銀杏館 (已結業)

聽聞過這餐廳聘請長者為服務員, 是日好姊妹邀請去試-銀杏館 餐廳環境坐得舒適...餐牌晚餐 另加 $28 享用自助沙律吧及湯沙律食材新鮮 是日餐湯淡淡的...帶少少苦 芝士焗虎蝦帶子香草天使麵 $178帶子煎香, 肉質彈牙; 虎蝦鮮味帶芝士香! 天使麵內有雜菇 法式紅酒燒春雞 $158薯角外脆內淋; 肉質"0鞋"而無味 一邊品嚐食物; 一邊欣賞結他演奏; 放輕鬆心情, 與好姊妹談心 銀杏館 總結: 還可一試!

銀杏館係一間社企，餐廳職員都係長者。呢日趁好天，約左2位識左幾十年嘅哎吔吔朋友仔黎呢度，貪佢食完野仲可以四圍行下，正所謂人到中年，最緊要識得飯後舒筋活絡嘛。由美孚MTR按路牌指示約行10分鐘，到達半山位置，即饒宗頤文代館所在地，銀杏館就藏在此地。到達文化館，可以選擇好有雅興咁沿路拾級而上到達餐廳，或者有個懶而快嘅方法 — 搭Lift. 未上去餐廳，會行經藝術館，蓮池d三色蓮花好靚，除此之外，建築物亦非常古色古香，天氣好影相真係一流。文化館前身曾經係監獄、醫院，而家就復修成為文化館，置身其中，真係成個人都即刻有返曬文化氣息 。黎到餐廳12:30pm，岩岩放飯時間，食客未算好多，不過之後陸續有人黎。職員遞上menu，熱情丶詳盡推介午餐，服務貼心。午市set lunch包埋自在沙律（晚市要額外加＄）。其實沙律要好食好簡單，就係食材夠新鮮，呢間餐廳做到，尤其青瓜好fresh，芝麻醬帶來咸香，食多幾舊都唔覺口「寡」。香茅茶(後）香茅味濃而不澀，入口略帶甘，讓人舒暢。是日養生湯材料有赤小豆丶粉葛等材料，味淡而帶清香，飲多幾啖，清潤養顏。無飯家庭喺出面食飯，好多時會因為有個靚例湯飲而深深被感動

星期日好太陽, 又未黎過饒宗頤文化館, 就約朋友黎. 因為佢黎過, 識帶我點由美孚走過黎. 原來都唔係好遠. 點知約佢兩點佢居然無食飯話黎到先食Tea. 我先知咩呢度有野食架咩? 銀杏館係中區. 要上左上面先見到, 唔知係咪星期日的關係, 外面重有好多小檔. 我地影左無耐相就撞左入去, 人家下午茶係三點先開始... 所以坐係度抖左三個字. 先夠鐘. 外面咁熱, 梗係入黎爽下重有水飲. 門口附近重有野賣, 都係健康食品. 未夠鐘叫野食就走埋去望下.蝦多士. 四十幾蚊. 等左陣先有, 問侍應佢地話因為即叫即整, 所以要等耐少少. 夠晒熱辣. 好味. 藍莓芝士餅. 套餐連飲品$38, 單叫$30. 不過不失. 唔會好濃芝士味. 細心一望呢度的侍應大部份都上左年紀, 原來呢度係支持老人就業的. 見到佢地都好好耐性. 好似枝水我地初初望住都唔知點開, 重要請教佢點開, 開左佢重幫我地斟埋, 真係唔好意思.最後一提係, 呢度雖然有點山卡啦. 唔係係市中心. 但估唔到呢間餐館都好多人黎. 我地入黎時重有好多人係度食緊Lunch. 到Lunch 個班人走左, 過一陣間食tea 的人又好快坐滿半個場. 

去參觀饒宗頤文化館,除左賞荷花之外,當然要去銀杏館啦,銀杏館,是一間別具意義的餐廳,提供長者就業機會,關注社會,主打健康飲食及素食。餐廳內有售賣健康食品。侍應多是長者,態度親切。裝潢以木色為主,白色的磚牆,木色的枱椅,架上擺放了酒類、盆栽及中西小擺設,有點似懷舊西餐廳,我們坐近窗位置,中午段時,陽光透過窗照進來,感覺柔和坐得舒適。午市時段,會送埋自助沙律吧。午餐有中式及西式選擇。自助沙律吧。香橙甘荀湯,好特別,甘荀味濃,味道不俗,配上脆口餅條更好味呀。要了粟米、牛油豆、蕃茄及蔬菜等,據聞部分是出自於有機農莊,都幾新鮮呢。友人的沙律。芝士雜菌配薯角,$62,份量頗多,而且比較大件,熱辣辣的薯角,香脆可口,芝士味不算太濃郁,但味道不俗。懷舊叉燒咸蛋三色飯,$59,搶眼的公雞碗,見到叉燒飯,不禁想起黯然消魂飯呀。有份量的一碗飯,好多叉燒呀,仲要加埋咸蛋,兩個女子SHARE食都得,每塊叉燒都是厚切,比較偏瘦,口感鬆化,幾好味,用的是糙米飯,好健康,而且口感不太硬,撈埋咸蛋飯好正呀。加$10有飲品,要了香茅茶,味道好似碌柚葉呀。食得比較健康,坐得十分舒適,而且有意義概念,會多支持呀。

