睇返先知第一次和女朋友食晚餐就是銀座藏人。今次係第二次來臨，對上一次正好是一年前第一次約會的地方；今次亦都因為周年紀念而去．．．裝修依舊一樣，不過人就變左。至少少了一個地道日本server來serve我們。清一色都是年輕的青年少女，雖然女朋友說不是很醒目，但我覺得以他們的服務態度已比其他年輕侍應的食肆好得多．．．我們點個了$128的餐，內有味噌麵士湯、一碟凱撒沙律、一碟特色海鮮魚生飯及一味甜品；另外我也叫了一碟什麼燒雞淮山薄餅，後再加碟白汁三文魚意粉。凱撒沙律很別緻，吃上去的口感也不錯，接近中上水平。海鮮魚生飯屬一般性質，畢竟是魚生，哪一間的魚生生海鮮，味道也差不多的。款式也有數款，足夠維持一碟飯的不同味道。不過海膽比較苦(這是正常麼？)．．．至於那個燒雞淮山薄餅，對，是燒雞淮山薄餅。是有平時阿媽煲湯用的淮山來做薄餅。我吃後的感覺只能說句，很特別。唔難食，無怪味，但食落是頗怪誕的．．．(都算值得推介既)最後要提的，便是那碟白汁三文魚意粉。開頭食得好地地，我和女朋友夾住黎食。後來成碟食下之時，居然發現魚裡面有骨。食魚當然是有骨，但是這碟卻不是以三文魚扒作菜的意粉，而是碎粒融入整碟白

去完海洋公園搭170返沙田，我&老婆都想食日本野，但又唔想等，便去左呢間。叫左二人餐，有湯，刺身，鰻魚，烏冬，壽司等，味道都合格，特別好食就唔係，好在唔洗等囉。

拍完MK KCR，轉移陣地到Shatin KCR 的新城市廣場，繼續拍攝聖誕燈飾。拍到四點半，跑入來歇腳。侍應告之，只有tea set 餐牌內的數款茶餐供應。兩個大男人，點了三客茶餐。埋單$105，吃到飽飽，環境唔差，唔貴，唯人手不足。「日式叉燒豬骨湯拉麵」的拉麵好彈牙，配料不少，銀芽和海帶新鮮，唯日式叉燒略鹹，豬骨湯當然係味精貨。但賣相漂亮。「軟殼蟹卷拼湯烏冬」的軟殼蟹卷唔差，略嫌飯壓得好實。湯烏冬彈牙好味，係那款扁烏冬，有京麵感覺。「朱古力香蕉班戟」的皮好乾好粗糙，香蕉係成「轆」過，非切片狀。Cream 唔多，合女士食用。配食的那球香草冰琪淋加分，補那班戟皮的不足。餐飲點了兩杯熱檸茶和一杯熱咖啡，味道極之行貨，不值一提。

雖然室外雅座環境唔錯,但係食得好唔開心. 我覺得呢度服務實在唔好: 我去既時候已經唔係多客,人手應該非常充足,但係d侍應成日好似冇晒影咁.食完頭盤既碟同湯碗一直冇人理,直至我埋單都原封不動.(唔知而家執左未)我禮貌地視意侍應小姐幫我執走食完主菜既碟,佢就不太願意地幫我執走隻碟.(但依然冇理剛才提及的頭盤碟同湯碗)餐飲同甜品要一追再追,再等十幾分鐘先出現(好多枱都有此問題)食物方面不算差,但係唔值咁貴,可能我覺得服務方面扣得太多分.如果此店服務未能改善,我相信好難吸引食客再光顧(善意批評)

岩岩開張時幫親過兩三次，都覺得料理好正，不過刺身就貴而精巧，唔建議選擇！最鍾意雞釜飯同海鮮薄餅，每次必食！廚師精選都可以試下！每次都會叫一款試。但前兩日再去食，不論服務、食物都下降，侍應得閒無野做成日係聚埋一堆唔知做乜咁！但又無人加茶！最搞野係加入個set dinner係西式套餐！唔建議叫啦..日本餐廳你敢唔敢試佢煮西餐會好食呢？bf叫左個芝士雞扒SET，佢話唔好食，d 伴菜無味又凍，沙津又不聞不類咁...唉...

"嘩哈哈"講得無錯, 呢間(口野)真係好唔掂.第一, 上菜真係慢到離譜. 一坐底就叫(口既)活赤貝刺身. 話明係刺身, 即係唔駛煮淨係切, 結果等(口左)一粒鐘先到. 係就係好有禮, 對唔住前對唔住後, 但都係假, 我(口黎)食(口野)家嘛，唔係(口黎)聽對唔住. 況且客又唔係多，都唔知點解要等咁耐.第二，portion 真係好細。頭先講（口果）碟活赤貝刺身，成68蚊，都唔係平(口卦), 但成碟刺身得兩片，每片得1毫字銀咁大，細得可憐.第三，quality差。叫串燒，唔熱不特止，還有D凍。叫海膽手卷，紫菜"林"(口既)。向侍應complained，要求換個碟，紫菜一樣係"林"(口既)。俾晒機會個chef啦。等得唔耐煩，結果，食唔飽都要走。惟有同女朋友去第二度再食多次。錦(口既)日本餐廳，一定要black list！

難得剛剛病好，星期六晏晝諗住搵間四正少小既餐廳食，結果就走上新城市七樓試新野，女友話不如呢間，好，就試下你。叫左兩個午餐set，見到隔離有一檯頻頻換野，覺得有o的唔對路，好似係落錯order之類，另一檯就係咁催個侍應，話o的野叫好耐都未到。結果我女友叫個牛肉烏冬黎先，等左唔算耐。好啦，到我個唔知咩蕃茄海鮮烏冬，第一啖食落去，果o的唔知係蜆仔定咩貝類，一陣腥味，咬落去有粒沙添，都算啦。撩多碟烏冬一下，嘩！大佬！！！！有條鐵線！！！！我平日食野狼吞虎嚥，好彩剛剛病好精神麻麻，食野細細啖，如果我又係大啖大啖食，食埋條鐵線落肚，都唔知點算。即刻叫侍應來投訴，佢話換過碟好唔好？我幾大都話唔好，邊度仲敢係你度食野，個侍應都算係咁，幫我取消左碟野，我女友個牛肉烏冬免我加一，仲前後唔好意思左幾次，態度都算係咁。不過道多幾次歉又點，呢間野，我永久bad list，唔會再有幫趁。

在沙田shopping下半場媽咪及細妹加入，幾人戰績彪炳。行得累了，最好當然是找地方坐下來食茶，是日我們就揀了銀座藏人。　四個人點了四款茶餐，分別是：叉燒拉麵-份量不小，湯底很正，令人回味!軟殼蟹卷拼迷你鳥冬-軟殼蟹仍然香脆，新鮮美味；迷你鳥冬清清的，難得都幾彈牙，都不錯~忌廉綠茶西多士-綠綠的西多士賣相幾怪，但味道比一般西多士少了油膩，多了綠茶的清香，又幾好!雪糕朱古力香蕉班戟-賣相最討好，味道就一般，不過有雪糕都算令人心滿意足~　環境非常幽靜舒適，四個人食得很開心；服務又殷勤有禮，與Oliva相成幾大對比。埋單不過$150，很抵，有機會可返炒晚市!