銀龍粉麵茶餐廳

营业中

休息中

涼瓜色澤翠綠，睇得出係後加然後一齊炒，食得出係boiled，咬落多汁，唔太苦火腩 預左唔係五花腩，但係都唔會偏瘦或者偏肥，味道唔係咁好，有一種唔知乜味，下次唔會再食。支竹正常味道，多d 會更好茶走嘅茶底唔夠味，練奶份量ok，入口幾順滑

今日一個人去樓下食早餐，樓下分店又可以過度疫情，腸仔蛋米味道還可，湯好似冇乜味，凍奶茶都OK ,服務一般，價錢較貴，勝在地點近屋企，呢間分店唔算難食，有要求當然都是唔好來

首先我預咗呢篇文會被人刪信唔信都好，我係0岩0岩醒起呢件不愉快既事先下載app寫。某次因為做野關係，坐低食個早餐嗌左個xx湯伊面，寫單既時候同呀姐講：「靚女唔該可唔可以叫師傅煮熟d煮淋d個麵，我個胃唔太舒服」佢無應機就走左去個麵出左黎係生既都算個湯底仲要唔係熱既整個體驗衰過上次葵盛東分店（執咗啦，抵啦）我知 咩價錢就食到d乜野但最唔想既係 比錢買難受咁樣我寧願企係度食麵包 都唔食貴餐廳既「美食」立誓食過第二次，唔會食第三次。

痴孖筋！今日入到黎天水圍工作…附近得呢個商場，得呢到有得坐同唔洗加一食物一黎到個腿蛋翼飯2隻雞翼？可能我期望太高，算。凍嘅雞翼啲骨斷到碎嘅…飯係唔熱嘅…係咪個冷氣太勁，一上碟就吹到凍晒？再黎個show me your love炸魚😮‍💨又係唔好食，個魚唔冧，唔脆嘅，應該係2餸飯模式筆上去，又係唔暖嘅..諗住加3蚊紅豆冰試xxxx！冇奶味、冇紅豆味！得個好x甜嘅糖水味，好那脷👅以上如果有得負分，一定負5粒星全部係得例湯最唔伏有4件蘿蔔，好冧！大大件，所以冇乜湯環境光猛嘅，乾淨嘅，岩岩lunchtime成班學生放學，好嘈。走廊都ok闊整體黎講，冇下次！寧願去立食街買完坐公園食

超難食呢間野。62蚊叫左個牛扒意粉。超細碟。得一塊牛扒。意粉應有半碗左右。15蚊碟菜心。有10條左右。好老。有渣。74蚊叫左個沙薑雞。等左20分鐘趁先黎。賣相好核突。有10件左右。雞是淋和梅的。飯就好大碟。最後無吃離開。唔知點解有人等位。

菠蘿生炒骨 $66凈係叫左個餸食，肉唔係太脆，感覺唔係即炸，肉既份量都唔太多，整體都ok牛肚河 $38食完個生炒骨都唔太飽，叫多個牛肚河食，一如往常咁好食，可能係因為我不嬲鐘意食呢餐一個人食左104蚊，對於我黎講唔平，但食完之後好滿足聽日開始新一輪減肥

最近差到不行，主要係等侯時間兩次都等差不多45分鐘才有食物(雖然係蒸魚)有次係炒碟飯35分鐘，離晒譜我催餐果陣，侍應同我講“係架係要等咁耐”，係咁叫我等多陣他們廚房很有問題明明沒有爆場兩次夜晩一次中午有次等到有幾張枱都不等拍枱走！以後不會再食現在對面的翠河好好多，又快又扺又好食！銀龍降低晒我嘅要求，平時本人要求甚低！這間餐廰迫到我要寫二百字黎媽叉佢！唔該呢個餐廰d人自己檢討一下！廢物總知就不知所謂！

飽肚早餐朝早想食個飽肚早餐，只要在西鐵剛到天水圍站時打俾銀龍茶餐廳叫外賣，行到過去就剛剛好可以拎外賣。餐肉炒蛋麵熱奶茶係我每次既選擇。餐肉大大塊，雖然無煎到脆皮，但味道不錯。我鍾意佢既炒蛋炒得熟同厚身，咬落有層次。麵同湯底就不過不失，始終只係普通公仔麵，唔係一丁/福麵/蟹王麵。本身34蚊，外賣自取減3蚊變31蚊，抵食！