睇完饒宗頤博物館既導賞團就索性係入邊食埋。地理上佢真係好隔sip。 歷史上黎講佢都係特登咁隔卜sip，以前做過隔離病院，監獄，精神病院等。。。雖然佢好近地鐵，但比條大馬路隔開左，加上地勢又高，完全唔覺自己係市區 講返12點去到已經差d無位，要同人搭台先有位。 坐底台面有一蘿餐具，一堆調味料同一支π水。 雖然唔知佢乜水，但唔似係水喉水，就繼續飲了。嗌主菜有送salad bar，任食沙律同中西湯。野飲要另嗌。葡汁耶絲雞飯: 都算入味，雞肉夠滑，大路食物。咖喱牛腩比特包: 個包幾特別，係淋身又好煙韌。咖哩汁有d稀，牛腩有d韌臨走like左佢個page順手拎走左一包曲奇。

饒宗頤文化館入面有一間銀杏館好多人都知, 只係地點不在大街大巷, 所以會減低去食既意欲. 今日天氣不太熱, 所以決定去一次!我由荔枝角港鐵站C出口出發, 步行至饒宗頤文化館其實只需5至10分鐘, 只係沿途都冇瓦遮頭, 夏天或大雨時間都唔建議行路去.入到銀杏館, 有位伯伯會帶位, 當你坐低既時候佢會倒一杯水畀你, 而呢杯好據講因為有做過過濾, 所以比一般水有益.點好菜, 伯伯同我講出面有個 salad bar, 個 lunch set 包既, 可以自動形式自取享用. 出到 salard bar 見到既其實冇乜選擇, 只有一款湯、一碟蕃茄片、一碟芝麻醬青瓜同一盤沙律菜 (有陳醋或千島沙律醬供選擇). 我每樣拎小小就已經有咁大碟喇. 首先講個湯, 係菜乾湯, 之但係好清淡, 應該冇落鹽, 但一定冇咪精! 哈哈  跟住到碟沙律, 啲菜好新鮮, 好耐冇食過啲菜可以食到"索索聲". 青瓜亦都唔錯, 好脆口撈埋芝麻醬好好食. 右上角果杯係要加10蚊既香芧茶, 有香芧味但唔會太濃, 都OK.到主菜洋蔥磨菇豬肉三色飯喇. 上台賣相已經唔錯, 食一啖又真係有啲驚喜喎! 個洋蔥好味不在話下, 豬肉切薄片唔"

十一午餐，在附近等了大約30分鐘收到來電有位。 Menu和其他地方沒有寫明計人頭收費，不吃要$38再加一，小朋友above age3都要收費 老人家Waiter多,但她們不太了解收費，最平的素食午餐$42(飯和車厘茄加青瓜)可外帶，但她說了很久Salad吧都會有素食和不可外帶，想我三思，最後主管來幫手Finished. 3大1小，吃了3合個中餐加1個素餐共$256味道方面，玉米石斑，山楂古老肉和咸蛋叉燒飯，味道調味適中。但份量方面，如果沒有Salad吧的話，可能不夠飽。有水供應，其他的茶和飲料另加入$10

一直都想再訪饒宗頤文化館內的銀杏館，特別是到那裡吃晚餐，因為晚上才會有LIVE BAND表演呢! 可惜時間上不允許，那就先來吃午餐好了. 平日中午12:00時到達，也是即興要來的，所以沒有提早預訂. 幸好，平日客人不算多，不過由於餐廳內以圓形及長形大餐枱為主，店內的2人枱實在不多，所以我們就坐在6人長枱的一方，沒多久時間，walk-in進來的客人也就坐在旁邊，故如果想坐得較舒適，實在必須提早預約.午市套餐包括中式及西式食品，價錢由$38-$98，包括自助沙律吧及餐湯. 另加$10 配以咖啡/茶. 如果想要甜品，也可另加$28 配自家製懷舊雜果忌廉蛋糕/ 黑森林蛋糕.下單後，先到外面buffet table看看，蔬菜選擇不多，包括牛油豆、粟米、沙律菜、黑橄欖等，還有麵包粒及長餅乾條，加上沙律醬，可自製豐富沙律. 當日有一款中湯提供，款式為青紅蘿蔔湯.先來一大碟沙律菜，蔬菜新鮮，配上沙律醬，吃了一大碟已經飽了大半.素湯相當熱燙，湯水必定要滾燙才好吃. 清甜滋潤的湯水，我一連喝了2碗，非常滿足.迷你懷舊叉燒鹹蛋三色飯 $39差不多等了20mins，主角叉燒鹹蛋三色飯送上，以懷舊雞公碗盛載.

住喺茘枝角, 想去饒宗頤文化館好耐。終於揾個平日上晝去行下。人少少, 清清靜靜, 睇吓荷花睇吓樹, 感覺良好。入到嚟, 順便試吓銀杏館。好彩一個人, 否則無訂位呢就應該係無位喇!可能係平日, 有特價套餐, 有中式有西式, 夾埋都好似有十零款選擇。套餐包埋沙律吧同餐湯, 另外可加錢要飲品同甜品。我就剩要碗迷你咸蛋义燒飯。沙律吧有生菜、青瓜、蕃茄仔同粟米等, 都幾新鮮。忌廉磨菇湯好濃, 有啲似糊仔!义燒飯雖然係"迷你"版, 對我嚟講就足夠有餘!义燒似日式拉麵嗰啲, 係瘦义, 加埋係糙米飯, 個配搭健康又飽肚。服務價錢同食物我都覺得唔錯，值得支持吓。

位於饒宗頤文化館（上圖位置標記粉紅色9）的銀杏館，由美孚地鐵站A出口，沿著巴士總站上的行人天橋，上了天橋沿途都有清晰指示，非常方便，大概6分鐘步程就到。銀杏館以社企形式營運，鼓勵及聘用長者投身社會。百年歷史的紅磚建築為香港三級歷史建築，歷史活化令到我們可以在這如此有意思的環境用餐。營業時間0800-2200。是日，我們選擇了午餐時段。店內空間感十足，給人一種平靜的感覺，自然的光線透過窗戶撒進室內，柔和而舒適。星期五的午餐時間客人不多，食客大多都是三五知己，一路用餐一路閒聊。餐廳分上下兩層，上層用於宴會，有設宴才會開放。店內餐桌間的距離寬闊。窗枱上的擺設，隨意的攞放著。白色的牆壁透出紅磚的紋路，配上看似不經意的擺設，給人休閒的感覺又不失文化氣息。午餐價錢$38-98，提供中餐及西餐。另外，免費提供自助沙律吧。我們看餐牌時，餐廳經理便前來告別我們，點了餐便可享用沙律吧。沙律吧提供車厘茄、牛油豆、芝麻醬青瓜及粟米。有雜錦沙律菜，醬汁有橄欖油黑醋及凱撒沙律醬。還有，青、黑兩種橄欖提供。所有的蔬菜都好新鮮，聽說都是有機蔬菜，生菜還帶清甜的味道。中餐A、木耳甘筍炒西芹配三色飯$38木耳份量好多，軟

一直以為身處於饒宗頤文化館內的銀杏館只提供中菜，原來也有西餐。由於天氣太熱，沒有太大胃口進食。於是點了一客「三文魚扒伴有機時蔬」作午餐。估不到三文魚扒蠻有份量的。魚皮煎得香脆可口。跟據侍應所言，餐館提供的蔬菜主要來自其集團的有機農場。果然啖啖新鮮，口口健康。

第一次去朋友介紹，下午茶點了素點心拼盤($65)，味道賣相都有點強差人意，但各uncle antie的服務及介紹卻一流。附近環境鳥語花香，令人忘憂。 接連第二日到我介紹朋友去，都係下午茶，我點了香草麵包($38)配香芧茶，今次的侍應沒有昨日的咁醒，沒有介紹得很清楚，因此食物我想像中有落差。香草多士還不錯，輕食之選。朋友點了烏冬(~$38)，他們說滿意，但點的凍啡凍奶茶就無味。隔兩天帶媽媽去食，本來想去試泡茶餐，但原來下午茶時段才有，於是吃了午餐，每日有中西各四款的特價午價，比正價平20至30蚊，我們點了迷你燒味三色飯及素菜雲衣炒西芹青瓜配三色飯(各約$38)，自助沙律吧同湯任食任飲，今日就有木棉花南北杏紅蘿白湯，媽媽十分欣賞。 雖叫迷你燒味飯但一點都不迷你，用小型雞碗裝，甚有風味，份量一般飯碗有餘。有叉燒半隻咸蛋和兩條菜心，賣相雖沒有一般燒味店的閃令令油淋淋吸引，但勝在健康，而味道也很有滿足感。侍應上台時還會好細心地給你一隻小碟讓你放好菜和叉燒，讓你慢慢享受。 雲衣炒西芹配三色飯用的貴價的薄身雲衣，配上新鮮的西芹青瓜和幾片紅蘿白，色彩吸人，最出色是那個醬汁濃而不霸道，整碟菜十分清爽，令