假日同屋企人經過天水圍西鐵站，中午揾食入咗天盛商場。兩老比較鍾意食中餐同埋要坐得舒服，商場底層好多都係立食店，得銀龍睇落去坐得舒服啲，起碼都係茶餐廳格局先入12:00點左右已經全場滿坐，等10分鐘先有位坐~可能因為附近真係選擇唔多，大家都揀無可揀啦食物款式都唔少，中西粥粉麵飯都有齊，每日個午餐都有7-8個選擇，價錢都係$50-60左右，最後簡單叫咗3個家常小菜餐share食餐具不衞生，架上有兩支匙羹帶污漬。不過同員工反映完都有即時更換咗跟餐霸王花湯好「足料」，湯渣仲多過湯水，有1/3都係霸王花可惜湯水淡而無味，應該係加太多水稀釋咗老火湯嘅味道，只係賣相呃到吓人..羅宋湯(飲咗一半先記得影相)，有唔少菜、紅蘿蔔、西芹、洋蔥同薯仔等，酸中帶甜味，比霸王花湯好味好多，只係略嫌唔夠辣，幾乎係完全唔辣，當飲緊普通蕃茄雜菜湯炆牛筋腩蘿蔔，原來蘿蔔唔係一齊炆架！完全係清水煮完再放底，根本就唔會入味。牛筋炆到幾軟腍，腩位就比較嚡囗，可惜廚師調味重手咗，超級咸媽子食咗一舊已經唔再食，話咸到食唔落...叫咗最安全嘅咸魚肉餅，係咸魚位置下嘅肉就入味，鹹香惹味，但其他邊位嘅肉就淡味而且乾身。肉餅加咗唔少肥肉一

叫左個臘味飯 見個價又唔係太貴冬天又咁凍就試下一上菜岩岩炒起熱辣辣又炒得唔錯幾乾身 臘味好多不過臘肉就多過臘腸有蛋白同芥蘭芥蘭幾爽口另外 叫左個小食墨魚丸家常菜價錢算係咁但係一啖就冇晒

霸王雞係雪藏唔緊要，但係啲肉明顯係一早整好左，仲要番蒸再番蒸我夠膽講係全香港最難食既霸王雞飯咁就收左我$60天盛要食飯一定要行過去對面天耀食得杯凍奶茶係正常少少垃圾

呢間餐廳D野幾好味，尤其是炒類和牛肚牛筋粉麵，湯底又夠味，餸也好入味，服務也好好有禮貌。晚餐仲抵，2人餐150元，小菜又炒得好香夠火喉。只是款式太耐先轉一次，也轉得少款

一朝早打算入去飲杯奶茶，點知入到去首先要自己搵位，去坐左10分钟都無人拎餐牌黎。眼見個場人流唔多，啲姐姐仔行行企企都唔黎俾杯水，叫都扮聽唔到。等到老公嚟到先有位曲髪經理走來問要唔要落單。我即時表明不满，那經理居然説，“係啊！啲人（啊姐）唔話得咖！”大佬啊！一間咁大茶餐廳，索價成36+蚊一個早餐，入面幾個啊姐又唔做得又無服務又唔話得。咁大個屋苑入面得一檔茶記，食物味道一般，仲要入面啲員工唔得。真係求其係元朗搵檔都好過佢！

銀龍的早餐選擇都唔少，點了個簡單早餐，菠蘿油熱奶茶，豬扒泡菜麵凍檸茶。菠蘿油面脆內軟，熱奶茶亦夠滑，隱陣的早餐至於豬扒麵，可加錢轉泡菜麵，其實即辛辣麵，好野味呀！可能泡菜麵比較少人點又要分開煮，等了差不多10 分鐘才送上。豬扒要叫碎上，否則要自己切啦！豬扒肉質都唔錯，夠"林"。反而特別想一提的是凍檸茶，未篤檸檬前喝了一口茶是正常味道，篤了檸檬後的味道怪怪的，檸檬唔新鮮！沒有檸檬的fresh味，估唔到會係杯凍檸茶出事呢！

樓下茶記可以是商場内唯一茶餐廳，坦白咁講,呢間唔太差,亦不至於好好味,最近屋企人上月不小心整親，已經好番8成了,有時同屋企人去下午茶，亦不能去太遠 ,上星期日就和屋企人去了樓下茶記 ,我叫了魚片魚餃米+奶茶。屋企人叫了乾炒牛河+奶茶，環境都OK ,服務就一般,奶茶真是幾好飲，根據屋企人說炒牛河味道亦幾好，並不會太油膩，味道出奇地又不太咸,魚片好爽口，魚餃好好味,呢間其實都OK,唯獨價錢貴咗些小，有時想不到吃什麼都會來這裡吃下午茶