在荔枝角工作三年，市區鳥語花香的地方太少，很想去饒宗頤文化館走走，可惜要等到離職後才有機會去走走。走進饒宗頤文化館， 遍野洋紫荆，風一吹遍地花瓣，迎接春天的來臨！這裡有三層，地下有紅磚牆文化展覽館，中層有禮品館和食店銀杏館，上層有文化旅館雍雅山房，可供旅客租住。文化館的前身是荔枝角醫院，去年才完成保育活化的工作，可對外開放。園內園外，見到一派清幽，雅緻的境色，映在繁華的石屎森林中，靜謐怡然身心。送去了寒冬，春暖花開，百花緊隨，就應該到戶外去，沐浴在明媚的春光中！ 來到銀杏館，快去享受一個下午茶，休息一下！見到這些餅，想起小時候放學後總會吃下午茶，當中有手指餅，動物餅，肚臍餅等等下午茶餐芝士火腿三文冶HK$42-入口外脆，芝士半融化，正！Tea Set 送香茅茶，入口清香。自家製豬腳薑HK＄38荔枝角青山道800號饒宗頤文化館 3480 0331

曾經到過太子的銀杏館，很欣賞該店的湯水和老人家的魄力，該店也是第一篇取得A+的地方，那時興奮的心情至今仍然記得。一時興起，來到鐃宗頤文化館，周圍的紅磚牆令我想起橫濱的紅磚倉庫，這份異國情調輕易令人從繁忙的都市中抽離，放鬆享受片刻的寧靜。這兒除了用作畫展，用來做武術或茶藝交流的場地也相當不錯。一路爬上山，便會看見藏身於其中一幢磚屋內的銀杏館，招牌只以簡單的金漆寫在紅紙上。小小的空間仍然有live band 表演彈結他，下午三時至六時是下午茶時間，客人不算很多。打開餐牌一看，大部份食品都是港式魚蛋燒賣、三文治、烏冬、西餅之類的，感覺有點好笑。在這樣充滿文化氣色的地方，四月腦內想的是花茶品茗，藥膳養生湯水之類的，沒想到落差那麼大，所以拿着餐牌的時候不禁啞然失笑。雖然氣氛有點格格不入，但還是點了茶葉蛋和有機豬扒讚岐烏冬。店員不一會便把有機香茅豬扒湯讚岐烏冬端來，熱騰騰的一碗，很有暖身效果。豬扒很厚身，豬肉呈嫩嫩的粉紅色，豬味不算濃烈。倒是烏冬令我覺得很好奇，讚岐烏冬口感比較煙韌，這個卻比較腍身，是因為煮法上本地化了嗎?另一道茶葉蛋的賣相非常平實，端來的就只有結結實實的兩隻蛋，經過浸漬後茶色不算

 春意盎然, 又是賞花好時節. 本來很想再到嘉道理農塲走一趟, 但實在怕體力應付不來, 搜尋下發現原來在美孚有個地方既有文化藝術展覽, 又可以賞花, 便決定去看看. 位於美孚的饒完頤文化館, 屬三級歷史建築群, 前身是荔枝角醫院, 去年保育活化後對外開放, 分上中下三區.上區是文化旅館雍雅山房, 供旅客租住.中區有禮品館和這裡唯一的食店 - 銀杏館.下區則是以紅磚牆文化展覽館. 明媚三月, 這裡開遍漫山遍野宫粉羊蹄甲, 自問不是什麼文化藝術人, 醉翁之意旨在賞花, 已心足矣.整個文化館佔地不大, 但要參觀完也難免要數度拾級而上, 對孕媽媽來說也非容易之事. 走了個多小時, 小寶貝又給我指示是時侯要休息了. 於是便走到中區的社企食店銀杏館吃個"歲月留金"下午茶.跟銀杏館也可說有點緣份, 回想2年前結婚時, 在時間十分倉猝的情況下上網search宴會到會食店, 在芸芸眾多選擇下, 就選了銀杏館. 那時還不知來其頭, 反正價錢在預算內, 口啤不錯, 5千多元換來十數盤食品, 至於賣相和味道嘛? 老實說, 我連看一眼的機會也沒有, 新娘子終日穿梭化妝間跟台上, 最後從友人口中告知味道和質素很不